India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 10, 2024
భారత ఎన్నికల్లో జోక్యం చేసుకోవడంలేదు: US
భారత ఎన్నికల్లో తలదూర్చాలని చూస్తోందంటూ రష్యా చేసిన <<13212389>>ఆరోపణలపై<<>> US స్పందించింది. ‘మేం ఇండియన్ ఎలక్షన్స్‌లో జోక్యం చేసుకోవడం లేదు. ఎవరిని ఎన్నుకోవాలనేది భారత ప్రజల నిర్ణయం’ అని స్పష్టం చేసింది. ప్రపంచంలోని ఏ దేశ ఎన్నికల్లోనూ తాము జోక్యం చేసుకోవడం లేదని US అధికార ప్రతినిధి మాథ్యూ మిల్లర్ తెలిపారు. ఖలిస్థానీ ఉగ్రవాది పన్నూ హత్య కేసు విచారణలో ఉందని, ఇప్పుడు దాని గురించి మాట్లాడలేమని చెప్పారు.
News May 10, 2024
‘నాకు చదవాలని లేదు.. వెళ్లిపోతున్నా’
కోచింగ్ సెంటర్లకు చిరునామా అయిన రాజస్థాన్ కోటా నుంచి ఓ విద్యార్థి అదృశ్యమయ్యాడు. నీట్ శిక్షణ కోసం వచ్చిన రాజేంద్ర మీనా అనే స్టూడెంట్.. తండ్రికి మెసేజ్ చేసి హాస్టల్ నుంచి వెళ్లిపోయాడు. ‘నేను ఇంటికి రాను. నాకు చదవాలని లేదు. నా దగ్గర రూ.8వేలు ఉన్నాయి. ఐదేళ్ల వరకు తిరిగిరాను. నా ఫోన్ అమ్మేస్తా. ఎలాంటి తప్పుడు నిర్ణయాలు తీసుకోను.. నా గురించి బాధపడకండి. ఏడాదికి ఓసారి ఫోన్ చేస్తాను’ అని తెలిపాడు.
News May 10, 2024
ప్రజ్వల్ రేవణ్న కేసులో షాకింగ్ ట్విస్ట్!
కర్ణాటక JDS MP ప్రజ్వల్ రేవణ్న కేసులో షాకింగ్ విషయం వెలుగుచూసింది. పోలీసులమని చెప్పి తనతో పలువురు బలవంతంగా ఫేక్ కేసు పెట్టించారని ఓ మహిళ ఆరోపించారు. దీనిపై JDS చీఫ్ కుమారస్వామి స్పందించారు. ఫిర్యాదు చేయకపోతే వ్యభిచారం కేసు పెడతామని బాధిత మహిళల్ని సిట్ అధికారులు బెదిరిస్తున్నారని ఆరోపించారు. మరోవైపు ఈ కేసులో 700 మంది మహిళలు తమకు ఫిర్యాదు చేసినట్లు వస్తున్న వార్తల్ని జాతీయ మహిళా కమిషన్ ఖండించింది.
News May 10, 2024
ఈ పండ్లు ఫ్రిజ్‌లో అస్సలు పెట్టొద్దు!
వేసవికాలం పండ్లు బయట పెడితే పాడవుతాయని ఫ్రిజ్‌లో పెడుతుంటాం. కానీ కొన్ని రకాల పండ్లను ఫ్రిజ్‌లో ఉంచకూడదని నిపుణులు చెబుతున్నారు. దానివల్ల అవి త్వరగా పాడవడమే కాకుండా విషపూరితంగా మారే ప్రమాదం ఉందని హెచ్చరిస్తున్నారు. అరటిపండ్లు, పుచ్చకాయ, యాపిల్స్, మామిడి, లిచీ, రేగు పండ్లు, చెర్రీస్‌ను అస్సలు ఫ్రిజ్‌లో పెట్టవద్దని సూచిస్తున్నారు.
News May 10, 2024
బీజేపీ లేదు కాబట్టే మతకలహాలు జరగలేదు: సీఎం రేవంత్
TG: తెలంగాణలో బీజేపీ అధికారంలోకి రాకపోవడం వల్లే రాష్ట్రంలో శాంతిభద్రతలు బాగున్నాయని సీఎం రేవంత్ రెడ్డి అన్నారు. ‘టీడీపీ, కాంగ్రెస్, BRS పదేళ్ల చొప్పున అధికారంలో ఉన్నాయి. ఎప్పుడూ మతకలహాలు జరగలేదు. దీనివల్ల హైదరాబాద్ నగరానికి పెట్టుబడులు వచ్చాయి. విశ్వనగరంగా ఎదుగుతోంది. రాష్ట్రంలో బీజేపీ అధికారంలో లేనందునే ఇది సాధ్యమైంది’ అని సీఎం రేవంత్ టీవీ9 ఇంటర్వ్యూలో చెప్పారు.
