India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 29, 2024
మహిళా స్విమ్మర్లపై ‘సెక్సీ’ కామెంట్.. కామెంటేటర్ తొలగింపు
పారిస్ ఒలింపిక్స్ కవరేజీలో బాబ్ బల్లార్డ్ అనే కామెంటేటర్ నోరు జారారు. 4x100m ఫ్రీస్టైల్ విభాగంలో గోల్డ్ మెడల్ సాధించిన ఆస్ట్రేలియన్ మహిళా స్విమ్మర్లను ‘సెక్సీయస్ట్’ అని వ్యాఖ్యానించారు. దీనిపై విమర్శలు చెలరేగడంతో అతడిని తొలగించినట్లు యూరో‌స్పోర్ట్స్ వెల్లడించింది. ఇలాంటి ఘటనలను ఉపేక్షించబోమని స్పష్టం చేసింది.
<<-se>>#Olympics2024<<>>
News July 29, 2024
LGBTQI వ్యక్తుల రక్తదానంపై రేపు సుప్రీం విచారణ
LGBTQI(లెస్బియన్, గే, బైసెక్సువల్, ట్రాన్స్‌జెండర్, క్వీర్, ఇంటర్‌సెక్స్) వ్యక్తులు రక్తదానం చేయవచ్చా లేదా అనే విషయంపై సుప్రీంకోర్టు రేపు విచారణ జరపనుంది. బ్లడ్ డోనర్స్ రూల్స్-2017 ప్రకారం సెక్స్‌ వర్కర్లు, LGBTQIలు రక్తదానం చేయకూడదు. అయితే ఈ నిబంధనలు సహేతుకంగా లేవంటూ ఢిల్లీకి చెందిన రంగ్నేకర్‌ పిల్ దాఖలు చేశారు. US, UK, కెనడా, ఇజ్రాయెల్ తదితర దేశాలు ఇలాంటి రూల్స్‌ను తొలగించాయని తెలిపారు.
News July 29, 2024
AUG 15న 100 అన్న క్యాంటీన్లు ఓపెన్
AP: పట్టణాల్లో తొలి విడతలో ఆగస్టు 15న 100 అన్న క్యాంటీన్లు ప్రారంభించాలని ప్రభుత్వం నిర్ణయించింది. మిగిలిన 83 క్యాంటీన్లను సెప్టెంబర్ చివరికి అందుబాటులోకి తీసుకురానుంది. ప్రస్తుతం 3 భవన నిర్మాణాలే పూర్తవగా, వివిధ దశల్లో 103, టెండర్ల దశలో 77 క్యాంటీన్లు ఉన్నట్లు అధికారులు నివేదించారు. అలాగే ఆహార సరఫరాకు టెండర్ల ప్రక్రియ వచ్చే వారంలో పూర్తికానుందని పేర్కొన్నారు.
News July 29, 2024
రూ.వెయ్యి కోట్ల స్కామ్.. మాజీ సీఎస్ సోమేశ్‌పై కేసు
TG: రాష్ట్ర వాణిజ్య పన్నుల శాఖలో రూ.1,000 కోట్ల కుంభకోణం జరిగినట్లు పోలీసులు గుర్తించారు. ఇన్‌పుట్ టాక్స్ క్రెడిట్ చెల్లింపుల్లో 75 కంపెనీలు మోసాలకు పాల్పడినట్లు ఫోరెన్సిక్ ఆడిట్‌లో వెల్లడైంది. దీంతో మాజీ సీఎస్ సోమేశ్ కుమార్‌, కమర్షియల్ టాక్స్ అడిషనల్ కమిషనర్, డిప్యూటీ కమిషనర్లపై సీపీఎస్ పోలీసులు కేసు నమోదు చేశారు.
News July 29, 2024
ParisOlympics: మూడో రోజు భారత్ షెడ్యూల్
పారిస్ ఒలింపిక్స్‌లో ఇవాళ బ్యాడ్మింటన్, షూటింగ్, హాకీ, TT, ఆర్చరీ విభాగాల్లో భారత అథ్లెట్లు అదృష్టాన్ని పరీక్షించుకోనున్నారు. షూటింగ్‌లో రమిత(ఉమెన్స్ 10m AR), అర్జున్ బబుతా(మెన్స్ 10m AR) ఫైనల్‌ మ్యాచ్‌లు ఆడనున్నారు. ఇందులో ఏదో ఒక పతకం ఖాయం. బ్యాడ్మింటన్‌లో సాత్విక్-చిరాగ్, అశ్వినీ-తనిషా జోడీ గ్రూప్ స్టేజీలో ప్రత్యర్థులను ఢీకొట్టనున్నారు. ఏ సమయంలో ఏ మ్యాచ్ ఉందో పైన ఫొటోలో చూడొచ్చు.
