India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 30, 2024
కాళేశ్వరం కమిషన్ గడువు 2 నెలలు పొడిగింపు
TG: కాళేశ్వరం కమిషన్ గడువును మరో 2 నెలలు పొడిగించాలనే ప్రతిపాదనలకు GOVT ఆమోదం తెలిపింది. రేపటితో విచారణ గడువు ముగియనుండగా ఈ మేరకు నిర్ణయం తీసుకుంది. ఇప్పటికే కీలక అధికారుల్ని విచారించిన కమిషన్, దీపావళి తర్వాత IASలు, మాజీ IASలు, నిర్మాణ సంస్థలను విచారించనుంది. కాళేశ్వరంలోని మేడిగడ్డ, అన్నారం, సుందిళ్ల బ్యారేజీలపై జస్టిస్ పినాకి చంద్రఘోష్ నేతృత్వంలో ప్రభుత్వం కమిషన్ ఏర్పాటు చేసిన సంగతి తెలిసిందే.
News October 30, 2024
రాష్ట్రంలో 16,347 ఉద్యోగాలు.. 6న నోటిఫికేషన్!
AP: రాష్ట్రంలో 16,347 పోస్టులతో నవంబర్ 6న మెగా DSC నోటిఫికేషన్ విడుదల చేసేందుకు ప్రభుత్వం చర్యలు చేపట్టింది. 3-4 నెలల్లో నియామక ప్రక్రియ పూర్తిచేసి, వచ్చే విద్యాసంవత్సరానికి పోస్టింగులు ఇచ్చేలా ప్రణాళిక సిద్ధం చేసింది. ఇప్పటికే జిల్లాల వారీగా ఖాళీలు, రోస్టర్ పాయింట్లు, సమాంతర రిజర్వేషన్ల వివరాలను DEOల నుంచి సేకరించింది. మరోవైపు టెట్ తుది కీ నిన్న విడుదల కాగా, 2న ఫలితాలు వెల్లడికానున్నాయి.
News October 30, 2024
ఇరాన్ ప్రతీకార దాడి చేస్తే మా స్పందన తీవ్రంగా ఉంటుంది: ఇజ్రాయెల్
తమపై ప్రతీకార దాడులకు తెగబడాలనుకుంటే ఇరాన్ భారీ మూల్యం చెల్లించుకుంటుందని ఇజ్రాయెల్ మిలిటరీ చీఫ్ హర్జీ హలేవి హెచ్చరించారు. ‘ఇజ్రాయెల్‌పై ఇరాన్ క్షిపణుల దాడి చేయాలని భావిస్తే ఎలా స్పందించాలో మాకు తెలుసు. ఈసారి మేం కొట్టే దెబ్బ చాలా తీవ్రంగా ఉంటుంది. యుద్ధం ఇంకా ముగిసిపోలేదు’ అని స్పష్టం చేశారు. తమపై జరిగిన క్షిపణి దాడులకు ప్రతీకారంగా ఈ నెల 26న ఇరాన్ సైనిక లక్ష్యాలపై ఇజ్రాయెల్ విరుచుకుపడింది.
News October 30, 2024
భారత్-చైనా సయోధ్యలో మా పాత్ర లేదు: అమెరికా
తూర్పు లద్దాక్‌లో సరిహద్దు సమస్యని భారత్, చైనా పరిష్కరించుకున్న సంగతి తెలిసిందే. అమెరికాయే ఈ సయోధ్య కుదిర్చిందని వచ్చిన ఊహాగానాలకు US చెక్ పెట్టింది. అందులో తమ కృషి ఏమీ లేదని క్లారిటీ ఇచ్చింది. ‘పరిణామాలను మేం నిశితంగా పరిశీలిస్తున్నాం. ఉద్రిక్తతలు చల్లబడే ఏ నిర్ణయాన్నైనా మేం స్వాగతిస్తాం. సరిహద్దు ఉద్రిక్తతల విషయమేంటని తెలుసుకున్నాం తప్పితే ఇందులో మేం చేసింది ఏం లేదు’ అని స్పష్టం చేసింది.
News October 30, 2024
త్వరలో కొత్త గనుల విధానం: మంత్రి కొల్లు
AP: త్వరలో కొత్త గనుల విధానం తీసుకొస్తామని మంత్రి కొల్లు రవీంద్ర తెలిపారు. యువతకు ఉపాధి అవకాశాలు కల్పించేలా, ఆదాయం పెరిగేలా పాలసీ రూపొందిస్తామన్నారు. అనకాపల్లి(D) భమిడికలొద్ది లేటరైట్ క్వారీలో అక్రమాలపై విచారణను సీఐడీకి అప్పగించినట్లు చెప్పారు. ఉచిత ఇసుకను దుర్వినియోగం చేసేవారిపై పీడీ యాక్టులు పెడతామని హెచ్చరించారు. అక్రమ రవాణా అరికట్టేందుకు అంతర్ రాష్ట్ర చెక్‌పోస్టులు ఏర్పాటు చేస్తామన్నారు.
