• Download our app

news

News August 30, 2024

ఏపీలో తెలంగాణ తరహా మద్యం విధానం?

image

APలో తెలంగాణ తరహా మద్యం విధానమే అమలు చేసేందుకు ఎక్సైజ్ శాఖ సిద్ధమైంది. మద్యం రిటైల్ వ్యాపారాన్ని ప్రైవేటుకే అప్పగించనుండగా, దరఖాస్తులకు రూ.2 లక్షల నాన్ రిఫండబుల్ ఫీజు విధించే ఆలోచనలో ఉంది. ఇప్పటికే పలు రాష్ట్రాల్లో మద్యం విధానాలపై కమిటీ అధ్యయనం చేసింది. SEPలో మద్యం విధానం ఖరారుతో పాటు దరఖాస్తులు స్వీకరించి లైసెన్సులు అందజేసే అవకాశముంది. OCT 1నాటికి కొత్త విధానం అందుబాటులోకి తీసుకొచ్చే యోచనలో ఉంది.

News August 30, 2024

CM రేవంత్ సంచలన నిర్ణయం.. ఆ మూవీపై నిషేధం?

image

కంగనా రనౌత్ స్వీయ దర్శకత్వం వహించిన ‘ఎమర్జెన్సీ’కి తెలంగాణలో ఎదురుదెబ్బ తగిలే అవకాశముంది. న్యాయ నిపుణుల అభిప్రాయం తీసుకొని చిత్రాన్ని నిషేధించేందుకు ప్రయత్నిస్తానని సీఎం రేవంత్‌రెడ్డి సిక్కులకు హామీ ఇచ్చారు. సినిమాలో తమ వర్గాన్ని ఉగ్రవాదులు, దేశద్రోహులుగా చిత్రీకరించారని 18 మంది సభ్యుల సిక్కు బృందం ప్రభుత్వ సలహాదారు షబ్బీర్ అలీ వద్ద ఆందోళన వ్యక్తం చేసింది. దీనిని ఆయన సీఎం దృష్టికి తీసుకెళ్లారు.

News August 30, 2024

హైడ్రాకు మరింత పవర్

image

TG: అక్రమ నిర్మాణాలు చేపట్టిన వారి గుండెల్లో రైళ్లు పరిగెత్తిస్తున్న హైడ్రాను మరింత బలోపేతం చేయాలని ప్రభుత్వం నిర్ణయించింది. పరిధిని విస్తృతం చేయడంతో పాటు ప్రభుత్వ భూముల పరిరక్షణ బాధ్యతలు అప్పగించనుంది. ప్రస్తుతం ఇరిగేషన్, GHMC, మున్సిపల్, పంచాయతీ శాఖలు వేర్వేరుగా నోటీసులు ఇవ్వడంతో అయోమయం నెలకొనగా, ఇకపై HYDRA నేరుగా నోటీసులు ఇవ్వనుంది. త్వరలోనే అదనపు అధికారులు, సిబ్బందిని హైడ్రాకు కేటాయించనుంది.

News August 30, 2024

అది గంభీర్ జట్టే: LSG ఓనర్ ప్రశంస

image

అతి తక్కువ సమయంలోనే గౌతమ్ గంభీర్ అద్భుతమైన జట్టును నిర్మించారని LSG ఓనర్ సంజీవ్ గోయెంకా అన్నారు. ఐపీఎల్ 2021 వేలానికి 2 వారాల ముందే ఫ్రాంచైజీ తమచేతికి వచ్చిందని పేర్కొన్నారు. ‘మా జట్టుకు పునాది వేయడంలో గంభీర్‌దే కీలక పాత్ర. మొదటి వేలంలో మేం విజయవంతం అయ్యామంటే అతడే కారణం. అప్పుడు మాకు రీసెర్చ్, అనలిస్టుల టీమ్ లేదు. దాంతో గౌతీయే ఆటగాళ్లను ఎంపికచేసి సమతూకమైన జట్టును నిర్మించారు’ అని పేర్కొన్నారు.

News August 30, 2024

ఎల్లుండి నుంచి కొత్త రూల్స్

image

* ఇతర కార్డుల మాదిరి SEP 1 నుంచి రూపే కార్డులకు, వాటితో చేసే UPI లావాదేవీలకూ రివార్డులు తదితర ప్రయోజనాలు అందనున్నాయి.
* మోసపూరిత కాల్స్, వెబ్‌సైట్ లింకులు, ఏపీకే ఫైల్స్, ఓటీటీ ప్లాట్‌ఫామ్‌లతో కూడిన సందేశాలు వినియోగదారులకు పంపించకూడదని టెలికం సంస్థలను ట్రాయ్ ఆదేశించింది.
* HDFC క్రెడిట్ కార్డ్ యూజర్లు ఇకపై నెలకు 2,000 పాయింట్లు మాత్రమే పొందగలరు.
* గ్యాస్ సిలిండర్ ధరలను కేంద్రం సవరించనుంది.

