India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 11, 2026
నక్షత్ర దోషాలకు పరిహారం ఏంటి?
ఆశ్లేష, జ్యేష్ఠ, మూల వంటి ప్రత్యేక నక్షత్రాల్లో జన్మించిన వారికి వివాహ దోషాలు ఉంటాయని జ్యోతిషం చెబుతోంది. ఇవి వైవాహిక జీవితంపై ప్రభావం చూపుతాయి. ఇలాంటి దోషాల నివారణకు అమ్మవారి ఆరాధన శ్రేయస్కరం. ‘మంగళ గౌరీ వ్రతం’ ఆచరించడం వల్ల కన్యాదోషాలు తొలగిపోతాయి. ప్రతి నిత్యం లలితా అష్టోత్తరం చదవడం, శుక్రవారం నాడు ముత్తైదువులకు తాంబూలం ఇవ్వడం వల్ల గ్రహాల అనుకూలత పెరుగుతుంది. సత్వరమే వివాహ ఘడియలు దగ్గరపడతాయి.
News February 11, 2026
అంబటికి పీటీ వారెంట్.. జైలు నుంచి విడుదల మరింత ఆలస్యం
AP: YCP నేత అంబటి రాంబాబుకు సత్తెనపల్లి సివిల్ కోర్ట్ పీటీ వారెంట్ జారీ చేసింది. సత్తెనపల్లిలో సంక్రాంతి సంబరాల వేళ పెన్షన్ లబ్ధిదారుల నుంచి రూ.200 మినహాయించుకొని లక్కీ డ్రా టికెట్లు ఇచ్చినట్లు ఆరోపణలున్నాయి. దీనిపై గత ప్రభుత్వ హయాంలోనే కేసు నమోదు కాగా తాజాగా పోలీసులు పీటీ వారెంట్ దాఖలు చేయగా కోర్టు అనుమతి ఇచ్చింది. దీంతో అంబటిని రేపు కోర్టులో హాజరుపరచనున్నారు. ఫలితంగా ఆయన విడుదల ఆలస్యం కానుంది.
News February 11, 2026
భారత్ బంద్.. రేపు స్కూళ్లకు సెలవేనా?
కేంద్రం తెచ్చిన కొత్త కార్మిక చట్టాలను వ్యతిరేకిస్తూ రైతు, కార్మిక సంఘాలు రేపు భారత్ బంద్ చేపట్టనున్నాయి. ఇది ప్రజారవాణాపై ప్రభావం చూపే అవకాశం ఉంది. దీంతో తెలుగు రాష్ట్రాల్లోని స్కూళ్లకు సెలవు ఉండనుందని ప్రచారం జరుగుతోంది. కానీ ఇప్పటివరకు ప్రభుత్వాలు అధికారికంగా ఎలాంటి ప్రకటన చేయలేదు. హెల్త్, ఫైర్ వంటి ఎమర్జెన్సీ సేవలు అందుబాటులో ఉండనున్నాయి. అటు రేపటి బంద్లో పాల్గొనాలని PCCలను AICC ఆదేశించింది.
News February 11, 2026
2,273 ఉద్యోగాలు.. దరఖాస్తు గడువు పెంపు
SBI 2,273 సర్కిల్ బేస్డ్ ఆఫీసర్ పోస్టులకు అప్లై చేయడానికి దరఖాస్తు గడువును పొడిగించింది. ఫిబ్రవరి 18 ఆఖరుతేదీ కాగా.. ఫిబ్రవరి 25వరకు పెంచింది. డిగ్రీ ఉత్తీర్ణులై, వయసు 21-30 ఏళ్ల మధ్య ఉండాలి. రిజర్వేషన్ గలవారికి వయసులో సడలింపు ఉంటుంది. స్థానిక భాష చదవడం, రాయడం వచ్చి ఉండాలి. రాత పరీక్ష, స్క్రీనింగ్, ఇంటర్వ్యూ ద్వారా ఎంపిక చేస్తారు. వెబ్సైట్: sbi.bank.in
News February 11, 2026
మొక్కగా మొదలై మహావృక్షంగా ఎదిగిన మెగాస్టార్❤️
మెగాస్టార్ చిరంజీవి సినీ ప్రయాణం మొదలై నేటికి 48 ఏళ్లు. ‘పునాదిరాళ్లు’ సినిమాతో తొలిసారి కెమెరా ముందుకు వచ్చిన ఆ క్షణాలను ఆయన గుర్తుచేసుకున్నారు. ‘ఆనాటి ఆత్రుత, బాధ్యత ఒక చందమామ కథలా అనిపిస్తున్నాయి. నాకు అవకాశం ఇచ్చిన దర్శక నిర్మాతలకు కృతజ్ఞతలు. ప్రేక్షకుల ఆదరణే నా ప్రయాణానికి పునాది’ అని భావోద్వేగానికి లోనయ్యారు. ఒక చిన్న మొక్కగా మొదలై నేడు టాలీవుడ్లో మహావృక్షంగా ఎదిగిన తీరు ఎందరికో ఆదర్శం.
