India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 17, 2025
రెండో పెళ్లి చేసుకున్న స్టార్ యాంకర్
ప్రముఖ తమిళ స్టార్ యాంకర్, బిగ్‌బాస్ సీజన్-5 రన్నరప్ ప్రియాంక దేశ్‌పాండే రెండో వివాహం చేసుకున్నారు. తన ప్రియుడు వాసిని పెళ్లి చేసుకున్నట్లు ఆమె ఇన్‌స్టాలో పోస్ట్ చేశారు. బంధువులు, మిత్రుల మధ్య వీరి వివాహం ఘనంగా జరిగింది. కాగా, 2016లో ప్రవీణ్ కుమార్‌ను పెళ్లాడగా ఇద్దరి మధ్యా విభేదాలు తలెత్తడంతో 2022లో విడిపోయారు. కాగా, అత్యధిక పారితోషికం తీసుకుంటున్న సౌత్ఇండియా టీవీ ప్రజెంటర్లలో ప్రియాంక ఒకరు.
News April 17, 2025
శాంసన్‌కు గాయం.. ఇప్పుడెలా ఉందంటే?
DCతో మ్యాచులో RR కెప్టెన్ సంజూ శాంసన్ బ్యాటింగ్ చేస్తూ అసౌకర్యానికి గురయ్యారు. పక్కటెముకల్లో నొప్పి రావడంతో రిటైర్డ్ హర్ట్‌గా మైదానాన్ని వీడారు. అయితే మ్యాచ్ అనంతరం తాను ప్రస్తుతానికి బాగానే ఉన్నట్లు సంజూ స్పష్టం చేశారు. ఇవాళ స్కానింగ్ జరిగాక గాయం తీవ్రతపై స్పష్టత వచ్చే అవకాశముంది. RR తన తర్వాతి మ్యాచును ఈనెల 19న LSGతో ఆడనుంది. ఆలోగా సంజూ కోలుకునే అవకాశముందని క్రీడా వర్గాలు పేర్కొన్నాయి.
News April 17, 2025
స్కూళ్లకు సెలవులు.. కీలక ఆదేశాలు
TG: ఈ నెల 24 నుంచి స్కూళ్లకు సెలవులు ఇస్తున్నట్లు ప్రకటించిన ప్రభుత్వం బడులకు కీలక ఆదేశాలు జారీ చేసింది. ఈ నెల 23న విద్యార్థులందరికీ ప్రోగ్రెస్ కార్డులు ఇవ్వాలని స్పష్టం చేసింది. జూన్ 12న తిరిగి స్కూళ్లు పునఃప్రారంభించాలని పేర్కొంది. అటు పలు ప్రైవేట్ విద్యాసంస్థలు సైతం 24కు కంటే ముందే సెలవులు ఇచ్చేందుకు కసరత్తు చేస్తున్నాయి.
News April 17, 2025
పారిపోయి పెళ్లి చేసుకున్న జంటలకు రక్షణ కల్పించలేం: హైకోర్టు
తల్లిదండ్రులను ఎదిరించి, పారిపోయి పెళ్లి చేసుకునే జంటలకు రక్షణ కల్పించలేమని అలహాబాద్ హైకోర్టు తీర్పునిచ్చింది. ఆ జంట ఒకరికి ఒకరు తోడుగా ఉంటూ సమాజాన్ని ఎదుర్కోవాల్సిందేనని స్పష్టం చేసింది. నిజంగా తమకు ముప్పు ఉంటేనే రక్షణ కోరాలని ధర్మాసనం వ్యాఖ్యానించింది. ఈ మేరకు చిత్రకూట్ జిల్లాకు చెందిన ఓ నూతన జంట తమకు రక్షణ కల్పించాలని దాఖలు చేసిన పిటిషన్‌ను కోర్టు కొట్టివేసింది.
News April 17, 2025
హార్వర్డ్‌కు ట్రంప్ మరో షాక్?
హార్వర్డ్‌ వర్సిటీకి US అధ్యక్షుడు ట్రంప్ మరో షాకివ్వడం ఖాయంగా తెలుస్తోంది. రాజకీయ, సైద్ధాంతిక, ఉగ్రవాద ప్రేరేపిత వైఖరిని అవలంబిస్తోందని వర్సిటీపై కన్నెర్ర చేసి ఇప్పటికే పలు కాంట్రాక్టులు, నిధులు స్తంభింపజేశారు. తాజాగా, ట్యాక్స్ మినహాయింపు హోదాను రద్దు చేయాలని ఇంటర్నల్ రెవెన్యూ సర్వీసెస్ న్యాయవాదిని కోరినట్లు అంతర్జాతీయ మీడియా పేర్కొంది. 1980లోనూ ఇలా పన్ను మినహాయింపు రద్దు నిర్ణయం సంచలనం రేపింది.
