India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 5, 2024
ప్రభుత్వ ఉద్యోగులకు ఉండే రూల్స్ మాకూ కావాలి: సచివాలయ ఉద్యోగులు
AP: ప్రభుత్వ ఉద్యోగులకు వర్తిస్తున్న రూల్స్ అన్నీ తమకూ వర్తింపజేయాలని గ్రామ, వార్డు సచివాలయ ఉద్యోగుల సమాఖ్య అధ్యక్షుడు కోటేశ్వరరావు అన్నారు. ‘రెండు నోషనల్ ఇంక్రిమెంట్లు ఇవ్వాలి. రావాల్సిన బకాయిలను మంజూరు చేయాలి. ప్రొబేషన్ డిక్లరేషన్ అయిన నాటి నుంచి జూనియర్ అసిస్టెంట్ పే స్కేల్ కల్పించాలి. ప్రమోషన్లు, బదిలీలు చేపట్టాలి. యూనిఫామ్ విధానాన్ని రద్దు చేయాలి’ అని ప్రభుత్వాన్ని కోరారు.
News August 5, 2024
వక్ఫ్ సవరణ బిల్లు: మొదట రాజ్యసభలోనే!
వక్ఫ్ బోర్డు అధికారాల సవరణ బిల్లును ఈ వారమే రాజ్యసభలో ప్రవేశ పెడతారని సమాచారం. ముస్లిం మేధావుల అభిప్రాయాల మేరకు కేంద్రం 32-40 సవరణలు చేయనుంది. 1954, 1995, 2013లో కేంద్రం వక్ఫ్‌కు అపరిమిత అధికారాలు కట్టబెట్టింది. అయితే భూ ఆక్రమణ, ఆస్తుల దుర్వినియోగంపై ఫిర్యాదులు వస్తున్నాయి. ఆ భూమిలో విద్యా సంస్థలు, ఆస్పత్రులు కట్టించి ముస్లిములకు మేలు చేయాలన్నదే ప్రభుత్వ ఆలోచన అని UP మంత్రి డానిష్ ఆజాద్ చెప్పారు.
News August 5, 2024
పిడుగుల నియంత్రణకు తాటి చెట్ల పెంపకం.. కారణం ఇదే!
పెరుగుతున్న పిడుగుపాటు మరణాలను తగ్గించేందుకు తాటి చెట్లను పెంచాలని ఒడిశా ప్రభుత్వం నిర్ణయించింది. తొలిదశలో రాష్ట్రవ్యాప్తంగా అడవుల సరిహద్దుల్లో 19 లక్షల మొక్కలను నాటనుంది. ఇతర చెట్లతో పోలిస్తే ఎక్కువ ఎత్తులో ఉండే తాటి చెట్లకు పిడుగులను గ్రహించే లక్షణాలున్నాయని నిపుణులు చెబుతున్నారు. గత 11 ఏళ్లలో ఒడిశాలో 3,790 మరణాలు పిడుగుపాటు వల్లే సంభవించాయి.
News August 5, 2024
షాద్‌నగర్ ఘటనలో ఆరుగురు పోలీసులు సస్పెండ్
TG: HYDలోని షాద్‌నగర్‌లో ఓ దళిత మహిళను పోలీసులు దారుణంగా కొట్టిన <<13777846>>ఘటనపై<<>> పోలీస్ శాఖ సీరియస్ అయ్యింది. డిటెక్టివ్ ఇన్‌స్పెక్టర్ రాంరెడ్డితో పాటు మరో ఐదుగురు కానిస్టేబుళ్లను సస్పెండ్ చేసింది. సస్పెండ్ అయిన వారిలో ఒక మహిళా కానిస్టేబుల్ కూడా ఉన్నారు. కాగా ఈ ఘటనపై ఇప్పటికే స్పందించిన CM రేవంత్ బాధితులకు అండగా ఉంటామని హామీ ఇచ్చారు. బాధ్యులు తప్పించుకోలేరన్నారు.
News August 5, 2024
బంగ్లా అల్లర్లు: ప్రభుత్వ ఏర్పాటుకు సిద్ధమైన ఆర్మీ
బంగ్లాదేశ్‌లో రాజకీయ పరిణామాలు అత్యంత వేగంగా మారుతున్నాయి. తాము తాత్కాలిక ప్రభుత్వాన్ని ఏర్పాటు చేస్తామని ఆర్మీ చీఫ్ వకార్ ఉజ్ జమాన్ ప్రకటించారు. ప్రజలు తమను విశ్వసించాలని టెలివిజన్ మాధ్యమం ద్వారా కోరారు. రిజర్వేషన్ల హింసాకాండలో బలైనవారికి న్యాయం చేస్తామని పేర్కొన్నారు. హంతకులను తప్పకుండా శిక్షిస్తామని హామీ ఇచ్చారు. పాలనపై ఇప్పటికే BNP, జాతీయ పార్టీ, జమాత్ ఈ ఇస్లామీ పార్టీలతో చర్చించామన్నారు.
