India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 6, 2026
నేడే U19 WC ఫైనల్.. ఫేవరెట్గా భారత్!
U19 ODI WC ఫైనల్లో ఇవాళ IND, ENG తలపడనున్నాయి. హరారే వేదికగా మ.ఒంటి గంటకు మ్యాచ్ ప్రారంభమవుతుంది. ఈ ఎడిషన్లో ఇప్పటివరకూ IND ఒక్క మ్యాచూ ఓడలేదు. టోర్నీ చరిత్రలో మోస్ట్ సక్సెస్ఫుల్ టీమ్గా ఉంది. ఇప్పటివరకు 5సార్లు (2000, 08, 12, 18, 22) కప్ గెలిచింది. అటు ENG ఒక్కసారి మాత్రమే(1998) ఛాంపియన్ అయింది. U-19 WCలలో IND, ENG 9 మ్యాచులు ఆడగా ఏడింట్లో INDనే గెలవడం గమనార్హం.
LIVE: Starsports, Jio Hotstar
News February 6, 2026
పరమేశ్వరుడి కన్నీటి బిందువే ‘రుద్రాక్ష’
రుద్రాక్షను శివుని కన్నీటి బిందువు నుంచి ఉద్భవించిన మణిగా భావిస్తారు. వేదాల ప్రకారం దీనికి మానసిక ప్రశాంతత, ఆరోగ్యం, జ్ఞానం, సంపదను ప్రసాదించే శక్తి ఉంటుంది. రుద్రాక్షపై పై నుంచి కిందకు నిలువుగా ఉండే రేఖలను ‘ముఖాలు’ అంటారు. సాధారణంగా 4, 5, 6 ముఖాల రుద్రాక్షలు ఎక్కువగా దొరుకుతాయి. కానీ ఏక ముఖి రుద్రాక్ష అత్యంత అరుదైనది, విశిష్టమైనదని పురోహితులు సూచిస్తున్నారు. ఇవి హిమాలయాల్లో ఎక్కువగా పెరుగుతాయి.
News February 6, 2026
ప్రెగ్నెన్సీలో థైరాయిడ్ ప్రభావం
గర్భధారణ సమయంలో థైరాయిడ్ సమతుల్యత చాలా అవసరం అంటున్నారు నిపుణులు. హార్మోన్ల స్థాయిలలో తేడా వస్తే ప్రీమెచ్యూర్ డెలివరీ, బేబీ తక్కువ బరువుతో పుట్టడం, ప్రీక్లాంప్సియా వంటి సమస్యలు వచ్చే అవకాశాలు ఉన్నాయి. ఇవి గర్భిణీ శరీరానికి మాత్రమే కాకుండా శిశువు ఆరోగ్యానికీ ప్రమాదం. అందువల్ల ప్రెగ్నెన్సీ సమయంలో థైరాయిడ్ పరీక్షలు తప్పనిసరిగా చేయించుకొని దానికి తగ్గట్లు మాత్రలు వాడాలని సూచిస్తున్నారు.
News February 6, 2026
మార్ముగావ్ పోర్ట్ అథారిటీలో పోస్టులు
మార్ముగావ్ పోర్ట్ అథారిటీ 13 పోస్టులకు వేర్వేరుగా నోటిఫికేషన్ విడుదల చేసింది. . పోస్టును బట్టి డిగ్రీ, బీటెక్, పీజీ, MBA, MSc, BSc, ME/MTech(ఎన్విరాన్మెంటల్ ఇంజినీరింగ్), MBBS అర్హతతో పాటు పని అనుభవం గలవారు ఫిబ్రవరి 17 వరకు దరఖాస్తుతో పాటు డాక్యుమెంట్స్ను పోస్ట్ చేయాలి. రాత పరీక్ష, ఇంటర్వ్యూ ద్వారా ఎంపిక చేస్తారు. వెబ్సైట్: https://mptgoa.gov.in
News February 6, 2026
థైరాయిడ్ రకాలివే..
థైరాయిడ్ రెండు రకాలుగా ఉంటుంది. ఒకటి థైరాయిడ్ గ్రంధి నుంచి హార్మోన్లు అధికంగా ఉత్పత్తైతే హైపర్ థైరాయిడ్, తక్కువగా ఉత్పత్తైతే హైపో థైరాయిడ్ అంటారు. థైరాయిడ్ స్థాయిని సరిగ్గా నిర్వహించలేకపోతే అది గుండె, నరాల సంబంధిత వ్యాధులకు కారణమవుతుంది. మహిళల్లో ఇర్రెగ్యులర్ పీరియడ్స్, జుట్టు ఎక్కువగా రాలిపోవడం, ప్రెగ్నెన్సీలో ఇబ్బందులు ఉంటే థైరాయిడ్ ఉందని గమనించాలి. ఈ లక్షణాలుంటే వెంటనే వైద్యులను సంప్రదించాలి.
