India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 15, 2024
లోక్‌సభకు స్పీకర్‌ను అందించిన అమలాపురం
AP: ఉమ్మడి తూ.గో(D) అమలాపురం ఎంపీగా 1998లో గెలిచిన టీడీపీ అభ్యర్థి జీఎంసీ బాలయోగి లోక్‌సభకు 12వ స్పీకర్‌గా ఎన్నికయ్యారు. పార్లమెంట్‌కు ఎన్నికైన తొలి దళిత స్పీకర్‌గా ఆయన చరిత్రకెక్కారు. 1999లోనూ స్పీకర్‌గా ఆయనే నియమితులయ్యారు. ఆ పదవిలో ఉండగానే కైకలూరు వద్ద జరిగిన హెలికాప్టర్ ప్రమాదంలో ఆయన మరణించారు. 1991లోనూ అమలాపురం ఎంపీగా, 1996లో ఉపఎన్నికలో ముమ్మిడివరం MLAగానూ గెలిచారు.
<<-se>>#ELECTIONS2024<<>>
News April 15, 2024
గెలిస్తేనే.. నిలుస్తారు
IPL పాయింట్ల పట్టికలో చివరి స్థానంలో ఉన్న RCB ఇవాళ్టి మ్యాచ్‌లో తప్పక గెలవాల్సిన పరిస్థితి ఏర్పడింది. హైదరాబాద్‌తో మ్యాచ్‌లో కూడా ఓడిపోతే ప్లే ఆఫ్స్ అవ‌కాశాలు మరింత సంక్లిష్టం అవుతాయి. ఈ సీజన్‌లో 6 మ్యాచ్‌లు ఆడిన ఆర్సీబీ కేవలం ఒక విజయాన్ని మాత్రమే నమోదు చేసింది. మిగిలిన 8 మ్యాచుల్లో కచ్చితంగా 7 గెలవాలి. అప్పుడు 16 పాయింట్లతో ఆర్సీబీ ప్లే ఆఫ్స్‌కు వెళ్లేందుకు మార్గం సుగమం అవుతుంది.
News April 15, 2024
కాంగ్రెస్ పార్టీలోకి మాజీ ఎమ్మెల్యే
TG: ఆదిలాబాద్ జిల్లా బోథ్ మాజీ ఎమ్మెల్యే రాథోడ్ బాపూరావు కాంగ్రెస్ పార్టీలో చేరారు. సీఎం రేవంత్ రెడ్డి, మంత్రి సీతక్క, ఉమ్మడి ఆదిలాబాద్ జిల్లా నేతల సమక్షంలో కాంగ్రెస్ కండువా కప్పుకున్నారు. 2018లో BRS నుంచి ఎమ్మెల్యేగా గెలిచిన ఆయన.. 2023 ఎన్నికలకు ముందు బీజేపీలో చేరారు. కాషాయం పార్టీ నుంచి టికెట్ దక్కకపోవడంతో మళ్లీ కాంగ్రెస్ గూటికి చేరారు.
News April 15, 2024
పాండ్యపై ఫ్యాన్స్ మండిపాటు
ఇప్పటికే కెప్టెన్సీ మార్పుతో పాండ్యపై MI ఫ్యాన్స్ తీవ్ర ఆగ్రహంతో ఉన్న సంగతి తెలిసిందే. నిన్నటి మ్యాచ్‌ అనంతరం అది మరింత పెరిగినట్లు కనిపిస్తోంది. పాండ్య బౌలింగ్‌లో 3ఓవర్లలోనే 43 పరుగులు సమర్పించుకున్నారు. అందులో చివరి ఓవర్లో ధోనీ కొట్టిన 3సిక్సులు కూడా ఉన్నాయి. ఇక భారీ స్కోరు ఛేజింగ్‌లో 6బంతులాడి కేవలం 2 పరుగులు చేశారు. కెప్టెన్సీపరంగానూ పలు తప్పులు చేశారు. ఇదే ఫ్యాన్స్ మండిపాటుకు కారణమవుతోంది.
News April 15, 2024
లంచం తీసుకుంటూ దొరికిన మహిళా ఎస్సై
TG: ఆసిఫాబాద్ ఎస్సై రాజ్యలక్ష్మి లంచం తీసుకుంటూ ఏసీబీకి చిక్కారు. స్టేషన్ బెయిల్ ఇచ్చేందుకు రాజ్యలక్ష్మి రూ.40వేలు డిమాండ్ చేశారు. అందులో భాగంగా బాధితుడి నుంచి రూ.25వేలు తీసుకుంటుండగా అధికారులు పట్టుకున్నారు. మరోవైపు నల్గొండ డ్రగ్ ఇన్‌స్పెక్టర్ సోమశేఖర్, హుజురాబాద్ ఆర్టీసీ డిపో మేనేజర్ కూడా లంచం తీసుకుంటూ పట్టుబడ్డారు.
