India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 18, 2024
జగన్ కీలక నిర్ణయం
AP: మాజీ సీఎం, వైసీపీ చీఫ్ జగన్ తన బెంగళూరు పర్యటనను అర్ధాంతరంగా ముగించుకుని ఏపీకి వస్తున్నారు. ఇవాళ మధ్యాహ్నం 3 గంటలకు గన్నవరం విమానాశ్రయానికి చేరుకోనున్నారు. <<13650476>>వినుకొండ<<>> ఘటన నేపథ్యంలో జగన్ ఈ నిర్ణయం తీసుకున్నారు. తాడేపల్లి నుంచి ఆయన వినుకొండ వెళ్లే అవకాశాలు కనిపిస్తున్నాయి.
News July 18, 2024
ఉషా చిలుకూరి నానమ్మది విశాఖపట్నమే!
అమెరికా అధ్యక్ష ఎన్నికల్లో రిపబ్లికన్ పార్టీ ఉపాధ్యక్ష అభ్యర్థి జేడీ వాన్స్‌ భార్య ఉషా చిలుకూరికి విశాఖపట్నంలో బంధువులున్నారు. 90 ఏళ్ల వయసులోనూ విద్యను బోధిస్తున్న ప్రొఫెసర్ శాంతమ్మకు ఉష మనవరాలు అవుతుందట. శాంతమ్మ భర్త సుబ్రహ్మణ్య శాస్త్రి సోదరుడైన రామశాస్త్రి కొడుకు రాధాకృష్ణ సంతానమే ఉష. ఎన్నికల్లో వాన్స్‌ తప్పకుండా గెలుస్తారని, భారత్‌కు సహకారం అందిస్తారని ఆమె ఆశాభావం వ్యక్తం చేస్తున్నారు.
News July 18, 2024
ట్రైనీ ఐఏఎస్ పూజా ఖేడ్కర్ తల్లి అరెస్ట్
అక్రమ ఆయుధాల కేసులో ట్రైనీ IAS <<13641642>>పూజా<<>> ఖేడ్కర్ తల్లి మనోరమను పుణే పోలీసులు అరెస్ట్ చేశారు. రాయగఢ్ జిల్లా మహాడ్‌లోని ఓ హోటల్‌లో తలదాచుకుంటున్న ఈమెను పోలీసులు పట్టుకున్నారు. పిస్టోల్‌తో రైతులను ఆమె బెదిరించిన ఘటనకు సంబంధించి పోలీసులు ఇటీవల ఆమెపై FIR నమోదు చేశారు. కాగా ఆమె స్వగ్రామమైన భల్‌గావ్ మనోరమకు మద్దతు పలుకుతోంది. ఆమె ప్రతిష్ఠను దెబ్బతీసేందుకు కుట్ర జరుగుతోందని గ్రామస్థులు ఆరోపిస్తున్నారు.
News July 18, 2024
నష్టాల్లో స్టాక్ మార్కెట్లు.. బజాజ్ ఆటో 3% డౌన్!
దేశీయ స్టాక్ మార్కెట్లు ఈరోజు నష్టాల్లో కొనసాగుతున్నాయి. సెన్సెక్స్ 170 పాయింట్లకుపైగా కోల్పోయి 80,543 వద్ద ట్రేడవుతోంది. మరోవైపు నిఫ్టీ 74 పాయింట్ల నష్టంతో 24,538 వద్ద కొనసాగుతోంది. బజాజ్ ఆటో 3%, హీరో మోటార్ కార్ప్, కోల్ ఇండియా చెరో 2% నష్టాన్ని నమోదు చేయడం మార్కెట్‌పై ప్రభావం చూపింది. ఆయిల్ & గ్యాస్, IT, PSU బ్యాంక్ మినహా ఇతర రంగాల షేర్లు అన్నీ నష్టాల్లో ట్రేడవుతున్నాయి.
News July 18, 2024
ప్రైవేట్ కంపెనీల్లో రిజర్వేషన్లు సాధ్యమేనా?
బెంగళూరులోని ప్రైవేట్ కంపెనీల్లో 75% ఉద్యోగాలు స్థానికులకే ఇవ్వాలని కర్ణాటక ప్రభుత్వం నిర్ణయించింది. కానీ ఈ నిర్ణయం అమలవుతుందా అనేది మిలియన్ డాలర్ల ప్రశ్నగా మారింది. ఈ విధానంపై కొన్ని రాష్ట్రాలు ప్రయోగాలు చేసి ఆశించిన ఫలితాలు రాబట్టలేకపోయాయి. స్థానిక రిజర్వేషన్ల గురించి కంపెనీలు పట్టించుకోలేదు. రిజర్వేషన్లు తమ టార్గెట్‌కు ఆటంకమని, దీంతో ప్రాంతీయ విద్వేషాలు కూడా తలెత్తే ఛాన్స్ ఉందని చెబుతున్నాయి.
