India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 25, 2025
అవి కేరళ చరిత్రలోనే అత్యంత క్రూరమైన హత్యలు: పోలీసులు
కేరళ తిరువనంతపురంలో యువకుడు అఫాన్(23) ఐదుగురు కుటుంబీకులను చంపిన <<15571171>>ఘటనలో<<>> దారుణ విషయాలు వెలుగులోకి వస్తున్నాయి. ‘బాబాయ్ లతీఫ్ తలపై 20సార్లు సుత్తితో బాదాడు. ప్రియురాలు ఫర్జానా, పిన్ని సుజాత, తల్లి, తమ్ముడిని ఇలాగే హతమార్చాడు. వారి ముఖాలు గుర్తుపట్టలేని విధంగా మారాయి. 3ఇళ్లలో భయానక దృశ్యాలు కనిపించాయి. కేరళ చరిత్రలోనే ఈ హత్యలు అత్యంత క్రూరమైనవి’ అని పోలీసులు తెలిపారు.
News February 25, 2025
నీటి వినియోగం తగ్గించాలని APకి KRMB ఆదేశం
హైదరాబాద్‌లో నిన్న జరిగిన సమావేశంలో కృష్ణా నదీ యాజమాన్య బోర్డు కీలక నిర్ణయాలు తీసుకుంది. శ్రీశైలం నుంచి నీటి వినియోగం తక్షణమే తగ్గించాలని, కేవలం తాగునీరే తీసుకోవాలని ఏపీని ఆదేశించింది. సాగర్ కుడి కాల్వ నుంచి ఏపీ తీసుకునే నీరు 7వేల క్యూసెక్కులకు తగ్గించాలని స్పష్టం చేసింది. అటు రేపు మరోసారి KRMB సమావేశం జరగనుండగా, ఇరు రాష్ట్రాలకు నీటి విడుదలపై నిర్ణయం తీసుకునే అవకాశం ఉంది.
News February 25, 2025
డయాబెటిస్ పేషెంట్స్ ఈ టిప్స్ ట్రై చేయండి
భోజనం తర్వాత షుగర్ లెవల్స్ పెరగకుండా ఉండాలంటే నిపుణులు కొన్ని టిప్స్ సూచించారు.1.గ్లాస్ వేడి నీటిలో టేబుల్‌ స్పూన్ ఆపిల్ వెనిగర్‌ను వేసుకొని తాగండి. 2 చియా గింజలను నీటిలో నానబెట్టి తాగండి. 3. దోసకాయ ముక్కల్నినిమ్మరసంతో కలిపి తినండి 4.ఆకుకూరల సలాడ్ తీసుకోండి. 5. కొన్ని వాల్‌నట్స్, బాదం తినండి . 6 గ్లాసు నీటిలో దాల్చిన చెక్క నానబెట్టి తాగండి. వీటిని ఫాలో అయ్యి మీ డయాబెటిస్ కంట్రోల్ ఉంచుకోండి.
News February 25, 2025
ఏపీ అసెంబ్లీ వాయిదా
ఏపీ అసెంబ్లీ శుక్రవారానికి వాయిదా పడింది. సీఎం చంద్రబాబు, డిప్యూటీ సీఎం పవన్ కళ్యాణ్ గవర్నర్ ప్రసంగానికి ధన్యవాదాల తీర్మానంపై సుదీర్ఘంగా మాట్లాడారు. అనంతరం ఈ తీర్మానానికి ఆమోదం లభించినట్లు ప్రకటించిన స్పీకర్ అయ్యన్నపాత్రుడు ఆ తర్వాత ఫిబ్రవరి 28కి సభను వాయిదా వేస్తున్నట్లు వెల్లడించారు.
News February 25, 2025
జీమెయిల్ లాగిన్‌కు త్వరలో క్యూఆర్ కోడ్ విధానం?
జీమెయిల్ లాగిన్‌కు సంబంధించి SMS కోడ్ స్థానంలో క్యూఆర్ కోడ్‌లను తీసుకురావాలని గూగుల్ యోచిస్తున్నట్లు సమాచారం. మెయిల్ సెక్యూరిటీ కోసం ప్రస్తుతం SMS బేస్డ్ టూ ఫ్యాక్టర్ అథెంటికేషన్‌ను గూగుల్ అమలు చేస్తోంది. దీనితో పోలిస్తే క్యూఆర్ కోడ్ విధానం మరింత భద్రతనిస్తుందని సంస్థ భావిస్తోంది. ఈ కోడ్‌లను స్కాన్ చేయడానికి స్మార్ట్ ఫోన్లలోని కెమెరా యాప్‌‌ను ఉపయోగించాల్సి ఉంటుంది.
