India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 7, 2026
అన్ని US పారిశ్రామిక వస్తువులపై భారత్ జీరో డ్యూటీ: పీయూష్ గోయల్
అమెరికాతో ట్రేడ్ డీల్పై ఏడాదిపాటు చర్చలు జరిపినట్లు కేంద్ర వాణిజ్య మంత్రి పీయూష్ గోయల్ వెల్లడించారు. భారత జెమ్స్ అండ్ జువెలరీపై జీరో టారిఫ్స్ వర్తిస్తాయని తెలిపారు. ఏడాదికి $500 బిలియన్ల వాణిజ్యం టార్గెట్ అని పేర్కొన్నారు. భవిష్యత్తులో సుంకాలను మరింత తగ్గించే విషయంపై చర్చిస్తున్నామన్నారు. USకు చెందిన అన్ని పారిశ్రామిక వస్తువులపై భారత్ సున్నా సుంకాలు విధిస్తుందని వెల్లడించారు.
News February 7, 2026
పసికూనపై అతికష్టం మీద గెలిచిన పాకిస్థాన్
టీ20 ప్రపంచకప్లో భాగంగా నెదర్లాండ్స్తో జరిగిన తొలి మ్యాచ్లో పాక్ అతి కష్టం మీద గెలిచింది. నెదర్లాండ్స్ నిర్దేశించిన 148 పరుగుల లక్ష్యాన్ని 7 వికెట్లు కోల్పోయి ఛేదించింది. ఫర్హాన్(47), అయూబ్(24) రాణించారు. చివర్లో ఫహీమ్ అష్రఫ్(29*) ధనాధన్ ఇన్నింగ్స్తో గెలిపించారు. 19వ ఓవర్లో 24 రన్స్ రావడంతో సమీకరణాలు మారిపోయాయి. పాక్ తర్వాతి మ్యాచ్ ఈ నెల 10న USAతో ఆడనుంది.
News February 7, 2026
పంచాయతీ ఎన్నికలకు రెడీ అవుతున్న AP SEC
AP: పంచాయతీ ఎన్నికల నిర్వహణ కోసం ప్రాథమిక ఏర్పాట్లపై రాష్ట్ర ఎన్నికల సంఘం దృష్టి సారించింది. పంచాయతీ వార్డుల వారీగా ఫొటో ఓటర్ ఐడీ కార్డుల జాబితా సిద్ధం చేయాలని అన్ని జిల్లాల పంచాయతీ అధికారులను ఆదేశించింది. 2026 జనవరి 1వ తేదీని కటాఫ్గా చేసుకొని అసెంబ్లీ ఓటర్ల జాబితా ఆధారంగా వీటిని రూపొందించాలని సూచించింది. మార్చి 9న వీటిని పబ్లిష్ చేయనున్నట్లు ఆ ఆదేశాల్లో పేర్కొంది.
News February 7, 2026
సెంట్రల్ లెదర్ రీసెర్చ్ ఇన్స్టిట్యూట్లో ఉద్యోగాలు
CSIR-సెంట్రల్ లెదర్ రీసెర్చ్ ఇన్స్టిట్యూట్ (CLRI) 13 పోస్టులను భర్తీ చేయనుంది. టెన్త్, ఇంటర్ అర్హతగల అభ్యర్థులు మార్చి 2 వరకు అప్లై చేసుకోవచ్చు. రాత పరీక్ష, స్కిల్ టెస్ట్ ద్వారా ఎంపిక చేస్తారు. దరఖాస్తు ఫీజు రూ.500. SC, ST, PwBDలకు ఫీజు లేదు. Jr. స్టెనోగ్రాఫర్కు నెలకు రూ.53,628, Jr.సెక్రటేరియట్ అసిస్టెంట్కు రూ.39,545, MTSకు రూ.35,973 చెల్లిస్తారు. వెబ్సైట్: https://clri.org
News February 7, 2026
చెరకు తోటలు నరికిన తర్వాత ఇలా చేస్తే లాభం
చెరకును నరికిన తర్వాత కార్శి చేయడం వల్ల విత్తనపు ఖర్చుతో పాటు పొలం తయారీ ఖర్చు తగ్గుతుంది. చెరకు మోడు చెక్కిన 10-20 రోజుల లోపల భూమిలో తగినంత పదును ఉన్నప్పుడు రెండు సాళ్ల మధ్య దుక్కి చేసి భూమి గుల్లబారేట్లు చేయాలి. దీని వల్ల మొక్క తోట వేర్లు నశించి పిలకల నుంచి కొత్త వేర్లు అభివృద్ధి చెందుతాయి. అంతేకాకుండా కార్శి తోటల వేర్లకు ప్రాణ వాయువు, తడులు పెట్టినప్పుడు నీరు, పోషకాలు సమానంగా అందుతాయి.
