India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 30, 2024
మీ కుటుంబానికి కొత్త ఏడాదికి ఈ కానుకలివ్వండి: పోలీసులు
TG: నూతన సంవత్సరం సందర్భంగా కుటుంబ సభ్యులకు ఈ కింది కానుకలివ్వమని కోరుతూ తెలంగాణ పోలీసులు ట్వీట్ చేశారు.
* డ్రంక్ అండ్ డ్రైవ్‌కు దూరంగా ఉంటానని మాటివ్వండి.
* డ్రగ్స్ జోలికి వెళ్లనని ప్రతిజ్ఞ చేయండి.
* ట్రాఫిక్ రూల్స్ పాటిస్తానని హామీ ఇవ్వండి.
* సైబర్ మోసాలపై కుటుంబానికి అవగాహన కల్పించండి.
News December 30, 2024
PV పేరుతో రేవంత్‌కు గట్టి ఫిట్టింగే పెట్టిన KTR!
మన్మోహన్ సంతాప సభలో TG CM రేవంత్‌ను BRS నేత KTR ఇరుకున పెట్టారు. తెలంగాణ ఇచ్చిన MMSకు ఢిల్లీలో స్మారకం అడుగుతున్నప్పుడు స్వయంగా తెలంగాణ వాడైన PVకి మాత్రం ఎందుకు ఉండొద్దని ప్రశ్నించారు. దీనిపైనా తీర్మానం చేయాలని సూచించారు. సోనియా ఫ్యామిలీకి పీవీ పొడ గిట్టకపోవడం బహిరంగ రహస్యమే. ఆయన పార్థివ దేహాన్ని కనీసం AICC ఆఫీసుకూ తీసుకురానివ్వలేదు. ఢిల్లీలో దహన సంస్కారాలు చేయనివ్వలేదని అంతా చెప్తుంటారు. COMMENT
News December 30, 2024
అల్లు అర్జున్ కేసు.. పవన్ కళ్యాణ్ సంచలన వ్యాఖ్యలు
AP: సంధ్య థియేటర్ తొక్కిసలాట ఘటనపై డిప్యూటీ CM పవన్ మీడియా చిట్‌చాట్‌లో స్పందించారు. ‘గోటితో పోయేదాన్ని గొడ్డలిదాకా తెచ్చారు. అభిమాని మృతి చెందిన తర్వాత వెంటనే వాళ్ల ఇంటికి వెళ్లి పరామర్శించాలి. మానవతా దృక్పథం లోపించినట్లైంది. బన్నీనే కాదు. టీమ్ అయినా స్పందించాల్సింది. CM రేవంత్ పేరు చెప్పలేదని అరెస్ట్ చేశారనడం సరికాదు. బన్నీ స్థానంలో రేవంత్ ఉన్నా అలానే చేస్తారు’ అని వ్యాఖ్యానించినట్లు సమాచారం.
News December 30, 2024
నదిలో పడిన ట్రక్కు.. 71 మంది మృతి
ఇథియోపియాలోని సిదామా ప్రాంతంలో ఘోర ప్రమాదం జరిగింది. నదిలో ట్రక్కు పడిన ఘటనలో 71 మంది మృతిచెందారు. చనిపోయిన వారిలో 68 మంది పురుషులు, ముగ్గురు మహిళలు ఉన్నట్లు అధికారులు చెబుతున్నారు. మృతుల్లో యువకులు ఎక్కువగా ఉన్నట్లు, వారు ఓ వివాహ వేడుకకు హాజరై వస్తుండగా ఈ ఘటన జరిగినట్లు సమాచారం. ప్రమాదానికి గల పూర్తి వివరాలు తెలియాల్సి ఉంది.
News December 30, 2024
BITCOIN: 24 గంటల్లో Rs 1.32L లాస్
క్రిప్టో కరెన్సీలు నష్టాల్లో కొనసాగుతున్నాయి. గ్లోబల్ క్రిప్టో మార్కెట్ విలువ 1.48% తగ్గి $3.28Tగా ఉంది. గత 24 గంటల్లో బిట్‌కాయిన్ 1.77% మేర తగ్గి $1561 (Rs 1.32L) నష్టపోయింది. ప్రస్తుతం $93,412 వద్ద ట్రేడవుతోంది. మార్కెట్ విలువ $1.84Tగా ఉంది. రెండో అతిపెద్ద కాయిన్ ఎథీరియమ్ 0.16% తగ్గి $3,387 వద్ద చలిస్తోంది. XRP 4.19, BNB 2.52, SOL 2.15, DOGE 2.37, ADA 1.84, TRX 0.74, AVAX 3.02% మేర పడిపోయాయి.
