India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 29, 2024
చెవులు, ముక్కు కుట్టించుకుంటున్నారా?
ఈమధ్య ఆడ, మగ తేడా లేకుండా పియర్సింగ్(చెవులు, ముక్కు, శరీరంలో నచ్చిన చోటు కుట్టించుకోవడం) చేయించుకుంటున్నారు. అయితే ఈ క్రమంలో కొన్నిసార్లు ఇన్‌ఫెక్షన్ వచ్చే ప్రమాదం ఉంది. కుట్టినచోట బుడిపె వంటి కాయ వచ్చే అవకాశం ఉంది. దాన్ని గ్రాన్యులోమా అంటారు. ఇలా వస్తే డాక్టర్‌ను సంప్రదించాలి. కుట్టిన చోట మచ్చ ఏర్పడినా, అలర్జీలు వచ్చినా డర్మటాలజిస్ట్‌ను కలవాలి. కుట్టిన ప్రదేశాన్ని శుభ్రంగా ఉంచుకోవాలి.
News October 29, 2024
ఇజ్రాయెల్ భీకర దాడి.. 55 మంది మృతి
ఇజ్రాయెల్ వైమానిక దాడిలో గాజాలో 55 మంది మృతి చెందారు. వీరిలో మహిళలు, చిన్నారులే అధికంగా ఉన్నారు. గాజాలోని బీట్ లాహియాలోని ఓ భవనంపై ఐడీఎఫ్ దాడి చేసింది. శిథిలాల కింద మరికొందరు ఉన్నట్లు అధికారులు అనుమానిస్తున్నారు. కాగా జబాలియా, బీట్ లాహియా, బీట్ హనౌన్‌లలో ఆహారం, నీరు లేక లక్ష మంది అల్లాడుతున్నట్లు సమాచారం. మరోవైపు హమాస్ మిలిటెంట్ల ఏరివేత పూర్తయ్యే వరకు దాడులు ఆపేదే లేదని ఇజ్రాయెల్ స్పష్టం చేసింది.
News October 29, 2024
విమాన టికెట్ల ధరలను నియంత్రించాలి: సీపీఐ నారాయణ
AP: ప్రయాణికులను విమానయాన సంస్థలు దోచుకుంటున్నాయని సీపీఐ జాతీయ కార్యదర్శి నారాయణ మండిపడ్డారు. విమాన టికెట్ల ధరలపై ఆయన కేంద్రమంత్రి రామ్మోహన్ నాయుడికి లేఖ రాశారు. ‘మౌలిక సదుపాయాలు ప్రభుత్వం కల్పిస్తుంటే ప్రైవేటు విమానయాన సంస్థలు అడ్డగోలుగా రేట్లు పెంచుతున్నాయి. ప్రయాణ దూరం మారనప్పుడు రేట్లు ఎలా పెంచుతారు? సామాన్య ప్రజలు విమానం ఎక్కేలా ధరల్ని నియంత్రించాలి’ అని పేర్కొన్నారు.
News October 29, 2024
టాటా నన్ను డబ్బులు అడిగారు: అమితాబ్
ప్రముఖ పారిశ్రామికవేత్త రతన్ టాటా ఓ సందర్భంగా తనను డబ్బులు అడిగినట్లు బిగ్ బీ అమితాబ్ బచ్చన్ చెప్పారు. లండన్ వెళ్లిన సమయంలో అత్యవసరంగా కాల్ చేసేందుకు డబ్బులు లేకపోవడంతో తనను ఇవ్వమని కోరినట్లు తెలిపారు. టాటా అలా అడగడాన్ని తాను నమ్మలేకపోయానని ‘కౌన్ బనేగా కరోడ్ పతి’లో వెల్లడించారు. పారిశ్రామిక ఐకాన్‌గా వెలుగొందిన టాటా కొన్ని రోజుల క్రితం కన్నుమూసిన సంగతి తెలిసిందే.
News October 29, 2024
CM రేవంత్‌కు కిదాంబి శ్రీకాంత్ ఆహ్వానం
భారత బ్యాడ్మింటన్ క్రీడాకారుడు కిదాంబి శ్రీకాంత్ సీఎం రేవంత్‌రెడ్డిని కలిశారు. జూబ్లీహిల్స్‌లోని నివాసంలో కలిసి తన పెళ్లికి హాజరుకావాలని ఆయనను కోరారు. ఈమేరకు ఆయనకు ఆహ్వానపత్రికను అందించారు.
