India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 31, 2024
‘ఫ్రీ బస్’పై కర్ణాటక సర్కార్ పునరాలోచన!
కర్ణాటక ప్రభుత్వం శక్తి స్కీమ్‌లో భాగంగా అక్కడి మహిళలకు ఉచితంగా ఆర్టీసీ ప్రయాణ సదుపాయం కల్పించిన విషయం తెలిసిందే. అయితే దీనిపై పునరాలోచిస్తున్నట్లు డిప్యూటీ సీఎం డీకే శివకుమార్ అన్నారు. రాష్ట్రంలోని మహిళలు డబ్బు చెల్లించి ప్రయాణించేందుకు ఆసక్తి చూపిస్తున్నారని ఆయన వెల్లడించారు. సోషల్ మీడియా, ఈమెయిల్స్ ద్వారా ఈ విషయాన్ని మహిళలు ప్రభుత్వానికి తెలియజేస్తున్నారని ఆయన వివరించారు.
News October 31, 2024
థియేటర్‌లో సినిమా చూసిన ముఖ్యమంత్రి
తమిళనాడు సీఎం ఎంకే స్టాలిన్ థియేటర్‌లో సినిమా చూశారు. శివకార్తికేయన్, సాయిపల్లవి జంటగా నటించిన ‘అమరన్’ మూవీని ఆయన ఇవాళ వీక్షించారు. ‘మేజర్ ముకుంద్ వరదరాజన్ జీవితాన్ని చిత్రంలో బాగా చూపించారు. ఇందులో కార్తికేయన్, సాయిపల్లవి అద్భుతంగా నటించారు. డైరెక్టర్‌కు నా హ్యాట్సాఫ్’ అంటూ ఆయన ఎక్స్‌లో ట్వీట్ చేశారు. డిప్యూటీ సీఎం ఉదయనిధి స్టాలిన్ కూడా ఈ చిత్రాన్ని చూశారు.
News October 31, 2024
టపాసులు కాల్చితే రంగులెందుకు వస్తాయి?
టపాసులు కాల్చినప్పుడు ఆకాశంలో రకరకాల రంగులు వస్తుంటాయి. క్రాకర్స్‌లో ఉండే లోహాల వల్ల ఆ రంగులు వస్తాయి. అల్యూమినియం, మెగ్నీషియం మండితే తెలుపురంగులో వెలుగు వస్తుంది. లిథియం క్లోరైడ్(రెడ్), కాపర్ క్లోరైడ్(లైట్ బ్లూ), సోడియం క్లోరైడ్(ఆరెంజ్) వేర్వేరు రంగులు ఇస్తాయి. ఇంకా భిన్నమైన రంగుల కోసం మెటల్ సాల్ట్స్‌, వాటి మిశ్రమంతో క్రాకర్స్‌ తయారు చేస్తారు.
News October 31, 2024
క్రికెటర్ ఇంట్లో దొంగతనం
ఇంగ్లండ్ క్రికెట్ ఆల్‌రౌండర్ బెన్ స్టోక్స్ ఇంట్లో దొంగతనం జరిగింది. అక్టోబర్ 17న ENG నార్త్ ఈస్ట్‌లోని తన ఇంట్లో‌కి మాస్క్‌లతో వచ్చిన కొందరు జువెలరీ, కొన్ని విలువైన వస్తువులు చోరీ చేశారని స్టోక్స్ వెల్లడించారు. చోరీ సమయంలో తన భార్య, ఇద్దరు పిల్లలు ఇంట్లో ఉన్నారని, అదృష్టం కొద్దీ వాళ్లకు ఏమీ కాలేదని చెప్పుకొచ్చారు. అయినప్పటికీ ఈ ఘటన వాళ్లను మానసికంగా దెబ్బతీసిందని పేర్కొన్నారు.
News October 31, 2024
చెన్నైకి పంత్?
IPL: భారత వికెట్ కీపర్ రిషభ్ పంత్ చెన్నై సూపర్ కింగ్స్‌కు వెళ్లే అవకాశం ఉంది. పంత్ కోసం ధోనీ CSK యాజమాన్యంతో సంప్రదింపులు జరుపుతున్నారని తెలిసింది. ఢిల్లీ కెప్టెన్‌గా ఉన్న పంత్‌ను ఆ టీం వదులుకోవాలని నిర్ణయించుకుందని cricbuzz తెలిపింది. అక్షర్ పటేల్, కుల్దీప్ యాదవ్, స్టబ్స్, మెక్‌గుర్క్, పొరెల్‌ను రిటైన్ చేసుకోనున్నట్లు పేర్కొంది.
News October 31, 2024
మ.12.06గంటలకు ‘గేమ్ ఛేంజర్’ టీజర్?