News April 17, 2025
IPL: RR ఓటమి.. ఆ బ్యాటర్‌పై ఫ్యాన్స్ ఫైర్!
నిన్న DCతో మ్యాచులో RR ఓడిపోవడానికి ఆ జట్టు బ్యాటర్ ధ్రువ్ జురెల్ కారణమని ఫ్యాన్స్ ఫైరవుతున్నారు. 20వ ఓవర్ చివరి 2 బంతుల్లో 3 పరుగులు అవసరం కాగా, జురెల్ రెండో రన్ తీయడానికి నిరాకరించారు. ఆ తర్వాత చివరి బంతికి 1 రన్ మాత్రమే రావడంతో మ్యాచ్ టై అయింది. సూపర్ ఓవర్‌లో DC గెలిచింది. జురెల్ రెండో పరుగు తీసి ఉంటే మ్యాచ్ టై అవ్వకుండా RR గెలిచేదని పలువురు అభిమానులు కామెంట్స్ చేస్తున్నారు. దీనిపై మీరేమంటారు?
News April 17, 2025
ALERT: నేడు ఈ జిల్లాల్లో వర్షాలు
AP: ఇవాళ రాష్ట్రంలోని ఉత్తరాంధ్రతోపాటు చిత్తూరు, తిరుపతి జిల్లాల్లో పిడుగులతో కూడిన తేలికపాటి నుంచి మోస్తరు వర్షాలు కురుస్తాయని APSDMA తెలిపింది. పిడుగులతో కూడిన వర్షాలు పడేటప్పుడు ప్రజలు అప్రమత్తంగా ఉండాలని సూచించింది. మరోవైపు నిన్న అనకాపల్లి జిల్లా చీడికాడలో 42.5 మి.మీ వర్షపాతం నమోదైనట్లు వెల్లడించింది.
News April 17, 2025
SRH: హెడ్, అభిషేక్‌లపైనే భారమంతా?
IPLలో భాగంగా ఇవాళ MIతో SRH ఢీకొననుంది. కాగా ట్రావిస్ హెడ్, అభిషేక్ శర్మ రాణిస్తేనే SRH గెలుస్తోంది. లేదంటే ఆ జట్టు గాడి తప్పుతోంది. గణాంకాలను చూస్తే ఇది తేటతెల్లమవుతోంది. వీరిద్దరూ కలిసి ఇప్పటివరకు 21 ఇన్నింగ్సులు ఆడారు. ఇందులో గెలిచిన 11 మ్యాచుల్లో 801 రన్స్ కొట్టారు. అదే ఓడిన 10 ఇన్నింగ్సుల్లో 145 పరుగులే చేశారు. గెలిచిన మ్యాచుల్లో జట్టు రన్ రేట్ 14.5 ఉండగా ఓడిన వాటిలో 8.78 మాత్రమే ఉంది.
News April 17, 2025
2209లో జరిగే కథతో కిచ్చా సుదీప్ మూవీ
హీరో కిచ్చా సుదీప్ ఫ్యూచరిస్టిక్ సైన్స్ ఫిక్షన్ మూవీతో ప్రేక్షకులను అలరించనున్నారు. 2209లో జరిగే కథతో తెరకెక్కనున్న ఈ చిత్రం షూటింగ్ ఇప్పటికే మొదలైంది. ఇందులో వినూత్నమైన సాహస యాత్రను ఆవిష్కరించనున్నట్లు మేకర్స్ ప్రకటించారు. అనుప్ భండారి దర్శకత్వంలో తెరకెక్కుతున్న ఈ చిత్రాన్ని నిరంజన్ రెడ్డి, చైతన్య రెడ్డి నిర్మిస్తున్నారు. ఈ మూవీ సరికొత్త థియేట్రికల్ ఎక్స్‌పీరియన్స్ ఇస్తుందని వారు తెలిపారు.
News April 17, 2025
రాజీవ్ యువ వికాసం.. రెండు దశల్లో డబ్బులు
TG: రాజీవ్ యువ వికాసం కింద ప్రభుత్వం అందించే సబ్సిడీని రెండు దశల్లో విడుదల చేయనున్నట్లు Dy.CM భట్టి విక్రమార్క తెలిపారు. పథకం మంజూరయ్యాక కొంత మొత్తం, స్వయం ఉపాధి యూనిట్ ఏర్పాటు చేసుకున్నాక మిగిలిన మొత్తాన్ని రిలీజ్ చేస్తామన్నారు. లబ్ధిదారులకు 3-15 రోజులపాటు ట్రైనింగ్ కూడా ఇస్తామని పేర్కొన్నారు. ఈ స్కీమ్ కింద రాయితీతో రూ.50వేల నుంచి రూ.4 లక్షల వరకూ సాయం అందిస్తున్న సంగతి తెలిసిందే.
Featured News
Sorry, no posts matched your criteria.