India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 31, 2024
హైదరాబాదీ పేసర్‌కు ఆర్సీబీ నో ఛాన్స్!
టీమ్‌ఇండియా స్టార్ పేసర్ మహ్మద్ సిరాజ్ను ఆర్సీబీ రిటైన్ చేసుకోలేదు. కెప్టెన్ డుప్లిసెస్‌, మ్యాక్స్‌వెల్, గ్రీన్‌లను సైతం వేలంలోకి వదిలేసింది. రూ.37 కోట్లు వెచ్చించి ముగ్గురిని రిటైన్ చేసుకుంది. కాగా ఐపీఎల్‌ 2024లో రూ.7కోట్లకు సిరాజ్ను RCB కొనుగోలు చేసింది. ఆ సీజన్‌లో 14 మ్యాచులు ఆడిన సిరాజ్ 15 వికెట్లు తీసి 496 పరుగులిచ్చారు. మరి మెగా వేలంలో ఈ హైదరాబాదీ పేసర్ ఎంత పలుకుతాడో కామెంట్ చేయండి.
News October 31, 2024
మహారాష్ట్ర ఎన్నికల్లో BRS పోటీపై KTR స్పందన
మహారాష్ట్రలో వచ్చే నెలలో జరగనున్న అసెంబ్లీ ఎన్నికల్లో BRS పోటీ చేస్తుందా? అన్న ప్రశ్నకు #AskKTRలో KTR వివరించారు. ‘ప్రస్తుతం మా ఫోకస్ మొత్తం మా సొంత రాష్ట్రం తెలంగాణపైనే ఉంది’ అని బదులిచ్చారు. అటు HYDలో నెలరోజులు 144 సెక్షన్ పెట్టడం షాకింగ్ అంశమని, రాష్ట్రాభివృద్ధి విషయంలో కాంగ్రెస్ డిజాస్టర్ అని ఆయన నెటిజన్ల ప్రశ్నలకు సమాధానంగా చెప్పారు.
News October 31, 2024
BPL ఫౌండర్ గోపాలన్ నంబియార్ మృతి
భారత ఎల‌క్ట్రానిక్ కంపెనీ బీపీఎల్ గ్రూప్ వ్య‌వ‌స్థాప‌కులు టీపీ గోపాలన్ నంబియార్ (94) క‌న్నుమూశారు. గత కొన్ని రోజులుగా అనారోగ్యంతో బాధ‌ప‌డుతున్న ఆయన గురువారం ఉద‌యం 10.15 గంట‌ల‌కు తుదిశ్వాస విడిచిన‌ట్టు ఆయన కుటుంబ స‌భ్యులు తెలిపారు. నంబియార్ మృతిపై ప్ర‌ధాని న‌రేంద్ర మోదీ సంతాపం వ్య‌క్తం చేశారు. దేశ ఆర్థిక వ్య‌వ‌స్థ బ‌లోపేతాన్ని బ‌లంగా కాంక్షించిన పారిశ్రామికవేత్త అని కొనియాడారు.
News October 31, 2024
మహారాష్ట్ర త‌దుప‌రి సీఎం ఫడ్నవీస్: రాజ్ థాక్రే
దేవేంద్ర ఫడ్నవీస్ త‌దుప‌రి మహారాష్ట్ర CM అవుతార‌ని MNS చీఫ్ రాజ్ థాక్రే జోస్యం చెప్పారు. ఎన్నిక‌ల త‌రువాత MNS, BJP క‌లుస్తాయ‌ని ఆయన పేర్కొన్నారు. దీనిపై శివ‌సేన UBT MP సంజ‌య్ రౌత్ స్పందిస్తూ కుమారుడు అమిత్ థాక్రే భ‌విష్య‌త్తుపై ఆందోళ‌న‌తోనే రాజ్ BJP జ‌పం చేస్తున్నార‌ని విమ‌ర్శించారు. మోదీ, అమిత్ షాల‌ను MHలో అనుమ‌తించ‌కూడ‌ద‌న్న వ్య‌క్తే ఈ రోజు BJPని పొగుడుతున్నార‌ని దుయ్య‌బ‌ట్టారు.
News October 31, 2024
భారత స్టార్ ప్లేయర్లకు బిగ్ షాక్
టీమ్ ఇండియా స్టార్ ప్లేయర్లు రిషభ్ పంత్, కేఎల్ రాహుల్, శ్రేయస్ అయ్యర్, ఇషాన్ కిషన్, మహ్మద్ షమీ, యుజ్వేంద్ర చాహల్, వాషింగ్టన్ సుందర్, రవిచంద్రన్ అశ్విన్, శార్దూల్ ఠాకూర్, దీపక్ చాహర్ తదితరులకు ఆయా ఫ్రాంచైజీలు బిగ్ షాక్ ఇచ్చాయి. వీరందరిని వేలానికి వదిలేశాయి. దీంతో వీరందరూ వచ్చే నెలలో జరిగే మెగా వేలంలో ఉంటారు. వీరిలో కొందరు రూ.20 కోట్ల వరకు పలికే ఛాన్స్ ఉన్నట్లు విశ్లేషకులు అభిప్రాయపడుతున్నారు.
