India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 8, 2024
బెంగాల్ ప్రభుత్వానికి సుప్రీం కోర్టు చురకలు
సందేశ్‌ఖాలీ కేసులో విచారణ చేపట్టిన సుప్రీం కోర్టు బెంగాల్ ప్రభుత్వానికి చురకలంటించింది. ఆ ఘటనపై CBIతో దర్యాప్తు చేపట్టాలని కలకత్తా హైకోర్టు ఇచ్చిన ఆదేశాలను సవాల్ చేస్తూ రాష్ట్ర ప్రభుత్వం సుప్రీంకోర్టులో పిటిషన్ దాఖలు చేసింది. తాజాగా పిటిషన్‌ను కొట్టివేసిన సుప్రీం కోర్టు ‘ఒక వ్యక్తిని కాపాడేందుకు రాష్ట్ర ప్రభుత్వం ఎందుకు ప్రయత్నిస్తోంది?’ అని ప్రశ్నించింది.
News July 8, 2024
పేటీఎం షేర్లలో 9% వృద్ధి!
సంక్షోభాన్ని ఎదుర్కొంటున్న పేటీఎంకు ఈరోజు ట్రేడింగ్‌లో సూచీలు ఊరటనిచ్చాయి. గరిష్ఠంగా 9.87% వృద్ధిని నమోదు చేసిన ఆ సంస్థ షేర్లు ప్రస్తుతం 8.11% ప్రాఫిట్‌తో ₹472 వద్ద ట్రేడవుతున్నాయి. ఆర్‌బీఐ ఆంక్షల తర్వాత ఆ సంస్థ షేర్లు ₹310-440 మధ్య కొనసాగుతున్నాయి. తాజాగా ₹36 వృద్ధి చెంది ₹500 మార్క్‌కు చేరువ అవుతుండటంతో ఇన్వెస్టర్లు సైతం హర్షం వ్యక్తం చేస్తున్నారు.
News July 8, 2024
శ్మశానంలో సమాధులకు సినిమాలు
థాయ్‌లాండ్‌లోని ఓ శ్మశానవాటికలో సమాధుల వద్ద కుర్చీలు వేసి సినిమాలు ప్రదర్శించడం చర్చనీయాంశమైంది. నఖోన్ రాట్చాసిమా ప్రావిన్స్‌లోని ఓ శ్మశానవాటికలో సినిమాలు వేశారని సౌత్ చైనా మార్నింగ్ పోస్ట్ పేర్కొంది. JUNE 2-6 మధ్య ఇది జరగ్గా ఆలస్యంగా వెలుగులోకి వచ్చింది. కాగా పూర్వీకుల ఆత్మల శాంతి కోసమే ఈ ప్రయత్నమని వారు చెబుతున్నారు. అదే దేశంలో ఇటీవల ఓ వ్యక్తి చనిపోయిన తన ప్రేయసిని వివాహం చేసుకోవడం గమనార్హం.
News July 8, 2024
కూటమిలో ఉన్నా ప్రజాసమస్యలు లేవనెత్తుతాం: పురందీశ్వరి
AP: కూటమిలో ఉన్నా ప్రజాసమస్యలను లేవనెత్తుతామని రాష్ట్ర బీజేపీ చీఫ్ పురందీశ్వరి అన్నారు. రాజమండ్రిలో నిర్వహించిన బీజేపీ కార్యవర్గ సమావేశంలో ఆమె మాట్లాడారు. రాష్ట్ర ప్రభుత్వంపై ప్రజలు ఎన్నో ఆశలు పెట్టుకున్నారని చెప్పారు. సంక్షేమంతో పాటు అభివృద్ధిని కోరుకుంటున్నారని తెలిపారు. మరోవైపు NDA పదేళ్ల పాలనలో దేశంలో అద్భుత ప్రగతి ఉందన్నారు. వికసిత్ భారత్, ఆత్మనిర్బర్ భారత్‌కు ప్రజలు ఓటేశారని పేర్కొన్నారు.
News July 8, 2024
వ్యవసాయ రుణాల టార్గెట్ పెంచనున్న కేంద్రం?
వ్యవసాయ రుణాల టార్గెట్‌ను 25% పెంచి ₹25లక్షల కోట్లకు చేర్చాలని కేంద్రం భావిస్తున్నట్లు తెలుస్తోంది. త్వరలో ప్రవేశపెట్టనున్న బడ్జెట్‌లో దీనిపై ప్రకటన చేసే అవకాశం ఉంది. ఈ పెంపు పొటెన్షియల్ లింక్డ్ క్రెడిట్ ప్లాన్ గణాంకాలపై ఆధారపడి ఉంటుందని కేంద్ర వర్గాలు తెలిపాయి. FY24లో సాగు రుణాల టార్గెట్ ₹20లక్షల కోట్లు ఉండగా, క్షేత్రస్థాయిలో రుణాల మంజూరు (₹24.84లక్షల కోట్లు) ఆ టార్గెట్‌ను అధిగమించింది.
