India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 22, 2024
నేడు టీడీపీ మూడో జాబితా విడుదల
AP: పార్లమెంట్ ఎన్నికలకు సంబంధించి టీడీపీ ఇవాళ మూడో జాబితా విడుదల చేయనుంది. ఏలూరు ఎంపీ అభ్యర్థిగా మహేశ్ యాదవ్ ఖరారైనట్లు సమాచారం. ఈయన యనమల రామకృష్ణుడికి అల్లుడు. కర్నూలు ఎంపీ అభ్యర్థిగా బస్తిపాడు నాగరాజు, అమలాపురం ఎంపీ అభ్యర్థిగా హరీశ్ (జీఎంసీ బాలయోగి కుమారుడు), బాపట్లకు కృష్ణ ప్రసాద్, హిందూపురంలో పార్థసారథికి టికెట్లు ఖరారైనట్లు సమాచారం. ఇవాళ వీరి పేర్లను అధికారికంగా ప్రకటించే అవకాశం ఉంది.
News March 22, 2024
ఈడీ కస్టడీకి కేజ్రీవాల్?
మద్యం పాలసీ కేసులో అరెస్టయిన ఢిల్లీ సీఎం అరవింద్ కేజ్రీవాల్‌ను ఈడీ ఇవాళ ప్రత్యేక కోర్టులో హాజరుపరచనుంది. ఆయనను కస్టడీకి ఇవ్వాలని కోరనున్నట్లు ఈడీ అధికారులు తెలిపారు. మరోవైపు తన అరెస్టును సవాల్ చేస్తూ కేజ్రీవాల్ సుప్రీంకోర్టును ఆశ్రయించారు. ఆయన పిటిషన్‌పై ధర్మాసనం నేడు విచారణ చేపట్టనుంది. నిన్న రాత్రి కేజ్రీవాల్‌ను అరెస్ట్ చేసి ఈడీ ప్రధాన కార్యాలయానికి తరలించిన సంగతి తెలిసిందే.
News March 22, 2024
నేటి నుంచే ధనాధన్ ఐపీఎల్
నేటి నుంచి ఐపీఎల్ 17వ సీజన్ ప్రారంభం కానుంది. ధనాధన్ ఆటతో ఆటగాళ్లు క్రికెట్ ప్రేమికులను ఉర్రూతలూగించనున్నారు. రెండు నెలలకుపైగా జరగనున్న ఈ టోర్నీలో 10 జట్లు పాల్గొంటున్నాయి. తొలి మ్యాచ్ చెన్నైలోని చెపాక్ స్టేడియంలో సీఎస్కే-ఆర్సీబీ మధ్య జరగనుంది. అలాగే ఐపీఎల్ ఓపెనింగ్ సెరమనీ అదిరిపోనుంది. ఏఆర్ రెహమాన్, అక్షయ్ కుమార్, సోనూ నిగమ్, టైగర్ ష్రాఫ్ వంటి స్టార్లు తమ ప్రదర్శనలతో అలరించనున్నారు.
News March 22, 2024
ఉదయ్ కిరణ్ బయోపిక్‌పై RGV కన్ను?
దివంగత హీరో ఉదయ్ కిరణ్ బయోపిక్‌ను తీసేందుకు సంచలన దర్శకుడు రామ్‌గోపాల్ వర్మ ప్రయత్నిస్తున్నట్లు తెలుస్తోంది. ఇప్పటికే దీనిపై గ్రౌండ్ వర్క్ కూడా కంప్లీట్ చేసుకున్నట్లు సమాచారం. త్వరలోనే దీనిపై అధికారిక ప్రకటన రానున్నట్లు టాక్. కాగా ఉదయ్ కిరణ్ ఎలాంటి బ్యాక్ గ్రౌండ్ లేకుండానే ఇండస్ట్రీలోకి ఎంట్రీ ఇచ్చి స్టార్ హీరోగా ఎదిగారు. ఆ తర్వాత వరుస ఫ్లాప్‌లు, ఆర్థిక సమస్యలతో సతమతమై ఆత్మహత్య చేసుకున్నారు.
News March 22, 2024
కాంగ్రెస్‌లోకి మాజీ మంత్రి ఇంద్రకరణ్ రెడ్డి?
TG: మాజీ మంత్రి అల్లోల ఇంద్రకరణ్ రెడ్డి బీఆర్ఎస్ పార్టీని వీడుతున్నట్లు తెలుస్తోంది. త్వరలోనే ఆయన కాంగ్రెస్‌లో చేరనున్నట్లు సమాచారం. నిన్న కాంగ్రస్ సీనియర్ నేత జానారెడ్డిని ఆయన కలిశారు. కాంగ్రెస్‌లో చేరికపై వీరిద్దరూ చర్చించుకున్నట్లు తెలుస్తోంది. దీంతో ఆయన హస్తం గూటికి చేరడం పక్కా అని ప్రచారం జరుగుతోంది. దీనిపై ఇంద్రకరణ్ రెడ్డి స్పందించాల్సి ఉంది.
