India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 28, 2024
6,128 ఉద్యోగాలు.. కొన్ని గంటలే ఛాన్స్!
బ్యాంకుల్లో 6,128 క్లర్క్ ఉద్యోగాలకు ఐబీపీఎస్ స్వీకరిస్తున్న దరఖాస్తుల గడువు నేటితో ముగియనుంది. డిగ్రీ, 20-28 ఏళ్ల వయసున్న వారు అర్హులు. కంప్యూటర్/ఐటీ సబ్జెక్టు చదివి ఉండాలి. ఆగస్టులో ప్రిలిమ్స్, అక్టోబర్‌లో మెయిన్స్ నిర్వహించే ఆవకాశం ఉంది. ప్రాథమిక షెడ్యూల్ ప్రకారం <
వెబ్‌సైట్: https://www.ibps.in/
News July 28, 2024
మాది DNA ప్రభుత్వం కాదు.. NDA ప్రభుత్వం: హోంమంత్రి అనిత
AP: తనను రాజీనామా చేయాలన్న వైసీపీ ఎంపీ విజయసాయిరెడ్డికి హోంమంత్రి అనిత కౌంటర్ వేశారు. ‘”శాంతి” భద్రతల విషయాల్లో మీరు రాజీనామా చేయాలో, నేను చేయాలో కాలమే త్వరలో నిర్ణయిస్తుంది. అయినా ఇది DNA ప్రభుత్వం కాదు. NDA ప్రభుత్వం. ప్రజలు బానే ఉన్నారు. దొంగలే కోటల్లో దాక్కుని ప్రెస్ మీట్లు, X లో రెట్టలు వేస్తున్నారు’ అని మండిపడ్డారు.
News July 28, 2024
జైపాల్‌రెడ్డికి నివాళులర్పించిన సీఎం రేవంత్
TG: దివంగత కేంద్ర మాజీ మంత్రి ఎస్.జైపాల్‌రెడ్డి వర్ధంతి సందర్భంగా సీఎం రేవంత్ ఆయనకు నివాళులర్పించారు. HYD నెక్లెస్‌రోడ్డులోని స్ఫూర్తి స్థల్‌లో రేవంత్ తన కుటుంబ సభ్యులతో కలిసి చిత్రపటానికి పూలమాల వేసి నివాళి అర్పించారు. ఈ కార్యక్రమంలో శాసన మండలి ఛైర్మన్ గుత్తా సుఖేందర్‌రెడ్డి, మంత్రి పొన్నం ప్రభాకర్, ఎమ్మెల్యేలు, ఎంపీలు, ఇతర ప్రజాప్రతినిధులు పాల్గొన్నారు.
News July 28, 2024
మదనపల్లె కేసు: వైసీపీ మాజీ ఎమ్మెల్యేకు నోటీసులు
AP: మదనపల్లె సబ్ కలెక్టర్ ఆఫీస్‌లో దస్త్రాల దహనం కేసు విచారణను పోలీసులు వేగవంతం చేశారు. YSRCP మాజీ ఎమ్మెల్యే నవాజ్ బాషాకు తాజాగా నోటీసులు జారీ చేశారు. ప్రస్తుతం ఆయన బెంగళూరులో ఉన్నట్లు సమాచారం. ఈ నేపథ్యంలో బాషా ఇంట్లో నోటీసులు అందజేసి, ఆయనతో ఫోన్లో మాట్లాడినట్లు తెలుస్తోంది. ఇప్పటికే మాజీ మంత్రి పెద్దిరెడ్డి రామచంద్రారెడ్డి అనుచరుల్ని, పలువురు వైసీపీ లీడర్లను పోలీసులు విచారించిన సంగతి తెలిసిందే.
News July 28, 2024
వీడియో లీక్ చాలా బాధించింది: ఊర్వశీ రౌతేలా
నటి ఊర్వశీ రౌతేలాకి సంబంధించిన ఓ క్లిప్ ఇటీవల నెట్టింట వైరల్ అయింది. ఆమె స్నానాల గదిలో దుస్తులు తొలగిస్తున్నట్లుగా ఉన్న ఆ క్లిప్ వైరల్ కావడంపై ఆమె స్పందించారు. ‘అది నిజమైన వీడియో కాదు. నేను నటిస్తున్న గుస్పేటియా అనే కొత్త సినిమాలో సీన్. విడుదలకు ముందే ఇలాంటి లీకులు రావడం, అది వైరల్ కావడం చాలా బాధ కలిగించింది. ఇలాంటి చేదు అనుభవం ఏ అమ్మాయికీ ఎదురుకాకూడదు’ అని ఆవేదన వ్యక్తం చేశారు.
