News July 29, 2024

భోజనం పెట్టిన ఇంటికి నిప్పు పెట్టడం బీఆర్ఎస్‌ లక్షణం: CM రేవంత్

చంద్రబాబుకు తాను శిష్యుడినంటూ BRS చేసే ఆరోపణలపై సీఎం రేవంత్ మండిపడ్డారు. ‘తెలంగాణలో ఎవరైనా గ్లాసుడు మంచినీళ్లిస్తే కూడా గుర్తుపెట్టుకుంటాం. పది పదిహేనేళ్లు కలిసి పనిచేసిన సహచరుల్ని తిట్టాలని ఎక్కడైనా ఉందా? మిత్రుల్ని మిత్రుల్లాగా, సహచరుల్ని సహచరుల్లాగా, పెద్దవారిని గౌరవించేలా మా తల్లిదండ్రులు మాకు సంస్కారం నేర్పారు. భోజనం పెట్టిన ఇంటికే నిప్పు పెట్టే ఆలోచన వారి DNAలోనే ఉంది’ అని విరుచుకుపడ్డారు.

News July 29, 2024

ఇండియా బుల్స్‌తో BRSకు చీకటి ఒప్పందం: సీఎం రేవంత్

ప్రాజెక్టుల్లో బీఆర్ఎస్ సర్కారు కమిషన్లకు కక్కుర్తి పడిందని సీఎం రేవంత్ అసెంబ్లీలో ఆరోపించారు. ‘గత ప్రభుత్వ పెద్దలు ఇండియా బుల్ నుంచి రూ.వెయ్యి కోట్లు మెక్కారు. దాని కోసం సబ్ క్రిటికల్ టెక్నాలజీని BHEL నుంచి కొనుగోలు చేసేలా ఒప్పందాలు చేసుకున్నారు. ఇండియా బుల్స్‌తో చీకటి లావాదేవీల్లో భాగంగానే కాలం చెల్లిన టెక్నాలజీని బీహెచ్ఈఎల్‌కు నామినేషన్ బేసిస్ మీద ఇచ్చారు’ అని రేవంత్ పేర్కొన్నారు.

News July 29, 2024

జగన్‌కు కూటమి ప్రభుత్వం న్యాయం చేయాలి: నాగబాబు

AP: అమాయకుడైన జగన్‌కు న్యాయం చేయాలని కోరుతున్నట్లు జనసేన నేత నాగబాబు Xలో వ్యంగ్యాస్త్రాలు సంధించారు. ‘2019లో జగన్‌పై శ్రీను అనే వ్యక్తి కోడికత్తితో దాడి చేశాడు. 5 ఏళ్లు అయినా ఈ కేసు కొలిక్కి రాలేదు. అప్పుడంటే జగన్ బిజీ షెడ్యూల్ వల్ల ఆయనకు కుదర్లేదు. ఇప్పుడు ఖాళీగా ఉన్నారు కాబట్టి ఆయనపై హత్యాయత్నం చేసిన నేరస్థుడికి సరైన శిక్ష విధించాలి కదా. ఈ కేసును తక్షణమే విచారించాలి’ అని ఆయన డిమాండ్ చేశారు.

News July 29, 2024

APPLY NOW: నేవీలో 741 ఉద్యోగాలు

ఇండియన్ నేవీ సివిలియన్ ఎంట్రన్స్ టెస్ట్(INCET)కు దరఖాస్తుల ప్రక్రియ కొనసాగుతోంది. ఆగస్టు 2 వరకు అప్లై చేసుకోవచ్చు. మొత్తం 741 ఉద్యోగాలను భర్తీ చేస్తారు. ఫైర్‌మెన్ 444, ట్రేడ్స్‌మెన్ మేట్ 161, ఫైర్ ఇంజిన్ డ్రైవర్ 58, ఛార్జ్‌మెన్ 29 పోస్టులున్నాయి. టెన్త్, ఐటీఐ, డిప్లొమా, డిగ్రీ, హెవీ మోటార్ డ్రైవింగ్ లైసెన్స్ ఉన్న వారు అర్హులు.
వెబ్‌సైట్: <>https://incet.cbt-exam.in/<<>>

News July 29, 2024

https://sticky.way2news.co/sticky_jsps/QuizNew_cfm.jsp?id=334&langid=1&token={TOKEN}

News July 29, 2024

మళ్లీ పెరిగిన బంగారం ధరలు

ఇటీవల కేంద్ర బడ్జెట్ తర్వాత భారీగా తగ్గిన బంగారం ధరలు నెమ్మదిగా పెరుగుతున్నాయి. హైదరాబాద్ బులియన్ మార్కెట్లో ఇవాళ 24 క్యారెట్ల 10 గ్రాముల గోల్డ్ రూ.160 పెరిగి రూ.69,160కి చేరింది. 22 క్యారెట్ల 10 గ్రాముల పసిడి ధర రూ.150 పెరిగి రూ.63,400గా నమోదైంది. అటు కేజీ వెండిపై రూ.500 పెరగడంతో రూ.85వేలకు చేరింది.

