India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 28, 2024
నేటి ముఖ్యాంశాలు
* TG: కేటీఆర్ బావమరిది ఫామ్ హౌ‌స్‌లో పార్టీ.. డ్రగ్ టెస్టులో ఒకరికి పాజిటివ్
* ఫిర్యాదు వస్తేనే పోలీసుల సోదాలు.. మంత్రుల ప్రకటన
* రేవ్ పార్టీ కాదు.. ఫ్యామిలీ పార్టీ: KTR
* ఆర్టీసీలో డ్వాక్రా మహిళలకు భాగస్వామ్యం: భట్టి
* AP: కరెంట్ ఛార్జీల పెంపు ప్రతిపాదన జగన్ పాపమే: టీడీపీ
* జగన్ ఓ విషపు నాగు: షర్మిల
* షర్మిలది ఆస్తి తగాదా కాదు.. అధికార తగాదా: VSR
News October 28, 2024
పెంపుడు కుక్క మరణం.. విమాన సంస్థపై దావా
తన కుక్క చనిపోవడానికి కారణమైందంటూ అలాస్కా ఎయిర్‌లైన్స్‌ సంస్థపై USకి చెందిన మైకేల్ కాంటిలో అనే వ్యక్తి దావా వేశారు. అతడి ఫిర్యాదు ప్రకారం.. న్యూయార్క్ నుంచి శాన్ ఫ్రాన్సిస్కోకు తన రెండు కుక్కలతో కలిసి ఫస్ట్ క్లాస్ క్యాబిన్‌లో మైకేల్ ప్రయాణిస్తున్నారు. అక్కడ కుక్కలు ఉండకూడదంటూ విమానం ఆఖరి సీటుకు సిబ్బంది వాటిని మార్చారు. దీంతో రెండు కుక్కల్లో ఒకటి ఊపిరాడక చనిపోయిందని మైకేల్ దావాలో ఆరోపించారు.
News October 28, 2024
చికెన్ తిన్నాక వీటిని తీసుకుంటున్నారా?
కొంతమందికి చికెన్ లేనిదే ముద్ద దిగదు. అయితే చికెన్ తిన్న తర్వాత కొన్ని పదార్థాలు తినడం మంచిది కాదంటున్నారు ఆరోగ్య నిపుణులు. చికెన్ తిన్న వెంటనే పాలు తాగకూడదు. అలా చేస్తే శరీరంలో టాక్సిన్స్ ఏర్పడి కడుపునొప్పి, వికారం, అజీర్ణం, గ్యాస్, మలబద్దకం వంటి సమస్యలు వస్తాయి. బిర్యానీలో పెరుగు కలుపుకుని తినడం మంచిది కాదు. తేనె, డ్రింక్స్, పండ్ల రసాలు, బంగాళదుంపలు కూడా తినకూడదు. చికెన్ మితంగా తినడం మంచిది.
News October 28, 2024
కుమారుడి ఒడిలో నిద్రించిన హార్దిక్ పాండ్య
టీమ్ ఇండియా క్రికెటర్ హార్దిక్ పాండ్య తన కుమారుడికి సంబంధించిన ఓ ఫొటోను సోషల్ మీడియాలో షేర్ చేశారు. ప్రస్తుతం ఈ పిక్ నెట్టింట్లో చక్కర్లు కొడుతోంది. అగస్త్య ఆడుకుంటుండగా హార్దిక్ అతడి ఒడిలో నిద్రించారు. ఇది చూసిన ఫ్యాన్స్ క్యూటెస్ట్ ఫొటో అంటూ కామెంట్లు పెడుతున్నారు. కాగా హార్దిక్, నటాషా విడాకుల అనంతరం అగస్త్య తన పెద్దమ్మ పాంఖురి దగ్గరే ఉంటున్నారు. ఆమెనే ఈ చిన్నారి ఆలనాపాలనా చూస్తున్నారు.
News October 28, 2024
ముగ్గురు హెజ్బొల్లా నేతల్ని అంతం చేశాం: ఇజ్రాయెల్
లెబనాన్‌లోని బింట్ జెబీల్ ప్రాంతంలో హెజ్బొల్లా సంస్థకు చెందిన ముగ్గురు కీలక నేతల్ని వైమానిక దాడుల్లో హతమార్చినట్లు ఇజ్రాయెల్ సైన్యం ట్విటర్‌లో ప్రకటించింది. వారిలో బింట్ జెబీల్ కమాండర్ అహ్మద్ జాఫర్, అతడి తర్వాత కమాండర్ కావాల్సిన వ్యక్తి, ఆర్టిలరీ హెడ్‌లు ఉన్నారని స్పష్టం చేసింది. తమ దేశంపై జరిగిన అనేక దాడుల్లో వీరి ప్రమేయం ఉందని తెలిపింది.
