India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 27, 2024
CNN సర్వేలో కమల, ట్రంప్ హోరాహోరీ
ప్రీపోల్ స‌ర్వేలు అమెరికాలో ఉత్కంఠ రేపుతున్నాయి. తాజాగా CNN నిర్వ‌హించిన సర్వేలో క‌మ‌లా హారిస్‌, డొనాల్డ్ ట్రంప్ ఇద్ద‌రూ స‌మానంగా 47% చొప్పునా (1704 శాంపిల్స్) మద్దతు పొందారు. ఇటీవల న్యూయార్క్‌టైమ్స్‌, సియెనా కాలేజీ స‌ర్వేలోనూ ఇద్ద‌రికీ చెరో 48% మద్దతు ద‌క్కింది. ఇక ఆర్థిక అంశాలపై ఫైనాన్షియ‌ల్ టైమ్స్‌, మిచిగాన్ వ‌ర్సిటీ సర్వేలో 44% మంది మ‌ద్ద‌తుతో కమల కంటే ట్రంప్ 1% పైచేయి సాధించారు.
News October 27, 2024
నాకు హిందీ రాదు.. అర్థం కాలేదు: డీఎంకే ఎంపీ
రైళ్లలో ఆహార నాణ్యత, పరిశుభ్రతపై DMK MP అబ్దుల్లా వేసిన ప్రశ్నలకు కేంద్రమంత్రి రవనీత్ సింగ్ బిట్టు హిందీలో బదులిస్తూ లేఖ రాశారు. తనకు హిందీ రాదని, బిట్టు లెటర్‌లో ఒక్క ముక్క అర్థం కాలేదని అబ్దుల్లా ఆయన ఆఫీస్‌కు ఫోన్ చేశారు. ఈ విషయం తాను గతంలోనూ చెప్పానని, ఇంగ్లిష్‌లో రిప్లై ఇవ్వాలని చెప్పారు. ఇదే విషయంపై తమిళంలోనూ రిటర్న్ లేఖ రాశారు. కాగా కేంద్రం హిందీని బలవంతంగా రుద్దుతోందని DMK విమర్శిస్తోంది.
News October 27, 2024
నేడు న్యూజిలాండ్‌తో రెండో వన్డే
న్యూజిలాండ్‌తో జరుగుతున్న 3 మ్యాచ్‌ల వన్డే సిరీస్‌ను కైవసం చేసుకునేందుకు భారత మహిళల జట్టు సిద్ధమైంది. ఇప్పటికే తొలి వన్డే గెలిచిన భారత్ ఈరోజు అహ్మదాబాద్ వేదికగా రెండో వన్డేలో తలపడనుంది. మ్యాచ్ మ.1.30గంటల నుంచి స్పోర్ట్స్18, జియో సినిమాలో ప్రసారం అవుతుంది. కాగా ఇందులో గెలిచి ఒక మ్యాచ్ మిగిలి ఉండగానే సిరీస్ గెలవాలని భారత్ చూస్తుంటే ఇందులో ఎలాగైనా గెలిచి రేసులో నిలవాలని కివీస్ భావిస్తోంది.
News October 27, 2024
అనురాధ ముందు అనేక సవాళ్లు
APPSC ఛైర్‌పర్సన్‌గా ఇటీవల బాధ్యతలు తీసుకున్న AR అనురాధ ముందు ఉద్యోగాల భర్తీకి సంబంధించిన అనేక సవాళ్లు ఉన్నాయి. ఆయుష్ విభాగంలో సర్టిఫికెట్ వెరిఫికేషన్ పూర్తై అభ్యర్థులు పోస్టింగ్స్ కోసం చూస్తున్నారు. గ్రూప్-1, 2 DYEO, డిగ్రీ, పాలిటెక్నిక్, జూనియర్ లెక్చరర్లు వంటి పోస్టులు భర్తీ చేయాల్సి ఉంది. వీటితో పాటు ఫారెస్ట్ బీట్ ఆఫీసర్లు, రేంజ్ ఆఫీసర్స్ ఉద్యోగ నోటిఫికేషన్ల కోసం అభ్యర్థులు ఎదురుచూస్తున్నారు.
News October 27, 2024
16,347 ఉద్యోగాల భర్తీపై BIG UPDATE
AP: 16,347 DSC ఉద్యోగాల భర్తీపై ప్రభుత్వం కసరత్తు మొదలుపెట్టింది. జిల్లాల వారీగా రోస్టర్ పాయింట్లు పరిశీలించి నివేదిక పంపించాలని డీఈవోలను పాఠశాల విద్యాశాఖ ఆదేశించింది. గతంలో జిల్లాల వారీగా ఖాళీలు, రోస్టర్ పాయింట్లు, సమాంతర రిజర్వేషన్లు, మహిళలు, దివ్యాంగులు, ఎక్స్-సర్వీస్, స్పోర్ట్స్ కోటా అమలుపై వివరాలను ఈ నెల 28లోగా పంపాలంది. కాగా వచ్చే నెల మొదటి వారంలో నోటిఫికేషన్ విడుదలయ్యే ఛాన్సుంది.
