India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 22, 2024
ఎసెన్షియా ఫార్మాపై కేసు నమోదు
AP: అచ్యుతాపురంలోని సెజ్‌లో ప్రమాదం జరిగిన ఎసెన్షియా ఫార్మా కంపెనీపై రాంబిల్లి పోలీసులు కేసు నమోదు చేశారు. BNS 106(1), 125(A), 125(B) సెక్షన్ల కింద కేసు పెట్టారు. నిన్న జరిగిన పేలుడు ఘటనలో 18 మంది మృతి చెందగా, మరో 40 మందికి గాయాలైన విషయం తెలిసిందే. ప్రస్తుతం మృతదేహాలకు పోస్టుమార్టం కొనసాగుతోంది.
News August 22, 2024
నేడు ఈడీ కార్యాలయం ఎదుట కాంగ్రెస్ నిరసన
TG: అదానీ కుంభకోణంపై జేపీసీ వేయాలని, సెబీ ఛైర్మన్ రాజీనామా చేయాలన్న డిమాండ్లతో కాంగ్రెస్ హైకమాండ్ దేశవ్యాప్త నిరసనలకు పిలుపునిచ్చింది. దీంతో ఇవాళ గన్‌పార్క్ అమరవీరుల స్తూపం నుంచి బషీర్‌బాగ్‌లోని ఈడీ ఆఫీసు వరకు రాష్ట్ర కాంగ్రెస్ నేతలు నిరసన ర్యాలీ చేపట్టనున్నారు. ఈ నిరసనలో సీఎం రేవంత్, డిప్యూటీ సీఎం భట్టి విక్రమార్కతో పాటు మంత్రులు, ఎమ్మెల్యేలు పాల్గొననున్నారు.
News August 22, 2024
RAINS: ఎల్లుండి వరకు భారీ వర్షాలు
TG: ఉత్తర తెలంగాణలో ఎల్లుండి వరకు భారీ వర్షాలు కురిసే అవకాశం ఉందని హైదరాబాద్ వాతావరణ శాఖ తెలిపింది. వాయవ్య బంగాళాఖాతం, దానికి ఆనుకుని పశ్చిమ మధ్య బంగాళాఖాతంలో వాయుగుండం కేంద్రీకృతమై ఉందని పేర్కొంది. ఆ ప్రభావంతో ఉత్తర తెలంగాణ జిల్లాల్లోని పలు ప్రాంతాల్లో భారీ నుంచి అతి భారీ వర్షాలు కురవొచ్చని అంచనా వేసింది. ఈ నెల 24 వరకు ఇవి కొనసాగొచ్చని పేర్కొంది. ఈ మేరకు ఆయా జిల్లాలకు ఎల్లో అలర్ట్ జారీ చేసింది.
News August 22, 2024
జొమాటో చేతికి పేటీఎం టికెట్ బుకింగ్
ఆన్‌లైన్ ఫుడ్ డెలివరీ ప్లాట్‌ఫామ్ జొమాటో, పేటీఎం యాజమాన్య సంస్థ వన్97 కమ్యూనికేషన్స్ మధ్య భారీ డీల్ కుదిరింది. పేటీఎంలోని తన ఎంటర్‌టైన్‌మెంట్ టికెటింగ్ వ్యాపారాన్ని జొమాటోకు రూ.2,048 కోట్లకు విక్రయిస్తున్నట్లు వన్97 కమ్యూనికేషన్ తెలిపింది. దీని ప్రకారం పేటీఎంలోని మూవీస్, స్పోర్ట్స్, ఈవెంట్స్ టికెట్ బుకింగ్ సేవలు జొమాటోలోకి వెళ్లనున్నాయి. ఈ బదిలీకి 12 నెలల సమయం పట్టే అవకాశముందని సమాచారం.
News August 22, 2024
పేలుడు జరిగిన ‘ఎసెన్షియా’ కంపెనీ నేపథ్యమిదే..
AP: అనకాపల్లి (D) అచ్యుతాపురంలోని <<13911204>>ఎసెన్షియా<<>> కంపెనీని 2019లో ఏర్పాటు చేశారు. ఇది అమెరికాకు చెందిన సంస్థ. USలోని కనెక్టికట్, ఇండియాలోని హైదరాబాద్‌లో రీసెర్చ్ అండ్ డెవలప్‌మెంట్ సెంటర్లను నిర్వహిస్తోంది. అచ్యుతాపురంలోని సెజ్‌లో కమర్షియల్ తయారీ కేంద్రాన్ని నడుపుతోంది. ఫార్మా కంపెనీలకు ప్రధాన ముడి సరుకులను సరఫరా చేస్తోంది. ఈ కంపెనీలో నిన్న ప్రమాదం జరిగి 18 మంది మరణించారు.