News October 31, 2024
రేపు ఏలూరు జిల్లాలో పవన్ పర్యటన
AP: ఏలూరు జిల్లాలో డిప్యూటీ సీఎం పవన్ కళ్యాణ్ రేపు పర్యటించనున్నారు. ఐఎస్ జగన్నాథపురంలో ఉచిత గ్యాస్ సిలిండర్‌ను లబ్ధిదారులకు ఆయన అందిస్తారు. కాగా ఈ స్కీమ్‌పై సోషల్ మీడియాలో జరుగుతున్న అసత్య ప్రచారాన్ని నమ్మొద్దని మంత్రి నాదెండ్ల మనోహర్ కోరారు. గ్యాస్ కనెక్షన్, రేషన్, ఆధార్ కార్డు ఉన్న ప్రతి ఒక్కరికీ పథకం వర్తిస్తుందని తెలిపారు. వినియోగదారులు 1967 టోల్ ఫ్రీ నంబరును సంప్రదించవచ్చని తెలిపారు.
News October 31, 2024
2025లో జనంలోకి KCR: KTR
TG: వచ్చే ఏడాది నుంచి KCR ప్రజాక్షేత్రంలోకి వస్తారని KTR వెల్లడించారు. KCR ఆరోగ్యం, ఆయన బయటకు ఎందుకు రావడం లేదన్న ప్రశ్నకు #AskKTRలో స్పందించారు. ‘ఆయన సంపూర్ణ ఆరోగ్యంతో ఉన్నారు. ప్రతిరోజూ మాకు మార్గనిర్దేశం చేస్తున్నారు. బాధ్యతాయుతమైన ప్రతిపక్ష నేతగా, 420 హామీలను నెరవేర్చడానికి ప్రభుత్వానికి సమయం ఇస్తున్నారు. 2025 నుంచి KCR ప్రజల్లోకి వస్తారు. కుదిరితే ఇంకా ముందే దిగుతారు’ అని చెప్పారు.
News October 31, 2024
ధనత్రయోదశి: ఫస్ట్ టైమ్ బంగారాన్ని ఓడించిన వెండి
భారత నగల మార్కెట్ చరిత్రలో తొలిసారి వెండి అమ్మకాలు సరికొత్త రికార్డు సృష్టించాయి. ధనత్రయోదశి వేళ కస్టమర్లు బంగారం కన్నా దీనినే ఎక్కువ కొనుగోలు చేశారు. ‘గత సీజన్‌తో పోలిస్తే సిల్వర్ రేట్ 40% పెరిగినా అమ్మకాలు 30-35% ఎగిశాయి. ఇలాంటి డిమాండ్ మునుపెన్నడూ చూడలేదు. వ్యాపార ప్రయోజనం వల్ల సిల్వర్‌పై పెట్టుబడి ఓ మంచి అవకాశంగా ప్రజలు అర్థం చేసుకుంటున్నారు’ అని IBJA జాతీయ సెక్రటరీ సురేంద్ర మెహతా తెలిపారు.
News October 31, 2024
LSG రిటెన్షన్ లిస్టు
IPL-2025 కోసం తాము రిటెన్షన్ చేసుకున్న జట్టును LSG ప్రకటించింది. ఇప్పటివరకు ఆ జట్టుకు కెప్టెన్‌గా ఉన్న కేఎల్ రాహుల్‌ను వదులుకుంది. నికోలస్ పూరన్‌ను అత్యధికంగా రూ.21 కోట్లకు రిటైన్ చేసుకుంది. రవి బిష్ణోయ్(రూ.11 కోట్లు), మయాంక్ యాదవ్(రూ.11 కోట్లు), మోసిన్ ఖాన్(రూ.4 కోట్లు), ఆయుష్ బదోనీ(రూ.4కోట్లు) LSG రిటైన్ చేసుకుంది.
News October 31, 2024
కోల్‌కతా నైట్‌రైడర్స్ రిటెన్షన్ ప్లేయర్లు వీరే..
కోల్‌కతా నైట్‌రైడర్స్ ఆరుగురు ప్లేయర్లను రిటెన్షన్ చేసుకుంది. రింకూ సింగ్ రూ.13 కోట్లు, వరుణ్ చక్రవర్తి రూ.12 కోట్లు, సునీల్ నరైన్ రూ.12 కోట్లు, రస్సెల్ రూ.12 కోట్లకు రిటైన్ చేసుకుంది. అన్‌క్యాప్‌డ్ ప్లేయర్లలో హర్షిత్ రాణా, రమణ్‌దీప్ సింగ్‌కు రూ.4కోట్లు వెచ్చించింది.
Featured News
Sorry, no posts matched your criteria.