News October 29, 2024
మంగళగిరిలో ప్రయోగాత్మకంగా డ్రోన్ పరీక్ష
AP: వైద్యరంగంలో సరికొత్త సేవలకు ప్రధాని మోదీ శ్రీకారం చుట్టారు. ఎయిమ్స్‌లో ప్రయోగాత్మకంగా డ్రోన్ సేవలను ప్రారంభించారు. మంగళగిరి ఎయిమ్స్ నుంచి 12KM దూరంలోని నూతక్కి PHCకి డ్రోన్‌ని పంపారు. అక్కడ మహిళా రోగి బ్లడ్ శాంపిల్స్‌ను సేకరించి తిరిగొచ్చింది. మెరుగైన వైద్య సేవలు అందించేందుకు డ్రోన్ల వాడకంపై ఈ ప్రయోగాన్ని నిర్వహించినట్లు అధికారులు తెలిపారు. మొత్తంగా 11 చోట్ల ఈ సేవలను పరీక్షించారు.
News October 29, 2024
CO2ను O2గా మార్చే కృత్రిమ ఆకు!
చెట్లు ఆక్సిజన్‌ను అందించి, కార్బన్‌డయాక్సైడ్‌ను స్వీకరిస్తుంటాయన్న విషయం తెలిసిందే. అయితే, కృత్రిమంగా అభివృద్ధి చేసిన ఆకులు నిజమైన వాటికంటే పది రెట్లు అధికంగా CO2ను గ్రహించాయి. చికాగోలోని ఇల్లినాయిస్ విశ్వవిద్యాలయ పరిశోధకులు వీటిని రూపొందించారు. ఈ ఆకులోని ప్రత్యేకమైన పొర లోపల ఉన్న సాంకేతికత నీటి రూపంలో CO2ను గ్రహించి దీనిని ఆక్సిజన్‌గా మార్చుతుంది. ప్రస్తుతం ఇవి ప్రయోగదశలో ఉన్నాయి.
News October 29, 2024
రుణమాఫీ చేయకుండా నన్ను రాజీనామా చేయమంటున్నారు: హరీశ్
TG: సీఎం రేవంత్‌రెడ్డి పూర్తి స్థాయిలో రుణమాఫీ చేయకుండా తనను రాజీనామా చేయమంటున్నారని BRS MLA హరీశ్‌రావు అన్నారు. వనపర్తిలో రైతు ప్రజా నిరసన సదస్సులో ఆయన పాల్గొన్నారు. ఇప్పటివరకు రాష్ట్రంలో 20లక్షల మందికి మాత్రమే రుణమాఫీ జరిగిందన్నారు. రేవంత్ వచ్చాక పాత పథకాలు ఆపేశారని, బతుకమ్మ చీరలు కూడా ఇవ్వలేదని ఎద్దేవా చేశారు. వరంగల్ డిక్లరేషన్‌లో ఎన్నో హామీలు ఇచ్చారని ఆయన గుర్తు హరీశ్ చేశారు.
News October 29, 2024
వారంతా ఆయుష్మాన్ కార్డు తీసుకోవాలి: PM
దేశంలో 70ఏళ్లు దాటిన వారంతా ఆయుష్మాన్ భారత్ కార్డు తీసుకోవాలని ప్రధాని మోదీ పిలుపునిచ్చారు. ఈ కార్డుతో వృద్ధులంతా ఆసుపత్రుల్లో ఉచితంగా వైద్య చికిత్స పొందవచ్చన్నారు. ఢిల్లీ, బెంగాల్‌ వంటి కొన్ని రాష్ట్రాలకు ఆయుష్మాన్ సేవలు అందడం లేదని, ఆయా రాష్ట్రాల వైఖరి వృద్ధులకు శాపంగా మారిందన్నారు. ఆ రాష్ట్రాల రాజకీయాల కారణంగా లబ్ధి పొందలేని వృద్ధులకు మోదీ క్షమాపణలు చెప్పారు.
News October 29, 2024
రేపు తెలంగాణ వ్యాప్తంగా BRS సంబరాలు
TG: రేపు రాష్ట్రవ్యాప్తంగా సంబరాలు చేయాలని BRS నిర్ణయించింది. తెలంగాణ ప్రజలపై రూ.18,500 కోట్ల విద్యుత్ ఛార్జీల భారాన్ని ఆపినందుకు జిల్లా కేంద్రాలు, నియోజకవర్గాల్లో సంబరాలు చేయాలని పిలుపునిచ్చింది. తాము ఈఆర్సీని ఒప్పించడం వల్లే డిస్కంల ప్రతిపాదనలను తిరస్కరించిందని BRS నేతలు అంటున్నారు.
Featured News
Sorry, no posts matched your criteria.