India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 22, 2024
ప్రమాదానికి రియాక్టర్ పేలుడు కారణం కాదు: హోంమంత్రి
AP: అచ్యుతాపురంలోని ఫార్మా కంపెనీలో ప్రమాదానికి రియాక్టర్ పేలుడు కారణం కాదని హోంమంత్రి అనిత చెప్పారు. అది గ్యాస్ లీకేజీ వల్ల జరిగిన సంఘటన అని తెలిపారు. ఈ మధ్య కాలంలో ఫార్మా కంపెనీలో జరిగిన అతిపెద్ద ప్రమాదం ఇదేనన్నారు. ప్రమాద సమాచారం అందిన వెంటనే రెస్క్యూ టీమ్స్ సహాయక చర్యలు చేపట్టినట్లు పేర్కొన్నారు. మరోవైపు కంపెనీ బయట ఆందోళనకు దిగిన కార్మికుల కుటుంబాలను ఆమె పరామర్శించారు.
News August 22, 2024
నేడు రాష్ట్రవ్యాప్తంగా బీఆర్ఎస్ ధర్నా
TG: రైతులకు ఎలాంటి ఆంక్షలు లేకుండా రూ.2లక్షల రుణమాఫీ చేయాలని డిమాండ్ చేస్తూ BRS నేడు రాష్ట్రవ్యాప్తంగా ధర్నా చేయనుంది. రైతులకు అండగా నిలిచేందుకు ఈ కార్యాచరణకు పిలుపునిచ్చింది. రుణమాఫీకి బడ్జెట్లో రూ.31వేల కోట్లకు ఆమోదం తెలిపి, రూ.18వేల కోట్లే ఖర్చు చేసిన విషయాన్ని రైతులకు వివరించాలని కేటీఆర్ నేతలకు దిశానిర్దేశం చేశారు. ఆంక్షలతో రైతులను మోసం చేసినందుకు ప్రభుత్వం క్షమాపణ చెప్పాలని డిమాండ్ చేశారు.
News August 22, 2024
రియాక్టర్ పేలుడు.. మృతుల కుటుంబాలకు పీఎం పరిహారం
ఏపీలోని అనకాపల్లి(D) అచ్యుతాపురం ఫార్మా కంపెనీలో పేలుడు <<13911204>>ఘటనపై<<>> ప్రధాని మోదీ విచారం వ్యక్తం చేశారు. మృతుల కుటుంబాలకు రూ.2 లక్షల చొప్పున పరిహారం ప్రకటించినట్లు పీఎంవో తెలిపింది. క్షతగాత్రులు త్వరగా కోలుకోవాలని ఆయన ఆకాంక్షించినట్లు పేర్కొంది. గాయపడినవారికి రూ.50వేల చొప్పున ఎక్స్ గ్రేషియా ప్రకటించింది. కాగా ఈ ఘటనపై ఇప్పటికే ఉన్నతస్థాయి విచారణకు సీఎం చంద్రబాబు ఆదేశించారు.
News August 22, 2024
వచ్చే నెల నుంచి జనగణన?
వచ్చే నెల నుంచి దేశంలో జనగణన చేయాలని కేంద్రం యోచిస్తున్నట్లు తెలుస్తోంది. పదేళ్లకోసారి జనాభా లెక్కింపు జరగాల్సి ఉండగా కొవిడ్ కారణంగా 2021లో వాయిదా పడింది. జనగణన చేయాలని కేంద్రంపై ప్రతిపక్షాలు ఇప్పటికే విమర్శలకు దిగాయి. హోంశాఖ నేతృత్వంలో జరిగే ఈ ప్రక్రియకు 18 నెలల సమయం పడుతుందని అధికారులు అంచనా వేస్తున్నారు. 2026లో వివరాలను వెల్లడించే అవకాశముంది.
News August 22, 2024
పీఈటీ పోస్టుల తుది జాబితా విడుదల
TG: గురుకులాల్లో ఫిజికల్ ఎడ్యుకేషన్ టీచర్(PET) పోస్టుల తుది జాబితాను టీజీపీఎస్సీ వెల్లడించింది. 594 మంది అభ్యర్థులతో కూడిన ప్రైమరీ లిస్టును ప్రకటించింది. టీజీపీఎస్సీ 2017లో జారీ చేసిన ఈ నోటిఫికేషన్‌లో ఎవరైనా అభ్యర్థులు పోస్టును స్వచ్ఛందంగా వదులుకునేందుకు ఈ 22 నుంచి 24 వరకు సదుపాయం కల్పించింది. పూర్తి జాబితా కోసం ఇక్కడ <
News August 22, 2024
రేపు కోనసీమకు చంద్రబాబు
AP: రాష్ట్రవ్యాప్తంగా గ్రామసభలు నిర్వహించనున్న నేపథ్యంలో సీఎం చంద్రబాబు రేపు కోనసీమ(D) వానపల్లిలో పర్యటించనున్నారు. ఉదయం 10.30 గంటల నుంచి ప్రారంభమయ్యే గ్రామసభలో ఆయన పాల్గొంటారు. ఉపాధి హామీ పనుల గురించి స్థానికులతో ఆయన చర్చించనున్నారు. సీఎం రాక నేపథ్యంలో హెలిప్యాడ్ ఏర్పాటు చేస్తున్నట్లు స్థానిక ఎమ్మెల్యే సత్యానందరావు తెలిపారు. మరోవైపు అచ్యుతాపురంలోని ప్రమాద స్థలాన్ని ఇవాళ సీఎం పరిశీలించనున్నారు.