News July 28, 2024
మీకన్నా స్వార్థపరులు ఉంటారా?: YCP
AP: అసెంబ్లీకి వెళ్లని జగన్, ఆయన MLAలు రాజీనామా చేయాలని APPCC చీఫ్ షర్మిల్ చేసిన <<13724150>>కామెంట్స్‌<<>>పై YCP స్పందించింది. ప్రతిపక్షంలో ఉండి మరో ప్రతిపక్షాన్ని తిడుతున్న షర్మిలకు ప్రజా సమస్యలు కనిపించవని విమర్శించింది. ఆమె ట్వీట్ CBN నుంచి వచ్చిందో లేక TGలోని ఆయన ఏజెంట్ దగ్గర్నుంచి వచ్చిందోనని ఎద్దేవా చేసింది. TGలో మాయమాటలు చెప్పి పారిపోయి APకి వచ్చిన షర్మిల కంటే స్వార్థపరులు ఉంటారా అని ప్రశ్నించింది.
News July 28, 2024
ప్రభాస్ ‘రాజా సాబ్’ ఫస్ట్ లుక్ వచ్చేస్తోంది!
‘రాజా సాబ్’ అప్‌డేట్ కోసం చూస్తున్న ప్రభాస్ ఫ్యాన్స్‌కు డైరెక్టర్ మారుతి గుడ్ న్యూస్ చెప్పారు. రేపు సాయంత్రం 5.03 గంటలకు గ్లింప్స్‌ను విడుదల చేయనున్నట్లు ట్విటర్‌లో ప్రకటించారు. ‘ఇక నుండి కుమ్ముడే డార్లింగ్స్. ది రాజా సాబ్ ఫ్యాన్ ఇండియా గ్లింప్స్ రేపు సాయంత్రం తీసుకొస్తున్నాం’ అని పోస్ట్ చేశారు. పింక్ సూట్‌లో ప్రభాస్ అటువైపుగా తిరిగి ఉన్న పోస్టర్‌ను ఈ సందర్భంగా పంచుకున్నారు.
News July 28, 2024
పథకాల పేర్లపై ప్రభుత్వ నిర్ణయం హర్షణీయం: పవన్ కళ్యాణ్
AP: రాష్ట్ర విద్యాశాఖలో పథకాలను డా.సర్వేపల్లి రాధాకృష్ణన్, డొక్కా సీతమ్మ, అబ్దుల్ కలాం <<13722354>>పేర్లతో<<>> అమలు చేయడం అభినందనీయం అని పవన్ కళ్యాణ్ అన్నారు. విద్యా కానుకకు రాధాకృష్ణన్, మధ్యాహ్న భోజన పథకానికి డొక్కా సీతమ్మ పేర్లు పెట్టడం, అబ్దుల్ కలాం పేరుతో విద్యార్థులకు ప్రతిభా పురస్కారాలు అందించడం హర్షణీయం అని ట్వీట్ చేశారు. గత సీఎం మాత్రం పథకాలకు తన పేరే పెట్టుకున్నారని విమర్శించారు.
News July 28, 2024
దేశంలో మొత్తం కేసుల్లో 26శాతం ఆ రెండు క్యాన్సర్లే !
భారత్‌లో క్యాన్సర్ కేసుల్లో 26శాతం తల, గొంతు సంబంధించినవే ఉన్నాయని క్యాన్సర్ ముక్త్ భారత్ ఫౌండేషన్ అధ్యయనంలో వెల్లడైంది. ఈ కేసులు పెరుగుతున్నాయని ఓ నివేదికలో సంస్థ వెల్లడించింది. 1869మంది క్యాన్సర్ బాధితులపై ఈ సర్వే నిర్వహించినట్లు తెలిపింది. ‘పొగాకు వినియోగం, హెచ్‌పీవీ వైరస్‌ ఈ రెండు క్యాన్సర్ల పెరుగుదలకు కారణం. నోటి క్యాన్సర్ బాధితుల్లో 90శాతం మంది పొగాకుకు అలవాటుపడినవారే’ అని వివరించింది.
News July 28, 2024
రేపు స్కూళ్లకు సెలవు
TG: తెలంగాణ రాష్ట్ర పండుగ అయిన ‘బోనాలు’ సందర్భంగా రాష్ట్ర ప్రభుత్వం సోమవారం పబ్లిక్ హాలిడేగా డిక్లేర్ చేసింది. రేపు స్కూళ్లు, కాలేజీలు, ప్రభుత్వ కార్యాలయాలు మూతబడనున్నాయి. జులై 7న భాగ్యనగరంలో ప్రారంభమైన బోనాల సంబరాలు ఆగస్టు 4 వరకు కొనసాగనున్నాయి. రాష్ట్రం ఏర్పడిన తర్వాత ప్రభుత్వం ‘బోనాలు’ ఉత్సవాలను రాష్ట్ర పండుగగా గుర్తించింది.
Featured News
Sorry, no posts matched your criteria.