News May 10, 2024
టార్గెట్ ఒలింపిక్స్.. డైమండ్ లీగ్ బరిలో నీరజ్
పారిస్ ఒలింపిక్స్‌లో మరోసారి పసిడి పతకమే లక్ష్యంగా భారత స్టార్ జావెలిన్ త్రోయర్ నీరజ్ చోప్రా సిద్ధమవుతున్నారు. ఇవాళ దోహాలో జరిగే డైమండ్ లీగ్ ఫస్ట్ స్టేజ్ పోటీలో బరిలోకి దిగుతున్నారు. చాలాకాలంగా ఊరిస్తున్న 90మీ. దూరాన్నీ అందుకోవాలని ఉవ్విళ్లూరుతున్నారు. అతడి ఉత్తమ ప్రదర్శన 89.94మీ. కాగా డైమండ్ లీగ్‌లో నీరజ్‌కు పీటర్స్(గ్రెనెడా), వాద్లెచ్(చెక్ రిపబ్లిక్), వెబర్(జర్మనీ) నుంచి గట్టిపోటీ ఎదురుకానుంది.
News May 10, 2024
రైతులు ఆ పురుగు మందు కొనవద్దు: వ్యవసాయ శాఖ
TG: టీస్పేన్స్ కంపెనీ ప్రైవేటు లిమిటెడ్ సంస్థకు చెందిన ట్రైకో డెర్మా విరిడి 1.50% లిక్విడ్ ఫార్ములేషన్ క్రిమిసంహారక మందును రాష్ట్ర వ్యవసాయ శాఖ నిషేధించింది. HYDలోని మలక్‌పేట ల్యాబ్‌లో జరిపిన టెస్టుల్లో ఈ మందు నాసిరకం అని తేలినట్లు వ్యవసాయ శాఖ సంచాలకుడు బి.గోపి తెలిపారు. ఈ మందును నిల్వ చేయవద్దని, విక్రయించవద్దని ఆదేశాలు ఇచ్చామన్నారు. రైతులు ఈ పురుగు మందును కొనవద్దని కోరారు.
News May 10, 2024
అక్షయ తృతీయ.. మీరూ బంగారం కొంటున్నారా?
అక్షయ తృతీయ (నేడు) రోజు బంగారం కొనాలని పురాణాల్లో ఎక్కడా లేకున్నా చాలా మంది కొనేందుకు మొగ్గు చూపుతున్నారు. ప్రజల సెంటిమెంట్‌ను క్యాష్ చేసుకుంటూ జ్యువెలరీ షాప్స్.. ఆకర్షణీయ ఆఫర్లతో మగువలను ఆకట్టుకునే ప్రయత్నం చేస్తున్నాయి. కొందరూ మోసాలకూ పాల్పడే అవకాశం ఉంది. కొంతమంది డబ్బులు లేకున్నా అప్పులు చేసి మరీ పసిడి కొంటున్నారు. బంగారం కొనే బదులు దానం చేస్తే పుణ్యఫలం వస్తుందని పండితులు చెబుతున్నారు.
News May 10, 2024
ఇన్సూరెన్స్‌పై 18% జీఎస్టీ ఎందుకు?
విద్య, వైద్యం.. మధ్యతరగతి ప్రజలు ఎక్కువగా అప్పుల పాలయ్యేది ఈ రెండింటిపై ఖర్చుల వల్లే. ఇప్పుడిప్పుడే హెల్త్ ఇన్సూరెన్స్ పట్ల అవగాహన వస్తోంది. అయితే కేంద్రం బీమాపై ఏకంగా 18% జీఎస్టీ విధించడం సామాన్య ప్రజలకు భారం అవుతోంది. ఇన్సూరెన్స్ లగ్జరీ ఐటెమ్ కాదని, ప్రజలకు అత్యవసరం అని నెటిజన్లు అభిప్రాయపడుతున్నారు. బీమాపై జీఎస్టీ తగ్గిస్తే దేశంలో చాలా మంది ముందుకు వస్తారని చెబుతున్నారు. దీనిపై మీ కామెంట్?
News May 10, 2024
నేడు సింహాచలం అప్పన్న నిజరూప దర్శనం
AP: విశాఖ జిల్లాలోని సింహాచలం వరాహ లక్ష్మీనృసింహస్వామి నేడు భక్తులకు నిజరూపంలో దర్శనం ఇవ్వనున్నారు. ఏటా వైశాఖమాస శుక్లపక్ష తదియ రోజున ఈ దర్శనం కల్పించడం షట్చక్రవర్తులలో ఒకరైన పురూరవుని కాలం నుంచి కొనసాగుతోంది. దీనినే చందనోత్సవంగా పిలుస్తారు. వేసవి, భక్తుల రద్దీని దృష్టిలో ఉంచుకొని అధికారులు ఏర్పాట్లు చేశారు.
Featured News
Sorry, no posts matched your criteria.