India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News February 15, 2026
రెండేళ్లలో 40% నుంచి 6%కి ఓలా మార్కెట్ షేర్
ఒకప్పుడు దేశీయ ఎలక్ట్రిక్ టూ-వీలర్ మార్కెట్లో దూసుకెళ్లిన ఓలా ఎలక్ట్రిక్ పరిస్థితి ఇప్పుడు దారుణంగా తయారైంది. 2024 జనవరిలో 40%కి దగ్గరగా ఉన్న మార్కెట్ షేర్.. 2026 జనవరి నాటికి 6% కంటే తక్కువకు పడిపోయింది. సర్వీస్ నాణ్యత లోపాలు, పెరుగుతున్న కస్టమర్ కంప్లైంట్స్, ఇతర కంపెనీల నుంచి పోటీతో ఓలా ఐదో స్థానానికి పడిపోయింది. డిసెంబర్తో ముగిసిన క్వార్టర్లో కంపెనీ ఆదాయం రూ.470 కోట్లకు పడిపోయింది.
News February 15, 2026
వర్షంతో భారత్-పాక్ మ్యాచ్ రద్దయితే?
కొలంబోలో నేడు జరగాల్సిన భారత్-పాక్ హై-వోల్టేజ్ పోరుకు వర్షం ముప్పు పొంచి ఉంది. మ్యాచ్ టైమ్(7pm)కు వర్షం కురిసే ఛాన్స్ 65% వరకు ఉందని వాతావరణ శాఖ అంచనా. గ్రూప్ స్టేజ్ మ్యాచ్ కావడంతో రిజర్వ్ డే లేదు. వర్షం వల్ల కనీసం 5 ఓవర్ల ఆట కూడా సాధ్యం కాకపోతే మ్యాచ్ రద్దవుతుంది. అప్పుడు ఇరుజట్లకు చెరో పాయింట్ దక్కుతుంది. ఇప్పటికే తలో రెండు విజయాలతో ఉన్న భారత్, పాక్.. 5 పాయింట్లతో నేరుగా సూపర్-8కు చేరుకుంటాయి.
News February 15, 2026
ఎక్టోపిక్ ప్రెగ్నెన్సీ ముప్పు ఎవరికి ఎక్కువంటే?
* గతంలో ఎక్టోపిక్ ప్రెగ్నెన్సీ వచ్చిన వాళ్లలో మరోసారి కూడా వచ్చే అవకాశముంది. * భాగస్వామి నుంచి గనేరియా, క్లమీడియా వంటి లైంగిక సంబంధిత ఇన్ఫెక్షన్లు సోకిన మహిళల్లో ఈ ముప్పు కనిపించవచ్చు. * సంతాన సాఫల్యత కోసం చికిత్సలు తీసుకుంటున్నవారు. * ఫెలోపియన్ ట్యూబుల్లో లోపాలుండి, వాటిని సరిదిద్దేందుకు శస్త్రచికిత్స తీసుకున్నవారు. * పొగతాగే అలవాటు ఉన్న మహిళల్లో ఎక్టోపిక్ ప్రెగ్నెన్సీకి అవకాశాలు ఎక్కువ.
News February 15, 2026
పుల్వామా అమరుల పిల్లలకు అండగా ఉండటం మన బాధ్యత: సెహ్వాగ్
పుల్వామా <<19137017>>అమరవీరుల<<>> పిల్లలకు ఏడేళ్లుగా అండగా ఉన్నట్లు భారత మాజీ క్రికెటర్ వీరేంద్ర సెహ్వాగ్ తెలిపారు. తమ స్కూల్లో చదువుతున్న కొందరు పిల్లలు రాణించడం చూసి సంతోషంగా ఉందని ట్వీట్ చేశారు. ‘మన కలల్ని కాపాడేందుకు సైనికులు ప్రాణాలు అర్పించారు. వారి కలలను మనం కాపాడుకోవాలి. ఇది మన కృతజ్ఞత, బాధ్యత. ఈ పిల్లల పట్ల గర్వంగా ఉంది. వారి తండ్రులకు ఎప్పటికీ రుణపడి ఉంటాం. జై హింద్’ అని పేర్కొన్నారు.
News February 15, 2026
ఏడాదిలో 250 గుడ్లు.. 6 నెలల్లో రెండున్నర kgల బరువు
గ్రామ ప్రియ కోళ్లు అన్ని రకాల వాతావరణ పరిస్థితుల్లో పెంపకానికి అనుకూలంగా ఉంటాయి. చూడటానికి ఆకర్షణీయంగా ఉండే గ్రామ ప్రియ కోళ్లు పెరటి పెంపకానికి ఎంతో అనువైనవి. వీటి గుడ్లు గోధుమ రంగులో ఉంటాయి. ఇవి ఆరు నెలల వయసు వచ్చేసరికే రెండున్నర కేజీల వరకు బరువు పెరుగుతాయి. ఏడాదిలో 250 గుడ్లను పెడతాయి. అధిక వ్యాధినిరోధక శక్తిని కలిగి ఉండటం వల్ల త్వరగా జబ్బుల బారిన పడవని వెటర్నరీ నిపుణులు చెబుతున్నారు.
