India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 23, 2024
ఈ ఆత్మహత్యలన్నీ ప్రభుత్వ హత్యలే: సత్యకుమార్ యాదవ్
AP: అధికారులు మోసం చేశారంటూ కుటుంబం <<12908035>>ఆత్మహత్య<<>> చేసుకున్న ఘటనపై BJP జాతీయ నేత సత్యకుమార్ యాదవ్ ఆవేదన వ్యక్తం చేశారు. ‘సొంత జిల్లాలో ఇలాంటి దారుణాలు జరుగుతున్నా CMకు చీమ కుట్టినట్లు కూడా లేదు. ఈ ఆత్మహత్యలన్నీ YCP ప్రభుత్వ హత్యలే. ప్రజల నుంచి దోచుకున్న ఆస్తులను చట్టబద్ధం చేసుకునేందుకే భూ యాజమాన్య చట్టం తెచ్చారు. అధికారంలోకి రాగానే ప్రతి పైసా కక్కిస్తాం’ అని ట్వీట్ చేశారు.
News March 23, 2024
ఐసిస్-K: రష్యాను ఎందుకు టార్గెట్ చేసింది?
రష్యా రాజధాని మాస్కోలో <<12908235>>కాల్పుల<<>> ఘటనకు కారణం తామేనని ఐసిస్-K ప్రకటించుకుంది. రష్యా అధ్యక్షుడు పుతిన్‌, ఆయన విధానాలను ఈ గ్రూప్ ఎప్పటి నుంచో తీవ్రంగా వ్యతిరేకిస్తోంది. ముస్లింలను అణిచివేసే కార్యకలాపాల్లో రష్యా భాగస్వామిగా ఉందని విశ్వసిస్తోంది. అందుకే రష్యాను టార్గెట్ చేసి ఎటాక్ చేసినట్లు విశ్లేషకులు చెబుతున్నారు. ఈ గ్రూప్ గతంలో అఫ్గానిస్థాన్, ఇరాన్, కాబుల్ ఎయిర్‌పోర్టులలో భయంకర దాడులు జరిపింది.
News March 23, 2024
34 ఏళ్లకు పిల్లలను కనాలనుకున్నా.. కుదర్లేదు: వరలక్ష్మీ శరత్ కుమార్
తన సినీ, వ్యక్తిగత జీవితం గురించి వరలక్ష్మీ శరత్ కుమార్ కీలక విషయాలు తెలిపారు. ఓ ఇంటర్వ్యూలో మాట్లాడుతూ.. ‘నా తొలి చిత్రం పోడాపోడీ షూటింగ్ సమయానికి నా ఏజ్ 22ఏళ్లు. 28ఏళ్లలోపు స్టార్‌గా ఎదిగి, 32ఏళ్లకు పెళ్లి చేసుకుని, 34ఏళ్లకు పిల్లల్ని కనాలనుకున్నా. ఇప్పుడు నా వయసు 38 ఏళ్లు. నేను వేసుకున్న ప్రణాళికలేవీ వర్కవుట్ కాలేదు’ అని చెప్పారు. ఇటీవల సచ్‌దేవ్‌తో ఆమె ఎంగేజ్‌మెంట్ జరిగిన విషయం తెలిసిందే.
News March 23, 2024
మంచి ఉద్దేశంతోనే ఎలక్టోరల్ బాండ్లు ప్రవేశపెట్టాం: గడ్కరీ
దేశంలో సంచలనంగా మారిన ఎలక్టోరల్ బాండ్లపై కేంద్ర మంత్రి నితిన్ గడ్కరీ స్పందించారు. ‘ఆర్థిక వనరులు లేకుండా ఏ పార్టీ మనుగడ సాధించలేదు. కొన్ని దేశాల్లో పార్టీలకు ప్రభుత్వమే నిధులు ఇస్తుంది. అలాంటి వ్యవస్థ మన దగ్గర లేనందున మంచి ఉద్దేశంతోనే ఎన్నికల బాండ్ల పథకాన్ని తీసుకొచ్చాం. అధికారంలో ఉన్న పార్టీ మారితే సమస్యలు తలెత్తకూడదనే దాతల పేర్లు బయటపెట్టలేదు’ అని తెలిపారు.
News March 23, 2024
కవిత బెయిల్ పిటిషన్‌పై 26న విచారణ
ఢిల్లీ లిక్కర్ కేసులో అరెస్టయిన బీఆర్ఎస్ ఎమ్మెల్సీ కవిత దాఖలు చేసిన బెయిల్ పిటిషన్‌ను రౌస్ అవెన్యూ కోర్టు విచారణకు స్వీకరించింది. ఈ నెల 26న వాదనలు వింటామని తెలిపింది. మరోవైపు కవిత కస్టడీని 3 రోజులు పొడిగించిన విషయం తెలిసిందే.
