India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 29, 2024
₹ లక్షల్లో ఫీజులు తీసుకొని సెల్లార్లో క్లాసులా?
UPSCలో మంచి ర్యాంక్ సాధించాలంటే ఢిల్లీలో కోచింగ్ తీసుకోవాల్సిందే అని చెప్తుంటారు. ఇదే అదనుగా తీసుకొని అక్కడి కోచింగ్ సెంటర్లు రూ.లక్షల్లో ఫీజులు వసూలు చేస్తున్నాయి. జనరల్ స్టడీస్ 10 నెలల కోచింగ్ కోసం రూ.1.75 లక్షలు, ఆప్షనల్ సబ్జెక్ట్ కోసం రూ.55వేలు ఫీజు తీసుకుంటున్నారు. కానీ, ప్రమాదకరంగా సెల్లార్లో క్లాసులు చెప్తున్నారు. అయితే ప్రాణాలు <<13723684>>పోయేవరకూ<<>> దీనిపై అధికారులు దృష్టి పెట్టకపోవడం గమనార్హం.
News July 29, 2024
అల్ట్రాటెక్-ఇండియా సిమెంట్స్ డీల్.. CSKపై ప్రభావమెంత?
ఇండియా సిమెంట్స్ కంపెనీలోని వాటాను N.శ్రీనివాసన్‌ అల్ట్రాటెక్ సిమెంట్‌కు విక్రయించడం క్రికెట్ వర్గాల్లో చర్చనీయాంశంగా మారింది. IPL టీమ్ CSKకు ఆయన యజమానిగా వ్యవహరిస్తున్నారు. దీంతో CSK భవిష్యత్తు ఏంటనే సందేహాలు మొదలయ్యాయి. కానీ CSK టీమ్‌ను చెన్నై సూపర్ కింగ్స్ క్రికెట్ లిమిటెడ్(CSKCL) నిర్వహిస్తోందని సంస్థ పేర్కొంది. ఇండియా సిమెంట్స్-అల్ట్రాటెక్ సిమెంట్ డీల్ CSKపై ఎలాంటి ప్రభావం చూపదని తెలిపింది.
News July 29, 2024
వెనిజుల అధ్యక్షుడిగా నికోలస్ ఎన్నిక
వెనిజుల అధ్యక్ష ఎన్నికల్లో మరోసారి అధికార యునైటెడ్ సోషలిస్ట్ పార్టీ విజయం సాధించింది. ప్రస్తుతం అధ్యక్షుడిగా ఉన్న నికోలస్ మడురో విజేతగా నిలిచినట్లు ఆ దేశ ఎన్నికల సంఘం ప్రకటించింది. ఆయనకు 51 శాతం ఓట్లు లభించినట్లు పేర్కొంది. ప్రతిపక్ష నేత ఎడ్మండో గొంజాలెజ్‌ 44 శాతం ఓట్లు పొందినట్లు వెల్లడించింది.
News July 29, 2024
తిరుమలలో భక్తుల రద్దీ సాధారణం
తిరుమలలో భక్తుల రద్దీ సాధారణంగా ఉంది. టోకెన్లు లేని వారికి సర్వదర్శనం కోసం 8 గంటల సమయం పడుతోంది. నిన్న శ్రీవారిని 79,327 మంది భక్తులు దర్శించుకోగా.. 25,894 మంది తలనీలాలు సమర్పించారు. నిన్న హుండీ ఆదాయం రూ.3.93 కోట్లు లభించింది.
News July 29, 2024
ITR ఫైల్ చేసే వారికి హెచ్చరిక
ఆదాయపన్ను రిటర్నులు దాఖలు చేసే వారు రిఫండ్ల కోసం ఇష్టమొచ్చినట్లు వ్యవహరించవద్దని ఐటీ శాఖ హెచ్చరించింది. బోగస్ వ్యయాలు చూపడం, ఆదాయం తక్కువ చేసి చూపించడం, పన్ను కోతలను అధికంగా పేర్కొనడం వంటివి చేయవద్దని తెలిపింది. ఇలా చేస్తే శిక్షకు గురవుతారని వార్నింగ్ ఇచ్చింది. ఇదే సమయంలో రిఫండ్ల జాప్యానికి కారణం అవుతుందని తెలిపింది. సకాలంలో రిఫండ్లు రావాలంటే సరైన విధంగా ITRలు దాఖలు చేయాలని సూచించింది.
News July 29, 2024
రేపే అకౌంట్లోకి డబ్బులు?
