India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 31, 2024
ఏ సినిమాకు వెళ్తున్నారు?
దీపావళి కానుకగా సినీ ప్రియుల కోసం ఈరోజు పలు సినిమాలు రిలీజయ్యాయి. వాటిల్లో కిరణ్ అబ్బవరం నటించిన ‘క’, దుల్కర్ సల్మాన్ మూవీ ‘లక్కీ భాస్కర్’, శివకార్తికేయన్-సాయిపల్లవి జంటగా నటించిన ‘అమరన్’ సినిమాలకు పాజిటివ్ టాక్ వినిపిస్తోంది. దీంతో చాలామంది ఈ దీపావళికి ఫ్యామిలీ, ఫ్రెండ్స్‌తో కలిసి సినిమాకు వెళ్లేందుకు ప్లాన్ చేస్తున్నారు. మీరు సినిమాకు వెళ్తున్నారా? దేనికో కామెంట్ చేయండి.
News October 31, 2024
స్వీట్లు పంచుకున్న భారత్-చైనా సైనికులు
దేశ సరిహద్దుల్లో భారత్, చైనా జవాన్లు పరస్పరం స్వీట్లు పంచుకున్నారు. LAC వెంట భారత బలగాలు దీపావళి ఉత్సవాలు ఆనందోత్సాహాలతో నిర్వహించుకున్నాయి. కాగా ఎల్ఏసీ వెంబడి గత నాలుగేళ్లుగా కొనసాగుతున్న ఉద్రిక్త పరిస్థితులకు ఇటీవల ముగింపు పలికిన సంగతి తెలిసిందే. ఇరు దేశాల మధ్య గస్తీ ఒప్పందం కుదిరింది. దీంతో లద్దాక్‌లోని దెప్సాంగ్, డెమ్‌చోక్ ప్రాంతాల్లో ఇరు దేశాలు బలగాలను ఉపసంహరించుకున్నాయి.
News October 31, 2024
దీపావళి కానుకగా ‘పుష్ప 2’ పోస్టర్ రిలీజ్
దీపావళి పండుగ సందర్భంగా ఐకాన్ స్టార్ అల్లు అర్జున్ హీరోగా నటిస్తున్న ‘పుష్ప 2’ మూవీ నుంచి ఓ పోస్టర్‌ను మేకర్స్ రిలీజ్ చేశారు. డిసెంబర్ 5న బిగ్ స్క్రీన్‌లో కలుసుకుందాం అంటూ ఎక్స్‌లో పోస్ట్ చేశారు. ఈ పోస్టర్‌లో అల్లు అర్జున్, రష్మిక మందన్న పోజ్ ఆకట్టుకుంటోంది. సుకుమార్ తెరకెక్కిస్తున్న ఈ మూవీలో ఫహాద్ ఫాజిల్, సునీల్, అనసూయ కీలక పాత్రలు పోషిస్తున్నారు. దేవిశ్రీ ప్రసాద్ మ్యూజిక్ అందిస్తున్నారు.
News October 31, 2024
ఇందిరాగాంధీ, పటేల్‌కు CM నివాళులు
TG: ఈరోజు భారత మాజీ ప్రధాని ఇందిరాగాంధీ వర్ధంతి, మాజీ ఉప ప్రధాని వల్లభభాయ్ పటేల్‌ జయంతి కావడంతో సీఎం రేవంత్ వారి చిత్రపటాలకు పూల మాలలు వేసి నివాళులర్పించారు. సీఎంతో పాటు మంత్రి కోమటిరెడ్డి వెంకట్ రెడ్డి, ఎమ్మెల్యే రాజ్ ఠాకూర్ కూడా పాల్గొన్నారు.
News October 31, 2024
రేపు ‘ఉచిత గ్యాస్ సిలిండర్’ ప్రారంభం
AP: రాష్ట్రంలో రేపటి నుంచి ఉచితంగా గ్యాస్ సిలిండర్లు అర్హులకు అందనున్నాయి. శ్రీకాకుళం జిల్లా ఈదుపురంలో సీఎం చంద్రబాబు ఈ పథకాన్ని ప్రారంభించనున్నారు. గ్యాస్ కనెక్షన్, రేషన్ కార్డు, ఆధార్ కార్డు ఉన్న వారికి రాష్ట్ర ప్రభుత్వం ఫ్రీగా గ్యాస్ సిలిండర్ అందజేయనుంది. కాగా ఈనెల 29 నుంచి గ్యాస్ బుకింగ్స్ మొదలయ్యాయి.
