India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 21, 2024
ఎగ్ పఫ్‌ల కోసం రూ.3.6 కోట్ల ఖర్చని ట్వీట్.. ఖండించిన వైసీపీ
AP: జగన్ సీఎంగా ఉన్నప్పుడు ముఖ్యమంత్రి కార్యాలయంలో ఎగ్ పఫ్‌ల కోసం రూ.3.6 కోట్ల ఖర్చు చేశారన్న ఓ నేషనల్ మీడియా జర్నలిస్ట్ ట్వీట్‌పై వైసీపీ మండిపడింది. ఎలాంటి ఆధారాలు లేని వదంతులను నమ్మడం బాధాకరమని పేర్కొంది. సోషల్ మీడియాలో తప్పుడు ప్రచారం జరుగుతోందని, వాస్తవాలు తెలుసుకుని న్యూస్ వేయాలని హితవు పలికింది.
News August 21, 2024
ఆర్జీకర్ ఆస్పత్రి వద్ద CISF భద్రత
కోల్‌కతా ఆర్జీకర్ ఆస్పత్రి భద్రతను కేంద్ర బలగాలు తమ అధీనంలోకి తీసుకున్నాయి. CISF సీనియర్ అధికారులు ఉదయమే ఆస్పత్రిని సందర్శించారు. పరిస్థితులను సమీక్షించారు. ‘మా పని మమ్మల్ని చేసుకోనివ్వండి. పైవాళ్లు అప్పగించిన పని కోసం మేమిక్కడికి వచ్చాం. దాన్ని పూర్తిచేయనివ్వండి. అత్యున్నత అధికారులు మీకు మరిన్ని వివరాలు చెబుతారు’ అని సీఐఎస్ఎఫ్ ఉన్నతాధికారి కే ప్రతాప్ సింగ్ మీడియాకు తెలిపారు.
News August 21, 2024
BREAKING: వైసీపీ కార్యాలయానికి నోటీసులు
AP: మంగళగిరిలోని వైసీపీ కేంద్ర కార్యాలయానికి పోలీసులు నోటీసులు ఇచ్చారు. టీడీపీ కేంద్ర కార్యాలయంపై దాడి జరిగిన రోజు సీసీ ఫుటేజ్ సమర్పించాలని నోటీసుల్లో పేర్కొన్నారు. 2021 అక్టోబర్ 19న దాడి జరిగే ముందు వైసీపీ కార్యాలయం నుంచి ఎవరెవరు బయల్దేరారనే అంశంపై పోలీసులు ఆరా తీస్తున్నారు. ఇదే ఘటనకు సంబంధించి వైసీపీ నేత దేవినేని అవినాశ్‌కు పోలీసులు నోటీసులిచ్చారు.
News August 21, 2024
BIG ALERT.. భారీ వర్షాలు
తెలంగాణలోని పలు జిల్లాల్లో రేపు ఉదయం 8.30 గంటల వరకు భారీ వర్షాలు కురుస్తాయని HYD వాతావరణ కేంద్రం తెలిపింది. ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, సిరిసిల్ల, కరీంనగర్, పెద్దపల్లి, VKB, సంగారెడ్డి, మెదక్, కామారెడ్డి, మహబూబ్‌నగర్, నాగర్‌కర్నూలులో భారీ వర్షాలు పడతాయని ఎల్లో అలర్ట్ జారీ చేసింది. అటు మిగతా జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు పడతాయని హెచ్చరించింది.
News August 21, 2024
IRCTC ప్యాకేజీతో ఒకే ట్రిప్‌లో అయోధ్య, వారణాసి దర్శనాలు
సికింద్రాబాద్, కాజీపేట, మంచిర్యాల, పెద్దపల్లి, రామగుండం, సిర్పూర్ నుంచి సాగే ఈ యాత్ర(5 రాత్రులు, 6 పగళ్లు) SEP 22 నుంచి అందుబాటులో ఉంటుంది. కాశీ విశ్వనాథ్, కాలభైరవ ఆలయం, గంగా హారతి, అయోధ్య, దశరథ్ మహల్, సరయు ఘాట్ చూడొచ్చు. 3 పూటలా ఫుడ్, రూమ్స్ ఏర్పాటు చేస్తారు. ACలో ట్విన్ షేరింగ్‌కు ₹24,350, ట్రిపుల్ షేరింగ్‌కు ₹19,720, స్లీపర్‌లో ట్విన్ షేరింగ్‌కు ₹17,220, ట్రిపుల్ షేరింగ్‌కు ₹16,710 చెల్లించాలి.
