India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 28, 2024
BREAKING: భారత్ ఘన విజయం.. సిరీస్ కైవసం
రెండో టీ20లో శ్రీలంకపై 7 వికెట్ల తేడాతో భారత్ ఘన విజయం సాధించింది. మరో మ్యాచ్ మిగిలి ఉండగానే సిరీస్‌ను కైవసం చేసుకుంది. తొలుత లంక 161/9 స్కోర్ చేయగా, ఛేజింగ్‌లో 3 బంతులు పడగానే వర్షం మొదలైంది. ఆ తర్వాత భారత్ లక్ష్యాన్ని డక్‌వర్త్ లూయిస్ పద్ధతిలో 8 ఓవర్లలో 78 రన్స్‌గా అంపైర్లు నిర్దేశించారు. ఆ టార్గెట్‌ను బ్యాటర్లు 6.3 ఓవర్లలోనే ఛేదించారు. జైస్వాల్ 30, సూర్య 26, హార్దిక్ 22 పరుగులతో రాణించారు.
News July 28, 2024
36 ఏళ్ల నుంచి గురి తప్పట్లేదుగా!
ఒలింపిక్స్ ఆర్చరీ విభాగంలో సౌత్ కొరియా రారాజుగా వెలుగొందుతోంది. 1988లో విశ్వ క్రీడల్లో ఆర్చరీ టీమ్ ఈవెంట్‌ను ప్రవేశపెట్టారు. అప్పటి నుంచి సౌత్ కొరియా ఉమెన్స్ టీమ్ పట్టు వదలడం లేదు. గోల్డ్ మెడల్‌ను వేరే దేశానికే వెళ్లనీయలేదు. 1988, 1992, 96, 2000, 2004, 2008,2012, 2016, 2020, 2024 ఒలింపిక్స్‌లో అజేయంగా నిలిచింది. ఈ 36 ఏళ్లలో భారత్‌కు ఆర్చరీలో ఒక్క పతకం రాలేదు. ఇవాళ జరిగిన పోటీలోనూ భారత్ ఓడింది.
News July 28, 2024
అభిమన్యుడిగా నందమూరి మోక్షజ్ఞ?
ప్రశాంత్ వర్మ దర్శకత్వంలో నందమూరి బాలకృష్ణ తనయుడు మోక్షజ్ఞ సినీ ఎంట్రీ ఖాయమైనట్లు తెలుస్తోంది. మైథాలజీ నేపథ్యంలో సాగే ఆ సినిమాలో మహాభారతంలోని అభిమన్యుడి పాత్రలో మోక్షజ్ఞ కనిపించనున్నట్లు సమాచారం. ఇదే మూవీలో బాలకృష్ణ కూడా నటించనున్నట్లు టాక్. తండ్రీకొడుకులను ఒకే ఫ్రేమ్‌లో చూపించేందుకు ప్రశాంత్ ప్లాన్ చేస్తున్నారట. ఈ సినిమాను బాలయ్య చిన్న కుమార్తె తేజస్విని నిర్మించనున్నట్లు వార్తలు వస్తున్నాయి.
News July 28, 2024
IPL: రోహిత్ శర్మ వేలంలోకి వస్తే..!
IPLలో ముంబై ఇండియన్స్ మాజీ కెప్టెన్ రోహిత్ శర్మ వచ్చే సీజన్లో ఆ జట్టుకు ఆడకపోవచ్చని వార్తలు వస్తున్నాయి. ఢిల్లీ, లక్నో, KKR లాంటి పలు జట్లు అతడిని వేలంలో కొనుగోలు చేసి, పగ్గాలు అప్పగించే అవకాశం ఉంది. 2013లో ముంబై సారథ్య బాధ్యతలు తీసుకున్న ఈ సిక్సర్ల వీరుడు 5 ట్రోఫీలు అందించారు. మరి రోహిత్ వచ్చే ఏడాది మెగా వేలంలో పాల్గొంటే అతడు ఎన్ని కోట్ల రూపాయలు పలకవచ్చో కామెంట్ చేయండి.
News July 28, 2024
నిత్య పెళ్లికొడుకు.. 20కి పైగా మహిళలను పెళ్లాడాడు!
విడాకులు పొందిన మహిళలే అతడి లక్ష్యం. మ్యాట్రిమోని సైట్ ద్వారా మహిళలకు పరిచయమవడం, మాయమాటలతో నమ్మించి పెళ్లి చేసుకోవడం, ఆపై వారి డబ్బు, నగలతో ఉడాయించడం అతడి ప్లాన్. ఇలా పలు రాష్ట్రాల్లో 20 మందికి పైగా మహిళలను వివాహమాడాడు. బాధితుల ఫిర్యాదుతో మహారాష్ట్ర పోలీసులు నిత్యపెళ్లికొడుకు ఫిరోజ్ నియాజ్ షేక్(43)ని అరెస్ట్ చేశారు. ఠానేకు చెందిన నిందితుడు 2015 నుంచి మ్యాట్రిమోని వేదికగా మోసాలకు పాల్పడుతున్నాడట.