News October 28, 2024
సుఖ నిద్ర కావాలా? ఇలా చేయండి
ప్రస్తుతం పని ఒత్తిడితో కొందరు నిద్ర సమస్యలతో బాధపడుతున్నారు. కానీ కొన్ని పనులు చేస్తే గాఢ నిద్ర పడుతుందని నిపుణులు చెబుతున్నారు. రోజూ ఉదయాన్నే వ్యాయామం చేస్తే శారీరక శ్రమ ఏర్పడి బాగా నిద్ర పడుతుంది. సాయంత్రం గోరు వెచ్చటి నీటితో స్నానం చేసి, గ్లాసు పాలు తాగాలి. అలాగే రాత్రి త్వరగా భోజనం చేయాలి. ఇలా చేస్తే తిన్నవి త్వరగా జీర్ణమై నిద్ర పడుతుంది. రాత్రి కాఫీ, టీ, వైన్, కూల్ డ్రింక్స్ తీసుకోకూడదు.
News October 28, 2024
రీఛార్జ్ రేట్లు తగ్గింపు?
BSNL దెబ్బకు ప్రైవేట్ టెలికం ఆపరేటర్లు దిగొచ్చే సూచనలు కనిపిస్తున్నాయి. జులైలో జియో, ఎయిర్‌టెల్, వొడాఫోన్ ఐడియా రీఛార్జ్ రేట్లను పెంచడంతో లక్షలాది కస్టమర్లు BSNLకు మారుతున్నారు. దీంతో రేట్లను తగ్గించాలని ప్రైవేట్ కంపెనీలు భావిస్తున్నట్లు నేషనల్ మీడియాలో వార్తలు వస్తున్నాయి. ప్రభుత్వానికి చెల్లించాల్సిన లైసెన్స్ ఫీజును 8% నుంచి 0.5-1% తగ్గించాలని కోరుతున్నాయి. దీనిపై త్వరలో క్లారిటీ రానుంది.
News October 28, 2024
నీతా అంబానీ మంచి మనసు.. చిన్నారులకు ఉచిత చికిత్స
రిలయన్స్ ఫౌండేషన్ ఆసుపత్రి 10వ వార్షికోత్సవం సందర్భంగా సరికొత్త ఆరోగ్య సేవా కార్యక్రమానికి నీతా అంబానీ శ్రీకారం చుట్టారు. దీనిలో భాగంగా గుండె సంబంధింత సమస్యతో బాధపడుతున్న 50వేల మంది చిన్నారులకు, గర్భాశయ, బ్రెస్ట్ క్యాన్సర్‌తో బాధపడుతున్న 50వేల మంది మహిళలకు ఉచిత స్క్రీనింగ్‌తో పాటు చికిత్స అందించనున్నారు. దీంతో పాటు 10వేల మంది బాలికలకు ఉచిత గర్భాశయ క్యాన్సర్ నిరోధక వ్యాక్సిన్ అందివ్వనున్నారు.
News October 27, 2024
ఐదేళ్లలో కోహ్లీ చేసింది 2 సెంచరీలే: ఆకాశ్ చోప్రా
విరాట్ కోహ్లీ ఫామ్‌పై భారత మాజీ ప్లేయర్ ఆకాశ్ చోప్రా విమర్శలు కురిపించారు. ‘టెస్టుల్లో విరాట్ ఫామ్ ఆందోళనకరంగా ఉంది. గడచిన ఐదేళ్లలో 2 సెంచరీలు మాత్రమే చేశారు. సగటు చూస్తే 2020లో 19, 2021లో 28, 2022లో 26గా ఉంది. గత ఏడాది రెండు సెంచరీలు చేసినా అందులో ఒకటి అహ్మదాబాద్‌లోని నిర్జీవమైన పిచ్‌పై వచ్చింది. ఇక ఈ ఏడాది 8 ఇన్నింగ్స్ ఆడినా సగటు 32గానే ఉంది’ అని పెదవి విరిచారు.
News October 27, 2024
ఏ మూవీ రీమేక్‌ చేస్తారు? విజయ్ దేవరకొండ అన్సర్ ఇదే
లక్కీ భాస్కర్ ప్రీ రిలీజ్ ఈవెంట్లో రౌడీ బాయ్ విజయ్ దేవరకొండ ఆసక్తికర విషయాన్ని పంచుకున్నారు. ఒకవేళ ఏదైనా మూవీ రీమేక్‌ చేయాల్సి వస్తే ఏది చేస్తారని యాంకర్ సుమ ఆయనను ప్రశ్నించారు. దీనికి బదులుగా తాను 1989లో పుట్టానని, అదే సంవత్సరం ఆర్జీవీ శివ మూవీ వచ్చిందన్నారు. ఈ మూవీ రీమేక్‌ చేయాలని ఉందన్నారు. ప్రస్తుతం విజయ్ #VD12లో నటిస్తున్నారు.
Featured News
Sorry, no posts matched your criteria.