India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
44,288 ఉద్యోగాలు.. ఎల్లుండి వరకే ఛాన్స్
దేశంలోని పోస్టాఫీసుల్లోని 44,288 పోస్ట్ మాస్టర్, అసిస్టెంట్ పోస్ట్ మాస్టర్, డాక్ సేవక్ ఉద్యోగాల భర్తీకి దరఖాస్తుల స్వీకరణ ముగిసింది. నేటి నుంచి AUG 8 వరకు అభ్యర్థులు దరఖాస్తుల్లో మార్పులు చేసుకోవచ్చు. ఉదయం సర్వర్‌లో లోపం కారణంగా <
News August 6, 2024
ఫొగట్‌.. ది రియల్ ఫైటర్: ఫ్యాన్స్
పారిస్ ఒలింపిక్స్‌లో రెజ్లింగ్‌లో సెమీఫైనల్‌కు దూసుకెళ్లిన భారత రెజ్లర్ వినేశ్ ఫొగట్‌పై అభినందనలు వెల్లువెత్తుతున్నాయి. ఆమె రియల్ ఫైటర్ అని కొనియాడుతున్నారు. లైంగిక వేదింపుల ఆరోపణలో బ్రిజ్ భూషన్‌ను ఆరెస్ట్ చేయాలని ఢిల్లీ వీధుల్లో ఆమె కన్నీళ్లు పెట్టుకున్న క్షణాలను ఫ్యాన్స్ గుర్తుచేస్తున్నారు. ఎన్నో అవమానాలు, అరెస్టులను ఎదుర్కొన్నారని, ఒలింపిక్స్‌లో గోల్డెన్ గర్ల్ అవుతుందని అభిప్రాయపడుతున్నారు.
News August 6, 2024
విద్యుత్ వాహనంలో వెళ్తున్నారా.. బీ కేర్‌ఫుల్!
విద్యుత్ వాహనాల్లో ప్రయాణించేవారికి బెంగళూరు ట్రాఫిక్ పోలీసులు కీలక సూచనలు చేశారు. రోడ్డుపై నీరు మరీ ఎక్కువగా ఉన్నప్పుడు ఆ దారిలో వెళ్లకపోవడమే మంచిదని తెలిపారు. ‘రెండడుగుల లోతు ఉన్న నీటిలో వెళ్లిన ఓ విద్యుత్ బస్సు బ్యాటరీలోకి నీరు వెళ్లిపోయి షార్ట్ సర్క్యూట్ అయింది. అదృష్టవశాత్తూ ఎవరికీ ఏం కాలేదు. ఈవీలు నడిపేవారు నీరు నిల్వ ఉన్న రోడ్లపై వెళ్లకండి’ అని స్పష్టం చేశారు.
News August 6, 2024
అన్ని లారీలను తనిఖీ చేయండి: మనోహర్
AP: కాకినాడ పోర్టు కేంద్రంగా జరుగుతున్న రేషన్ బియ్యం అక్రమ రవాణాపై మంత్రి నాదెండ్ల మనోహర్ ప్రత్యేక నిఘా పెట్టారు. 8 విభాగాల పర్యవేక్షణలో చెక్‌పోస్టులు ఏర్పాటు చేయించారు. కాకినాడ యాంకరేజ్ నుంచి ముంబై రోడ్డులో ఏర్పాటు చేసిన చెక్‌పోస్టులో నిన్న ఒక్కరోజే రీసైక్లింగ్ రేషన్ బియ్యం తరలిస్తున్న 6 లారీలను గుర్తించారు. దీంతో పోర్టు మార్గంలో అన్ని లారీలను తనిఖీ చేయాలని మంత్రి అధికారులను ఇవాళ ఆదేశించారు.
News August 6, 2024
జగన్‌కు 980 మందితో భద్రత అవసరమా?: అనిత
AP: మాజీ సీఎం వైఎస్ జగన్‌కు సరిపడా భద్రత కల్పిస్తున్నామని హోంమంత్రి అనిత తెలిపారు. ఆయనకు 980 మందితో భద్రత అవసరమా అని ఆమె ప్రశ్నించారు. ‘రాజకీయ లబ్ధి కోసమే తన భద్రత, ప్రతిపక్ష హోదాపై జగన్ హైకోర్టుకు వెళ్లారు. అంతేకానీ ఆయన ప్రజా సమస్యలపై కోర్టుకు వెళ్లటం లేదు. పులివెందులలోని జగన్ బాధితులు ప్రజాదర్బార్‌కు వచ్చి మొరపెట్టుకుంటున్నారు’ అని ఆమె వ్యాఖ్యానించారు.