మెగాపవర్ స్టార్ రామ్ చరణ్ తేజ్ హీరోగా నటిస్తున్న ‘గేమ్ ఛేంజర్’ నుంచి అప్డేట్ వచ్చింది. దీపావళి కానుకగా ఈరోజు మధ్యాహ్నం 12.06గంటలకు అంటూ యూనిట్ ఓ ట్వీట్ చేసింది. అయితే గతంలో దీపావళి కానుకగా టీజర్ రిలీజ్ చేస్తామని ప్రకటించడంతో ఈరోజు వచ్చేది టీజర్ అని తెలుస్తోంది. డైరెక్టర్ శంకర్ తెరకెక్కిస్తున్న ఈ మూవీలో కియారా అడ్వాణీ హీరోయిన్ నటిస్తుండగా దీనిపై భారీ అంచనాలు నెలకొన్నాయి.
News October 31, 2024
నీతి, నిజాయితీగా పనిచేస్తా: టీటీడీ ఛైర్మన్
AP: గత ప్రభుత్వం తిరుమలలో అరాచకాలు సృష్టించిందని టీటీడీ నూతన ఛైర్మన్ బీఆర్ నాయుడు ఆరోపించారు. తాను నీతి, నిజాయితీతో పనిచేస్తానని చెప్పారు. ‘గతంలో రెగ్యులర్‌గా తిరుమల వెళ్లేవాడిని. కానీ గత ఐదేళ్లుగా ఒక్కసారి కూడా వెళ్లలేదు. తిరుమల ఆలయ పవిత్రతను వైసీపీ దెబ్బతీయడంతోనే నేను కొండకు వెళ్లలేదు. శ్రీవాణి ట్రస్టును రద్దు చేయాలనే ఆలోచన ఉంది. చంద్రబాబు సలహాలు, సూచనలతో ముందుకెళ్తా’ అని ఆయన పేర్కొన్నారు.
News October 31, 2024
ఈ స్వీట్ కేజీ ధర రూ.56,000
లక్నోలోని ‘ఛప్పన్ భోగ్’ షాపులో అమ్మే ‘ఎక్సోటికా’ స్వీట్ ఇండియాలోనే ఖరీదైన మిఠాయిగా గుర్తింపు పొందింది. కేజీ ధర రూ.56,000. అఫ్గాన్ నుంచి పిస్తా, తుర్కియే నుంచి హాజెల్ నట్స్, ఇరాన్ నుంచి మమ్రా బాదం, అమెరికా నుంచి బ్లూబెర్రీస్, సౌతాఫ్రికా నుంచి మకాడమియా గింజలను దిగుమతి చేసుకుంటారు. కొన్ని గ్రాముల బంగారాన్ని సైతం మిక్స్ చేసి స్వీట్ తయారు చేస్తారు. కేజీ బాక్సులో 10 గ్రా. బరువున్న 100 ముక్కలు ఉంటాయి.
News October 31, 2024
విమానాలకు బాంబు బెదిరింపులు.. భారత్ కీలక నిర్ణయం
విమానాలకు వరుస బాంబు బెదిరింపులపై భారత్ ఎఫ్‌బీఐ, ఇంటర్ పోల్ సాయాన్ని కోరింది. ఖలిస్థానీలకు వీటితో సంబంధం ఉందేమోనన్న కోణంలోనూ దర్యాప్తు చేపట్టాలని ఎఫ్‌బీఐని అభ్యర్థించింది. కాగా ఇప్పటివరకు దేశవ్యాప్తంగా 410కిపైగా విమానాలకు బాంబు బెదిరింపులు వచ్చాయి. ఢిల్లీ, ముంబై, కోల్‌కతా, చెన్నై, హైదరాబాద్, బెంగళూరు తదితర ఎయిర్‌పోర్టులకు బెదిరింపులు వచ్చినట్లు తెలుస్తోంది.
News October 31, 2024
STOCK MARKETS: పండగ రోజూ…
దేశీయ స్టాక్ మార్కెట్లు నష్టాల్లో ట్రేడవుతున్నాయి. గ్లోబల్ మార్కెట్ల నుంచి నెగటివ్ సిగ్నల్సే అందాయి. బీఎస్ఈ సెన్సెక్స్ 79,739 (-202), ఎన్ఎస్ఈ నిఫ్టీ 24,292 (-48) వద్ద చలిస్తున్నాయి. IT, AUTO, FMCG షేర్లపై సెల్లింగ్ ప్రెజర్ నెలకొంది. ఫార్మా, మీడియా, హెల్త్‌కేర్ షేర్లు జోరు ప్రదర్శిస్తున్నాయి. TECHM, HCL TECH, TCS, INFY, WIPRO టాప్ లూజర్స్. సిప్లా, LT, ONGC, పవర్‌గ్రిడ్, హీరోమోటో టాప్ గెయినర్స్.
Featured News
Sorry, no posts matched your criteria.