India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 30, 2024
భారత్‌లో బ్రిటన్ రాజ దంపతుల సీక్రెట్ ట్రిప్.. ఎందుకంటే!
కింగ్ ఛార్లెస్ III, కామిల్లా దంపతులు భారత్‌లో రహస్యంగా పర్యటిస్తున్నారని తెలిసింది. OCT 27 నుంచి వీరు బెంగళూరులోని SICHలో వెల్‌నెస్ ట్రీట్‌మెంట్ తీసుకుంటున్నారని సమాచారం. యోగా, థెరపీ, మెడిటేషన్ థెరపీ తీసుకుంటున్నారని IE తెలిపింది. గతంలోనూ వీరిక్కడికి రావడం గమనార్హం. ఓ సీక్రెట్ ట్రిప్ కోసం వీరిద్దరూ OCT 21-26 మధ్య సమోవాకు వెళ్లారు. అక్కడి నుంచి నేరుగా బెంగళూరు HAL ఎయిర్‌పోర్టులో దిగారని తెలిసింది.
News October 30, 2024
క్రాకర్స్ కాల్చేటప్పుడు చేయాల్సినవి.. చేయకూడనివి..
* కాటన్ దుస్తులే ధరించాలి.
* అందుబాటులో బకెట్ నీళ్లు, ఇసుకను ఉంచుకోండి.
* ఫెయిలైన బాణసంచాను మళ్లీ వెలిగించొద్దు.
* ఫ్లవర్‌పాట్‌లు, హ్యాండ్ బాంబ్‌లు కాల్చే సమయంలో చేతితో పట్టుకోవద్దు.
* ఫైర్ క్రాకర్స్ వెలిగించి బహిరంగ ప్రదేశాల్లో విసిరేయకండి.
* అగ్నిప్రమాదం జరిగితే 101,112,100,1070ను సంప్రదించండి.
News October 30, 2024
ధంతేరాస్ సీక్రెట్ ఆపరేషన్: భారత్‌కు లక్ష కిలోల బంగారం
ధంతేరాస్‌కు బంగారం కొని ఇంటికి మహాలక్ష్మీని ఆహ్వానించడం హిందువుల సంప్రదాయం. కేంద్ర ప్రభుత్వమూ ఈ పండగను సెలబ్రేట్ చేసుకుంది! బ్యాంక్ ఆఫ్ ఇంగ్లండ్ నుంచి ఏకంగా లక్ష కిలోల గోల్డ్‌ను గుట్టుచప్పుడు కాకుండా భారత్‌కు తీసుకొచ్చింది. RBI తాజా రిపోర్టుతో ఈ విషయం బయటకొచ్చింది. మే 31న ఇలాగే 100 టన్నుల బంగారాన్ని నాగ్‌పూర్‌కు తరలించిన సంగతి తెలిసిందే. ప్రస్తుతం BoE, BIS వద్ద 324 టన్నుల భారత బంగారం నిల్వఉంది.
News October 30, 2024
మహారాష్ట్ర ఎన్నికల స్టార్ క్యాంపెయినర్‌గా రేవంత్
మహారాష్ట్ర అసెంబ్లీ ఎన్నికల నేపథ్యంలో స్టార్ క్యాంపెయినర్ల జాబితాను కాంగ్రెస్ ప్రకటించింది. కాంగ్రెస్ చీఫ్ మల్లికార్జున ఖర్గే, సోనియా, రాహుల్, ప్రియాంకా గాంధీతో పాటు TG సీఎం రేవంత్ రెడ్డి, కర్ణాటక సీఎం సిద్దరామయ్య జాబితాలో ఉన్నారు. నవంబర్ 20న మహారాష్ట్రలో ఎన్నికలు జరగనున్నాయి.
News October 30, 2024
ఆల్ ది బెస్ట్ రామ్: ఎన్టీఆర్
తన సోదరుడు జానకీరామ్ తనయుడు తారక రామారావు మూవీ ఎంట్రీ సందర్భంగా జూనియర్ NTR విష్ చేశారు. ‘తొలి మెట్టు ఎక్కుతున్నావు. ఆల్ ది బెస్ట్ రామ్. సినిమా ప్రపంచం నీకు లెక్కలేనన్ని మధుర క్షణాల్ని అందిస్తుంది. నీకు విజయం చేకూరాలి. మీ ముత్తాత ఎన్టీఆర్, మీ తాత హరికృష్ణ, మీ తండ్రి జానకిరామ్ ఆశీస్సులు నీకు ఉంటాయి’ అని ట్వీట్ చేశారు. వైవీఎస్ చౌదరి డైరెక్షన్లో రామారావు తొలి మూవీ తెరకెక్కనుంది.
