India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
ఈ తెలుగు IASను అభినందించాల్సిందే!
సివిల్ సర్వీసెస్ అంటే ఓ బాధ్యత అని నిరూపించారు TGలోని కరీంనగర్‌కు చెందిన IAS నరహరి. మధ్యతరగతి కుటుంబానికి చెందిన ఆయన సెకండ్ అటెంప్ట్‌లో 78వ ర్యాంకు సాధించి MPలో కలెక్టర్‌గా చేస్తున్నారు. 10 ఏళ్లపాటు ప్రభుత్వ కోచింగ్ సెంటర్లలో టీచింగ్ చేసి 400 మంది UPSC ఉత్తీర్ణులవడంలో సహాయం చేశారు. లింగనిర్ధారణ పరీక్షలను అరికట్టేందుకు కృషి చేశారు. ఇండోర్‌ను క్లీనెస్ట్ సిటీగా మార్చేందుకు ఎన్నో కార్యక్రమాలు చేశారు.
News January 7, 2025
ఇంకెప్పుడు విశాల్‌ను కలవొద్దనుకున్నా: దర్శకుడు సుందర్
తొలిసారి విశాల్‌ను కలిసేందుకు వెళ్లినప్పుడు తన ఆఫీసులో లేకపోవడం కోపాన్ని తెప్పించినట్లు ‘మదగదరాజు’ దర్శకుడు సుందర్ తెలిపారు. అప్పుడే ఇక ఆయనను కలవొద్దని నిర్ణయించుకున్నట్లు పేర్కొన్నారు. అయితే 2 నెలల తర్వాత విశాల్ తన వద్దకు వచ్చి సారీ చెప్పాడన్నారు. తన సన్నిహితులకు మెడికల్ ఎమర్జెన్సీ వల్ల ఆ రోజు అందుబాటులో లేరని ఆయన ద్వారా తెలిసిందన్నారు. విశాల్ మంచి వ్యక్తి అని, తన తమ్ముడి లాంటి వాడన్నారు.
News January 7, 2025
మరో క్షిపణిని పరీక్షించిన నార్త్ కొరియా
ఉత్తర కొరియా మరో హైపర్‌సోనిక్ క్షిపణిని పరీక్షించింది. దేశ అధికారిక మీడియా KCNA ఈ విషయాన్ని ప్రకటించింది. శబ్దవేగానికి 12 రెట్లు వేగంతో 1500 కి.మీ దూరం ప్రయాణించిన క్షిపణి లక్ష్యాన్ని కచ్చితత్వంతో ఛేదించిందని పేర్కొంది. అయితే, క్షిపణి పరీక్ష నిజమే కానీ ప్యాంగ్యాంగ్ చెప్పే స్థాయిలో దాని సామర్థ్యం లేదని దక్షిణ కొరియా కొట్టిపారేసింది. అయితే ఆ ప్రయోగాలపై మాత్రం ఆందోళన వ్యక్తం చేసింది.
News January 7, 2025
త్వరలో పర్యాటక పెట్టుబడిదారుల సదస్సు: దుర్గేశ్
AP: త్వరలో విశాఖ, తిరుపతిలో పర్యాటక పెట్టుబడిదారుల సదస్సు నిర్వహించనున్నట్లు మంత్రి కందుల దుర్గేశ్ వెల్లడించారు. సచివాలయంలో పర్యాటక పెట్టుబడులపై పర్యాటక శాఖ ఉన్నతాధికారులతో ఆయన సమీక్ష నిర్వహించారు. సాధ్యాసాధ్యాలు చూసి ఆయా ప్రాజెక్టులకు త్వరగా అనుమతి ఇవ్వాలని సూచించారు. త్వరలో పర్యాటక ప్రాంతాల్లో పర్యటిస్తానని అధికారులకు ఆయన చెప్పారు. అటు పర్యాటక ప్రదేశాల్లో పనుల పురోగతిపై ఆయన ఆరా తీశారు.
News January 7, 2025
బుక్ మై షోలో ‘సంక్రాంతి’ సినిమాల హవా!
సంక్రాంతి సందర్భంగా విడుదలయ్యే సినిమాలపై సినీ అభిమానులు ఆసక్తి కనబరుస్తున్నారు. అందులో గ్లోబల్ స్టార్ రామ్ చరణ్ నటించిన ‘గేమ్ ఛేంజర్’ సినిమాకు బుక్ మై షోలో 500K+ మంది ఇంట్రెస్ట్ చూపించారు. అలాగే నందమూరి బాలకృష్ణ నటించిన ‘డాకు మహారాజ్’ సినిమాపై 204K+, విక్టరీ వెంకటేశ్ ‘సంక్రాంతికి వస్తున్నాం’ మూవీ చూసేందుకు 201K+ మంది – ఆత్రుతగా ఎదురుచూస్తున్నారు. ఇంతకీ సంక్రాంతికి మీరు ఏ మూవీకి వెళ్తున్నారు.