News August 6, 2024
బాధితులను పరామర్శించిన జగన్
AP: టీడీపీ శ్రేణుల దాడిలో గాయపడిన వైసీపీ కార్యకర్తలను మాజీ సీఎం వైఎస్ జగన్ పరామర్శించారు. విజయవాడలోని సన్‌రైజ్ ఆస్పత్రిలో చికిత్స పొందుతున్న శ్రీనివాసరావు, గోపీ, రామకృష్ణలను ఆయన పరామర్శించి భరోసా ఇచ్చారు.
News August 6, 2024
‘కృష్ణా’ పరీవాహక ప్రజలకు అలర్ట్
AP: కృష్ణా నదిలో ప్రవాహం పెరగడంతో నదీ పరీవాహక ప్రాంత ప్రజలు అప్రమత్తంగా ఉండాలని విపత్తుల నిర్వహణ సంస్థ హెచ్చరించింది. నదిలో పడవలు, పంట్లలో ప్రయాణించవద్దని తెలిపింది. జంతువులను ముంపు ప్రాంతాల నుంచి సురక్షిత ప్రాంతాలకు తరలించాలని సూచించింది. అలాగే నదిలో ఈత కొట్టడం, చేపలు పట్టడం వంటివి చేయొద్దని పేర్కొంది. అత్యవసర సహాయం కోసం 1070, 112, 18004250101 టోల్ ఫ్రీ నంబర్లను సంప్రదించాలని కోరింది.
News August 6, 2024
గన్నవరం చేరుకున్న వైఎస్ జగన్
AP: బెంగళూరు నుంచి మాజీ సీఎం వైఎస్ జగన్ రాష్ట్రానికి చేరుకున్నారు. గన్నవరం ఎయిర్‌పోర్ట్‌లో ఆయనకు వైసీపీ నేతలు, కార్యకర్తలు ఘనస్వాగతం పలికారు. టీడీపీ శ్రేణుల దాడిలో గాయపడి విజయవాడ ఆస్పత్రిలో చికిత్స పొందుతున్న పలువురు వైసీపీ కార్యకర్తలను జగన్ పరామర్శించనున్నారు. ఆ తర్వాత ఆయన తాడేపల్లిలోని తన నివాసానికి చేరుకోనున్నారు.
News August 6, 2024
ఇది కోతలు కోసే ప్రభుత్వం: BJP
TG: రేవంత్ సర్కార్‌పై సోషల్ మీడియా వేదికగా తెలంగాణ బీజేపీ విమర్శలు గుప్పించింది. ‘కోతలు కోసే రేవంత్.. చేతులెత్తేసే ప్రభుత్వం..’ అంటూ క్యాప్షన్‌తో ఓ ట్వీట్ చేసింది. ‘రాష్ట్రంలో కరెంట్ కోతలు, రుణమాఫీలో కోతలు, రైతు భరోసాలో కోతలు, నోటిఫికేషన్లలో కోతలు, సాగు-తాగు నీళ్లలో కోతలు, మెడికల్ సీట్ల వాటాలో కోతలు’ అంటూ ఒక ఫొటోను పంచుకుంది. BJP విమర్శలపై మీ అభిప్రాయం ఏంటో కామెంట్ చేయండి.
News August 6, 2024
మోసాలపై బ్యాంకుల పరిహారం రూ.140 కోట్లు
మోసపోయిన కస్టమర్లకు FY24లో ప్రభుత్వ బ్యాంకులిచ్చిన పరిహారం రూ.140 కోట్లని FM నిర్మల తెలిపారు. FY23లో ఈ విలువ రూ.42 కోట్లన్నారు. FY24లో UBI రూ.74.96 Cr, BOI రూ.20.38 Cr, IB రూ.16 Cr చెల్లించాయన్నారు. 2017 నాటి RBI రూల్స్ ప్రకారం బ్యాంకు నిర్లక్ష్యం, లోపం, వ్యవస్థ వల్ల జరిగే అనధీకృత లావాదేవీలకు కస్టమర్ జవాబుదారీ అవ్వరని చెప్పారు. ఒకవేళ నిర్లక్ష్యం కస్టమర్‌దే అయితే నష్టం భరించక తప్పదని వెల్లడించారు.
Featured News
Sorry, no posts matched your criteria.