News March 22, 2024
ఐకాన్ స్టార్‌కు అరుదైన గౌరవం
పాన్ ఇండియా స్టార్ అల్లు అర్జున్ మైనపు విగ్రహావిష్కరణకు టైమ్ ఫిక్సయింది. ప్రపంచ ప్రఖ్యాతిగాంచిన మేడమ్‌ టుస్సాడ్స్‌ మ్యూజియంలో ఈనెల 28న రాత్రి 8 గంటలకు ఆవిష్కరించనున్నట్లు నిర్వాహకులు తెలిపారు. ఈ కార్యక్రమం కోసం అల్లు అర్జున్ దుబాయ్ వెళ్లనున్నారు. పుష్ప గెటప్‌లో ఈ విగ్రహం ఉండనున్నట్లు సమాచారం. కాగా ఇప్పటికే మేడమ్‌ టుస్సాడ్స్‌ మ్యూజియంలో హీరోలు ప్రభాస్‌, మహేశ్‌బాబు మైనపు విగ్రహాలు ఏర్పాటు చేశారు.
News March 22, 2024
లిల్లీ పాత్ర తీరే బోల్డ్‌గా ఉంటుంది: డైరెక్టర్
‘టిల్లు స్క్వేర్’ సినిమాలో లిల్లీ పాత్రకు అనుపమ పరమేశ్వరన్ వంద శాతం న్యాయం చేశారని డైరెక్టర్ మల్లిక్ రామ్ చెప్పారు. ‘ఈ సినిమాలో ఆమెది ఛాలెంజింగ్ రోల్. ఆ పాత్ర కోసం చాలా మంది పేర్లను పరిశీలించినా అనుపమే పర్ఫెక్ట్ అనిపించింది. సినిమాలో లిల్లీ పాత్ర తీరే బోల్డ్‌గా ఉంటుంది. ఇది పూర్తిగా కమర్షియల్ మూవీ. ఈ చిత్రంలో ఎలాంటి సందేశం ఉండదు. కొందరి స్వభావం ఎలా ఉంటుందో చూపించాం’ అని డైరెక్టర్ మల్లిక్ తెలిపారు.
News March 22, 2024
VIRAL: వీధి దీపం కింద చదువు
అప్పట్లో అంబేడ్కర్ వీధిదీపాల వెలుతురులో చదువుకున్నారని తెలుసు. అలాంటి అభినవ అంబేడ్కర్ ఫొటో సోషల్ మీడియాలో వైరల్ అవుతోంది. వీధి దీపం కింద ఓ బాలుడు శ్రద్ధగా చదువుకుంటున్న ఫొటోను పారిశ్రామికవేత్త హర్ష గోయెంకా ట్వీట్ చేశారు. ‘విద్య లేని పిల్లలు.. రెక్కల్లేని పక్షి లాంటి వాళ్లు’ అని ఓ సామెతను జత చేశారు. ప్రభుత్వాలు విద్యకు ప్రాధాన్యం ఇవ్వాలని నెటిజన్లు అభిప్రాయపడుతున్నారు.
News March 22, 2024
చరణ్ ఫ్యాన్స్‌కు ట్రిపుల్ ట్రీట్?
మెగా పవర్ స్టార్ రామ్ చరణ్ బర్త్ డే నాడు ఫ్యాన్స్‌కు ట్రిపుల్ ట్రీట్ ఇవ్వనున్నట్లు తెలుస్తోంది. ఈ నెల 27న గేమ్ ఛేంజర్ మూవీ నుంచి రిలీజ్ డేట్, అలాగే RC 26 నుంచి పోస్టర్‌ రానున్నాయి. వీటితోపాటు అదే రోజు సుకుమార్ మూవీ అఫీషియల్ అనౌన్స్‌మెంట్ కూడా చేయనున్నట్లు టాక్. దీంతో చరణ్ పుట్టినరోజున అభిమానులకు ఫుల్ మీల్సేనని సినీవర్గాలు అంటున్నాయి. ప్రస్తుతం రామ్ చరణ్ గేమ్ ఛేంజర్ షూట్‌లో బిజీగా ఉన్నారు.
News March 22, 2024
పవన్‌కు విశ్వసనీయత తక్కువ: మావోయిస్టు నేత గణేశ్
AP: రాష్ట్రంలోని రాజకీయ పార్టీలను ప్రశ్నిస్తూ మావోయిస్టు కీలక నేత గణేశ్ ఓ లేఖ రాశారు. ఇందులో జనసేనపై తీవ్ర విమర్శలు గుప్పించారు. ‘పవన్ కళ్యాణ్‌కు స్థిరమైన రాజకీయ విధానం లేదు. అతడికి విశ్వసనీయత తక్కువ. పార్టీ స్థాపించినప్పుడు తమది కమ్యూనిస్ట్ భావజాలమని చెప్పారు. కానీ ప్రస్తుతం జనసేన రాజకీయ నిరుద్యోగులకు వేదికగా మారింది’ అని ఆయన విమర్శించారు.
Featured News
Sorry, no posts matched your criteria.