India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 1, 2024
NPCIకి రాజీనామా.. MCX ఎండీగా ప్రవీణా రాయ్
నేషనల్ పేమెంట్స్ కార్పొరేషన్ ఆఫ్ ఇండియా COO ప్రవీణా రాయ్ తన పదవికి రాజీనామా చేశారు. వెంటనే మల్టీ కమొడిటీ ఎక్స్చేంజ్(MCX) MD, CEOగా బాధ్యతలు చేపట్టారు. ఈమె నియామకానికి ‘సెబీ’ ఆగస్టులోనే ఆమోదం తెలిపింది. ఫైనాన్షియల్ సెక్టార్‌లో ఆమెకు 30ఏళ్ల అనుభవం ఉంది. కోటక్ మహీంద్రా, సిటీ బ్యాంక్, HSBC బ్యాంకుల్లో పని చేశారు. NPCIలో బిజినెస్ స్ట్రాటజీ, మార్కెటింగ్ తదితర విభాగాలను పర్యవేక్షించారు.
News November 1, 2024
ఎవరు కావాలో మాకు తెలుసు: పార్థ్ జిందాల్
రిషభ్ పంత్‌ను DC అట్టిపెట్టుకోకపోవడం, జట్టు కూర్పుపై కో ఓనర్ పార్థ్ జిందాల్ స్పందించారు. ‘ఎవరు కావాలో మాకు తెలుసు. అనుభవం, యంగ్ ప్లేయర్ల కలయికతో అక్షర్, కుల్దీప్, స్టబ్స్, పొరెల్‌ను రిటైన్ చేసుకున్నాం. ఇందుకు హ్యాపీగానే ఉన్నాం. మాకు రెండు RTM కార్డులున్నాయి. గతంలో ఢిల్లీకి ఆడిన ఆటగాళ్లను కొనసాగించుకునే అవకాశం ఉంది. మెగా వేలంలో అనుసరించాల్సిన వ్యూహంపై కసరత్తు చేస్తున్నాం’ అని తెలిపారు.
News November 1, 2024
ట్రంప్ అసభ్యంగా తాకి ముద్దు పెట్టారు.. స్విస్ మోడల్ బీట్రైస్ కీల్
ట్రంప్ లైంగిక దుష్ప్ర‌వ‌ర్త‌న‌పై మ‌రో మోడల్ ఆరోప‌ణ‌లు గుప్పించారు. 1993లో న్యూయార్క్‌లోని ప్లాజా హోటల్‌లో డోనాల్డ్ ట్రంప్ తనను అనుచితంగా తాకి, పెదాల‌పై ముద్దు పెట్టారని స్విస్ మోడల్ బీట్రైస్ కీల్ ఆరోపించారు. దీంతో ట్రంప్‌పై లైంగిక దుష్ప్రవర్తన ఆరోప‌ణ‌ల సంఖ్య 28కి చేరింది. ఇటీవ‌ల మోడల్ స్టాసీ విలియమ్స్ కూడా ట్రంప్‌పై ఈ త‌ర‌హా ఆరోప‌ణ‌లు చేశారు. అయితే, ట్రంప్ బృందం ఈ ఆరోప‌ణ‌ల్ని ఖండించింది.
News November 1, 2024
English Learning: Antonyms
✒ Bleak× Bright, Cheerful
✒ Bold× Timid
✒ Boisterous× Placid, Calm
✒ Blunt× Keen, Sharp
✒ Callous× Compassionate, Tender
✒ Capable× Incompetent, Inept
✒ Calamity× Fortune
✒ Calculating× Artless, honest
✒ Calumny× Commendation, Praise
News November 1, 2024
వరదల కల్లోలం.. 158 మంది దుర్మరణం
స్పెయిన్‌లో భారీ వర్షాలు, వరదలు అల్లకల్లోలం సృష్టించాయి. ఇప్పటి వరకు 158 మంది చనిపోయినట్లు అధికారులు ప్రకటించారు. వాలెన్సియా సిటీలోని 155 మంది మృత్యువాత పడినట్లు తెలిపారు. వరదల తర్వాత పరిస్థితి భయానకంగా ఉంది. కొట్టుకుపోయిన వాహనాల్లోనే మృతదేహాలు బయటపడుతున్నాయి. భారీ వృక్షాలు నేలకూలగా విద్యుత్ లైన్లు, రోడ్లు నామరూపాల్లేకుండా కొట్టుకుపోయాయి.