News March 23, 2024
YCP.. యువజన కొకైన్ పార్టీ: TDP
AP: విశాఖ డ్రగ్స్ కేసు వ్యవహారంపై YCP, టీడీపీ మధ్య వార్ నడుస్తోంది. సీఎం జగన్, విజయసాయిరెడ్డి, సజ్జల భార్గవ్‌‌లను టార్గెట్ చేస్తూ TDP సోషల్ మీడియాలో విమర్శలు చేసింది. YCP అంటే యువజన కొకైన్ పార్టీ అని వ్యంగ్యాస్త్రాలు సంధించింది. కాగా ఈ కేసులో నిందితులు, TDP సీనియర్ నేతలకు మధ్య ఆర్థిక లావాదేవీలు ఉన్నాయంటూ YCP కౌంటర్ ఇచ్చింది. డ్రగ్స్‌తో అడ్డంగా దొరికిపోయి TDP బుకాయిస్తోందని దుయ్యబట్టింది.
News March 23, 2024
వడోదర బీజేపీ ఎంపీ కీలక నిర్ణయం
వడోదర బీజేపీ ఎంపీ రంజనాబెన్ భట్ వచ్చే లోక్‌సభ ఎన్నికల నుంచి తప్పుకుంటున్నట్లు ప్రకటించారు. వ్యక్తిగత కారణాలతో ఈ నిర్ణయం తీసుకున్నట్లు వెల్లడించారు. గుజరాత్‌లోని వడోదర స్థానం బీజేపీకి కంచుకోట లాంటిది. 2014 ఎన్నికల్లో మోదీ వారణాసితో పాటు ఇక్కడి నుంచి కూడా పోటీ చేసి గెలుపొందారు. ఆ తర్వాత వడోదర స్థానానికి మోదీ రాజీనామా చేయగా ఉప ఎన్నికలో రంజనా గెలుపొందారు.
News March 23, 2024
కేజ్రీవాల్ అరెస్ట్‌తో ఎవరికి లాభం? – 1/3
ఎన్నికల వేళ ఢిల్లీ సీఎం అరవింద్ కేజ్రీవాల్ అరెస్ట్ సంచలనమైంది. దీనిపై రాజకీయ వర్గాల్లో భిన్నాభిప్రాయాలు వ్యక్తమవుతున్నాయి. ఈ అరెస్ట్‌తో కేజ్రీవాల్‌కే లబ్ధి అని కొందరు, బీజేపీకే లాభం అనేది మరికొందరు అనుకుంటున్నారు. అయితే ఏ పక్షానికీ పూర్తిగా లబ్ధి ఉండదనేది విశ్లేషకులు మాట. ప్రతిపక్ష నేతల అరెస్ట్‌తో సింపతీ వస్తుందనే గ్యారంటీ లేదంటున్నారు. అందుకు గతంతో జరిగిన అరెస్ట్‌లే ఉదాహరణగా చెబుతున్నారు.
News March 23, 2024
కేజ్రీవాల్ అరెస్ట్‌తో ఎవరికి లాభం? – 2/3
తమిళనాడులో దివంగత నేతలు DMK మాజీ చీఫ్ కరుణానిధి, AIADMK మాజీ చీఫ్ జయలలిత ఇద్దరూ జైలుకు వెళ్లిన వారే. ఒకరు జైలుకు వెళ్లినప్పుడు మరొకరు అధికారం చేపట్టారు. ఇక్కడ ప్రభుత్వం మీద వ్యతిరేకత వల్లే ప్రత్యర్థికి అవకాశం వచ్చిందని, ఆ నాయకుల మీద సానుభూతితో కాదనేది విశ్లేషకుల మాట. చిదంబరం, లాలూ, డీకే శివకుమార్, యడియూరప్ప.. డీఎంకే నేతలు రాజా, కనిమొళి మొదలైన వారు జైలుకు వెళ్లొచ్చినా సింపతీ వర్కౌట్ కాలేదు.
News March 23, 2024
కేజ్రీవాల్ అరెస్ట్‌తో ఎవరికి లాభం? – 3/3
ఇక తెలుగు రాష్ట్రాల్లో BRS MLC కవిత అరెస్ట్ విషయంలోనూ ఇదే పరిస్థితి నెలకొంది. కేంద్ర దర్యాప్తు సంస్థలను స్వలాభానికి వాడుకుంటోందని బీజేపీపై ఆరోపణలు ఉన్నా వాటి ప్రభావం ఉండకపోవచ్చనేది విశ్లేషకుల మాట. అరెస్ట్‌లు సరైన కారణాలతోనే జరుగుతున్నా ఏజెన్సీల వైఖరిపై అనుమానాలు వ్యక్తమవుతున్నాయన్నారు. దీనికి ఏజెన్సీలు చెక్ పెట్టకుంటే అది వాటి విశ్వసనీయతపై ప్రభావం చూపొచ్చని అంటున్నారు.
Featured News
Sorry, no posts matched your criteria.