News July 28, 2024
ప్రశాంత్ కిశోర్ కొత్త పార్టీ
బిహార్‌లో రాజకీయ పార్టీ పెట్టబోతున్నట్లు రాజకీయ వ్యూహకర్త, I-PAC ఫౌండర్ ప్రశాంత్ కిశోర్ ప్రకటించారు. ప్రస్తుతం ‘జన్ సురాజ్’ పేరుతో ఆయన ఓ క్యాంపెయిన్ నడుపుతున్నారు. దానినే పొలిటికల్ పార్టీగా మారుస్తున్నట్లు పీకే పేర్కొన్నారు. అక్టోబర్ 2న గాంధీ జయంతి సందర్భంగా ‘జన్ సురాజ్’ పార్టీని ప్రకటిస్తామని తెలిపారు. 2025 బిహార్ అసెంబ్లీ ఎన్నికల్లో JDU అధినేత, సీఎం నితీశ్ కుమార్‌ను ఢీకొడతామన్నారు.
News July 28, 2024
YCP MLA ఇంట్లో పోలీసుల సోదాలు
AP: తంబళ్లపల్లె వైసీపీ ఎమ్మెల్యే పెద్దిరెడ్డి ద్వారకానాథ్ రెడ్డి ఇంట్లో పోలీసులు సోదాలు నిర్వహించారు. మదనపల్లె సబ్ కలెక్టర్ కార్యాలయంలో రెవెన్యూ ఫైళ్ల దగ్ధం ఘటనకు సంబంధించి ఈ తనిఖీలు నిర్వహించారు. మరోవైపు పెద్దిరెడ్డి మిథున్ రెడ్డి అనుచరుడు బాబ్ జాన్, పెద్దిరెడ్డి రామచంద్రారెడ్డి పీఏ శశికాంత్, వైసీపీ మాజీ ఎమ్మెల్యే నవాజ్ బాషా ఇళ్లలోనూ సోదాలు చేశారు.
News July 28, 2024
భారత్ టార్గెట్ 162 రన్స్
భారత్‌తో జరుగుతున్న రెండో టీ20 మ్యాచ్‌లో శ్రీలంక 9 వికెట్లు కోల్పోయి 161 పరుగులు చేసింది. కుశాల్ పెరీరా 53, నిస్సంక 32, మెండిస్ 26 పరుగులు చేశారు. భారత బౌలర్లలో రవి బిష్ణోయ్ 3, అర్షదీప్, అక్షర్ పటేల్, హార్దిక్ పాండ్య తలో రెండు వికెట్లు తీశారు. భారత్ టార్గెట్ 162 పరుగులు.
News July 28, 2024
మిమ్మల్ని ఎప్పటికీ ప్రేమిస్తూనే ఉంటా: రష్మిక
కేరళలో తాను పాల్గొన్న ఓ పబ్లిక్ ఈవెంట్‌కు ఫ్యాన్స్ భారీగా తరలిరావడంపై నేషనల్ క్రష్ రష్మిక మందన్న ఇన్ స్టా వేదికగా స్పందించారు. ‘కరునాగపల్లిలో ఈవెంట్ బాగా చేశారు. అక్కడ అభిమానులు నాపై చూపించిన ప్రేమకు ఫిదా అయ్యాను. అంత ప్రేమను నేను అస్సలు ఊహించలేదు. ఇంతమంది ప్రేమను పొందేందుకు నేనేం చేశానో నాకే తెలియదు. కానీ మిమ్మల్ని ఎప్పటికీ ప్రేమిస్తూనే ఉంటా’ అని ఆమె పోస్ట్ పెట్టారు.
News July 28, 2024
బ్యాడ్మింటన్ మెన్స్ సింగిల్స్‌లో ప్రణయ్ గెలుపు
పారిస్ ఒలింపిక్స్ బ్యాడ్మింటన్ మెన్స్ సింగిల్స్ విభాగంలో HS ప్రణయ్ దుమ్ములేపారు. గ్రూప్ ప్లే స్టేజ్‌లో జర్మనీ ప్లేయర్ ఫాబియన్ రోత్‌ను ఓడించారు. తొలి రౌండ్‌లో ఇద్దరి మధ్య గట్టి పోటీ నడిచినప్పటికీ రెండో రౌండ్‌లో ప్రణయ్ పూర్తి ఆధిపత్యం చెలాయించారు. 21-18, 21-12 తేడాతో రోత్‌ను ఓడించారు.
Featured News
Sorry, no posts matched your criteria.