తెలంగాణలో రుణమాఫీ రెండోదశకు రాష్ట్ర ప్రభుత్వం ఏర్పాట్లు చేస్తున్నట్లు తెలుస్తోంది. రూ.1.50లక్షలలోపు రుణాలున్న వారి ఖాతాల్లో మాఫీ డబ్బుల జమను సీఎం రేవంత్ రేపు లాంఛనంగా ప్రారంభిస్తారని ప్రచారం జరుగుతోంది. ఇప్పటికే రూ.లక్షలోపు రుణాలున్న వారికి మాఫీ చేసినట్లు ప్రభుత్వం ప్రకటించింది. అటు ఆగస్టు నెలఖరులోగా రూ.2లక్షల వరకు రుణాలున్న వారికి మాఫీ చేస్తామని సీఎం రేవంత్ నిన్న ప్రకటించిన సంగతి తెలిసిందే.
News July 29, 2024
Olympics: లక్ష్యసేన్ విజయం ‘డిలీట్’
తొలి మ్యాచ్‌లో విజయం సాధించినా భారత షట్లర్ లక్ష్యసేన్‌కు పారిస్ ఒలింపిక్స్‌లో చేదు అనుభవం ఎదురైంది. శనివారం జరిగిన మ్యాచ్‌లో గ్వాటెమాలాకు చెందిన కెవిన్‌పై లక్ష్యసేన్ గెలిచారు. కానీ తన తర్వాతి మ్యాచ్‌ ఆడకుండానే కెవిన్ గాయం కారణంగా టోర్నీ నుంచి వైదొలిగారు. దీంతో లక్ష్యసేన్-కెవిన్ మ్యాచ్‌ను IOC రద్దు చేసింది. తదుపరి మ్యాచ్‌ల రిజల్ట్స్‌ను బట్టి లక్ష్యసేన్ ప్రీక్వార్టర్స్‌కు అర్హత సాధిస్తారు.
News July 29, 2024
ప్రభుత్వ పాఠశాలల్లో టాయిలెట్ల నిర్మాణానికి ఆదేశాలు
TG: రాష్ట్రంలోని ప్రభుత్వ పాఠశాలల్లో టాయిలెట్ల నిర్మాణానికి ఉపాధి హామీ నిధులు వినియోగించుకోవాలని కలెక్టర్లను ప్రభుత్వం ఆదేశించింది. ఒక్కో యూనిట్‌ను రూ.2లక్షల అంచనా వ్యయంతో నిర్మించాలంది. పాఠశాలలో నాలుగు మూత్రశాలలు, ఒక మరుగుదొడ్డి ఉండేలా ప్లాన్ చేయాలని అధికారులకు ఆదేశాలు జారీ చేసింది.
News July 29, 2024
జగన్ జైలుకి వెళ్లకుండా ఏ శక్తీ ఆపలేదు: మంత్రి
AP: ఆర్థిక నేరారోపణ కేసుల్లో నిందితుడిగా ఉన్న జగన్‌ను జైలుకి వెళ్లకుండా ఏ శక్తీ ఆపలేదని మంత్రి సత్యకుమార్ యాదవ్ అన్నారు. సంపాదనే లక్ష్యంగా జగన్ ఐదేళ్లూ పాలన సాగించారని ఆరోపించారు. ‘అసెంబ్లీకి రాకుండా ఉండేందుకే జగన్ ఢిల్లీ డ్రామా ఆడారు. శాంతి భద్రతలకు విఘాతం కలుగుతోందని, YCP కార్యకర్తలపై దాడులు జరుగుతున్నాయని నిరసన చేయడం పెద్ద నాటకం. దాడులపై వివరాలు ఇవ్వమంటే ఇంతవరకు సమాధానం లేదు’ అని మండిపడ్డారు.
News July 29, 2024
ఢిల్లీలో 13 సివిల్స్ కోచింగ్ సెంటర్లకు సీల్
ఢిల్లీలోని రావూస్ IAS స్టడీ సర్కిల్‌లోకి వరద నీరు చేరి ముగ్గురు విద్యార్థులు మృతి చెందిన ఘటన నేపథ్యంలో డిల్లీ మున్సిపాలిటీ చర్యలకు ఉపక్రమించింది. నిబంధనలకు విరుద్ధంగా నడుపుతున్న 13 కోచింగ్ సెంటర్లను మూసివేశారు. ఇటు రావూస్ కోచింగ్ సెంటర్ యజమాని, కోఆర్డినేటర్లకు కోర్టు 14 రోజుల రిమాండ్ విధించింది. పార్కింగ్, సరుకు నిల్వ పేరుతో అనుమతి తీసుకుని అక్రమంగా లైబ్రరీ నడిపినట్లు పోలీసులు పేర్కొన్నారు.
Featured News
Sorry, no posts matched your criteria.