<<-se>>#Olympics2024<<>>
News July 29, 2024
దుల్కర్.. ‘ఆకాశంలో ఒక తార’
మలయాళ హీరో దుల్కర్ సల్మాన్ మరోసారి తెలుగు సినిమాలో నటించనున్నారు. పవన్ సాధినేని డైరెక్షన్‌లో ‘ఆకాశంలో ఒక తార’ మూవీ తెలుగు, మలయాళం, తమిళం, హిందీ భాషల్లో తెరకెక్కుతోంది. గీతా ఆర్ట్స్, లైట్ బాక్స్, స్వప్న సినిమా సంస్థలు సంయుక్తంగా నిర్మించనున్నాయి. పల్లెటూరి బ్యాక్‌డ్రాప్‌లో ఈ చిత్రం రూపొందుతున్నట్లు తెలుస్తోంది. నటీనటులు, ఇతర వివరాలను త్వరలోనే వెల్లడిస్తామని మేకర్స్ వెల్లడించారు.
News July 29, 2024
Common Proverbs-Meaning
✒ When in Rome, do as the Romans do
Meaning: Follow the local customs when you visit a foreign place
✒ Don’t count your chickens before they hatch
Meaning: Don’t make plans based on events that have not yet happened
✒ Don’t judge a book by its cover
Meaning: Don’t form an opinion about someone by their appearance
News July 29, 2024
ఆప్ ప్రభుత్వాల అభివృద్ధి చూసి మోదీకి అసూయ: సునీతా కేజ్రీవాల్
తప్పుడు కేసులో తన భర్తను జైలుకు పంపినందుకు ఓటు రూపంలో ప్రతీకారం తీర్చుకోవాలని ఢిల్లీ CM కేజ్రీవాల్ సతీమణి సునీత పిలుపునిచ్చారు. హరియాణాలో మాట్లాడుతూ.. ‘ఢిల్లీ, పంజాబ్‌లలో ఆప్ ప్రభుత్వాలు చేస్తున్న అభివృద్ధిని చూసి మోదీ అసూయ పడుతున్నారు. పెద్ద పార్టీలు, నాయకులు చేయని గొప్ప పనులను కేజ్రీవాల్ చేశారు. స్కూళ్లు, ఆస్పత్రులను సమూలంగా మార్చారు. దీన్ని చూసి ఓర్వలేకే ఆయన్ను జైలుకు పంపారు’ అని మండిపడ్డారు.
News July 29, 2024
బెన్ స్టోక్స్ ఫాస్టెస్ట్ ఫిఫ్టీ
ఇంగ్లండ్ కెప్టెన్ బెన్ స్టోక్స్ టెస్టుల్లో ఆ దేశం తరఫున ఫాస్టెస్ట్ ఫిఫ్టీ(24 బంతుల్లో) బాదారు. అలాగే ఓవరాల్‌గా మూడో వేగవంతమైన ఫిఫ్టీ సాధించారు. వెస్టిండీస్‌తో జరిగిన రెండో టెస్టులో ఆయన ఈ ఘనత సాధించారు. ఈ క్రమంలో ఆయన జాక్వెస్ కల్లిస్ (24 బంతుల్లో) రికార్డు సమం చేశారు. మొదటి స్థానంలో మిస్బా ఉల్ హక్(21 బంతుల్లో), రెండో స్థానంలో డేవిడ్ వార్నర్(23 బంతుల్లో) ఉన్నారు.
News July 29, 2024
వేమన నీతి పద్యం- తాత్పర్యం
తనువ దెవరిసొమ్ము తనదని పోషింప
ద్రవ్యమెవరి సొమ్ము దాచుకొనగ
బ్రాణ మెవరి సొమ్ము పారిపోకను నిల్వ
విశ్వదాభిరామ! వినుర వేమ!
తాత్పర్యం: ఈ శరీరం, ధనం ఎవరిదీ కాదు. వాటిని కాపాడుకొని ప్రయోజనం లేదు. ప్రాణం పోకుండా ఎవరూ ఉండరు. ఇదంతా ప్రకృతి సహజమని గుర్తుపెట్టుకోవాలి.
Featured News
Sorry, no posts matched your criteria.