News August 30, 2024

భగభగ మండే సూరీడే.. పెరిగే ధరలకు సంకేతం

image

దేశంలో వానలు కాకుండా పెరుగుతున్న ఎండల్ని చూసి ఎకానమిస్టులు ద్రవ్యోల్బణాన్ని మెరుగ్గా అంచనావేసే పరిస్థితులు వచ్చాయని HSBC తెలిపింది. ‘గత పదేళ్లలో తీవ్ర ఉష్ణోగ్రతలు, వ్యవసాయ ఉత్పత్తుల ధరల సంబంధం పటిష్ఠంగా మారింది. త్వరగా పాడయ్యే పండ్లు, కూరగాయల ధరలు, వేడికీ మధ్య సంబంధం 2014లో 20% ఉండగా ఇప్పుడు 60కి చేరింది. జలాశయాల్లో నీటిని బట్టి ధరల పెరుగుదలను అంచనా వేసే పరిస్థితి ఇప్పుడు లేదు’ అని పేర్కొంది.

News August 30, 2024

ఎన్నికల కలెక్షన్ల కోసమే హైడ్రా: డీకే అరుణ

image

TG: హైడ్రా కూల్చివేతలపై బీజేపీ ఎంపీ డీకే అరుణ తీవ్రంగా స్పందించారు. నాలుగు రాష్ట్రాల్లో ఎన్నికల కలెక్షన్ల కోసమే సీఎం రేవంత్ రెడ్డి హైడ్రాను తెరపైకి తెచ్చారని ఆరోపించారు. ఆక్రమణ జరిగితే ఓ పద్ధతి ప్రకారం చర్యలు తీసుకోవాలన్నారు. గత ప్రభుత్వాలు ఇళ్లు కట్టిస్తే, ఈ ప్రభుత్వం కూల్చేస్తోందని విమర్శించారు. హామీలను అమలు చేయలేకే హైడ్రా పేరుతో రేవంత్ హడావుడి చేస్తున్నారని అరుణ మండిపడ్డారు.

News August 30, 2024

రూ.10 కాయిన్స్ తీసుకోవాలని ఆదేశం

image

TG: బస్సుల్లో ప్రయాణికులు ఇచ్చే రూ.10 నాణేలు తీసుకోవాలని కండక్టర్లు, డ్రైవర్లను TGSRTC ఆదేశించింది. ప్రయాణ సమయాల్లో టికెట్ల కోసం ప్రయాణికులు ఇస్తున్న రూ.10 నాణేలు తీసుకోవడం లేదని, దీనిపై ఫిర్యాదులు వస్తున్నాయని తెలిపింది. ఈ నేపథ్యంలో కాయిన్స్ తీసుకునేలా సిబ్బందిని ప్రోత్సహించాలని అన్ని డిపోల మేనేజర్లకు ఆదేశాలిచ్చింది.

News August 30, 2024

నాలుగు కారిడార్లుగా విశాఖ మెట్రో

image

☞ కారిడార్-1: <<13968868>>విశాఖ స్టీల్‌ప్లాంట్ <<>>నుంచి కొమ్మాది వరకు 34.40కి.మీ, 29 స్టేషన్లు
☞ కారిడార్-2: గురుద్వారా నుంచి పాత పోస్టాఫీస్ వరకు 5.07కి.మీ, 6 స్టేషన్లు
☞ కారిడార్-3: తాడిచెట్లపాలెం నుంచి చినవాల్తేరు వరకు 6.75కి.మీ, 7 స్టేషన్లు
☞ కారిడార్ 4: కొమ్మాది నుంచి భోగాపురం వరకు 30.67కి.మీ, 12 స్టేషన్లు( రెండో దశలో రూ.5734 కోట్లతో నిర్మిస్తారు)
☞☞తొలిదశలో రూ.11,498 కోట్లతో 3 కారిడార్లు చేపడతారు.

News August 30, 2024

Be Careful: భారతీయుల్లో బయటపడ్డ సూక్ష్మపోషకాల లోపం

image

ఆరోగ్యానికి కీలకమైన సూక్ష్మపోషకాలను భారత ప్రజలు సరిపడా తీసుకోవడం లేదని లాన్సెట్ నివేదిక తెలిపింది. 185 దేశాల్లో ఇదే పరిస్థితి నెలకొందని పేర్కొంది. 70% మంది అంటే 500 కోట్ల మంది తగినంత అయోడిన్, విటమిన్ E, కాల్షియం తీసుకోవడం లేదంది. భారత్‌లో స్త్రీలు అయోడిన్, పురుషులు జింక్, మెగ్నీషియం తక్కువగా తీసుకుంటున్నారని తెలిపింది. ప్రపంచ జనాభాలో 99.3% మంది తగు మోతాదుల్లో సూక్ష్మ పోషకాలు తీసుకోవడం లేదంది.

Featured News

Sorry, no posts matched your criteria.

↑