News August 5, 2024
ఆ వివరాలు వెల్లడించలేం: రక్షణ శాఖ
దేశ సాయుధ ద‌ళాల్లోని వివిధ విభాగాల్లో ఉన్న ఖాళీల వివరాలు, వాటి భ‌ర్తీకి తీసుకుంటున్న చ‌ర్య‌ల‌ను బ‌హిర్గతం చేయ‌డం దేశ భ‌ద్ర‌త‌కు మంచిదికాద‌ని కేంద్ర రక్షణ శాఖ తెలిపింది. ఇది సున్నిత‌మైన అంశ‌మని పేర్కొంది. సాయుధ ద‌ళాల్లోని ఖాళీలు, వాటి భ‌ర్తీపై కాంగ్రెస్‌ ఎంపీ అనిల్ కుమార్ యాద‌వ్ అడిగిన ప్ర‌శ్న‌కు కేంద్ర రక్షణ శాఖ స‌హాయ మంత్రి సంజ‌య్ సేథ్ ఈ మేరకు బ‌దులిచ్చారు.
News August 5, 2024
భారత్-బంగ్లా సరిహద్దుల్లో హైఅలర్ట్
బంగ్లాదేశ్‌లో హింస, ప్రధాని షేక్ హసీనా <<13782099>>రాజీనామా<<>> నేపథ్యంలో భారత్-బంగ్లా సరిహద్దుల్లో BSF హైఅలర్ట్ జారీ చేసింది. ఆ దేశంతో భారత్ 4,096కి.మీ సరిహద్దును పంచుకుంటోంది. దీంతో ఆయా ప్రాంతాల్లో BSF భద్రతను కట్టుదిట్టం చేసింది. కాగా బంగ్లాను వీడిన హసీనా భారత్ వచ్చినట్లు వార్తలొస్తున్నాయి.
News August 5, 2024
రుణమాఫీ కానివారు ఈ నంబర్‌కు వాట్సాప్ చేయండి: BRS
TG: రుణమాఫీ జరగని రైతుల కోసం బీఆర్ఎస్ పార్టీ వాట్సాప్ హెల్ప్ లైన్ నంబర్‌ను ప్రకటించింది. అర్హులై ఉండి ఇప్పటి వరకూ రూ.లక్ష, రూ.లక్షన్నర లోపు రుణాలు మాఫీ కాని వారు 8374852619 నంబర్ ద్వారా వాట్సాప్‌లో తమ వివరాలను తెలియజేయాలని సూచించింది. రేవంత్ ప్రభుత్వం ఇటీవల రూ.లక్ష, రూ.లక్షన్నరలోపు ఉన్న రైతు రుణాలను మాఫీ చేసిన సంగతి తెలిసిందే.
News August 5, 2024
ఎవరీ షేక్ హసీనా?
బంగ్లాదేశ్ ప్రధాని పదవి నుంచి తప్పుకొన్న షేక్ హసీనా ఆ దేశ వ్యవస్థాపకుడు షేక్ ముజిబుర్ రెహమాన్ కూతురు. ఆమె 2009 నుంచి బంగ్లాకు ప్రధానిగా ఉన్నారు. ప్రపంచంలోనే ఎక్కువ కాలం ప్రభుత్వ అధినేతగా వ్యవహరించిన మహిళగా ఆమె నిలిచారు. సివిల్ సర్వీసుల్లో <<13782223>>రిజర్వేషన్ కోటా<<>> రద్దు చేయాలంటూ అక్కడి విద్యార్థులు చేపట్టిన ఆందోళన తీవ్రరూపం దాల్చడంతో చివరికి తన పదవికి రాజీనామా చేయాల్సి వచ్చింది.
News August 5, 2024
కష్టాల్లో ఫస్ట్ లేడీ బస్ డ్రైవర్‌!
TG: దేశంలోనే ఫస్ట్ లేడీ బస్ డ్రైవర్‌ వాంకుడోతు సరిత(NLG జిల్లా) ఆర్థిక సమస్యల్లో ఉన్నారు. సాయం చేయాలని ఆమె మంత్రి కోమటిరెడ్డిని కలిసి వేడుకున్నారు. 2015లో ఢిల్లీ ట్రాన్స్‌పోర్టులో డ్రైవర్‌గా చేశారు. అప్పటి రాష్ట్రపతి కోవింద్ కూడా ఆమెను ప్రశంసించారు. అయితే తల్లిదండ్రులను చూసుకునేందుకు ఆమె ఉద్యోగం వదిలి ఇక్కడికి వచ్చారు. కాగా సరితకు ఉద్యోగం ఇప్పించాలని మంత్రి పొన్నం, RTC MDని కోమటిరెడ్డి కోరారు.
Featured News
Sorry, no posts matched your criteria.