News October 30, 2024
‘మట్కా’ నుంచి స్పెషల్ పోస్టర్
మెగా ప్రిన్స్ వరుణ్ తేజ్ హీరోగా మీనాక్షి చౌదరి హీరోయిన్‌గా నటిస్తోన్న పీరియాడిక్ యాక్షన్ థ్రిల్లర్ మూవీ ‘మట్కా’ నుంచి స్పెషల్ పోస్టర్ విడుదలైంది. 15 రోజుల్లో సినిమా రిలీజ్ అవుతుందని తెలియజేస్తూ రెట్రో లుక్‌లో వరుణ్, మీనాక్షిల బ్లాక్ అండ్ వైట్ పోస్టర్‌ను మేకర్స్ విడుదల చేశారు. కరుణ కుమార్ దర్శకత్వం వహిస్తున్న ‘మట్కా’ మూవీ నవంబర్ 14న ఐదు భాషల్లో థియేటర్లలో రిలీజ్ కానుంది.
News October 30, 2024
దీపావళి వేళ స్వీట్లతో జాగ్రత్త!
దీపావళి సందర్భంగా చాలామంది స్వీట్లు ఆరగిస్తుంటారు. స్వీట్లపై ఉండే సిల్వర్‌పూతలో కొన్నిసార్లు కల్తీ జరిగే అవకాశం ఉంది. ఆ కల్తీని గుర్తిస్తే అనారోగ్య సమస్యల నుంచి బయటపడొచ్చు. స్వీట్‌పై ఉన్న సిల్వర్ పేపర్ కల్తీదో లేదో తెలుసుకునేందుకు కాస్త సిల్వర్ పొరను తీసుకొని రెండు వేళ్లతో రబ్ చేయండి. అది పౌడర్‌గా మారితే అది స్వచ్ఛమైంది. చిన్నచిన్న ముక్కలుగా మారిందంటే అది అల్యూమినియంతో కల్తీ జరిగిందని అర్థం.
News October 30, 2024
డేటింగ్‌లో అనన్య!.. బాయ్‌ఫ్రెండ్ పోస్ట్
బాలీవుడ్ బ్యూటీ అనన్య పాండే మోడల్ వాకర్ బ్లాంకోతో రిలేషన్‌షిప్‌లో ఉన్నారని ప్రచారం జరుగుతున్న విషయం తెలిసిందే. అయితే దానికి బలం చేకూర్చేలా ఆమె బాయ్‌ఫ్రెండ్ వాకర్ ఓ పోస్టు చేశారు. ఈరోజు అనన్య బర్త్ డే సందర్భంగా అతడు ఇన్‌స్టాలో ఆమెకు విషెస్ చెప్పారు. ‘హ్యాపీ బర్త్ డే బ్యూటిఫుల్. నువ్వెంతో స్పెషల్. ఐ లవ్ యూ ఆనీ’ అని ఆమె ఫొటోను పోస్టు చేశారు. అనన్య ‘లైగర్’తో తెలుగు ప్రేక్షకులకు పరిచయమయ్యారు.
News October 30, 2024
కాంగ్రెస్ ‘కళ్యాణమస్తు’ ఏమైంది?: బండి
TG: కాంగ్రెస్ ప్రభుత్వం ఇచ్చిన ‘కళ్యాణమస్తు’ హామీ ఏమైందని కేంద్ర మంత్రి బండి సంజయ్ ప్రశ్నించారు. మ్యానిఫెస్టోలో చెప్పినట్లుగా కూతురు పెళ్లి చేసిన నిరుపేద కుటుంబాలకు రూ.లక్ష సాయంతో పాటు తులం బంగారం ఎప్పుడు ఇస్తారో ధన త్రయోదశి రోజైనా ఇవాళ సమాధానం చెప్పాలని డిమాండ్ చేశారు. హ్యండ్ ఇచ్చిన హ్యండ్, హ్యండ్ బ్రేక్ ఆన్ ప్రోగ్రెస్ అంటూ హ్యాష్ ట్యాగ్స్ ఇచ్చారు.
News October 30, 2024
iPhone యూజర్లకు అదిరిపోయే న్యూస్
iOS యూజర్లకు గుడ్ న్యూస్. ఆండ్రాయిడ్ మాదిరిగా Apple iOS 18.1కు అప్డేట్ అయిన iPhone యూజర్లు ఇకపై కాల్ రికార్డింగ్ చేయొచ్చు. iPhone SE నుంచి iPhone 16 PRO MAX వరకు ఉన్న సిరీస్ ఫోన్లు మాత్రమే ఈ ఫీచర్‌కు సపోర్ట్ చేస్తాయి. కాల్ చేసేటపుడు లెఫ్ట్ సైడ్ పైన స్టార్ట్ కాల్ రికార్డింగ్ బటన్ ఉంటుంది. దాన్ని ట్యాప్ చేస్తే రికార్డింగ్ మొదలవుతుంది. కాల్ రికార్డ్ అవుతున్నట్లు ఇద్దరికీ ఆడియో నోట్ వినిపిస్తుంది.
Featured News
Sorry, no posts matched your criteria.