India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
జాహ్నవికి న్యాయం దక్కింది
2023 జనవరిలో అమెరికా సియాటెల్‌లో పోలీస్ పెట్రోలింగ్ వాహనం ఢీకొని మరణించిన తెలుగు విద్యార్థిని జాహ్నవి కందుల(23)కి ఎట్టకేలకు న్యాయం దక్కింది. కారును అతివేగంగా నడిపిన కెవిన్ డేవ్ అనే పోలీస్‌ను ఉన్నతాధికారులు ఉద్యోగం నుంచి తొలగించారు. ఆమె మరణం పట్ల హేళనగా, నవ్వుతూ మాట్లాడిన <<13652111>>డానియెల్ అడెరర్‌ను<<>> ఇప్పటికే సస్పెండ్ చేశారు. ‘ఆమె మరణానికి విలువలేదు’ అంటూ అడెరర్ చేసిన వ్యాఖ్యలు అప్పట్లో సంచలనమయ్యాయి.
News January 7, 2025
కేటీఆర్‌కు మరోసారి నోటీసులు
TG: ఫార్ములా-ఈ రేసు కేసులో కేటీఆర్‌కు ఈడీ మరోసారి నోటీసులు జారీ చేసింది. ఈనెల 16న విచారణకు హాజరు కావాలని పేర్కొంది. ఆయన ఇవాళ ఈడీ ఎదుట హాజరు కావాల్సి ఉండగా, విచారణకు హాజరయ్యేందుకు సమయం కోరిన సంగతి తెలిసిందే. మరోవైపు ఇదే వ్యవహారంలో ఈనెల 9న ఆయన ఏసీబీ విచారణకు హాజరు కావాల్సి ఉంది.
News January 7, 2025
ఫార్ములా-ఈ రేసు కేసు.. సుప్రీంకోర్టులో ప్రభుత్వం పిటిషన్
TG: ఫార్ములా-ఈ రేసు కేసులో కీలక పరిణామం చోటుచేసుకుంది. ఈ కేసుకు సంబంధించి సుప్రీంకోర్టులో రాష్ట్ర ప్రభుత్వం కేవియట్ పిటిషన్ దాఖలు చేసింది. కేటీఆర్ సుప్రీంకోర్టును <<15086612>>ఆశ్రయిస్తే<<>> తమ వాదనలు కూడా వినాలంటూ కోరింది.
News January 7, 2025
ఇంగ్లండ్‌తో టీ20 సిరీస్‌కు సిరాజ్‌కు రెస్ట్!
ఇంగ్లండ్‌తో జరగనున్న టీ20 సిరీస్‌కు పేసర్ సిరాజ్‌కు రెస్ట్ ఇవ్వాలని BCCI భావిస్తోంది. 2023 నుంచి 671.5 ఓవర్ల బౌలింగ్ వేసిన అతనిపై పనిభారం తగ్గించాలని చూస్తోంది. ఇందులో భాగంగానే T20లకు రెస్ట్ ఇచ్చి వన్డే సిరీస్, ఛాంపియన్స్ ట్రోఫీకి ఎంపిక చేయాలని నిర్ణయించినట్లు సమాచారం. BGTలో ఆశించిన మేర రాణించకలేకపోయినా కీలక సమయాల్లో సిరాజ్ వికెట్లు తీశారు. JAN 22-FEB 2వరకు 5 T20లు జరగనున్నాయి.
News January 7, 2025
విద్యుత్ ఛార్జీలు తగ్గబోతున్నాయి: మంత్రి అచ్చెన్న
AP: విశాఖ పర్యటనలో PM మోదీ శంకుస్థాపన చేయనున్న గ్రీన్ హైడ్రోజన్ ప్లాంట్‌తో త్వరలో విద్యుత్ ఛార్జీలు తగ్గుతాయని మంత్రి అచ్చెన్నాయుడు అన్నారు. YCP హయాంలో విద్యుత్ ఉత్పత్తి, సరఫరా వ్యవస్థలు నిర్వీర్యం అయ్యాయని మోదీ సభా ప్రాంగణాన్ని పరిశీలించిన అనంతరం మాట్లాడారు. ఉత్తరాంధ్ర ప్రజల చిరకాల కోరికైన రైల్వేజోన్‌కు రేపు PM శంకుస్థాపన చేస్తారన్నారు. అటు హోంమంత్రి అనిత కూడా సభాస్థలి ఏర్పాట్లను పరిశీలించారు.