News July 8, 2024
రూ.900 కోట్ల కలెక్షన్లు సాధించిన ‘కల్కి’
పాన్ ఇండియా స్టార్ ప్రభాస్ హీరోగా నాగ్ అశ్విన్ తెరకెక్కించిన ‘కల్కి’ రూ.వెయ్యి కోట్ల దిశగా దూసుకుపోతోంది. జూన్ 27న రిలీజైన ‘కల్కి’ ఇప్పటివరకు రూ.900 కోట్లు (గ్రాస్) కలెక్ట్ చేసినట్లు మేకర్స్ ప్రకటించారు. ఈనెల 12న ‘భారతీయుడు-2’ రిలీజ్ కానుండగా అప్పటివరకూ ‘కల్కి’ ఫీవర్ కొనసాగనుంది. ఈ సినిమాలో కమల్ హాసన్, అమితాబ్ బచ్చన్, దుల్కర్, విజయ్ దేవరకొండ, దీపికా పదుకొణె, దిశా పటాని నటించారు.
News July 8, 2024
‘బాస్’లను అమ్మకానికి పెడుతున్నారు!
చైనాలో కొత్త ట్రెండ్ నడుస్తోంది. తమకు నచ్చని బాస్‌లు, సహోద్యోగులను కొందరు ఆన్‌లైన్‌లో అమ్మకానికి పెడుతున్నారు. దీంతో సెకండ్ హ్యాండ్ ఈకామర్స్ ప్లాట్‌ఫామ్‌లలో ఎక్కడ చూసినా బాస్ ఫర్ సేల్, కొలీగ్స్ ఫర్ సేల్ అనే ప్రకటనలు దర్శనమిస్తున్నాయి. రూ.4లక్షల నుంచి రూ.9లక్షల మధ్య ధర ఫిక్స్ చేస్తున్నారు. అయితే ఇక్కడ నిజంగా అమ్మడం, కొనడం జరగవు. కేవలం సంతృప్తి కోసమే అలా ఆన్‌లైన్‌లో ప్రకటనలు చేస్తున్నారు.
News July 8, 2024
పిల్లలు ఎవరితో చాట్ చేస్తున్నారో చెక్ చేయండి: పోలీసులు
TG: మొబైల్ ఫోన్ వాడకంతో పిల్లలు తప్పుదారి పడుతున్నారని, 9వ తరగతి పిల్లల ప్రవర్తనను పేరెంట్స్ ఎప్పటికప్పుడు గమనిస్తుండాలని పోలీసులు సూచించారు. ‘పిల్లలు ఎదుగుతున్నారంటే వారికి చెడు దారులు సైతం ఎదురవుతాయి. మంచి- చెడు మధ్య తేడా తెలియని వారినే డ్రగ్స్ మాఫియా టార్గెట్ చేస్తోంది. ఎవరితో చాట్ చేస్తున్నారో చెక్ చేయండి. అప్రమత్తంగా ఉండటం మన బాధ్యత’ అని పోలీసులు అవగాహన కల్పిస్తున్నారు.
>>SHARE IT
News July 8, 2024
డ్రగ్స్‌పై ఉక్కుపాదం మోపుతున్న పోలీసులు
తెలంగాణను మాదకద్రవ్య రహితంగా తీర్చిదిద్దేందుకు పోలీసులు తీవ్రంగా శ్రమిస్తున్నారు. నిన్న రాత్రి HYD జూబ్లీహిల్స్ పరిధిలోని పబ్స్, బార్లలో ఆకస్మిక తనిఖీలు చేపట్టారు. యువత దగ్గర డ్రగ్స్, గంజాయి వంటి మాదకద్రవ్యాలు ఉన్నాయా? అని చెక్ చేశారు. పబ్స్‌లో వీటి వాడకాన్ని యజమానులు ప్రోత్సహిస్తే కఠిన చర్యలు తీసుకుంటామని హెచ్చరించారు. డ్రగ్స్ వాడకాన్ని గుర్తిస్తే వెంటనే డయల్ 100కి కాల్ చేయాలని సూచించారు.
News July 8, 2024
మన దేశంలో క్రికెట్ ఒకటే ఆటనా?
మన దేశంలో క్రికెట్‌కు ఉన్న విపరీతమైన క్రేజ్‌తో మిగతా క్రీడలకు ఆదరణ లభించట్లేదనే అభిప్రాయం వ్యక్తం అవుతోంది. టీ20 WC గెలిచిన టీమ్ ఇండియాకు బీసీసీఐ రూ.120 కోట్ల భారీ బహుమతి ఇచ్చింది. అంతేగాక రాష్ట్ర ప్రభుత్వాలు ప్రైజ్ మనీ అందిస్తున్నాయి. అంగరంగ వైభవంగా విజయయాత్ర నిర్వహించారు. టెన్నిస్, కబడ్డీ, ఖోఖో, బ్యాడ్మింటన్ లాంటి ఎన్నో ఆటలను ప్రోత్సహిస్తే బాగుంటుందన్నది పలువురి అభిప్రాయం. దీనిపై మీ కామెంట్?
Featured News
Sorry, no posts matched your criteria.