India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 19, 2024
ముస్లింలను దేశంలో ఉండనివ్వడమే పెద్ద తప్పు: కేంద్రమంత్రి
1947లో విభజన తర్వాత ముస్లింలను భారత్‌లో ఉండనివ్వడమే తప్పు అని కేంద్రమంత్రి గిరిరాజ్ సింగ్ వివాదాస్పద వ్యాఖ్యలు చేశారు. మన పూర్వీకులు మత ప్రాతిపదికన దేశాన్ని విభజిస్తే ముస్లింలను ఇక్కడ ఎందుకు ఉండనిచ్చారని ప్రశ్నించారు. అప్పుడే వాళ్లను PAKకు పంపించాల్సిందన్నారు. ‘ముస్లింలను దేశంలో ఉండనివ్వడం మన దౌర్భాగ్యం, లేకపోతే పరిస్థితి వేరేలా ఉండేది’ అని పాంచజన్య వీక్లీ మ్యాగజైన్‌లో ఆయన కథనం రాశారు.
News July 18, 2024
కూలర్ గాలి కోసం పెళ్లి రద్దు!
UPలోని బల్లియాలో కూలర్ గాలి కోసం మొదలైన గొడవ పెళ్లిని రద్దయ్యేలా చేసింది. కూలర్ వద్ద సీటింగ్ విషయంలో వరుడు, వధువు కుటుంబీకుల మధ్య మాటామాటా పెరిగి రచ్చకు దారి తీసింది. పోలీసులు వచ్చి సర్దిచెప్పేందుకు ప్రయత్నించినా ఫలితం లేకపోయింది. చేసేదేం లేక ఆ పెళ్లి కూతురు పెళ్లి క్యాన్సిల్ చేసుకొని అక్కడ్నుంచి వెళ్లిపోయింది. ఇరు పక్షాలకు పోలీసులు సెక్షన్ 151 కింద నోటీసులు ఇచ్చారు.
News July 18, 2024
మోదీకి జగన్ లేఖ.. కేంద్రసంస్థలతో విచారణ జరపాలని వినతి
APలో శాంతిభద్రతలు పూర్తిగా క్షీణించాయని జగన్ PM మోదీకి లేఖ రాశారు. ‘నెల రోజుల్లోనే 31 హత్యలు జరిగాయి. 300 మందిపై హత్యాయత్నాలు జరిగాయి. ఏపీలో ప్రభుత్వాన్ని రెడ్ బుక్ రాజ్యాంగంతో పాలిస్తున్నారు. రషీద్ అనే YCP కార్యకర్తను కిరాతకంగా నరికి చంపారు. MP మిథున్ రెడ్డిపైనా హత్యాయత్నంకు ప్రయత్నించారు. YCPని అణచివేయాలన్న లక్ష్యంతోనే దాడులు చేస్తున్నారు. ఈ ఘటనలపై కేంద్రసంస్థలతో విచారణ జరపాలి’ అని కోరారు.
News July 18, 2024
రేపే ఇండియా VS పాకిస్థాన్ మ్యాచ్
ఆసియా కప్‌-2024లో భాగంగా భారత్, పాకిస్థాన్ మహిళల జట్ల మధ్య రేపు T20 మ్యాచ్ జరగనుంది. శ్రీలంకలోని డంబుల్లా వేదికగా రాత్రి 7గంటలకు మ్యాచ్ ప్రారంభం కానుంది. స్టార్‌స్పోర్ట్స్ ఛానల్‌తో పాటు హాట్‌స్టార్‌లో లైవ్ చూడవచ్చు. ఇదిలా ఉంటే 2022లో భారత్‌పై జరిగిన మ్యాచ్‌లో పాక్ 13 రన్స్ తేడాతో గెలిచింది. దానికి ఇప్పుడు బదులు తీర్చుకోవాలని హర్మన్ సేన కసిగా ఉంది. ఆ ఆసియా కప్‌ను భారత్ గెలిచిన సంగతి తెలిసిందే.
News July 18, 2024
పాకిస్థాన్‌లో సోషల్ మీడియాపై ఆంక్షలు!
ఫేస్‌బుక్, ఇన్‌స్టాగ్రామ్, వాట్సాప్‌లపై పాకిస్థాన్ ప్రభుత్వం ఆంక్షలు విధించినట్లు తెలుస్తోంది. రెండు రోజులుగా వీటిని యాక్సెస్ చేయడంలో యూజర్లు ఇబ్బందులు ఎదుర్కొంటున్నారు. మాజీ PM ఇమ్రాన్‌కు చెందిన PTI పార్టీ, అక్కడి సైన్యానికి మధ్య ఘర్షణ పూరిత వాతావరణం నెలకొన్న నేపథ్యంలో ఈ నిషేధ ఆంక్షలు విధించడం గమనార్హం. గత ఫిబ్రవరిలో పాక్ ఎన్నికల సందర్భంగా Xపై విధించిన నిషేధం ఇంకా కొనసాగుతోంది.
