India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 30, 2024
ప్రతి 3 గంటలకు ఒకసారి నాకు రిపోర్ట్ చేయండి: CM
గుడ్లవల్లేరు కాలేజీలో <<13972426>>వీడియోల<<>> రికార్డింగ్‌పై నేరం రుజువైతే కారకులపై కఠిన చర్యలు తీసుకోవాలని CM చంద్రబాబు అధికారులను ఆదేశించారు. మన ఇంట్లో ఆడబిడ్డలకు కష్టం వస్తే ఎలా స్పందిస్తామో అంతే సీరియస్‌గా స్పందించి నిజాలు నిగ్గు తేల్చాలన్నారు. విద్యార్థుల ఫిర్యాదును కాలేజీ యాజమాన్యం నిర్లక్ష్యం చేసిందనే ఆరోపణపైనా విచారణ జరపాలని ఆదేశించారు. ప్రతి 3 గం.కు ఒకసారి ఈ ఘటనపై తనకు రిపోర్ట్ చేయాలని ఆదేశించారు.
News August 30, 2024
బీజేపీలో చేరిన చంపై సోరెన్
ఝార్ఖండ్ మాజీ సీఎం చంపై సోరెన్ బీజేపీ తీర్థం పుచ్చుకున్నారు. పార్టీలో తనకు అన్యాయం జరిగిందంటూ జేఎంఎంతో విభేదించిన చంపై గ‌త కొన్ని రోజులుగా సొంత పార్టీ పెడ‌తార‌ని, బీజేపీలో చేర‌తారంటూ ప్ర‌చారం జ‌రిగింది. అయితే, ఇటీవ‌ల ఆయన బీజేపీ అగ్ర‌నేత‌ల‌తో స‌మావేశ‌మై పార్టీలో చేరిక‌పై సమాలోచనలు జరిపారు. ఇవాళ రాంచీలో కేంద్ర మంత్రి శివరాజ్ సింగ్ చౌహాన్, అస్సాం CM హిమంత సమక్షంలో బీజేపీలో చేరారు.
News August 30, 2024
యాదాద్రిపై సీఎం రేవంత్ కీలక ఆదేశాలు
TG: యాదాద్రిలో బంగారు తాపడం పనులు వేగవంతం చేయాలని అధికారులను సీఎం రేవంత్ ఆదేశించారు. అక్కడ టెంపుల్ బోర్డు ఏర్పాటుకు చర్యలు తీసుకోవాలని సూచించారు. యాదాద్రి టెంపుల్ డెవలప్‌మెంట్ అథారిటీ(YTDA) పూర్తి స్టేటస్ రిపోర్టు తనకు అందించాలన్నారు. అలాగే ఇతర రాష్ట్రాల్లోని బెస్ట్ టూరిజం పాలసీలను అధ్యయనం చేసి కొత్త పాలసీని రూపొందించాలని ఆదేశించారు. హెల్త్, ఎకో, టెంపుల్ టూరిజంపై దృష్టి పెట్టాలన్నారు.
News August 30, 2024
వనపర్తిలోనే సిద్ధార్థ్‌ను పెళ్లి చేసుకుంటా: అదితి
వనపర్తిలోని శ్రీరంగపురం టెంపుల్‌లో నటుడు సిద్ధార్థ్‌ను పెళ్లి చేసుకుంటానని హీరోయిన్ అదితిరావు హైదరీ తెలిపారు. త్వరలోనే పెళ్లి తేదీ ఫిక్స్ చేస్తామని చెప్పారు. ‘హైదరాబాద్‌లో మా నాన్నమ్మ స్థాపించిన స్కూల్‌లోనే సిద్ధు మోకాలిపై కూర్చుని నాకు ప్రపోజ్ చేశారు. ఆయన ప్రపోజ్ చేసిన విధానం నాకెంతో నచ్చింది. మా నాన్నమ్మ ఆశీస్సుల కోసమే ఆయన అక్కడ ప్రపోజ్ చేశారు.’ అని ఆమె పేర్కొన్నారు.
News August 30, 2024
ప్రేయసిని పెళ్లి చేసుకున్న మహిళా క్రికెటర్
ఇంగ్లండ్ మహిళా క్రికెటర్ డేనియల్ వ్యాట్ తన ప్రియురాలు జార్జియా హోడ్జ్‌ను పెళ్లి చేసుకున్నారు. ఈ నెల 22న వీరి పెళ్లి ఫ్రాన్స్‌లో జరగగా ఇందుకు సంబంధించిన ఫొటోలు ఆలస్యంగా వెలుగులోకి వచ్చాయి. గతేడాది మార్చిలో వీరిద్దరూ ఎంగేజ్‌మెంట్ చేసుకున్నారు. కాగా వ్యాట్ ఇంగ్లండ్ తరఫున 160 వన్డేలు, 112 టీ20లు, 2 టెస్టులు ఆడారు. అన్ని ఫార్మాట్లలో కలిపి 4,864 పరుగులతోపాటు 77 వికెట్లు కూడా తీశారు.
