India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 10, 2024
విమానం లగేజీ కంపార్ట్మెంట్లో నిద్రించిన మహిళ
విమానంలో హాయిగా నిద్రపోవాలనుకున్న ఓ మహిళ వినూత్నంగా ఆలోచించారు. సీట్లో ఇబ్బంది పడుతూ నిద్రపోవడం ఎందుకనుకున్న ఆమె ఏకంగా సీట్ల పైన ఉండే లగేజీ కంపార్ట్మెంట్లో నిద్రించారు. ఓ ప్రయాణికుడు ఈ వీడియో తీయడంతో నెట్టింట వైరల్‌గా మారింది. సౌత్ వెస్ట్ ఎయిర్ లైన్స్‌కు చెందిన విమానంలో మే 6న ఈ ఘటన జరిగిందని ‘న్యూయార్క్ పోస్ట్’ వెల్లడించింది. ఈ తరహా ఘటన గతంలో వేరే ఎయిర్ లైన్స్‌లోనూ చోటుచేసుకుంది.
News May 10, 2024
కేజ్రీవాల్ మళ్లీ జైలుకు వెళ్లాల్సిందే: BJP నేత సిర్సా
ఢిల్లీ లిక్కర్ పాలసీ కేసులో సీఎం కేజ్రీవాల్‌కు సుప్రీం కోర్టు మధ్యంతర బెయిల్ ఇవ్వడంపై BJP నేత మంజిందర్ సింగ్ సిర్సా స్పందించారు. బెయిల్ గడువు ముగియగానే జూన్ 2న కేజ్రీవాల్ మళ్లీ జైలుకు వెళ్లక తప్పదని అన్నారు. కరడుగట్టిన నేరస్థులకు ఇచ్చినట్లే కేజ్రీవాల్‌కు బెయిల్ ఇచ్చిందని ఆయన చెప్పుకొచ్చారు. ఆయన నేరస్థుడని కోర్టు నమ్మింది కాబట్టే.. కేవలం ఎన్నికల వరకే బెయిల్ ఇచ్చిందని ఎద్దేవా చేశారు.
News May 10, 2024
వారి కాంట్రాక్ట్ తొలగించాలని అగార్కరే చెప్పారు: జైషా
BCCI సెక్రటరీ జైషా కీలక వ్యాఖ్యలు చేశారు. శ్రేయస్ అయ్యర్, ఇషాన్ కిషన్ సెంట్రల్ కాంట్రాక్ట్‌ను తొలగించాలని సెలక్షన్ కమిటీ ఛైర్మన్ అజిత్ అగార్కరే నిర్ణయించారన్నారు. కమిటీ నిర్ణయాలను అమలు చేయడమే తన పని అని చెప్పారు. WC తర్వాత రంజీల్లో ఆడాలన్న నిబంధనను శ్రేయస్, ఇషాన్ పట్టించుకోలేదు. దీంతో BCCI వారి కాంట్రాక్టును రద్దు చేసింది. కాగా శాంసన్ వంటి కొత్త ఆటగాళ్లకు అవకాశాలు ఇస్తున్నామని జైషా తెలిపారు.
News May 10, 2024
మద్యపాన నిషేధంపై నోరు మెదపరేం?
AP: రాష్ట్రంలో గత ఎన్నికలకు ఈ ఎన్నికలకు ప్రధాన తేడాల్లో మద్యపానం ఒకటి. గత ఎన్నికల సమయంలో తాము అధికారంలోకి వస్తే మద్యపానం నిషేధిస్తామని చెప్పిన YCP హామీ మరిచింది. ఈ విషయంలో YCPని విమర్శిస్తున్న TDP, జనసేనలూ తాము మద్యపానం నిషేధిస్తామని హామీ ఇవ్వడం లేదు. మద్యంపై వస్తున్న ఆదాయంపైనే ప్రభుత్వాలు ఆధారపడుతుండటం ఇందుకు కారణం కావచ్చు. నిషేధం దేవుడెరుగు ఇంకా విస్తరించేందుకు చూస్తున్నారనే అభిప్రాయముంది.
News May 10, 2024
దుబాయ్‌లో పాట్ కమిన్స్
సన్‌రైజర్స్ హైదరాబాద్ కెప్టెన్ పాట్ కమిన్స్, ట్రావిస్ హెడ్ దుబాయ్ వెళ్లారు. లక్నోతో మ్యాచ్ తర్వాత వారం రోజుల విరామం లభించడంతో విశ్రాంతి తీసుకోవడానికి ఫ్యామిలీతో కలిసి వెళ్లారు. అక్కడ గోల్ఫ్ ఆడుతున్న ఫొటోలను కమిన్స్ నెట్టింట షేర్ చేశారు. కాగా హైదరాబాద్ తన తదుపరి మ్యాచ్‌ను ఈ నెల 16న గుజరాత్‌తో ఆడనుంది. ఈ మ్యాచ్‌కు రెండు రోజుల ముందు వారు హైదరాబాద్ చేరుకునే అవకాశముంది.