News July 18, 2024
అంబానీకి అదృష్టం తెచ్చిన కోడలు.. పది రోజుల్లోనే ₹25వేలకోట్ల లాభం!
అనంత్ భార్యగా, ముకేశ్ కోడలిగా రాధికా మర్చంట్ రావడం అంబానీ కుటుంబానికి సంతోషాన్నే కాదు సిరులనూ కురిపించింది. పెళ్లి సంబరాల్లో ముకేశ్ బిజీగా ఉన్నా వ్యాపారం ఏ మాత్రం తగ్గలేదు. పెళ్లి వేడుకలు జరిగిన పది రోజుల్లో ₹25వేల కోట్లను ఆర్జించారు. జులై 5న $118 బిలియన్లుగా ఉన్న ముకేశ్ అంబానీ నికర సంపద JUL 12కు $121 బిలియన్లకు చేరింది. దీంతో ముకేశ్ ప్రపంచ కుబేరుల జాబితాలో 12వ స్థానం నుంచి 11వ స్థానానికి చేరారు.
News July 18, 2024
శ్రీవాణి ఆఫ్‌లైన్ టికెట్లు.. రోజుకి 1000 మాత్రమే!
AP: తిరుమలలో శ్రీవాణి దర్శన టికెట్ల జారీపై TTD ఆంక్షలు విధించింది. శ్రీవారి దర్శనానికి పెరుగుతోన్న భక్తుల రద్దీ దృష్ట్యా ఆఫ్‌లైన్‌లో రోజుకి 1000టికెట్లు మాత్రమే జారీ చేయనుంది. తిరుమల గోకులం విశ్రాంతి భవనంలో 900 టికెట్లు, శ్రీవాణి దాతలకు తిరుపతి ఎయిర్‌పోర్టు బుకింగ్ కౌంటర్‌లో 100 టికెట్లను ఇస్తారు. భక్తులు ఈ విషయాన్ని గమనించాలని TTD కోరింది. కాగా ఆన్‌లైన్ టికెట్ల సంఖ్య(500)లో మాత్రం మార్పు చేయలేదు.
News July 18, 2024
ముస్లిం మ్యారేజెస్ యాక్ట్ రద్దు చేయనున్న అస్సాం
ముస్లిం మ్యారేజెస్&డివోర్స్ రిజిస్ట్రేషన్ యాక్ట్1935 రద్దు చేయనున్నట్లు అస్సాం CM హిమంత శర్మ ప్రకటించారు. దానికి మంత్రివర్గం ఆమోదం తెలిపిందని వెల్లడించారు. రాబోయే అసెంబ్లీ సమావేశాల్లో ఈ బిల్లును ప్రవేశపెట్టే అవకాశం ఉంది. వివాహాలు, విడాకుల విషయంలో సమానత్వాన్ని తీసుకొచ్చేందుకే ప్రభుత్వం ఈ నిర్ణయం తీసుకున్నట్లు తెలుస్తోంది. కాగా దీని స్థానంలో కొత్త చట్టాన్ని తీసుకొచ్చే యోచనలో ప్రభుత్వం ఉంది.
News July 18, 2024
విడాకులు ప్రకటించిన హార్దిక్ పాండ్య
భారత క్రికెటర్ హార్దిక్ పాండ్య-నటాషా తాము విడిపోయినట్లు ప్రకటించారు. ఈ మేరకు సోషల్ మీడియాలో పోస్టులు చేశారు. ‘మేం విడిపోవాలని నిర్ణయించుకున్నాం. ఇది మాకు కఠినమైన నిర్ణయం. అగస్త్యకు(కుమారుడు) మంచి కో-పేరెంట్స్‌గా ఉంటాం. ఈ కష్ట సమయంలో మా గోప్యతను మీరు గౌరవిస్తూ, మద్దతివ్వాలని కోరుకుంటున్నాం’ అని పేర్కొన్నారు. వీరు 2020 మే 31న వివాహం చేసుకున్నారు.
News July 18, 2024
‘ఫాస్టాగ్’ స్టిక్కర్ లేకుంటే రెట్టింపు టోల్
వాహనం అద్దంపై ఫాస్టాగ్ స్టిక్కర్ అమర్చని వాహన దారుల నుంచి రెట్టింపు టోల్ వసూలు చేయాలని నేషనల్ హైవేస్ అథారిటీ ఆఫ్ ఇండియా మార్గదర్శకాలు జారీ చేసింది. కొందరు ఉద్దేశపూర్వకంగా ఫాస్టాగ్ అతికించకపోవడం వల్ల టోల్ ప్లాజాల వద్ద అనవసర జాప్యం ఏర్పడుతోందని పేర్కొంది. తద్వారా తోటి వాహనదారులకు అసౌకర్యం కలుగుతోందని వివరించింది.
Featured News
Sorry, no posts matched your criteria.