News February 25, 2025
విద్యార్థులతో పనులు చేయించొద్దు: బాలల హక్కుల కమిషన్
AP: వసతి గృహాల్లో విద్యార్థులతో ఏ రకమైన <<15559875>>పనులు <<>>చేయించినా సిబ్బందిపై చర్యలు తప్పవని రాష్ట్ర బాలల హక్కుల కమిషన్ ఛైర్మన్ అప్పారావు హెచ్చరించారు. విద్యార్థులతో వంట, పరిశుభ్రత పనులు, టాయిలెట్స్ క్లీనింగ్, నీళ్లు తెప్పిస్తున్న ఘటనలు తమ దృష్టికి వచ్చాయని తెలిపారు. ఇలాంటివి పునరావృతం కాకుండా చర్యలు తీసుకోవాలని ఆదేశించారు. విద్యార్థులపై ఎలాంటి మానసిక, శారీరక ఒత్తిడి లేకుండా చూడాలన్నారు.
News February 25, 2025
IPL ఆడుతూనే టెస్టులకూ సన్నద్ధం!
ఈ ఏడాది జూన్-జులైలో ఇంగ్లండ్‌తో టెస్ట్ సిరీస్ ఉన్న నేపథ్యంలో బీసీసీఐ కీలక నిర్ణయం తీసుకున్నట్లు సమాచారం. ఐపీఎల్ జరిగే రెండు నెలలపాటు (మార్చి 22-మే 25) భారత ప్లేయర్లతో రెడ్ బాల్ ప్రాక్టీస్ కూడా చేయించేలా ప్రణాళికలు రచిస్తున్నట్లు CRICBUZZ పేర్కొంది. ఇటీవల టెస్టుల్లో వరుస ఓటములు ఎదురు కావడంతో ఈ నిర్ణయం తీసుకున్నట్లు తెలుస్తోంది. అయితే ఈ ప్లాన్ ను ఎలా అమలు చేస్తారనేది తెలియాల్సి ఉంది.
News February 25, 2025
20 ప్రశ్నలు.. కిడ్నాప్‌తో సంబంధం లేదన్న వంశీ?
AP: వల్లభనేని వంశీని కస్టడీకి తీసుకున్న పోలీసులు తొలి రోజు రెండున్నర గంటలు విచారించారు. సత్యవర్ధన్ కిడ్నాప్‌నకు సంబంధించి 20 ప్రశ్నలు అడిగినట్లు సమాచారం. ఆ కేసుకు, తనకు ఎలాంటి సంబంధం లేదని ఆయన సమాధానం ఇచ్చినట్లు తెలుస్తోంది. వంశీ రిమాండ్‌ను మరో 14 రోజులు పొడిగించిన కోర్టు 3 రోజులు పోలీస్ కస్టడీకి అనుమతించిన విషయం తెలిసిందే.
News February 25, 2025
డేంజర్ బెల్స్: పెరుగుతున్న సెకండరీ ఇన్‌ఫెర్టిలిటీ
దంపతులు రెండో బిడ్డను కనడం కష్టమవుతోందని వైద్యులు అంటున్నారు. ఏళ్లు గడిచే కొద్దీ సెకండరీ ఇన్‌ఫెర్టిలిటీ రేటు పెరుగుతోందని ఆందోళన చెందుతున్నారు. ప్రస్తుతమిది 30%కి చేరిందని, అనారోగ్యం, జీవనశైలి సమస్యలే ఇందుకు ప్రధాన కారణాలని చెప్తున్నారు. దీంతో పురుషుల్లో వీర్యం నాణ్యత, మహిళల అండాశయాల్లో గుడ్లు తగ్గుతున్నాయని వివరించారు. BP, షుగర్, థైరాయిడ్, ఒబెసిటీ, PCOD వంటివి సమస్యను పెంచుతున్నాయని చెప్పారు.
News February 25, 2025
కలెక్టరేట్ స్వాధీనానికి కోర్టు ఉత్తర్వులు
TG: నిర్మల్ జిల్లా కలెక్టరేట్, ఆర్డీవో ఆఫీసు భవనాల స్వాధీనానికి స్థానిక కోర్టు ఆదేశాలు జారీ చేసింది. SRSP, గడ్డెన్న వాగు పరిహారం చెల్లింపులో జాప్యం జరగడంతో ఈ భవనాలు స్వాధీనం చేసుకోవాలని సీనియర్ సివిల్ జడ్జి శ్రీనివాస్ ఈ ఆదేశాలు జారీ చేశారు. ఈ మేరకు కలెక్టరేట్, ఆర్డీవో ఆఫీసుల్లో కోర్టు సిబ్బంది నోటీసులు అందించారు.
Featured News
Sorry, no posts matched your criteria.