News August 22, 2024
ఆఫ్‌లైన్ బుకింగ్ ఉంటేనే అనుమతించండి: CBN
AP: రేపటి నుంచి ప్రభుత్వ కార్యాలయాల్లో ఇసుక ఆఫ్‌లైన్ బుకింగ్ ప్రక్రియ మొదలవనుంది. సీఎం ఆదేశాలతో ఇసుక రవాణాదారులతో ఇవాళ కలెక్టర్లు సమావేశం కానున్నారు. స్టాక్ పాయింట్లలో ఇసుక ధర, దూరాన్ని బట్టి ఛార్జీలను ప్రకటిస్తారు. ఆఫ్‌లైన్ బుకింగ్ చేసుకున్నవారినే అనుమతించాలని అధికారులను CBN ఆదేశించారు. మరోవైపు వచ్చే నెల 11 నుంచి ఆన్‌లైన్‌లో ఇసుక బుకింగ్ సదుపాయం అందుబాటులోకి తెస్తామని సీఎంకు అధికారులు తెలిపారు.
News August 22, 2024
ఇది యుద్ధ శ‌కం కాదు: ప్రధాని మోదీ
ఇది యుద్ధ శ‌కం కాద‌ని, మానవాళికి ముప్పు తెచ్చే సవాళ్లను ఎదుర్కోవాల్సిన సమయం అని ప్రధాని మోదీ పున‌రుద్ఘాటించారు. అందువల్ల భార‌త్‌ ఎల్ల‌ప్పుడూ దౌత్యం – చ‌ర్చ‌ల‌నే విశ్వసిస్తుందని పేర్కొన్నారు. పోలాండ్ ప‌ర్య‌ట‌న‌లో ఉన్న మోదీ అక్క‌డి భార‌తీయ క‌మ్యూనిటీని ఉద్దేశించి మాట్లాడారు. ఉక్రెయిన్ ప‌ర్య‌ట‌న‌కు ముందు ఆయన ఈ వ్యాఖ్య‌లు చేశారు. గతంలో రష్యా అధ్యక్షుడు పుతిన్‌తోనూ ఇదే విషయాన్ని వెలిబుచ్చారు.
News August 22, 2024
ఏపీ హైకోర్టుకు మరో ఇద్దరు శాశ్వత న్యాయమూర్తులు
AP: హైకోర్టు శాశ్వత న్యాయమూర్తులుగా జస్టిస్ జ్యోతిర్మయి, జస్టిస్ గోపాలకృష్ణారావు నియమితులయ్యారు. ఈ మేరకు సుప్రీంకోర్టు కొలీజియం సిఫార్సులను రాష్ట్రపతి ముర్ము ఆమోదించారు. వీరు రేపు ప్రమాణస్వీకారం చేయనున్నారు. జస్టిస్ జోతిర్మయి(తెనాలి) 2008లో జిల్లా జడ్జిగా ఎంపికై అంచెలంచెలుగా ఎదిగారు. జస్టిస్ గోపాలకృష్ణారావు(కృష్ణా-D చల్లపల్లి) 1994 నుంచి పలు హోదాల్లో పనిచేస్తూ హైకోర్టు జడ్జిగా పదోన్నతి పొందారు.
News August 22, 2024
నేడు ఢిల్లీకి సీఎం రేవంత్
TG: CM రేవంత్ ఈరోజు సాయంత్రం ఢిల్లీకి వెళ్లనున్నారు. AICC ముఖ్య నాయకులతో ఆయన భేటీ అవుతారని సమాచారం. రాష్ట్ర కాంగ్రెస్ చీఫ్ నియామకంతో పాటు AICCలోనూ పలు మార్పులు చేయాలని అధిష్ఠానం భావిస్తున్నట్లు తెలుస్తోంది. ఈ నేపథ్యంలోనే ఆయన్ను పిలిచినట్లు కాంగ్రెస్ వర్గాలంటున్నాయి. రాష్ట్ర పార్టీ వ్యవహారాల ప్రస్తుత ఇన్‌ఛార్జ్‌గా దీపాదాస్‌ను బెంగాల్‌కు పంపి, భూపేశ్ బఘేల్‌ను ఆమె స్థానంలో నియమించొచ్చని తెలుస్తోంది.
News August 22, 2024
అర్షద్ వార్సీపై సిద్ధూ జొన్నలగడ్డ ఆగ్రహం
కల్కిలో ప్రభాస్‌ లుక్‌పై అర్షద్ వార్సీ చేసిన వ్యాఖ్యల పట్ల ‘డీజే టిల్లూ’ సిద్ధూ జొన్నలగడ్డ ఆగ్రహం వ్యక్తం చేశారు. ఆయన విమర్శించిన తీరు సరికాదంటూ తప్పుపట్టారు. ‘అభిప్రాయాల్ని తెలియజేసే హక్కు అందరికీ ఉంది. కానీ వాటిని ఎలా వ్యక్తీకరిస్తున్నామన్నది కీలకం. జోకర్ వంటి పదాలను ఉపయోగించడం సరికాదు. భారత సినీ పరిశ్రమ గర్వించే సినిమా ‘కల్కి 2898ఏడీ’’ అని స్పష్టం చేశారు.
Featured News
Sorry, no posts matched your criteria.