India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 10, 2025
నేడు భారత్‌కు ముంబై దాడుల సూత్రధారి!
ముంబై ఉగ్రదాడుల్లో ప్రధాన సూత్రధారిగా వ్యవహరించిన తహవూర్ రాణాను నేడు భారత్‌కు తీసుకురానున్నారు. అమెరికా అధికారుల నుంచి అతడిని అదుపులోకి తీసుకున్న భారత అధికారులు ప్రత్యేక విమానంలో తరలిస్తున్నారు. ఈరోజు ఉదయం ఢిల్లీలో దిగే అవకాశం ఉంది. అనంతరం NIA రాణాను తమదైన శైలిలో లోతుగా విచారించనుంది. 26/11 ముంబై దాడుల్లో 166 మందిని రాణా సహా ఉగ్రవాదులు పొట్టనబెట్టుకున్నారు.
News April 10, 2025
కంచ గచ్చిబౌలికి నేడు ‘సుప్రీం’ కమిటీ సందర్శన
TG: సుప్రీం కోర్టు నియమించిన పర్యావరణ అటవీ శాఖ సాధికారిక కమిటీ నేడు కంచ గచ్చిబౌలి భూముల్ని సందర్శించనుంది. నిన్న రాత్రి ఢిల్లీ నుంచి నగరానికి వచ్చిన కమిటీ సభ్యులు తాజ్ కృష్ణలో బసచేశారు. ఈరోజు ఉదయం 10గంటలకు వీరు హెచ్‌సీయూకు చేరుకోనున్నారు. మధ్యాహ్నం 2 గంటలకు ప్రభుత్వాధికారులతో కమిటీ సమావేశం కానుంది.
News April 10, 2025
IPL: ఈరోజు బెంగళూరుతో ఢిల్లీ ఢీ
ఐపీఎల్‌లో భాగంగా ఈరోజు బెంగళూరులో ఆర్సీబీ, ఢిల్లీ తలపడనున్నాయి. పాయింట్స్ టేబుల్‌లో డీసీ రెండో స్థానంలో, ఆర్సీబీ మూడో స్థానంలో ఉన్నాయి. రెండు జట్లలో ఏ జట్టు భారీగా గెలిచినా అగ్రస్థానానికి చేరుకునే అవకాశం ఉంది. దీంతో నేటి పోరు హోరాహోరీగా జరగొచ్చు. డీసీ హ్యాట్రిక్స్ విన్స్‌తో ఉండగా ఆర్సీబీ ఓడుతూ, గెలుస్తూ వస్తోంది. ఏ జట్టు గెలిచే అవకాశం ఉంది? కామెంట్ చేయండి.
News April 10, 2025
రాజీవ్ యువ వికాసానికి 9.5 లక్షల దరఖాస్తులు
TG: నిరుద్యోగుల ఉపాధి కోసం ప్రభుత్వం ప్రారంభించిన రాజీవ్ యువ వికాసం పథకానికి భారీ స్పందన లభిస్తోంది. ఇప్పటికే 9.5 లక్షలమంది దరఖాస్తు చేసుకున్నారని అధికారులు తెలిపారు. ఈ నెల 14న తుదిగడువు కాగా ఆలోపు దరఖాస్తుల సంఖ్య మరింతగా పెరుగుతుందని అంచనా వేస్తున్నారు. అభ్యర్థులు కుల ధ్రువీకరణ పత్రం, ఆదాయ ధ్రువపత్రం సమర్పించాల్సి ఉంటుంది. రేషన్ కార్డు ఉంటే ఇన్‌కమ్ సర్టిఫికెట్ అవసరం లేదు.
News April 10, 2025
కాంగ్రెస్ రెండో స్వాతంత్ర్య పోరాటం చేస్తోంది: ఖర్గే
అహ్మదాబాద్‌లో ముగిసిన ఏఐసీసీ సమావేశాల్లో కాంగ్రెస్ చీఫ్ ఖర్గే బీజేపీపై తీవ్రస్థాయిలో మండిపడ్డారు. ‘ప్రధాని మోదీ ఏదో రోజు దేశాన్ని అమ్మేస్తారు. భారత సంపదను తన మిత్రులకు ధారపోస్తున్నారు. బీజేపీని గద్దె దించేందుకు కాంగ్రెస్ రెండో స్వాతంత్ర్య ఉద్యమాన్ని చేస్తోంది. ఎన్నికల్లోనూ ఈవీఎంల సాయంతో పచ్చిగా మోసాలకు పాల్పడుతోంది. అందుకే 90శాతం సీట్లు గెలిచారు’ అని ఆయన ఆరోపించారు.
