India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 30, 2024
తెలంగాణలో 6 నుంచి కులగణన
రాష్ట్రంలో నవంబర్ 6 నుంచి కులగణన చేపట్టాలని ప్రభుత్వం నిర్ణయించింది. ఆరోజు కాంగ్రెస్ అగ్రనేత రాహుల్ గాంధీని ఆహ్వానించి, కార్యక్రమాన్ని ప్రారంభింపజేయాలని కాంగ్రెస్ చూస్తోంది. కులగణనపై అభిప్రాయాలు అడిగేందుకు త్వరలోనే సర్కార్ అఖిలపక్ష సమావేశం కూడా నిర్వహించనుంది. క్యాస్ట్ సెన్సెస్ ద్వారా రాష్ట్ర ప్రజల సామాజిక, ఆర్థిక పరిస్థితులు తెలుస్తాయని ప్రభుత్వం భావిస్తోంది.
News October 30, 2024
ఆఖరి టెస్టు కోసం టీమ్ ఇండియా కసరత్తు
న్యూజిలాండ్‌తో జరగబోయే చివరి టెస్టు కోసం టీమ్ ఇండియా తీవ్ర కసరత్తులు చేస్తోంది. భారత ఆటగాళ్లు నెట్స్‌లో తీవ్రంగా చెమటోడ్చుతున్నారు. కెప్టెన్‌ రోహిత్‌తోపాటు కోహ్లీ, బుమ్రా, జడేజా, ఆకాశ్ దీప్ తదితర ఆటగాళ్లు ప్రాక్టీస్ చేస్తూ కనిపించారు. కాగా ఎల్లుండి ముంబైలోని వాంఖడే స్టేడియంలో మూడో టెస్టు ప్రారంభం కానుంది. రెండో టెస్టులో ఆడిన జట్టుతోనే రోహిత్ సేన ఈ మ్యాచ్‌లోనూ బరిలోకి దిగనున్నట్లు తెలుస్తోంది.
News October 30, 2024
67 ఏళ్ల వ‌య‌సులో వోగ్ క‌వ‌ర్‌పేజీపై డింపుల్
బాలీవుడ్ కమ్‌బ్యాక్ క్వీన్‌గా పేరు సంపాదించిన 67 ఏళ్ల డింపుల్ క‌పాడియా వోగ్ మ్యాగ‌జైన్ క‌వ‌ర్ పేజీ మీద మెరిశారు. స్ట‌న్నింగ్ లుక్స్‌తో మొద‌టిసారి ఆమె ఐకానిక్ మ్యాగ‌జైన్ క‌వ‌ర్ పేజీకి పోజులిచ్చారు. 80కి పైగా చిత్రాల్లో న‌టించిన డింపుల్ బాబీ (1973), సాగ‌ర్‌, జ‌న్బాజ్‌, కాశ్‌, రామ్ ల‌ఖ‌న్ వంటి చిత్రాల‌తో పేరు సంపాదించారు. ఈ వ‌య‌సులో కూడా ఆమెకున్న ప్యాష‌న్‌పై నెటిజ‌న్లు ప్ర‌శంస‌లు కురిపిస్తున్నారు.
News October 30, 2024
ఫోన్ పే, గూగుల్ పే తరహాలో ఇకపై జియో పేమెంట్స్!
ఆన్‌లైన్ పేమెంట్స్ అగ్రిగేటర్‌గా పనిచేయడానికి జియో ఫైనాన్షియల్ సర్వీసెస్‌లో భాగమైన జియో పేమెంట్ సొల్యూషన్స్‌కు RBI అనుమతి ఇచ్చింది. ఫలితంగా వ్యాపారులు, వినియోగదారుల మధ్య డిజిటల్ పేమెంట్స్ నిర్వహించడానికి జియోకు లైన్ క్లియర్ అయింది. దీంతో ఫోన్ పే, గూగుల్ పే, పేటీఎం తరహాలోనే త్వరలో జియో పేమెంట్స్ అందుబాటులోకి రానుంది. దీనివల్ల ఆయా యాప్స్‌కు గట్టి పోటీ తప్పదని మార్కెట్ విశ్లేషకులు చెబుతున్నారు.
News October 30, 2024
కెనడా విప‌క్ష నేత‌పై హిందూ సమాజం ఆగ్రహం
కెన‌డాలో విప‌క్ష నేత పియర్ పోయిలీవ్రే తీరుపై అక్కడి హిందూ సమాజం ఆగ్రహం వ్యక్తం చేసింది. పార్ల‌మెంట్ హిల్‌లో ఏర్పాటు చేసిన దీపావళి వేడుక‌ల్లో పియర్ పాల్గొనాల్సి ఉండ‌గా చివరి నిమిష‌ంలో ఆయన కార్యక్రమాన్ని ర‌ద్దు చేసుకున్నారు. భార‌త్‌-కెనడా మధ్య దౌత్య వివాదం నేప‌థ్యంలో ఆయన ప్రోగ్రాంను ర‌ద్దు చేసుకున్నార‌ని భావిస్తున్నారు. ఇది ద్రోహమంటూ OFIC అధ్య‌క్షుడు శివ భాస్క‌ర్ అసంతృప్తి వ్యక్తం చేశారు.
