India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 4, 2024
ఇవాళ 88 రైళ్లు రద్దు: SCR
వర్షాలు, వరదల కారణంగా మరో నాలుగు రోజుల పాటు పలు రైళ్లను దక్షిణ మధ్య రైల్వే రద్దు చేసింది. ఇవాళ 88 రైళ్లను రద్దు చేసినట్లు పేర్కొంది. ఒక రైలును దారి మళ్లించినట్లు తెలిపింది. రేపు 61, ఎల్లుండి 13, మరుసటి రోజున 3 రైళ్లు రద్దు చేసినట్లు వెల్లడించింది. మరోవైపు మహబూబాబాద్ జిల్లాలో ట్రాక్ మరమ్మతులు చివరి దశకు చేరుకున్నాయి.
News September 4, 2024
₹10వేలు దేనికి సరిపోతాయి?: బాధితులు
TG: రాష్ట్ర ప్రభుత్వం తక్షణ సాయంగా ప్రకటించిన ₹10వేలు దేనికి సరిపోతాయని వరద బాధితుల్లో ఆగ్రహం వ్యక్తమవుతోంది. ఒక్కో కుటుంబం సగటున ₹2లక్షలు నష్టపోయిందని, ప్రభుత్వం ఇచ్చే సాయం ఈ నష్టాన్ని పూడుస్తుందా? అని ప్రశ్నిస్తున్నారు. అయితే సర్వే చేసి నష్టాన్ని అంచనా వేశాక సాయంపై నిర్ణయం తీసుకుంటామని CM చెప్పిన విషయం తెలిసిందే. కాగా ఆ సర్వే పూర్తయ్యేదెప్పుడో అని ప్రజలు సందేహిస్తున్నారు.
News September 4, 2024
PHOTO: ‘పుష్ప-శ్రీవల్లి’ వినాయకుడిని చూశారా?
వినాయక చవితి నేపథ్యంలో విగ్రహాల అమ్మకాలతో ఆయా ప్రాంతాల్లో సందడి నెలకొంది. పలు థీమ్‌లతో తయారు చేసిన విగ్రహాలు ఆకట్టుకుంటున్నాయి. ముంబై వంటి నగరాల్లో వరల్డ్ కప్ థీమ్‌తో వినాయకులను రూపొందించారు. తాజాగా ‘పుష్ప-2’ మూవీలో అల్లు అర్జున్, రష్మిక తరహాలో ఉన్న విగ్రహం వైరల్‌గా మారింది. అయితే అభిమానం పేరుతో దేవుళ్ల విగ్రహాలను ఇలా తయారు చేయవద్దని నెటిజన్లు కామెంట్లు చేస్తున్నారు.
News September 4, 2024
BREAKING: ఈ జిల్లాల్లో స్కూళ్లకు సెలవులు ప్రకటన
భారీ వర్షాలకు ఏపీలోని పలు జిల్లాల్లో స్కూళ్లకు సెలవు ప్రకటించారు. తూర్పుగోదావరి జిల్లాలోని ప్రభుత్వ, ప్రైవేటు విద్యాసంస్థలకు ఇవాళ సెలవు ప్రకటిస్తున్నట్లు కలెక్టర్ ప్రశాంతి ప్రకటనలో తెలిపారు. గుంటూరులోనూ ప్రైవేటు, ప్రభుత్వ విద్యాలయాలకు హాలిడే ఇచ్చారు. అంతకుముందు ఎన్టీఆర్ జిల్లాలోనూ సెలవు ఇచ్చిన సంగతి తెలిసిందే. తెలంగాణలో సెలవుపై ఇంకా ప్రకటన రాలేదు.
News September 4, 2024
దీప్తికి PM మోదీ, మంత్రి సీతక్క అభినందనలు
పారిస్ పారాలింపిక్స్ 400మీటర్ల పరుగులో కాంస్యం సాధించిన దీప్తి జీవాంజికి ప్రధాని మోదీ అభినందనలు తెలిపారు. చాలా మందికి ఆమె స్ఫూర్తి అని కొనియాడారు. మరోవైపు ప్రపంచ వేదికపై కాంస్య పతకాన్ని గెలుచుకోవడం దేశానికే గర్వకారణమని మంత్రి సీతక్క ట్వీట్ చేశారు. పేద కుటుంబం నుంచి పతక విజేత వరకు ఆమె ప్రయాణం స్ఫూర్తిదాయకమని పేర్కొన్నారు. రాబోయే రోజుల్లో మరెన్నో విజయాలు అందుకోవాలని ఆకాంక్షించారు.