News July 29, 2024

ఏసీలు లేని గదులు.. ఒలింపిక్స్ అథ్లెట్ల తిప్పలు

చరిత్రలోనే అత్యంత ప్రకృతిహితమైన ఒలింపిక్స్ నిర్వహించాలన్న ఉద్దేశంతో ఆటగాళ్ల గదుల్లో పారిస్ ఒలింపిక్స్ నిర్వాహకులు ఏసీలు ఏర్పాటు చేయలేదు. దీంతో అథ్లెట్లు ఉక్కపోతతో తీవ్ర ఇబ్బందులు పడుతున్నారు. భారీగా డిమాండ్లు, విమర్శలు రావడంతో ఎట్టకేలకు తాత్కాలికంగా 2500 ఏసీలు ఏర్పాటు చేయాలని నిర్వాహకులు నిర్ణయించినట్లు సమాచారం. ఇప్పటికే ఒలింపిక్స్ ప్రారంభోత్సవ వేడుకలపైనా విమర్శలు వచ్చిన సంగతి తెలిసిందే.

News July 29, 2024

₹ లక్షల్లో ఫీజులు తీసుకొని సెల్లార్లో క్లాసులా?

UPSCలో మంచి ర్యాంక్ సాధించాలంటే ఢిల్లీలో కోచింగ్ తీసుకోవాల్సిందే అని చెప్తుంటారు. ఇదే అదనుగా తీసుకొని అక్కడి కోచింగ్ సెంటర్లు రూ.లక్షల్లో ఫీజులు వసూలు చేస్తున్నాయి. జనరల్ స్టడీస్ 10 నెలల కోచింగ్ కోసం రూ.1.75 లక్షలు, ఆప్షనల్ సబ్జెక్ట్ కోసం రూ.55వేలు ఫీజు తీసుకుంటున్నారు. కానీ, ప్రమాదకరంగా సెల్లార్‌లో క్లాసులు చెప్తున్నారు. అయితే ప్రాణాలు <<13723684>>పోయేవరకూ<<>> దీనిపై అధికారులు దృష్టి పెట్టకపోవడం గమనార్హం.

News July 29, 2024

అల్ట్రాటెక్-ఇండియా సిమెంట్స్ డీల్.. CSKపై ప్రభావమెంత?

ఇండియా సిమెంట్స్ కంపెనీలోని వాటాను N.శ్రీనివాసన్‌ అల్ట్రాటెక్ సిమెంట్‌కు విక్రయించడం క్రికెట్ వర్గాల్లో చర్చనీయాంశంగా మారింది. IPL టీమ్ CSKకు ఆయన యజమానిగా వ్యవహరిస్తున్నారు. దీంతో CSK భవిష్యత్తు ఏంటనే సందేహాలు మొదలయ్యాయి. కానీ CSK టీమ్‌ను చెన్నై సూపర్ కింగ్స్ క్రికెట్ లిమిటెడ్(CSKCL) నిర్వహిస్తోందని సంస్థ పేర్కొంది. ఇండియా సిమెంట్స్-అల్ట్రాటెక్ సిమెంట్ డీల్ CSKపై ఎలాంటి ప్రభావం చూపదని తెలిపింది.

News July 29, 2024

వెనిజుల అధ్యక్షుడిగా నికోలస్ ఎన్నిక

వెనిజుల అధ్యక్ష ఎన్నికల్లో మరోసారి అధికార యునైటెడ్ సోషలిస్ట్ పార్టీ విజయం సాధించింది. ప్రస్తుతం అధ్యక్షుడిగా ఉన్న నికోలస్ మడురో విజేతగా నిలిచినట్లు ఆ దేశ ఎన్నికల సంఘం ప్రకటించింది. ఆయనకు 51 శాతం ఓట్లు లభించినట్లు పేర్కొంది. ప్రతిపక్ష నేత ఎడ్మండో గొంజాలెజ్‌ 44 శాతం ఓట్లు పొందినట్లు వెల్లడించింది.