News November 1, 2024
టెక్సాస్ ‘ది హిల్స్’ మేయర్ పోటీలో ఏపీ యువకుడు
US టెక్సాస్‌లోని ‘ది హిల్స్’ పట్టణ మేయర్ ఎన్నికల్లో బాపట్ల(D)కు చెందిన కార్తీక్ నరాలశెట్టి(35) పోటీ చేస్తున్నారు. ‘నో క్లోజ్డ్‌ డోర్స్‌, జస్ట్ ఓపెన్‌ కన్వర్జేషన్స్‌’ నినాదంతో ప్రచారం నిర్వహిస్తున్నారు. ఈ నెల 5న జరిగే పోలింగ్‌లో విజయం సాధిస్తే ది హిల్స్ మేయర్ పదవి చేపట్టిన అతి చిన్న వయస్కుడిగా నిలుస్తారు. ఢిల్లీలో చదివిన ఆయన ఉన్నతవిద్య కోసం అమెరికా వెళ్లి వ్యాపారవేత్తగా స్థిరపడ్డారు.
News November 1, 2024
సుమతీ నీతి పద్యం: నీ శత్రువు ఎవరు?
తన కోపమె తన శత్రువు
తన శాంతమె తనకు రక్ష దయ చుట్టంబౌ
తన సంతోషమె స్వర్గము
తన దుఃఖమె నరకమండ్రు తథ్యము సుమతీ!
తాత్పర్యం: ఎవరికైనా తన కోపమే తన శత్రువుగా మారుతుంది. తన శాంతమే తనకు రక్షగా నిలుస్తుంది. తను చూపే దయాగుణమే బంధువుల మాదిరి సహకరించును. తాను సంతోషముగా ఉంటే స్వర్గంతో సమానం. తాను దుఃఖంలో ఉంటే అది నరకంతో సమానం.
News November 1, 2024
కలకలం: వారంలోనే 10 ఏనుగులు మృత్యువాత
MP బాంధవ్‌గఢ్ టైగర్ రిజర్వ్(BTR)లో ఈ వారంలోనే 10 ఏనుగులు మృత్యువాత పడటం కలకలం రేపుతోంది. వీటి మరణాలకు సంబంధించి అనుమానాస్పదంగా ఏమీ కనిపించడం లేదని చీఫ్ కన్జర్వేటర్ ఆఫ్ ఫారెస్ట్ అంబాదే తెలిపారు. పోస్టుమార్టం, ఫోరెన్సిక్ నివేదిక తర్వాత వాస్తవాలు వెలుగులోకి వస్తాయన్నారు. ఈ ఘటనలపై దర్యాప్తు చేసేందుకు ఢిల్లీకి చెందిన వైల్డ్‌లైఫ్ క్రైమ్ కంట్రోల్ బ్యూరో అధికారులతో కమిటీని ఏర్పాటుచేసినట్లు పేర్కొన్నారు.
News November 1, 2024
అరుదైన రికార్డు ముంగిట అశ్విన్
NZతో ఇవాళ్టి నుంచి ప్రారంభమయ్యే మూడో టెస్టులో ఓ అరుదైన రికార్డుపై అశ్విన్ కన్నేశారు. ఈ మ్యాచ్‌ ఒక ఇన్నింగ్స్‌లో 5 వికెట్లు తీస్తే ఇంటర్నేషనల్ క్రికెట్‌లో భారత్ తరఫున అత్యధికసార్లు ఐదు వికెట్లు కూల్చిన ప్లేయర్‌, ఓవరాల్‌గా నాలుగో ప్లేయర్‌గా నిలుస్తారు. ప్రస్తుతం కుంబ్లే, అశ్విన్ చెరో 37 సార్లు ఐదు వికెట్లు పడగొట్టారు. ఈ జాబితాలో మురళీధరన్(77), రిచర్డ్(41), షేన్ వార్న్(38) తొలి 3 స్థానాల్లో ఉన్నారు.
News November 1, 2024
నవంబర్ 1: చరిత్రలో ఈరోజు
✒ 1897: ప్రముఖ కవి దేవులపల్లి కృష్ణశాస్త్రి జననం
✒ 1956: ఉమ్మడి ఏపీతో పాటు కేరళ, మైసూరు, బిహార్, మధ్యప్రదేశ్, రాజస్తాన్, అస్సాం, బెంగాల్ రాష్ట్రాల ఆవిర్భావం
✒ 1959: APలో పంచాయతీ రాజ్ వ్యవస్థ మొదలు
✒ 1966: పంజాబ్, హరియాణా రాష్ట్రాల ఏర్పాటు
✒ 1973: మైసూరు రాష్ట్రం పేరు కర్ణాటకగా మార్పు
✒ 1974: మాజీ క్రికెటర్ వీవీఎస్ లక్ష్మణ్ జననం
✒ 1986: హీరోయిన్ ఇలియానా జననం
✒ 1989: అలనాటి హీరో హరనాథ్ మరణం
Featured News
Sorry, no posts matched your criteria.