News May 10, 2024
HYDకి బదులు అమృత్‌సర్‌కు టికెట్ బుక్ చేశా: శర్మ
ఇండియన్ ప్రీమియర్ లీగ్-2024లో అద్భుతమైన ప్రదర్శనతో దుమ్మురేపుతోన్న సన్ రైజర్స్ హైదరాబాద్ స్టార్ ప్లేయర్ అభిషేక్ శర్మ ఓ ఫన్నీ ఇన్సిడెంట్‌ను పంచుకున్నారు. ‘LSGపై గెలిచిన తర్వాత అమ్మానాన్నలతో మాట్లాడాను. వాళ్లు ఆ మ్యాచ్ చూసేందుకు ఉప్పల్‌కు రావాల్సింది. కానీ, హైదరాబాద్‌కు టికెట్ బుక్ చేయాల్సింది.. అమృత్‌సర్‌కు బుక్ చేశాను’ అంటూ నవ్వుతూ చెప్పుకొచ్చారు. LSG మ్యాచులో 28 బంతుల్లో 75 రన్స్ చేశారు.
News May 10, 2024
సుప్రీం నిర్ణయం ప్రజాస్వామ్య విజయం: ఆతిశీ
ఢిల్లీ లిక్కర్ పాలసీ కేసులో సీఎం కేజ్రీవాల్‌కు సుప్రీం కోర్టు మధ్యంతర బెయిల్ ఇవ్వడాన్ని ప్రజాస్వామ్య విజయంగా AAP మంత్రి ఆతిశీ అభివర్ణించారు. ఇది కేవలం కేజ్రీవాల్‌కు సంబంధించిన విషయం మాత్రమే కాదని, సుప్రీం నిర్ణయంతో సత్యం గెలిచిందని అన్నారు. ఇంత క్లిష్టపరిస్థితుల్లో బెయిల్ రావడంపై తామెంతో కృతజ్ఞతతో ఉన్నామని ఆప్ నేతలు అన్నారు. ప్రజాస్వామ్యాన్ని గెలిపించేందుకు ఇదే చివరి అవకాశమని వారు పేర్కొన్నారు.
News May 10, 2024
జూన్ 4న ఏపీలో టీడీపీ కనుమరుగు: ఎంపీ VSR
AP: టీడీపీ సిద్ధాంతాలకు తూట్లు పొడుస్తూ అడుగడుగునా ఆ పార్టీ రాజీపడుతోందని YCP ఎంపీ విజయసాయిరెడ్డి Xలో ఎద్దేవా చేశారు. నల్ల నాగుపాము, టీడీపీ లీడర్ ఒకేసారి కనిపిస్తే ముందుగా టీడీపీ నేతనే కొట్టాలని పిలుపునిచ్చారు. ‘రాజ్యసభలో టీడీపీ కనుమరుగైంది. తెలంగాణలో ఆ పార్టీ అంతమయ్యింది. జూన్ 4న ఏపీలోనూ సైకిల్ పార్టీ కనుమరుగు కాబోతోంది’ అని జోస్యం చెప్పారు.
News May 10, 2024
భారతిగారు మా ఇద్దరిలో ఎవర్ని నరికేయిస్తారో?: సునీత
పులివెందులలో అవినాశ్‌కు పోటీ లేకుండా ఉండేందుకే వైఎస్ వివేకాను హత్య చేయించారని ఆయన కుమార్తె సునీత ఆరోపించారు. ‘వివేకాకు జగన్‌ను ఎదిరించి మాట్లాడే సత్తా ఉంది కాబట్టే చంపారు. భారతికి ఇంకా ఎవరినైనా హత్యలు చేయాలన్న ప్లాన్ ఉందా? ఆమె నన్ను నరికేయిస్తారా.. లేక షర్మిలను నరికేయిస్తారా అన్నది తెలీదు. నేనైతే నా వీలునామాను నా పిల్లలకు రాసిచ్చేశాను. నాకు ఎప్పుడైనా ఏమైనా కావొచ్చు’ అని తీవ్ర వ్యాఖ్యలు చేశారు.
News May 10, 2024
పోలింగ్ ఏజెంట్ల నియామకంపై ఈసీ కీలక ఆదేశాలు
AP: పోలింగ్ ఏజెంట్ల నియామక ప్రక్రియపై ఈసీ కీలక ఆదేశాలు జారీ చేసింది. పోలింగ్ ఏజెంట్ల నియామక జాబితాను ఆర్వోకు ఇవ్వాల్సిన అవసరం లేదని.. పోలింగ్ రోజు ప్రిసైడింగ్ అధికారికి సమర్పిస్తే చాలని వెల్లడించింది. అయితే పోలింగ్ ఏజెంట్లను ఆయా పార్టీల అభ్యర్థులు ధ్రువీకరించాల్సి ఉంటుందని పేర్కొంది. ప్రిసైడింగ్ ఆఫీసర్ సమక్షంలో ఏజెంట్ల నుంచి డిక్లరేషన్ తీసుకోవాలని స్పష్టం చేసింది.
Featured News
Sorry, no posts matched your criteria.