News October 31, 2024
IPLతో అత్యధికంగా ఆర్జించింది వీరే
ముంబై ఇండియన్స్ మాజీ కెప్టెన్ రోహిత్ శర్మ IPL ద్వారా ఇప్పటివరకు రూ.194.6 కోట్లు సంపాదించారు. టోర్నీ చరిత్రలో హిట్ మ్యాన్‌దే అత్యధిక ఆర్జన. ఆ తర్వాత ఎంఎస్ ధోనీ (రూ.188.84 కోట్లు), విరాట్ కోహ్లీ (188.2 కోట్లు), రవీంద్ర జడేజా (125.01 కోట్లు), సునీల్ నరైన్ (113.25 కోట్లు) ఉన్నారు. సురేశ్ రైనా, గౌతమ్ గంభీర్, శిఖర్ ధవన్, దినేశ్ కార్తీక్, గ్లెన్ మ్యాక్స్‌వెల్, యువరాజ్ సింగ్ కూడా అత్యధికంగా ఆర్జించారు.
News October 31, 2024
ఆ ఆస్తిని పేద పిల్లలకు పంచాలి: మంత్రి సత్యకుమార్
AP: అధికారాన్ని అడ్డం పెట్టుకుని అక్రమంగా సంపాదించిన ఆస్తుల సమస్యను ఇద్దరు తోడుదొంగలు అంతర్జాతీయ సమస్యగా మార్చారని మంత్రి సత్యకుమార్ ఎద్దేవా చేశారు. తనకు రక్షణ కల్పించాలన్న చెల్లి కొత్త నాటకం మాయాబజార్‌ను తలపిస్తోందని ట్వీట్ చేశారు. ‘అక్రమంగా సంపాదించిన వ్యక్తులను సమాజం బహిష్కరించాలి. ఆస్తులను నలుగురు పిల్లలకు కాదు, కోట్లాది పిల్లలకు పంచాలి. అప్పుడే నిజమైన దీపావళి’ అని పేర్కొన్నారు.
News October 31, 2024
OTTలోకి వచ్చేస్తోన్న కొత్త మూవీ
సూపర్‌స్టార్ రజినీకాంత్ లేటెస్ట్ మూవీ ‘వేట్టయన్’ OTT స్ట్రీమింగ్ తేదీ ఖరారైంది. నవంబర్ 8వ తేదీ నుంచి అమెజాన్ ప్రైమ్‌లో స్ట్రీమింగ్ కానున్నట్లు మేకర్స్ ప్రకటించారు. జ్ఞానవేల్ డైరెక్ట్ చేసిన ఈ సోషల్ సబ్జెక్ట్ మూవీ బాక్సాఫీస్ వద్ద రూ.245 కోట్ల వసూళ్లు రాబట్టింది.
News October 31, 2024
దావత్ ప్లాన్ ఉందా?.. RSP సెటైరికల్ ట్వీట్
జన్వాడ ఫాంహౌస్ కేసు నేపథ్యంలో BRS నేత RS ప్రవీణ్ కుమార్ ఆసక్తికర ట్వీట్ చేశారు.
*దీపావళికి దావత్ ప్లాన్ ఉంటే బ్రీత్ అనలైజర్లు, డ్రగ్ టూల్ కిట్లు దగ్గర ఉంచుకోండి.
*తాగాలనుకుంటే మందు బాటిళ్ల బిల్లులు ఉంచుకోండి.
*మందు పార్టీకి పర్మిషన్ ఉండాలని మంత్రులు అంటున్నారు కనుక పోలీసులకు ముందస్తు సమాచారం ఇవ్వండి.
*గిట్టనివాళ్లు రేవ్ పార్టీ అనే ప్రమాదముంది. అప్రమత్తంగా ఉండండి.
News October 31, 2024
అదానీ రూ.20వేల కోట్ల లోన్.. పంచుకోవడానికి రెడీగా బ్యాంకులు!
అదానీ పెట్రో కెమికల్ యూనిట్‌ రూ.20వేల కోట్ల లోన్‌ను పంచుకొనేందుకు ప్రభుత్వ, ప్రైవేటు బ్యాంకులు క్యూ కట్టాయని తెలిసింది. ఈ PVC ప్రాజెక్టుకు 9.25% వడ్డీతో 15 ఏళ్ల క్రెడిట్‌లైన్‌‌ను SBI ఆమోదించింది. ఇప్పటికే కొన్ని రూ.వందల కోట్లను విడుదల చేసింది. ఎక్స్‌పోజర్ తగ్గించుకొనేందుకు రూ.7000 కోట్ల వరకు ఉంచుకొని మిగతాది పంచేయాలని SBI నిర్ణయించుకుంది. BOB, PNB, UBI, CBI, ICICI, AXIS దీనికి రెడీగా ఉన్నాయి.
Featured News
Sorry, no posts matched your criteria.