News April 15, 2024
దేశానికి ఒకే నాయకుడు.. అదే బీజేపీ ఆలోచన: రాహుల్ గాంధీ
దేశంలో ఒకే నాయకుడు ఉండాలనే ఆలోచనను BJP అమలు చేస్తోందని కాంగ్రెస్ అగ్ర నేత రాహుల్ గాంధీ విమర్శించారు. ఇది ప్రజలను అవమానించడమేనన్నారు. వయనాడ్‌ ఎన్నికల ర్యాలీలో మాట్లాడుతూ.. ‘భారతదేశం పూలగుత్తి వంటిది. అందులోని ప్రతి పుష్పాన్నీ గౌరవించాలి. అప్పుడే అందం పెరుగుతుంది’ అని పేర్కొన్నారు. ప్రజల విశ్వాసాలు, భాష, మతం, సంస్కృతిని ప్రేమించాలని కాంగ్రెస్ కోరుకుంటే.. బీజేపీ విరుద్ధంగా పనిచేస్తోందని మండిపడ్డారు.
News April 15, 2024
బీజేపీ రాజకీయ ప్రస్థానం సాగిందిలా..
1984 ఎన్నికలు: 2 ఎంపీ సీట్లు గెలుపు(7.74శాతం ఓట్లు)
1989: 85 సీట్లు(11.36శాతం ఓట్లు), 1991: 120 సీట్లు(20.11శాతం ఓట్లు)
1996: 161 సీట్లు(20.29%), 1998:182 సీట్లు (25.59%)
1999: 182 సీట్లు(23.75%), 2004: 138 సీట్లు(22.16%)
2009:116 సీట్లు(18.80%), 2014: 282(31.34%)
2019: 303(37.7%), 2024…?
<<-se>>#ELECTIONS2024<<>>
News April 15, 2024
1951 నుంచి ఎన్నికల్లో కాంగ్రెస్ ప్రస్థానం..
1951: 364 ఎంపీ సీట్లలో గెలుపు(44.99 ఓట్ల శాతం), 1957: 371 సీట్లు(44.78శాతం), 1962:361(44.72%), 1967: 283 సీట్లు (40.78శాతం), 1971:352(43.68 %), 1977: 154(34.52%), 1980:353(42.69%), 1984: 404(49.10%), 1989:197 సీట్లు, 1991: 232 సీట్లు,1996:140 సీట్లు, 1998: 141(25.82%), 1999: 114, 2004: 145, 2009:206(28.55%), 2014:44(19.52%), 2019: 52సీట్లు (19.67శాతం).. 2024..?
<<-se>>#ELECTIONS2024<<>>
News April 15, 2024
రెండో పెళ్లి చేసుకున్న డైరెక్టర్ శంకర్ కూతురు
స్టార్ డైరెక్టర్ శంకర్ కూతురు ఐశ్వర్య వివాహం చెన్నైలో వైభవంగా జరిగింది. అసిస్టెంట్ డైరెక్టర్ తరుణ్ కార్తికేయన్‌ను ఆమె వివాహమాడారు. ఈ వేడుకకు రాజకీయ, సినీ ప్రముఖులు హాజరై కొత్త జంటకు శుభాకాంక్షలు తెలిపారు. కాగా ఐశ్వర్య శంకర్ 2021లో క్రికెటర్ రోహిత్ దామోదరన్‌ను వివాహం చేసుకున్నారు. కొన్ని నెలల్లోనే వారి మధ్య విభేదాలు రావడంతో విడిపోయారు.
News April 15, 2024
అంతరిక్షం నుంచి వచ్చినా నన్ను ఓడించలేరు: కొడాలి నాని
AP: గుడివాడతో సంబంధం లేని వ్యక్తిని తనపై పోటీకి నిలబెట్టారని మాజీ మంత్రి కొడాలి నాని అన్నారు. ‘ఓటుకు రూ.5వేలు ఇస్తే ప్రజలు ఓటేస్తారని చంద్రబాబు భావిస్తున్నారు. గుడివాడలో మాకు ఓటు బ్యాంకు ఉంది. మమ్మల్ని ఎవరూ ఏం పీకలేరు. నా గెలుపు కోసం వేల మంది పనిచేస్తున్నారు. అమెరికా నుంచి వచ్చినా, అంతరిక్షం నుంచి వచ్చినా నన్ను ఓడించలేరు’ అని నాని ధీమా వ్యక్తం చేశారు.
Featured News
Sorry, no posts matched your criteria.