News August 30, 2024
జువ్వలదిన్నె హార్బర్ ప్రారంభించిన మోదీ
AP: నెల్లూరు జిల్లాలోని జువ్వలదిన్నె ఫిషింగ్ హార్బర్‌ను ప్రధాని నరేంద్ర మోదీ వర్చువల్‌గా ప్రారంభించారు. 2018లో ఈ హార్బర్‌కు సీఎం చంద్రబాబు శంకుస్థాపన చేశారు. ఈ ప్రాజెక్టును కేంద్ర, రాష్ట్ర ప్రభుత్వాలు రూ.288 కోట్లతో సంయుక్తంగా నిర్మించాయి.
News August 30, 2024
ఎమర్జెన్సీ చిత్రంపై వివాదం.. కంగన స్పందన ఇదే
ఎమర్జెన్సీ చిత్రానికి సెన్సార్ బోర్డు సర్టిఫికెట్ ఇవ్వకపోతే కోర్టును ఆశ్రయిస్తానని నటి కంగన రనౌత్ తెలిపారు. చిత్రంపై సిక్కు వర్గాల నుంచి పెద్ద ఎత్తున వ్యతిరేకత రావడంతో విడుదలపై ఉత్కంఠ నెలకొంది. ‘మీరు(విమర్శకులు) చరిత్రను మార్చలేరు. నన్ను బెదిరించి భయపెట్టలేరు. సర్టిఫికెట్ వ‌చ్చే కొన్ని రోజుల ముందు చాలా మంది డ్రామా చేశారు. సెన్సార్ బోర్డ్ ఎక్కువ సంకోచిస్తోంది’ అని తప్పుపట్టారు.
News August 30, 2024
అందరికీ గుడ్ న్యూస్ చెప్పనున్న GST కౌన్సిల్!
టర్మ్‌ లైఫ్ ఇన్సూరెన్స్‌ పాలసీలను GST నుంచి మినహాయించే అవకాశం ఉంది. దీనిపై డిమాండ్లు వెల్లువెత్తడంతో సెప్టెంబర్ 9న జరగనున్నGST కౌన్సిల్ మీట్ ఈ మేరకు మినహాయింపు ఇవ్వనున్నట్టు తెలుస్తోంది. తద్వారా ప్రభుత్వంపై రూ.200 కోట్ల భారం పడుతుందని అంచనా. ఇక పెట్టుబడి ఆధారిత బీమా పాలసీలకు పన్ను మినహాయింపు ఉండబోదని సమాచారం. ఆరోగ్య బీమాలపై కూడా పన్ను తగ్గింపు విషయమై స్పష్టత రావాల్సి ఉంది.
News August 30, 2024
పారాలింపిక్స్‌లో వరంగల్ పరుగుల రాణి!
పారిస్‌ పారాలింపిక్స్‌లో వరంగల్(TG) జిల్లా కల్లెడకు చెందిన దీప్తి పాల్గొంటున్నారు. మానసిక ఎదుగుదల సమస్యతో బాధపడుతున్న ఆమె పరుగుల రాణిగా పేరు తెచ్చుకున్నారు. దీప్తికి చిన్నప్పుడే ఫిట్స్ సమస్య వచ్చిందని, ముఖం చిన్నగా ఉంటుందని ఆమె తల్లి చెప్పారు. దీప్తిని తోటివారు కోతిపిల్లా అని ఎగతాళి చేయడంతో ఏడ్చేదని గుర్తుచేశారు. ఇటీవలే జపాన్‌లో జరిగిన ప్రపంచ పారా అథ్లెట్ ఛాంపియన్షిప్‌లో గోల్డ్ మెడల్ సాధించారు.
News August 30, 2024
BJP – LJP మధ్య విభేదాలు.. స్పందించిన చిరాగ్ పాస్వాన్
BJP- LJP(RV) మధ్య విభేదాలు తలెత్తినట్లు వస్తున్న క‌థ‌నాల‌ను కేంద్ర మంత్రి చిరాగ్ పాస్వాన్ తోసిపుచ్చారు. ప్రధాని మోదీపై త‌న‌కున్న ప్రేమ చెక్కుచెద‌ర‌నిద‌ని, ఆయ‌న‌తో ఉన్న అనుబంధం దృఢ‌మైన‌ద‌ని చిరాగ్ పేర్కొన్నారు. తన అభిప్రాయాలు ఎల్లప్పుడూ ప్రభుత్వ వైఖరికి అద్దంపడతాయన్నారు. లేట‌ర‌ల్ ఎంట్రీలు, వ‌క్ఫ్ బిల్లుపై LJP అభ్యంత‌రాలు లేవ‌నెత్త‌డంతో 2 పార్టీల మధ్య విభేదాలు రాజుకున్న‌ట్టు వార్తలు వచ్చాయి.
Featured News
Sorry, no posts matched your criteria.