News December 30, 2024
అల్లు అర్జున్ బెయిల్‌పై విచారణ వాయిదా
TG: అల్లు అర్జున్ బెయిల్ పిటిషన్‌పై నాంపల్లి కోర్టులో విచారణ జనవరి 3వ తేదీకి వాయిదా పడింది. ప్రస్తుతం మధ్యంతర బెయిల్‌పై ఉన్న బన్నీ రెగ్యులర్ బెయిల్ కావాలని కోర్టులో పిటిషన్ వేశారు. చిక్కడపల్లి పోలీసులు కూడా దీనిపై కౌంటర్ దాఖలు చేయడంతో ఇరువురు న్యాయవాదులు తమ వాదనలను వినిపించారు. జనవరి 3న జరిగే విచారణలోనే కోర్టు తీర్పు వెలువరించే అవకాశం ఉంది.
News December 30, 2024
మళ్లీ పెరిగిన బంగారం ధరలు
బంగారం ధరలు మళ్లీ పెరిగాయి. ఇవాళ 24 క్యారెట్ల 10 గ్రాముల గోల్డ్ ధర రూ.160 పెరిగి రూ.78,000కు చేరింది. 22 క్యారెట్ల 10 గ్రాముల పసిడి ధర రూ.150 పెరిగి రూ.71,500కు చేరింది. వెండి ధర ప్రస్తుతం కేజీ రూ.99,900గా ఉంది.
News December 30, 2024
విజయవాడ లేదా రాజమండ్రిలో ‘గేమ్ ఛేంజర్’ ఈవెంట్?
గ్లోబల్ స్టార్ రామ్ చరణ్ నటించిన ‘గేమ్ ఛేంజర్’ ప్రీ రిలీజ్ ఈవెంట్ నిర్వహించేందుకు విజయవాడ, రాజమండ్రి ప్రాంతాలను చిత్ర యూనిట్ పరిశీలిస్తోంది. ఇవాళ Dy.CM పవన్‌ను కలిసిన నిర్మాత దిల్ రాజు జనవరి 4 లేదా 5న జరిగే ఈవెంట్‌కు రావాలని ఆహ్వానించారు. పవన్ తన నిర్ణయం వెల్లడించగానే వేదికను యూనిట్ ఖరారు చేయనుంది. అటు పవన్‌తో భేటీలో బెనిఫిట్ షోలు, టికెట్ల రేట్ల పెంపుపై దిల్ రాజు మాట్లాడారు.
News December 30, 2024
కామన్ డైట్ ఆరంభ శూరత్వమేనా?: కేటీఆర్
TG: కాంగ్రెస్ ప్రభుత్వంపై మాజీ మంత్రి కేటీఆర్ Xలో ప్రశ్నల వర్షం కురిపించారు. ‘అట్టహాసంగా ప్రారంభించిన కామన్ డైట్ ఆరంభ శూరత్వమేనా? గురుకులాలను ఉద్దేశపూర్వకంగా పక్కనపెట్టే ప్రయత్నం చేస్తున్నారా? ఏడాదిలో 50 మందికి పైగా విద్యార్థులు మరణించినా ప్రభుత్వం ఎందుకు చర్యలు తీసుకోవడం లేదు? కేసీఆర్ పాలనలో దేశానికి ఆదర్శంగా ఉంటే ఇప్పుడు నిర్లక్ష్యం చూపిస్తున్నారు’ అని రాసుకొచ్చారు.
News December 30, 2024
టీమ్ ఇండియా ఓటమి
బాక్సింగ్ డే టెస్టులో ఆస్ట్రేలియా చేతిలో భారత జట్టు 184 రన్స్ తేడాతో పరాజయం పాలైంది. రెండో ఇన్నింగ్సులో ఓపెనర్ జైస్వాల్(84), పంత్(30) మినహా మిగతా ప్లేయర్లు సింగిల్ డిజిట్‌కే పరిమితమయ్యారు. AUS బౌలర్లలో కమిన్స్, బోలాండ్ తలో 3, లయన్ 2, స్టార్క్, హెడ్ చెరో వికెట్ తీశారు. ఈ విజయంతో ఆస్ట్రేలియా 2-1తో లీడ్‌లోకి దూసుకెళ్లింది. దీంతో భారత్ WTC ఫైనల్ ఆశలు దాదాపు గల్లంతయ్యాయి.
Featured News
Sorry, no posts matched your criteria.