News October 27, 2024
నవంబర్ 26న పార్లమెంటు ఉభయ సభల సమావేశం
భారత రాజ్యాంగాన్ని ఆమోదించి 75 ఏళ్లు పూర్త‌వుతున్న సందర్భంగా Nov 26న పార్లమెంటు ఉభయ స‌భ‌లు ప్ర‌త్యేకంగా స‌మావేశంకానున్నాయి. Nov 26, 1949న రాజ్యాంగాన్ని ఆమోదించిన పార్లమెంటు సెంట్ర‌ల్ హాల్‌లోనే లోక్‌స‌భ, రాజ్య‌స‌భ స‌భ్యులు భేటీ అవుతారు. గతంలో Nov 26న National Law Day నిర్వ‌హించే వారు. అయితే, 2015లో అంబేడ్క‌ర్‌125వ జ‌యంతిని పుర‌స్క‌రించుకొని ఆ రోజును Constitution Dayగా ప్ర‌క‌టించారు.
News October 27, 2024
‘హైడ్రా’కు హండ్రెడ్ డేస్.. ఇకపై తగ్గేదేలే: రంగనాథ్
TG: హైడ్రా సైలెంట్ కాలేదని, మరింత బలోపేతం అవుతోందని హైడ్రా ఏర్పడి వందరోజులైన సందర్భంగా కమిషనర్ రంగనాథ్ తెలిపారు. ఇకపై పక్కా ప్లాన్, ఆధారాలతో ముందడుగు వేస్తామన్నారు. త్వరలోనే చెరువులన్నింటికీ FTL, బఫర్ జోన్లు ఫిక్స్ చేస్తామని చెప్పారు. గడిచిన వంద రోజుల్లో ఆక్రమణదారులకు హైడ్రా సింహస్వప్నంలా మారిందని రంగనాథ్ వ్యాఖ్యానించారు. ప్రజలు కూడా అన్నీ చెక్ చేసుకున్నాకే స్థలాలు కొంటున్నారని తెలిపారు.
News October 27, 2024
భారీగా పెరిగిన వంటనూనె ధరలు
దీపావళి పండుగకు ముందు వంటనూనెల ధరలు అమాంతం పెరిగాయి. గత నెలలో ₹100గా ఉన్న లీటర్ పామాయిల్ ధర ₹137కి చేరగా, సోయాబీన్ ₹120 నుంచి ₹148, సన్‌ఫ్లవర్ ₹120 నుంచి ₹149, ఆవ నూనె ₹140 నుంచి ₹181, వేరుశనగ నూనె ₹180 నుంచి ₹184 మేర పెరిగాయి. దేశీయంగా నూనె గింజల సాగు పెద్దగా లేకపోవడం, దిగుమతి సుంకాల పెంపుతో ధరలు పెరిగినట్లు వ్యాపారులు చెబుతున్నారు. కొత్త పంట వచ్చే వరకూ ధరలు దిగిరావని అంచనా వేస్తున్నారు.
News October 27, 2024
నవంబర్ 4 నుంచి తెలంగాణలో కులగణన
నవంబర్ 4 నుంచి తెలంగాణ ప్రభుత్వం కులగణన చేపట్టనుంది. 80వేల మంది ఎన్యుమరేటర్లు ఇంటింటికీ వెళ్లి వివరాలు సేకరిస్తారు. ప్రతి ఎన్యుమరేటర్ 150 ఇళ్లలో సర్వే చేయనుండగా, NOV 19 వరకు ఇది కొనసాగుతుంది. మొత్తం 7 పేజీలలో 54 ప్రశ్నలతో ఫార్మాట్ రూపొందించారు. ఆధార్, కుటుంబ సభ్యుల వివరాలు, చదువు, వృత్తి, ఆస్తులు, రిజర్వేషన్లతో పొందిన ప్రయోజనాలు, ధరణి, రాజకీయ నేపథ్యం, బ్యాంక్ ఖాతా సహా మరిన్ని వివరాలు సేకరిస్తారు.
News October 27, 2024
2 నుంచి సాగర్-శ్రీశైలం మధ్య లాంచీ జర్నీ
పచ్చని కొండలు, కృష్ణమ్మ పరవళ్లు, నల్లమల అటవీ ప్రాంతం గుండా ఆహ్లాదకరంగా సాగే నాగార్జున సాగర్-శ్రీశైలం లాంచీ ప్రయాణం NOV 2 నుంచి పునః ప్రారంభం కానుంది. ఒకవైపు టికెట్ ధర పెద్దలకు ₹2,000, పిల్లలకు ₹1,600గా నిర్ణయించారు. వెళ్లి రావడానికి పెద్దలకు ₹3,000, పిల్లలకు ₹2,400 చెల్లించాల్సి ఉంటుంది. ఆసక్తి ఉన్నవారు 7997951023, 9848540371, 9848125720 నంబర్లలో సంప్రదించాలని అధికారులు సూచించారు.
Featured News
Sorry, no posts matched your criteria.