News September 4, 2024
ప్రకాశం బ్యారేజీకి తగ్గుతున్న వరద
AP: కృష్ణమ్మ శాంతిస్తోంది. విజయవాడలోని ప్రకాశం బ్యారేజీ వద్ద ప్రస్తుతం ఇన్ ఫ్లో, ఔట్ ఫ్లో 4.81 లక్షల క్యూసెక్కులుగా ఉంది. బ్యారేజీ వద్ద నీటిమట్టం 13.5 అడుగులుగా ఉంది. రెండో ప్రమాద హెచ్చరికను ఉపసంహరించి మొదటి ప్రమాద హెచ్చరికను కొనసాగిస్తున్నారు. కాగా, సోమవారం రికార్డు స్థాయిలో 11 లక్షల క్యూసెక్కులకు పైగా ప్రవాహం రావడంతో బెజవాడ వాసులు వణికిపోయారు.
News September 4, 2024
TGలో స్వైన్ ఫ్లూ కలకలం.. 4 కేసులు నమోదు
తెలంగాణలో 4 స్వైన్ ఫ్లూ కేసులు నమోదైనట్లు HYD నారాయణగూడలోని ఇన్‌స్టిట్యూట్ ఆఫ్ ప్రివెంటివ్ మెడిసిన్ (IPM) ల్యాబ్ నిర్ధారించింది. బాధితుల్లో ప.బెంగాల్‌కు చెందిన యువకుడు(23), టోలిచౌకికి చెందిన వృద్ధుడు(69), నిజామాబాద్(D) పిట్లంకు చెందిన వ్యక్తి(40), హైదర్ నగర్ డివిజన్‌కు చెందిన మహిళ(51) ఉన్నట్లు తెలిపింది. ఝార్ఖండ్ నుంచి HYDలోని ఓ ఆస్పత్రికి తీసుకొచ్చిన వృద్ధురాలికి కూడా వ్యాధి నిర్ధారణ అయింది.
News September 4, 2024
మళ్లీ సున్నా నుంచి జీవితం..
AP: విజయవాడ వరదల్లో నష్టపోయిన బాధితులు తమకు ఏమీ మిగల్లేదని ఆవేదన వ్యక్తం చేస్తున్నారు. టీవీ, ఫ్రిజ్, ఫ్యాన్లు, గ్రైండర్లు.. ఇలా అన్ని వస్తువులు పాడైపోయాయని కన్నీరు పెట్టుకుంటున్నారు. చాలా వరకు EMIలోనే కొన్నామని, రూ.50వేల నుంచి రూ.2 లక్షల వరకు నష్టం వాటిల్లిందని చెబుతున్నారు. మళ్లీ సున్నా నుంచి జీవితం మొదలు పెట్టాల్సిన పరిస్థితి వచ్చిందని, ప్రభుత్వం ఆదుకోవాలని కోరుతున్నారు.
News September 4, 2024
కృష్ణా కంటే బుడమేరే ప్రమాదం!
విజయవాడలో ముంపునకు గురైన కాలనీల్లో ఎక్కువగా బుడమేరు కట్ట లోపల నిర్మించినవే ఉన్నాయి. గత 2 దశాబ్దాల్లో వాగు ప్రవాహ మార్గం కబ్జాలకు గురైందనే ఆరోపణలున్నాయి. ఈ ఆక్రమణలతో వాగు ప్రవాహానికి అడ్డుకట్ట పడ్డట్లయిందని, కృష్ణా నది కంటే బుడమేరు వరదలే బెజవాడకు ప్రమాదకరమని నిపుణులు చెబుతున్నారు. ఆక్రమణలు తొలగించి, వాగు మలుపులు సరి చేయాలని, నీరు వెనక్కి ఎగదన్నకుండా చర్యలు తీసుకోవాలని అంటున్నారు.
News September 4, 2024
విజయవాడ మునగడానికి కారణం ఇదే..
బుడమేరు వాగుకు 2005లో 70వేల క్యూసెక్కుల ఇన్ ఫ్లో రావడంతో విజయవాడ మునిగింది. దీంతో దాన్ని పోలవరం కుడికాలువకు లింక్ చేసి, రెగ్యులేటర్ ఏర్పాటు చేశారు. తద్వారా <<14015211>>బుడమేరుకు<<>> ప్రవాహం తగ్గడంతో ఆక్రమణదారులు గద్దల్లా వాలారు. ఆ వాగు కనిపించకుండా కబ్జా చేసి ప్లాట్లుగా మార్చారు. తాజాగా ప్రకాశం బ్యారేజీలో భారీ ప్రవాహం ఉండటంతో కుడికాలువ నీటిని పైకి ఎగదోసింది. దీంతో బుడమేరుకు నీటిని వదలడంతో బెజవాడ ‘జలవాడ’ అయింది.
Featured News
Sorry, no posts matched your criteria.