News July 18, 2024
వైసీపీ కార్యకర్త దారుణ హత్య.. స్పందించిన జగన్
AP: రాష్ట్రంలో రాక్షస పాలన కొనసాగుతోందని వైసీపీ చీఫ్ జగన్ దుయ్యబట్టారు. తమ పార్టీని అణగదొక్కేందుకు దారుణాలకు పాల్పడుతున్నారని Xలో విమర్శించారు. వినుకొండలో నడిరోడ్డుపై <<13650476>>హత్య<<>> ప్రభుత్వానికి సిగ్గుచేటని అన్నారు. కొత్త ప్రభుత్వంలో ఏపీ హత్యలు, అత్యాచారాలు, విధ్వంసాలకు చిరునామాగా మారిందని ధ్వజమెత్తారు. రాష్ట్రంలో దిగజారిన పరిస్థితులపై PM మోదీ, హోంమంత్రి అమిత్ షా దృష్టి పెట్టాలని కోరారు.
News July 18, 2024
జాహ్నవి కందుల మృతి: అధికారిపై వేటు
గత ఏడాది జనవరిలో జాహ్నవి కందుల అనే తెలుగు యువతి అమెరికాలో ఓ పోలీసు కారు ఢీకొని కన్నుమూశారు. ఈ ఘటన అప్పట్లో కలకలం రేపింది. ముఖ్యంగా డానియెల్ అడెరర్ అనే పోలీసు అధికారి ఆమె మృతి గురించి <<12716575>>చులకనగా మాట్లాడుతూ<<>> పగలబడి నవ్వడం అందరినీ బాధించింది. తాజాగా సదరు అధికారిని సియాటెల్‌ పోలీస్‌శాఖ విధుల నుంచి తొలగించింది. అతడు పోలీసుగా ఉండటం డిపార్ట్‌మెంట్‌కే అవమానకరమని ఆ శాఖ చీఫ్ సూ రహర్ ఓ ప్రకటనలో పేర్కొన్నారు.
News July 18, 2024
పారిస్ ఒలింపిక్స్‌లో పాల్గొనే తెలుగు తేజాలు వీరే..
పీవీ సింధు – ఉమెన్స్ బ్యాడ్మింటన్ (సింగిల్స్)
సాత్విక్‌రాజ్ రంకిరెడ్డి – మెన్స్ బ్యాడ్మింటన్ (డబుల్స్)
నిఖత్ జరీన్ – ఉమెన్ బాక్సింగ్ (50కేజీ కేటగిరీ)
ఆకుల శ్రీజ – ఉమెన్ టేబుల్ టెన్నిస్
జ్యోతి యర్రాజీ – ఉమెన్స్ 100M హర్డుల్స్
జ్యోతిక శ్రీ దండి – ఉమెన్స్ 4X400M రిలే
ధీరజ్ బొమ్మదేవర – మెన్స్ రికర్వ్ (ఆర్చరీ)
News July 18, 2024
రాష్ట్రంలో పలు జిల్లాల్లో వర్షం
AP: రాష్ట్రంలో పలు చోట్ల వర్షం కురుస్తోంది. శ్రీకాకుళం, ఎన్టీఆర్, కృష్ణా, విజయనగరం జిల్లాల్లో ఉదయం నుంచి వర్షాలు కురుస్తున్నాయి. మరోవైపు ఇవాళ భారీ నుంచి అతి భారీ వర్షాలు కురుస్తాయని ఇప్పటికే వాతావరణ కేంద్రం హెచ్చరికలు జారీ చేసింది. లోతట్టు ప్రాంతాల వారు అప్రమత్తంగా ఉండాలని సూచించింది.
News July 18, 2024
BREAKING: తెరుచుకున్న పూరీ రహస్య గది
ఒడిశాలోని పూరీ రత్న భాండాగారంలోని రహస్య గదిని అధికారులు తెరిచారు. ఆలయంలోని సంపదను స్ట్రాంగ్ రూమ్‌కు తరలించనున్నారు. ఇప్పటికే రెండు గదుల్లోని సంపదను తరలించారు. ఈ నెల 14న రహస్య గదిని తెరిచినా అప్పటికే సాయంత్రం కావడంతో సీల్ వేశారు. ఈ క్రమంలో ఆలయంలోకి భక్తుల ప్రవేశాన్ని నిలిపివేశారు. రహస్య గదిలో దిగువన సొరంగ మార్గం ఉందా? లేదా? అనే దానిపై స్పష్టత వచ్చే అవకాశం ఉంది.
Featured News
Sorry, no posts matched your criteria.