News August 21, 2024
లోకేశ్ టీ, బిస్కెట్ల ఖర్చులపై పోస్టులు.. ఖండించిన ఫ్యాక్ట్ చెక్
AP: మంత్రి నారా లోకేశ్ టీ, బిస్కెట్ల ఖర్చులపై జరుగుతున్న ప్రచారాన్ని ఏపీ గవర్నమెంట్ ఫ్యాక్ట్ చెక్ ఖండించింది. ఇదంతా పూర్తి అసత్యమని, ప్రజలు నమ్మొద్దని కోరింది. ఇటువంటి ఫేక్ పోస్టులు పెట్టేవారిపై చట్టరీత్యా చర్యలు తీసుకుంటామని హెచ్చరించింది. కాగా అత్యంత ఖరీదైన టీ కోసం నారా లోకేశ్ నెలకు రూ.60 లక్షలు, బిస్కెట్లకు నెలకు రూ.5 లక్షలు ఖర్చు చేస్తున్నారని పలువురు సోషల్ మీడియాలో పోస్టులు పెట్టారు.
News August 21, 2024
ALERT: ఎంపాక్స్ పట్ల జాగ్రత్తగా ఉండండి!
ఎంపాక్స్ కేసులు పెరుగుతున్న దృష్ట్యా ప్రజలు తీసుకోవాల్సిన జాగ్రత్తలపై కేంద్రం అవగాహన కల్పిస్తోంది. ఎంపాక్స్ సోకిన వారు 2-4 వారాల్లో కోలుకుంటారు. వైరస్ సోకిన వ్యక్తికి సన్నిహితంగా ఉన్నా, రోగి వాడిన బట్టలను వినియోగించినా వైరస్ అంటుకుంటుంది. ఎంపాక్స్ సోకినవారిలో జ్వరం, తలనొప్పి, ఒళ్లు నొప్పులు, గొంతునొప్పి, దగ్గు ఉంటుంది. జ్వరం వచ్చిన మూడురోజుల్లో దద్దుర్లు కనిపించి, 2-4 వారాలు ఉంటాయి.
News August 21, 2024
రుణమాఫీపై దృష్టి మరల్చేందుకే రేవంత్ చిల్లర భాష: కేటీఆర్
TG: సీఎం రేవంత్ రెడ్డి బజారు భాష మాట్లాడుతున్నారని అందుకు నిరసనగా రేపు తెలంగాణ తల్లికి పాలాభిషేకం చేస్తామని కేటీఆర్ అన్నారు. ‘రుణమాఫీపై దృష్టిని మరల్చేందుకు రేవంత్ చిల్లర భాష ఉపయోగిస్తున్నారు. KCRను తిడితే కొన్ని మీడియా సంస్థలు సంతోష పడుతున్నాయి. కానీ మేం డైవర్ట్ కాము. రైతుల పక్షానే పోరాడతాం. ఆంక్షలు లేకుండా ఎప్పటివరకు రుణమాఫీ చేస్తారో ప్రభుత్వం చెప్పాలి’ అని డిమాండ్ చేశారు.
News August 21, 2024
ప్రిడేటరీ ప్రైసింగ్ అంటే..
ఇదొక వ్యాపార వ్యూహం. ఏదైనా రంగంలో ఆధిపత్యం చెలాయిస్తున్న కంపెనీలు తమ ఉత్పత్తులకు తక్కువ ధరలు నిర్ణయిస్తాయి. కొన్నిసార్లు తమకయ్యే ఖర్చు కన్నా తక్కువ ధర పెట్టి నష్టాలను భరిస్తాయి. కస్టమర్లను పెంచుకొని పోటీ సంస్థలను తొక్కేస్తాయి. మోనోపలి స్థాయికి చేరాక అమాంతం ధరలు పెంచేసి, క్వాలిటీ తగ్గించి కస్టమర్లకు ఛాయిస్ లేకుండా చేస్తాయి. వేగంగా నష్టాల్ని పూడ్చుకొని లాభాలు గడిస్తాయి. చాలా దేశాల్లో ఇది నేరం.
News August 21, 2024
హైడ్రా కూల్చివేతల తీరుపై హైకోర్టు ప్రశ్నలు
TG: అక్రమ నిర్మాణాలు కూల్చివేస్తున్న హైడ్రా పరిధిపై <<13906009>>హైకోర్టు<<>> ప్రభుత్వాన్ని ప్రశ్నించింది. దీని విధివిధానాలు చెప్పాలని AAGని ఆదేశించింది. ఇదొక ఇండిపెండెంట్ బాడీ అని, చెరువుల పరిరక్షణ కోసమే ఏర్పాటైందని AAG కోర్టుకు వివరించారు. స్థానిక సంస్థల అనుమతితో చేపట్టిన నిర్మాణాలు అక్రమమని 15-20 ఏళ్ల తర్వాత కూల్చేస్తే ఎలా అంటూ.. తదుపరి విచారణను కోర్టు మ.2.15కు వాయిదా వేసింది.
Featured News
Sorry, no posts matched your criteria.