News January 7, 2025
గరికపాటి నరసింహారావుపై దుష్ప్రచారం.. ఖండించిన టీమ్
కొన్ని రోజులుగా ప్రవచనకర్త గరికపాటి నరసింహారావు వ్యక్తిగత జీవితం, పెళ్లిపై వస్తున్న వార్తలను ఆయన టీమ్ ఖండించింది. ‘కొందరు వ్యక్తులు, కొన్ని యూట్యూబ్ ఛానళ్లు తప్పుడు ప్రచారంతో గరికపాటి గౌరవానికి భంగం కలిగిస్తున్నారు. పారితోషికాలు, ఆస్తుల విషయంలోనూ అసత్య ప్రచారం జరుగుతోంది. అవన్నీ నిరాధారం. సత్యదూరం. సదరు వ్యక్తులపై చట్టప్రకారం క్రిమినల్ చర్యలు తీసుకుంటాం. పరువు నష్టం దావాలు వేస్తాం’ అని పేర్కొంది.
News January 7, 2025
కార్యకర్తల ఘర్షణ.. తలలు పగిలాయి!
TG: నాంపల్లిలోని బీజేపీ ఆఫీసు వద్ద జరిగిన <<15087507>>ఘర్షణలో<<>> పలువురి తలలు పగిలాయి. తీవ్ర గాయాలైన వారిని ఆస్పత్రికి తరలించారు. పోలీసుల అండతో కాంగ్రెస్ కార్యకర్తలు తమ ఆఫీసు ముందుకు వచ్చి తమపైనే దాడి చేశారని బీజేపీ కార్యకర్తలు ఆగ్రహం వ్యక్తం చేశారు. తాము శాంతియుతంగా ధర్నా చేపట్టినా తమపై బీజేపీ వాళ్లు దాడికి పాల్పడ్డారని కాంగ్రెస్ నేతలు అంటున్నారు. రమేశ్ బిధూరీపై చర్యలు తీసుకోవాలని డిమాండ్ చేస్తున్నారు.
News January 7, 2025
BREAKING: ఆశారాం బాపునకు బెయిల్
వివాదాస్పద మతగురువు, సంత్ ఆశారాం బాపునకు రిలీఫ్ దొరికింది. మార్చి 31వరకు సుప్రీంకోర్టు ఆయనకు తాత్కాలిక బెయిల్ మంజూరు చేసింది. అనారోగ్య కారణాలతో ఉపశమనం కల్పించింది. అత్యాచారం కేసులో ఆయన యావజ్జీవ శిక్షను అనుభవిస్తున్న సంగతి తెలిసిందే. జైలునుంచి బయటకొచ్చాక అనుచరులను కలవకూడదని ధర్మాసనం ఆదేశించింది. ప్రస్తుతం ఆయనకు 85ఏళ్లు.
News January 7, 2025
బిష్ణోయ్‌తో భయం: సల్మాన్ ఇంటికి బుల్లెట్‌ప్రూఫ్ గ్లాస్
లారెన్స్ బిష్ణోయ్ గ్యాంగుతో ముప్పు ఉండటంతో యాక్టర్ సల్మాన్ ఖాన్ మరింత జాగ్రత్తపడుతున్నారు. తన గ్యాలక్సీ అపార్ట్‌మెంటు బాల్కనీ వద్ద భారీ బుల్లెట్ ప్రూఫ్ గ్లాస్‌ను ఇన్‌స్టాల్ చేయించారు. సాధారణంగా ఆయన ఇక్కడి నుంచే ఫ్యాన్స్‌కు చేతులూపి అభివాదం చేస్తుంటారు. కొన్ని నెలల క్రితం ఇక్కడే ఆయనపై బిష్ణోయ్ గ్యాంగ్ కాల్పులు జరిపింది. అలాగే సల్మాన్ సన్నిహితుడు బాబా సిద్ధిఖీని కాల్చిచంపడం తెలిసిందే.
News January 7, 2025
ఫార్ములా-e: ఈ లింకుపైనే ACB కూపీ..
KTR చుట్టూ బిగుసుకుంటున్న ఫార్ములా-e రేస్ కేసులో ACB క్విడ్ ప్రో కో అంశంపై దర్యాప్తు చేస్తోంది. 2022లో గ్రీన్ కో, అనుబంధ సంస్థల నుంచి పలు దఫాలుగా BRSకు రూ.41 కోట్ల మేర ఎన్నికల బాండ్లు వచ్చాయని దర్యాప్తు సంస్థ గుర్తించింది. అటు 2023లో రూల్స్ పాటించకుండా ఆ సంస్థకు రూ.45 కోట్ల మేర బదిలీ చేసేలా KTR ఆదేశాలిచ్చారు. దీంతో ఇది ముందస్తు తెరవెనక ఒప్పందంలో భాగంగా జరిగిన చెల్లింపు అని ACB అనుమానిస్తోంది.
Featured News
Sorry, no posts matched your criteria.