News October 30, 2024
రిషభ్ పంత్‌కు రూ.30 కోట్లు: ఆకాశ్ చోప్రా
టీమ్ ఇండియా స్టార్ క్రికెటర్ రిషభ్ పంత్ వేలంలోకి వస్తే రూ.25 కోట్ల నుంచి రూ.30 కోట్లు పలుకుతారని మాజీ క్రికెటర్ ఆకాశ్ చోప్రా జోస్యం చెప్పారు. అతడి కోసం ఫ్రాంచైజీలు ఎగబడతాయని ఆయన అభిప్రాయపడ్డారు. ‘పంత్ కచ్చితంగా వేలంలోకి వచ్చే అవకాశం ఉంది. ఆయన ఎక్కువ రన్స్ చేసినా, చేయకపోయినా భారీ ధరకు అమ్ముడవుతాడని రాసిస్తా. PBKS, RCB, KKR, CSKతో పాటు MI కూడా పంత్ కోసం పోటీ పడతాయి’ అని ఆయన పేర్కొన్నారు.
News October 30, 2024
ALERT.. రేపు ఈ జిల్లాల్లో వర్షాలు
తెలంగాణలోని పలు జిల్లాల్లో రేపు వర్షాలు పడతాయని HYD వాతావరణ కేంద్రం తెలిపింది. ఆదిలాబాద్, ఆసిఫాబాద్, మంచిర్యాల, NZB, జగిత్యాల, సిరిసిల్ల, KRMR, పెద్దపల్లి, భూపాలపల్లి, ములుగు, కొత్తగూడెం, ఖమ్మం, NLG, SRPT, MHBD, WL, హన్మకొండ, జనగాం, సిద్దిపేట, భువనగిరి, రంగారెడ్డి, HYD, మల్కాజిగిరి, వికారాబాద్, సంగారెడ్డి, మెదక్ జిల్లాల్లో ఉరుములు, మెరుపులతో కూడిన వర్షాలు పడతాయని ఎల్లో అలర్ట్ జారీ చేసింది.
News October 30, 2024
దీపావళి: ప్రజలకు అలర్ట్ మెసేజ్‌లు
టపాసులు కాల్చేటప్పుడు జాగ్రత్తలు పాటించాలని APSDMA పేర్కొంది. ప్రజల మొబైల్స్‌కు అలర్ట్ మెసేజ్‌లు పంపుతోంది. ‘అగ్నిప్రమాదం జరిగితే అత్యవసర సహాయం కోసం 101, 112, 100, 1070 టోల్ ఫ్రీ నంబర్లను సంప్రదించండి. బాణసంచా కాల్చే సమయంలో కాటన్ దుస్తులు ధరించండి. ఇంటి కిటికీలు, తలుపులు మూసేయండి. పెద్దల పర్యవేక్షణలో పిల్లలు టపాసులు కాల్చాలి. టపాసులు వెలిగించి విచక్షణా రహితంగా విసరకండి’ అని మెసేజ్ పంపుతోంది.
News October 30, 2024
సల్మాన్‌ను చంపేస్తానని బెదిరింపులు.. నిందితుడి అరెస్ట్
సల్మాన్ ఖాన్‌ను చంపేస్తానని బెదిరించిన నిందితుడిని ముంబై పోలీసులు అరెస్ట్ చేశారు. రూ.2Cr ఇవ్వకపోతే సల్మాన్‌ను చంపేస్తానని ట్రాఫిక్ కంట్రోల్ రూమ్‌కు మెసేజ్ వచ్చింది. విచారణ చేపట్టిన పోలీసులు బాంద్రాలో నిందితుడిని అదుపులోకి తీసుకున్నారు. తరచూ సల్మాన్‌‌కు లారెన్స్ బిష్ణోయ్ గ్యాంగ్ నుంచి బెదిరింపులు వస్తున్నాయి. అయితే తాజాగా పట్టుబడిన నిందితుడికి ఆ గ్యాంగ్‌తో సంబంధాలపై పోలీసులు ఆరా తీస్తున్నారు.
News October 30, 2024
YCP MP విజయసాయిరెడ్డికి అరుదైన గౌరవం
AP: వైసీపీ ఎంపీ విజయసాయిరెడ్డికి అరుదైన గౌరవం లభించింది. ఐక్యరాజ్యసమితి సాధారణ అసెంబ్లీ (UNGA) 29వ సెషన్‌కు వెళ్లే బృందంలో ఆయనకు స్థానం దక్కింది. ఈ విషయాన్ని ఆయన ‘ఎక్స్‌’ ద్వారా తెలిపారు. ఈ అవకాశాన్ని కల్పించిన ఉపరాష్ట్రపతి జగ్‌దీప్ ధన్‌ఖడ్, ప్రధాని మోదీకి కృతజ్ఞతలు తెలుపుతున్నానని పేర్కొన్నారు. వచ్చే నెల 18 నుంచి 23 వరకు జరిగే ఈ చర్చల్లో పాల్గొనేందుకు ఎంతో ఆసక్తిగా ఎదురుచూస్తున్నట్లు తెలిపారు
Featured News
Sorry, no posts matched your criteria.