News February 6, 2026
థైరాయిడ్ టెస్ట్ ఎప్పుడు చేయించుకోవాలంటే
థైరాయిడ్ టెస్ట్ ఉదయం తొమ్మిది గంటల్లోపు ఖాళీ కడుపుతో చేయించుకోవాలని నిపుణులు సూచిస్తున్నారు. రోజులో ఏ సమయంలోనైనా పరీక్ష జరిగితే రిపోర్ట్ కరెక్ట్గా రాదు. రోగులు థైరాయిడ్ పరీక్షల కోసం వచ్చినప్పుడు మందులు తీసుకోకూడదు. రోగులు తమంతట తాముగా మందుల మోతాదు లేదా మొత్తాన్ని తగ్గించుకోకూడదు. అలాగే హైపర్ థైరాయిడిజం మందులను ఎప్పుడైనా తీసుకోవచ్చు. హైపోథైరాయిడిజం మందులు మాత్రం ఖాళీ కడుపుతో తీసుకోవాలి.
News February 6, 2026
రెండో వాహనం కొనుగోలు చేసేవారికి గుడ్న్యూస్
TG: రెండో వాహనం కొనుగోలు చేసేవారికి రాష్ట్ర ప్రభుత్వం త్వరలో గుడ్న్యూస్ చెప్పనుంది. సెకండ్ వెహికల్పై విధిస్తున్న 2 శాతం అదనపు రోడ్డు ట్యాక్స్ను రద్దు చేయాలన్న రవాణాశాఖ ప్రతిపాదనకు సీఎం రేవంత్రెడ్డి అంగీకారం తెలిపినట్లు సమాచారం. దీనికి సంబంధించిన ఉత్తర్వులు త్వరలో వెలువడే అవకాశం ఉంది. ఈ నిర్ణయంతో వాహనదారులపై ఏటా సుమారు రూ.150 కోట్లకు పైగా భారం తగ్గనుందని అధికారులు అంచనా వేస్తున్నారు.
News February 6, 2026
గుడ్ల రైతులకు గడ్డు కాలం
AP: రాష్ట్రంలో గుడ్ల రైతులకు గడ్డు కాలం మొదలైంది. <<18548750>>రెండు నెలల<<>> కిందట 100 గుడ్ల ధర రికార్డు స్థాయిలో ₹695 పలకగా ఇప్పుడు ₹480కి పడిపోయింది. గోదావరి నెక్ గుడ్లకు ప్రధాన మార్కెట్ అయిన కోల్కతాలో డిమాండ్ లేదంటూ ట్రేడర్లు ₹437కు బేరం ఆడుతున్నారని రైతులు వాపోతున్నారు. 4 రోజులుగా రవాణా నిలిచిపోవడంతో గుడ్లు పేరుకుపోయి పాడవుతున్నాయంటున్నారు. తమకు ఒక్కో గుడ్డు ఉత్పత్తికి ₹5.50 ఖర్చవుతోందని చెబుతున్నారు.
News February 6, 2026
2,325 ఎస్జీటీ పోస్టులు రద్దు!
TG: ప్రభుత్వ స్కూళ్లలో 2,325 సాంక్షన్ ఎస్జీటీ పోస్టుల రద్దుకు అధికారులు సిద్ధమవుతున్నారు. కొత్తగా 2,064 పోస్టుల కోసం పాత సాంక్షన్ పోస్టులను సరెండర్ చేయాలని ప్రతిపాదనలు పంపారు. ప్రస్తుతం 261 HM, 1,803 పీఈటీ పోస్టులు అవసరం ఉండగా క్యాడర్ను బట్టి ఉన్న పోస్టులను సరెండర్ చేయనున్నారు. వీటిలో అత్యధికంగా నల్గొండలో 407, హైదరాబాద్లో 306 ఎస్జీటీ పోస్టులు మిగులుగా ఉన్నాయని అధికారులు చెబుతున్నారు.
News February 6, 2026
ఢిల్లీ క్యాపిటల్స్కు హార్ట్ బ్రేక్
గుమ్మడికాయంత టాలెంట్ ఉన్నా ఆవగింజంత అదృష్టం ఉండాలి అని నానుడి. DCకి ఇది సరిగ్గా సరిపోతుంది. ఒకటి కాదు రెండు కాదు ఏకంగా నాలుగు సార్లు ఫైనల్ చేరిన ఆ జట్టుకు అన్నిసార్లు పరాభవమే ఎదురైంది. నిన్నటి మ్యాచులో బ్యాటర్లు రాణించినా బౌలర్లు తేలిపోవడంతో ప్రత్యర్థి విజేతగా నిలిచింది. దీంతో WPL ట్రోఫీ గెలిచేందుకు ఆ జట్టుకు మరో సీజన్ వరకు ఎదురుచూపులే మిగిలాయి. IPLలోనూ ఇంతవరకు DC టైటిల్ గెలవకపోవడం తెలిసిందే.
Featured News
Sorry, no posts matched your criteria.