News April 10, 2025
మీ టార్గెట్ నేనే అని తెలుసు: సీఎం పినరయి
తనను లక్ష్యంగా చేసుకునే తన కుమార్తెపై కేంద్రం అవినీతి కేసుల్ని బనాయించిందని కేరళ CM పినరయి విజయన్ ఆరోపించారు. ఏం చేసినా తాను వెనక్కి తగ్గేది లేదని స్పష్టం చేశారు. ‘మీకు నా రక్తం కావాలని నాకు తెలుసు. కానీ మా అమ్మాయిపై SFIO చేపట్టిన దర్యాప్తును మా పార్టీ తీవ్రంగా పరిగణించడం లేదు. కాబట్టి నా రాజీనామా కోసం మీరు చూస్తున్నట్లైతే అది రావడం కష్టం. కేసును చట్టప్రకారం ఎదుర్కొంటాం’ అని తేల్చిచెప్పారు.
News April 10, 2025
మా సైనికులెవరూ ‘ఉక్రెయిన్’ యుద్ధంలో లేరు: చైనా
చైనా సైనికులు <<16037933>>రష్యా తరఫున ఉక్రెయిన్ యుద్ధంలో <<>>పాల్గొంటున్నారన్న ఉక్రెయిన్ ఆరోపణల్ని బీజింగ్ ఖండించింది. ఆ వ్యాఖ్యలు పూర్తిగా నిరాధారమైనవంటూ తోసిపుచ్చింది. ‘సాయుధ పోరాటాలు జరుగుతున్న చోటి నుంచి దూరంగా ఉండాలని మేమే మా పౌరులకు చెబుతుంటాం. అలాంటిది యుద్ధానికి పంపుతామా? ఈ యుద్ధంలో మేం తటస్థంగా మాత్రమే ఉన్నాం. ఏ వైపునకూ మా మద్దతు లేదు’ అని తేల్చిచెప్పింది.
News April 10, 2025
ప్రధాని మోదీకి రష్యా ఆహ్వానం
వచ్చే నెల 9న తమ దేశంలో జరిగే 80వ విక్టరీ పరేడ్ వేడుకలకు రావాలని ప్రధాని మోదీని రష్యా ఆహ్వానించింది. రెండో ప్రపంచ యుద్ధంలో జర్మనీపై సాధించిన గెలుపును రష్యా ఏటా మే 9న ఘనంగా జరుపుకుంటుంటుంది. మాస్కో ఆహ్వానం అందిందని, ప్రధాని మోదీ పాల్గొనే విషయాన్ని సరైన సమయం చూసి ప్రకటిస్తామని భారత విదేశీ వ్యవహారాల మంత్రిత్వ శాఖ పేర్కొంది. భారత ప్రధాని సహా పలు దేశాల అధినేతలకు రష్యా ఆహ్వానం పంపించినట్లు సమాచారం.
News April 10, 2025
‘విశ్వంభర’ ఆలస్యం వెనుక అదే కారణం?
మెగాస్టార్ చిరంజీవి హీరోగా వశిష్ట తెరకెక్కిస్తున్న ‘విశ్వంభర’ను ఈ ఏడాది జనవరికే విడుదల చేయాలనుకున్నా దాన్ని తర్వాత వాయిదా వేశారు. మూవీలో ఓ స్పెషల్ సాంగ్‌కి కీరవాణి ఇచ్చిన ట్యూన్ చిరుకు నచ్చకపోవడమే వాయిదా వెనుక కారణమని టాలీవుడ్ సర్కిల్స్ చెబుతున్నాయి. కీరవాణి కొత్త ట్యూన్ ఇచ్చే పనిలో ఉన్నారని వెల్లడించాయి. ఈ స్పెషల్ సాంగ్‌లో చిరు మాస్ స్టెప్స్ వేయనున్నారని స్పష్టం చేశాయి.
News April 10, 2025
బ్యాడ్మింటన్ ఆసియా: రెండో రౌండ్‌కు దూసుకెళ్లిన సింధు
బ్యాడ్మింటన్ ఆసియా ఛాంపియన్ షిప్‌లో భారత స్టార్ షట్లర్ పీవీ సింధు రెండో రౌండ్‌కు దూసుకెళ్లారు. ఇండోనేషియాకు చెందిన ఎస్తేర్ వార్డోయోపై ఆమె వరస సెట్లలో 21-15, 21-19 తేడాతో గెలుపొందారు. తర్వాతి రౌండ్‌లో జపాన్‌కు చెందిన అకానీ యమగుచీతో ఆమె తలపడనున్నారు. మరోవైపు లక్ష్యసేన్, ప్రణోయ్ ఇద్దరూ ఇంటిబాట పట్టారు.
Featured News
Sorry, no posts matched your criteria.