News August 22, 2024
యూజీ కోర్సుల్లో ప్రవేశాలకు గడువు పెంపు
TG: రాష్ట్రంలోని వ్యవసాయ, వెటర్నరీ, ఉద్యాన విశ్వవిద్యాలయాల్లో వివిధ అండర్‌గ్రాడ్యుయేట్ కోర్సుల్లో ప్రవేశాలకు దరఖాస్తు గడువును ఈ నెల 29 వరకు పొడిగించారు. ఈ ఏడాది జులై 12 నుంచి ఈ నెల 17 వరకు అర్హులైన అభ్యర్థుల నుంచి దరఖాస్తులు స్వీకరించిన సంగతి తెలిసిందే. తొలి విడతలో దరఖాస్తు చేసుకోనివారు ఈ గడువు పొడిగింపు అవకాశాన్ని సద్వినియోగం చేసుకోవాలని వర్సిటీల అధికారులు సూచించారు.
News August 22, 2024
ఉనికి కాపాడుకునేందుకు BRS ప్రయత్నం: పొన్నం
TG: రోజురోజుకూ కోల్పోతున్న ఉనికిని కాపాడుకునేందుకే BRS నేతలు రుణమాఫీపై విమర్శలు చేస్తున్నారని మంత్రి పొన్నం ప్రభాకర్ విమర్శించారు. ‘ఆ పార్టీ నేతలు చేపడుతున్న ధర్నాలు వారి రాజకీయ ప్రయోజనాల కోసమే తప్ప ప్రజలకోసం కాదు. పదేళ్ల అధికారంలో వారు రైతుల్ని నిలువునా ముంచారు. రైతులెవరూ కూడా ఆ ధర్నాలో పాల్గొనవద్దు. దేశ చరిత్రలోనే ఎన్నడూ లేని విధంగా మా ప్రభుత్వం రూ.2 లక్షలు రుణమాఫీ చేసింది’ అని పేర్కొన్నారు.
News August 22, 2024
యాజమాన్యం నా కాల్స్‌కూ స్పందించట్లేదు: హోంమంత్రి
AP: అచ్యుతాపురం సెజ్‌లో ప్రమాదం విషయంలో పరిశ్రమ యాజమాన్యం తప్పిదం ఉందని ఘటనాస్థలాన్ని పరిశీలించిన అనంతరం హోంమంత్రి అనిత పేర్కొన్నారు. ‘17మంది కన్నుమూయడం బాధాకరం. ఉన్నత స్థాయి విచారణకు ఆదేశించాం. నేను కాల్ చేసినా, మెసేజ్ పెట్టినా యాజమాన్యం ఇప్పటి వరకు స్పందించలేదు. పరిశ్రమల్లో సేఫ్టీ ఆడిట్ జరగాలి. తరచూ ప్రమాదం జరిగే సెజ్ ప్రాంతాల్లో ఆస్పత్రుల్ని నిర్మించాలి’ అని ఆమె అభిప్రాయపడ్డారు.
News August 22, 2024
‘విశ్వంభర’ నుంచి ఈరోజు క్రేజీ అప్‌డేట్!
మెగాస్టార్ చిరంజీవి ఫ్యాన్స్‌కు ‘విశ్వంభర’ టీమ్ తీపి కబురు చెప్పింది. ఈరోజు ఆయన పుట్టినరోజు సందర్భంగా ఉదయం 10.08 గంటలకు అప్‌డేట్ ఇవ్వనున్నట్లు ప్రకటించింది. ఈమేరకు ఓ పోస్టర్‌ను విడుదల చేసింది. చేతిలో శూలంతో ఓ పోర్టల్ ఎదుట చిరు నిల్చున్నట్లుగా అందులో కనిపిస్తోంది. వశిష్ఠ డైరెక్షన్‌లో యూవీ క్రియేషన్స్ నిర్మిస్తున్న ఈ సినిమాలో త్రిష, ఆషికా రంగనాథ్ చిరు సరసన కనిపించనున్నారు.
Featured News
Sorry, no posts matched your criteria.