News February 7, 2026
BOBలో 421 పోస్టులకు నోటిఫికేషన్లు
బ్యాంక్ ఆఫ్ బరోడా(BOB)లో 421 పోస్టుల భర్తీకి 3 వేర్వేరు నోటిఫికేషన్లు విడుదలయ్యాయి. వీటిలో రెగ్యులర్, కాంట్రాక్ట్ బేస్డ్ ఉద్యోగాలున్నాయి. జాబును బట్టి డిగ్రీ, MBA/PGDM, CA/CFA/CMA అర్హతతో పాటు పని అనుభవం ఉండాలి. అభ్యర్థులు ఈ నెల 26 వరకు అప్లై చేసుకోవచ్చు. ఆన్లైన్ టెస్టు, గ్రూప్ డిస్కషన్/ఇంటర్వ్యూ ఆధారంగా ఎంపిక చేస్తారు.
వెబ్సైట్: https://bankofbaroda.bank.in/
News February 7, 2026
నా కొడుకును అప్పటివరకు పెద్ద క్రికెటర్గా భావించను: వైభవ్ తండ్రి
అండర్-19 WC ఫైనల్లో తన కుమారుడి ఆట చూసి గర్వంగా ఉందని వైభవ్ సూర్యవంశీ తండ్రి సంజీవ్ తెలిపారు. అతడితో పాటు మిగిలిన అందరు ఆటగాళ్లు అద్భుతంగా ఆడారని ప్రశంసించారు. అయితే వైభవ్ టెస్టులు ఆడనంత వరకు అతడిని పెద్ద క్రికెటర్గా చూడనని చెప్పారు. ఇది ఆరంభం మాత్రమేనని, భవిష్యత్లో సాధించాల్సింది ఎంతో ఉందని పేర్కొన్నారు. వైభవ్ వల్ల బిహార్లో చాలా మంది పిల్లలు క్రికెట్ వైపు వచ్చే అవకాశం ఉందన్నారు.
News February 7, 2026
డెలివరీ తర్వాత కాళ్ల వాపులు తగ్గట్లేదా?
డెలివరీ తర్వాత మహిళల్లో చాలా ఇబ్బందులు తలెత్తుతాయి. వాటిల్లో ఒకటి కాళ్లవాపు. ప్రెగ్నెన్సీలో కాళ్లవాపు సహజమే కానీ డెలివరీ తర్వాత కూడా అలా ఉంటే జాగ్రత్త పడాలంటున్నారు నిపుణులు. కాళ్లు ఎత్తులో పెట్టుకొని పడుకోవడం, మసాజ్ చేయడం, సాల్ట్ ఎక్కువగా తీసుకోవడం, ఎక్కువసేపు ఒకే పొజిషన్లో ఉండటం వల్ల ఇలా జరుగుతుంది. దీన్ని నివారించడానికి ప్రొటీన్లు, పొటాషియం ఉన్న ఆహారాలు డైట్లో చేర్చుకోవాలని సూచిస్తున్నారు.
News February 7, 2026
మసీదుపై దాడి.. అసలేంటీ ఇస్లామిక్ స్టేట్?
పాక్లో చేసిన <<19073745>>దాడి<<>>తో మరోసారి ఇస్లామిక్ స్టేట్(ISIS) పేరు చర్చనీయాంశమవుతోంది. 2014-2017 మధ్య సిరియా, ఇరాక్లో అతి దారుణమైన దాడులతో ప్రపంచాన్ని భయపెట్టిందీ సంస్థ. కానీ US దాడులు, దాని చీఫ్ అబు బకర్ బగ్దాదీ హతమవడంతో పతనమైంది. ప్రస్తుతం సిరియా, ఇరాక్, అఫ్గాన్, పాక్తోపాటు పలు దేశాల్లో ఉనికిలో ఉంది. దీని నాయకత్వం రహస్యంగా ఉంది. తరచూ దాడులు చేస్తోంది. ఇటీవల <<18561798>>సిడ్నీలో దాడి<<>> చేసింది కూడా IS సానుభూతిపరులే.
News February 7, 2026
వెండితెరపై తండ్రీకూతుళ్ల జోరు!
సినీ ఇండస్ట్రీలో ఇప్పటివరకూ తండ్రీకొడుకుల కాంబోలు చూశాం. కానీ ఇప్పుడు ట్రెండ్ మారింది. 2026లో తండ్రీకూతుళ్ల జోరు సాగుతోంది. మెగాస్టార్ చిరంజీవి కుమార్తె సుస్మిత ‘మన శంకర వరప్రసాద్ గారు’తో నిర్మాతగా సత్తా చాటగా గుణశేఖర్ కుమార్తె నీలిమ ‘యుఫోరియా’ను నిర్మించారు. రవితేజ డాటర్ మోక్షద ‘ఇరుముడి’ నిర్మాణ బాధ్యతలు చూస్తుంటే నటుడు అర్జున్ తన కుమార్తె ఐశ్వర్య హీరోయిన్గా ‘సీతా పయనం’ను తెరకెక్కిస్తున్నారు.
Featured News
Sorry, no posts matched your criteria.