News February 15, 2026
మహాశివరాత్రి ఎందుకు జరుపుతారు?
మాఘ మాసంలో వచ్చే ‘మహాశివరాత్రి’ అత్యంత విశిష్టమైనది. బ్రహ్మ, విష్ణువుల అహాన్ని తొలగిస్తూ శివుడు అనంతమైన జ్యోతిర్లింగ రూపంలో ఆవిర్భవించిన(లింగోద్భవం) పవిత్ర దినమిది. అలాగే శివపార్వతుల కళ్యాణం జరిగిన రోజుగానూ చెబుతారు. దేవతలు, రాక్షసులు, సమస్త జీవరాశులను తన వివాహానికి ఆహ్వానించి శివుడు ‘సమభావాన్ని’ చాటారు. అందుకే ఈ రోజున భక్తులు లింగోద్భవ కాల పూజలు, జాగరణాల ద్వారా ఆ మహాదేవుని అనుగ్రహం పొందుతారు.
News February 15, 2026
టెన్త్, ఐటీఐ అర్హతతో 260 పోస్టులు.. అప్లైకి ఇవాళే లాస్ట్ డేట్
కొచ్చిన్ షిప్యార్డ్ లిమిటెడ్(CSL)లో 260 వర్క్మెన్ పోస్టులకు అప్లై చేయడానికి ఇవాళే ఆఖరు తేదీ. పోస్టును బట్టి టెన్త్, ITI, NTCతో పాటు పని అనుభవం ఉండాలి. అభ్యర్థుల గరిష్ఠ వయసు 45ఏళ్లు. రిజర్వేషన్ గలవారికి ఏజ్లో సడలింపు ఉంది. కాంట్రాక్ట్ విధానంలో ఈ పోస్టులను భర్తీ చేయనున్నారు. నెలకు రూ.23,300 చెల్లిస్తారు. షార్ట్ లిస్టింగ్, ప్రాక్టికల్ టెస్ట్ ద్వారా ఎంపిక చేస్తారు. సైట్: https://cochinshipyard.in
News February 15, 2026
యాప్తో అసలైన రైతులకే యూరియా: వ్యవసాయశాఖ
TG: ప్రభుత్వం తెచ్చిన యూరియా యాప్ రైతులకు ఉపయోగకరంగా మారిందని వ్యవసాయ శాఖ తెలిపింది. ఫిబ్రవరి 14 నాటికి 12.73 లక్షల మంది రైతులు 50.48 లక్షల యూరియా సంచులను బుక్ చేసుకున్నారని పేర్కొంది. పట్టాదార్ పాస్ బుక్, RoFR లబ్ధిదారులు, కౌలు రైతులు మాత్రమే ఈ యాప్ ద్వారా బుకింగ్ చేసుకోవచ్చని, దీని ద్వారా అసలైన రైతులకే యూరియా అందుతుందని తెలిపింది. ప్రస్తుతం అన్ని జిల్లాల్లో ఈ యాప్ పని చేస్తోందని వివరించింది.
News February 15, 2026
‘పవన్ కళ్యాణ్ హఠావో.. పాలిటిక్స్ బచావో’ రచయిత మృతి.. అనుమానాలు?
TG: యూట్యూబర్, రచయిత బొగ్గుల శ్రీనివాస్ మరణంపై అనుమానాలు వ్యక్తమవుతున్నాయి. నిన్న అతడు ప్రయాణిస్తున్న కారు ఖమ్మం జిల్లాలోని పాలేరు జలాశయంలోకి దూసుకెళ్లింది. వెనుక భాగంలో కూర్చున్న శ్రీనివాస్ మరణించగా, డ్రైవర్ కారులో నుంచి కిందపడి అక్కడి నుంచి పరారైనట్లు మత్స్యకారులు తెలిపారు. కర్నూలు జిల్లాకు చెందిన శ్రీనివాస్ గతంలో ‘పవన్ కళ్యాణ్ హఠావో.. పాలిటిక్స్ బచావో’ అనే పుస్తకంతో చర్చనీయాంశంగా మారారు.
News February 15, 2026
CNF అంటే ఏంటో తెలుసా?
రైలు టికెట్ బుక్ చేసుకున్నప్పుడు CNF అని వస్తే టికెట్ కన్ఫామ్ అయిందని అర్థం. కోచ్ నంబర్, బెర్త్ నంబర్ మీ టికెట్పై మెన్షన్ చేస్తారు. ఉదాహరణకు CNF/D3/18/WS అంటే D3-కోచ్ నంబర్, 18- సీట్ నంబర్, WS- విండో సీట్. IRCTC లేదా అఫీషియల్ రైల్వే సైట్లో PNR నంబర్ ఎంటర్ చేస్తే బుకింగ్ స్టేటస్ తెలుస్తుంది.
Share It
Featured News
Sorry, no posts matched your criteria.