News February 11, 2026
ఆసీస్కు షాక్.. గాయంతో కెప్టెన్ దూరం
T20 WC వేళ ఆస్ట్రేలియాకు ఎదురుదెబ్బ తగిలింది. కెప్టెన్ మిచెల్ మార్ష్ గజ్జల్లో గాయం కారణంగా ఇవాళ్టి ఐర్లాండ్తో మ్యాచుకు దూరమయ్యారు. దీంతో హెడ్ కెప్టెన్సీ చేపట్టారు. మార్ష్ గాయం తీవ్రతను చూస్తే అతడు లీగ్ స్టేజీ మొత్తానికి దూరమయ్యేలా కనిపిస్తోంది. దీంతో AUS అతడి ప్లేస్లో స్టీవ్ స్మిత్ను తీసుకుంది. అతడు ఇప్పటికే శ్రీలంకకు బయల్దేరారు. ఇటీవల BBLలో స్మిత్ 6 ఇన్నింగ్సుల్లో 299 రన్స్తో రాణించారు.
News February 11, 2026
CMETలో ఉద్యోగాలు.. అప్లై చేశారా?
సెంటర్ ఫర్ మెటీరియల్స్ ఫర్ ఎలక్ట్రానిక్స్ టెక్నాలజీ(CMET) 9 పోస్టుల భర్తీకి దరఖాస్తులు కోరుతోంది. అర్హతగల వారు ఫిబ్రవరి 28 వరకు అప్లై చేసుకోవచ్చు. పోస్టును బట్టి సంబంధిత విభాగంలో BE/BTech/MSc/ME/MTech/PhD, MBA/PGDM/MMS/MCom, BCom, పీజీ అర్హతతో పాటు పని అనుభవం ఉండాలి. రాత పరీక్ష/ఇంటర్వ్యూ, స్కిల్ టెస్ట్/ ట్రేడ్ టెస్ట్ ద్వారా ఎంపిక చేస్తారు. వెబ్సైట్: https://cmet.gov.in
News February 11, 2026
నొప్పులు లేకుండా నార్మల్ డెలివరీ సాధ్యమేనా?
ప్రసవ సమయంలో మహిళలు భరించలేని నొప్పిని అనుభవిస్తారు. అయితే నార్మల్ డెలివరీలోనూ నొప్పిలేకుండా డెలివరీ చెయ్యొచ్చంటున్నారు నిపుణులు. నొప్పులు మొదలై గర్భాశయ ముఖద్వారం కనీసం 4సెంటీమీటర్లు తెరుచుకున్నాక మత్తు డాక్టర్ సాయంతో ఎపిడ్యూరల్ ఎనాల్జీషియా ఇస్తారు. దీనివల్ల సంకోచ వ్యాకోచాలకు ఇబ్బంది ఉండదు. ఏవైనా కాంప్లికేషన్లు వచ్చి నార్మల్ డెలివరీ కాకపోతే వెంటనే సిజేరియన్ చేయొచ్చని సూచిస్తున్నారు.
News February 11, 2026
అరటిలో కాయ ముచ్చిక కుళ్లు తెగులు- నివారణ
ఈ తెగులు పెద్ద పచ్చ అరటి, చిన్న పచ్చ అరటి, తెల్ల చక్కెరకేళి రకాలను ఎక్కువగా ఆశిస్తుంది. కాయల చివర ముచ్చిక వద్ద నల్లగామాడిన కుళ్లు మచ్చలు ఏర్పడి కాలిన చుట్ట చివర వలె కనబడుతుంది. గెలలో కొన్ని కాయలపై ముందుగా తెగులు కనిపించి క్రమేపీ చాలా కాయలకు వ్యాపిస్తుంది. ఈ తెగులు నివారణకు గెలలు పూర్తిగా తడిసేలా లీటరు నీటికి కార్బండిజమ్ 1గ్రా. కలిపి 15 రోజుల వ్యవధిలో రెండుసార్లు పిచికారీ చేయాలి.
News February 11, 2026
MLA, MLCల కుటుంబాలతో లోకేశ్ డిన్నర్!
AP: రాష్ట్ర రాజకీయాల్లో కొత్త సంప్రదాయానికి తెరలేవనుంది. MLA, MLC కుటుంబాలతో మంత్రి లోకేశ్ ఆత్మీయ విందులో పాల్గొనాలని యోచిస్తున్నారు. ప్రతిరోజూ ఏడుగురు MLAలు, MLCలతో ఆయన భేటీ కానున్నారు. సభ్యులతో పాటు వారి ఫ్యామిలీ మెంబర్స్తో ఇష్టాగోష్టిగా మాట్లాడి యోగక్షేమాలు అడిగి తెలుసుకోనున్నారు. ప్రస్తుత అసెంబ్లీ బడ్జెట్ సెషన్స్ ముగిసేలోపు ఈ ప్రోగ్రాం పూర్తయ్యేలా ప్లాన్ చేస్తున్నట్లు సమాచారం.
Featured News
Sorry, no posts matched your criteria.