News October 30, 2024
ఒక్క ఏడాదిలోనే 2 లక్షల కిరాణా స్టోర్లు మూత.. కారణమిదే?
క్విక్ కామర్స్ దెబ్బతో దేశవ్యాప్తంగా గత ఏడాది 2 లక్షలకు పైగా కిరాణా దుకాణాలు మూతబడినట్లు ఆల్ ఇండియా కన్జ్యూమర్ ప్రొడక్ట్స్ డిస్ట్రిబ్యూటర్స్ ఫెడరేషన్ (AICPDF) అంచనా వేసింది. మెట్రో, టైర్-1 సిటీల్లో క్విక్ కామర్స్ వేగంగా పురోగమిస్తోందని, దీంతో కిరాణా స్టోర్లు సంక్షోభాన్ని ఎదుర్కొంటున్నాయని పేర్కొంది. డిస్కౌంట్లు, అతితక్కువ సమయంలోనే హోం డెలివరీతో కస్టమర్లు అటువైపు ఆసక్తి చూపుతున్నారని వివరించింది.
News October 30, 2024
‘పోలవరం’ ఎత్తు 41.15 మీటర్లకే పరిమితం?
AP: పోలవరం ప్రాజెక్టు ఎత్తును 45.72M నుంచి కనీస నీటిమట్టం 41.15Mకే కేంద్రం పరిమితం చేసినట్లు తెలుస్తోంది. ఈ మేరకే ప్రాజెక్టు పూర్తి నిధులిచ్చేందుకు AUG 28న కేంద్ర క్యాబినెట్ ఆమోదం తెలిపినట్లు సమాచారం. ఎత్తు తగ్గించడం వల్ల గరిష్ఠంగా 115.44TMCల నిల్వే సాధ్యమవుతుంది. వరద రోజుల్లో మినహా ఆయకట్టుకు నీటిని అందించడం అసాధ్యమని నిపుణులు చెబుతున్నారు. ఈ అంశంపై రాష్ట్ర ప్రభుత్వం స్పందించాల్సి ఉంది.
News October 30, 2024
నవంబర్ 2 నుంచి యాదాద్రిలో కార్తీక మాస పూజలు
TG: యాదాద్రి నరసింహ స్వామి క్షేత్రంలో నవంబర్ 2 నుంచి డిసెంబర్ 1 వరకు కార్తీక మాస పూజలు నిర్వహించనున్నట్లు ఈవో భాస్కర్ రావు తెలిపారు. ప్రతి రోజు 6 బ్యాచు‌ల్లో సత్యనారాయణ స్వామి వ్రతాలు నిర్వహించేలా ఏర్పాట్లు చేపట్టినట్లు పేర్కొన్నారు. గుట్ట కింద వ్రత మండపంలో ఒకేసారి 2వేల జంటలు పూజలు చేసుకునేలా ఏర్పాట్లు చేస్తున్నట్లు చెప్పారు.
News October 30, 2024
వారికి టెన్త్‌లో పాస్ మార్కులు 10 మాత్రమే
AP: వచ్చే ఏడాది మార్చి-ఏప్రిల్‌లో జరిగే టెన్త్ పరీక్షలపై ప్రభుత్వం కీలక నిర్ణయం తీసుకుంది. ప్రత్యేక అవసరాలు కలిగిన(మెంటల్ బిహేవియర్, ఇంటెలెక్చువల్ డిజేబిలిటీ) విద్యార్థులకు పాస్ మార్కులను 10(గతంలో 35)గా నిర్ణయించింది. ఈ మేరకు ప్రభుత్వ పరీక్షల డైరెక్టర్ దేవానందరెడ్డి ఉత్తర్వులిచ్చారు. అన్ని సబ్జెక్టుల్లోనూ 10 మార్కులు వస్తే చాలని పేర్కొన్నారు.
News October 30, 2024
నవాబ్ మాలిక్‌కు మద్దతివ్వం: బీజేపీ
దావూద్ ఇబ్రహీంతో సన్నిహిత సంబంధాలు ఉన్నాయనే ఆరోపణలు ఎదుర్కొంటున్న నేత నవాబ్ మాలిక్ NCP(అజిత్ పవార్) తరఫున నామినేషన్ దాఖలు చేశారు. అయితే మాలిక్‌కు తాము మద్దతు ఇవ్వట్లేదని BJP నేతలు తెలిపారు. దావూద్‌తో సంబంధాలు ఉన్నవారికి మద్దతు ఇవ్వబోమని స్పష్టం చేశారు. కూటమి పార్టీలు తమకు నచ్చిన నేతను ఎంపిక చేసుకునే అవకాశం ఉందన్నారు. సిట్టింగ్ స్థానాన్ని వదిలేసిన మాలిక్ మన్ఖుర్డ్-శివాజీ నగర్ నుంచి బరిలో ఉన్నారు.
Featured News
Sorry, no posts matched your criteria.