News January 7, 2025
కాంగ్రెస్ కార్యకర్తలకు టీపీసీసీ చీఫ్ వార్నింగ్
TG: యూత్ కాంగ్రెస్ కార్యకర్తలకు టీపీసీసీ చీఫ్ మహేశ్ కుమార్ గౌడ్ వార్నింగ్ ఇచ్చారు. నిరసనలు ప్రజాస్వామ్య పద్ధతిలో ఉండాలన్నారు. బీజేపీ నేతల వ్యాఖ్యలు ఖండించాల్సినవేనని, అయితే పార్టీ కార్యాలయంపై దాడి సరికాదన్నారు. మరోవైపు బీజేపీ నేతలు ఇలా దాడులు చేయడం సరికాదని హితవు పలికారు. శాంతిభద్రతల సమస్యలు రాకుండా బీజేపీ సహకరించాలని కోరారు.
News January 7, 2025
Stock Market: కొంత ఊరట దక్కింది
గ‌త సెష‌న్‌లో ఎదురైన భారీ న‌ష్టాల నుంచి దేశీయ బెంచ్ మార్క్ సూచీలు కోలుకుంటున్న‌ట్టు క‌నిపిస్తున్నాయి. మంగ‌ళ‌వారం Sensex 234 పాయింట్ల లాభంతో 78,199 వ‌ద్ద, Nifty 91 పాయింట్లు ఎగ‌సి 23,707 వ‌ద్ద స్థిర‌ప‌డ్డాయి. మెట‌ల్‌, మీడియా, బ్యాంకు, ఫైనాన్స్‌, ఫార్మా, హెల్త్‌కేర్ రంగాలు రాణించ‌డంతో ఇన్వెస్ట‌ర్ల‌కు భారీ న‌ష్టాల నుంచి కొంత ఊరట ద‌క్కిన‌ట్టైంది. ONGC, SBI Life, HDFC Life టాప్ గెయినర్స్‌.
News January 7, 2025
ఎవరు లబ్ధి పొందారో తెలియాలి: హైకోర్టు జడ్జి
TG: KTR క్వాష్ పిటిషన్‌ను డిస్మిస్ చేస్తూ జారీ చేసిన ఆర్డర్ కాపీలో జడ్జి కీలక అంశాలను ప్రస్తావించారు. HMDA పరిధికి మించి డబ్బులు ట్రాన్స్‌ఫర్ చేసిందని, క్యాబినెట్ ఆమోదం లేని లావాదేవీలపై విచారణ జరగాలని అభిప్రాయపడ్డారు. KTR ఆదేశాలతోనే చెల్లింపులు జరిగాయని ప్రభుత్వం అంటోందని, చెల్లింపులతో ఎవరు లబ్ధి పొందారో తెలియాలని జడ్జి పేర్కొన్నారు. అంతిమ లబ్ధిదారులెవరో బయటపడాలని తీర్పు కాపీలో వెల్లడించారు.
News January 7, 2025
91 లక్షల మందికి ఫ్రీ సిలిండర్లు అందజేత: టీడీపీ
AP: ‘దీపం-2’ పథకం కింద ఇప్పటివరకూ 91 లక్షల ఉచిత గ్యాస్ సిలిండర్లు అందజేసినట్లు టీడీపీ వెల్లడించింది. మొత్తం లబ్ధిదారుల సంఖ్య 1.55కోట్లుగా పేర్కొంది. ఈ ఏడాది మార్చి 31లోపు ఎప్పుడైనా సిలిండర్‌ను బుక్ చేసుకుని మొదటి ఉచిత సిలిండర్‌ను పొందవచ్చని తెలిపింది. 48 గంటల్లోనే సిలిండర్ డబ్బుల్ని జమ చేస్తున్నట్లు పేర్కొంది. ఈ పథకం కింద ఏడాదికి 3 సిలిండర్లు ఉచితంగా ఇస్తున్న సంగతి తెలిసిందే.
News January 7, 2025
రామ్ చరణ్, బాలయ్య సినిమాలపై హైకోర్టులో పిల్
AP: సంక్రాంతికి రానున్న రామ్ చరణ్ ‘గేమ్ ఛేంజర్’, నందమూరి బాలకృష్ణ ‘డాకు మహారాజ్’ సినిమాల టికెట్ ధరల్ని పెంచుకునేందుకు ఏపీ ప్రభుత్వం ఇటీవల అనుమతినిచ్చిన సంగతి తెలిసిందే. ఆ నిర్ణయాన్ని వ్యతిరేకిస్తూ ఏపీ హైకోర్టులో పిల్ దాఖలైంది. అది నిబంధనలకు విరుద్ధమని పిటిషనర్ అందులో పేర్కొన్నారు. ప్రభుత్వం ఇచ్చిన ఉత్తర్వులు రద్దు చేయాలని కోరారు. ప్రతివాదులుగా ఆ రెండు సినిమాల మూవీ టీమ్‌లను చేర్చారు.
Featured News
Sorry, no posts matched your criteria.