India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News January 7, 2025
తెలంగాణ హైకోర్టు సీజే బదిలీకి సిఫార్సు
తెలంగాణ హైకోర్టు సీజే అలోక్ అరాధే బదిలీకి సుప్రీంకోర్టు కొలీజియం సిఫార్సు చేసింది. ఆయనను బాంబే హైకోర్టు సీజేగా బదిలీ చేయాలని ప్రతిపాదించింది. 2023 జులైలో రాష్ట్ర హైకోర్టు సీజేగా అలోక్ నియమితులయ్యారు. మరోవైపు బాంబే హైకోర్టు సీజే దేవేంద్ర కుమార్‌ను ఢిల్లీ HCకి బదిలీ చేయాలని సిఫార్సు చేసింది.
News January 7, 2025
YS జగన్ సమీప బంధువు మృతి
AP: YS జగన్ సమీప బంధువు అభిషేక్ రెడ్డి కన్నుమూశారు. బ్రెయిన్ డెడ్‌తో మూడు నెలల నుంచి కోమాలో ఉన్న ఆయన HYD AIGలో చికిత్స పొందుతూ తుదిశ్వాస విడిచారు. YS ప్రకాశ్ రెడ్డి మనవడు అయిన ఆయన జగన్‌కు సోదరుడి వరుస అవుతారు. 2019 ఎన్నికల్లో కడప జిల్లాలో వైసీపీ విజయం కోసం ఆయన తీవ్రంగా పనిచేశారు. బెంగళూరులో స్కూలు విద్యాభ్యాసం, ఖమ్మం మమతా కాలేజీలో MBBS చదివారు.
News January 7, 2025
ALERT.. రేపటి నుంచి జాగ్రత్త
తెలంగాణలో రానున్న 4 రోజుల పాటు చలి తీవ్రత పెరుగుతుందని వాతావరణ శాఖ హెచ్చరించింది. జనవరి 8 నుంచి 11 వరకు ఉష్ణోగ్రతలు 5 డిగ్రీలు తగ్గుతాయని తెలిపింది. ఆదిలాబాద్, కొమురం భీం, మంచిర్యాల, మెదక్, నిర్మల్, సంగారెడ్డి జిల్లాలకు ఎల్లో అలర్ట్ జారీ చేసింది. ఉదయం వేళ పొగమంచు అధికంగా ఉండే అవకాశం ఉందని పేర్కొంది.
News January 7, 2025
టైమ్ స్లాట్ ప్రకారమే వైకుంఠ ద్వార దర్శనాలు: టీటీడీ ఈవో
AP: తిరుమలలో 10 రోజుల పాటు ప్రత్యేక దర్శనాలు రద్దు చేసినట్లు టీటీడీ ఈవో శ్యామలరావు తెలిపారు. ఈ నెల 10 నుంచి పది రోజుల్లో 7.5 లక్షల మందికి వైకుంఠ ద్వార దర్శనం కల్పించనున్నట్లు పేర్కొన్నారు. 3వేల మంది పోలీసులు, 1500 మంది సిబ్బందితో భద్రత కల్పిస్తామని తెలిపారు. టైమ్ స్లాట్ ప్రకారమే వైకుంఠద్వార దర్శనాలకు రావాలని భక్తులకు విజ్ఞప్తి చేశారు. ఈ రోజుల్లో వీఐపీలు స్వయంగా వస్తే దర్శనం కల్పిస్తామని చెప్పారు.
News January 7, 2025
అంద‌రూ వెళ్లిపోయారు.. కానీ మోదీ ఆట ఇంకా న‌డుస్తోంది: బీజేపీ
2014 నుంచి ఇప్ప‌టి దాకా పలు దేశాల అధ్య‌క్షులు, ప్ర‌ధానులు ఓడినవారు కొంద‌రైతే, వివిధ కార‌ణాల‌తో త‌ప్పుకున్నవారు ఇంకొందరు. ఇలా మోదీ భార‌త ప్ర‌ధానిగా బాధ్య‌తలు చేప‌ట్టాక US మొద‌లుకొని ఆస్ట్రేలియా వరకు ఎంద‌రో దేశాధినేత‌లు ప‌ద‌వుల నుంచి త‌ప్పుకున్నారు. తాజాగా కెన‌డా PM జస్టిన్ ట్రూడో కూడా. దీంతో ‘అంద‌రూ వెళ్లిపోయారు, కానీ PM మోదీ ఆట ఇంకా న‌డుస్తోంది. Ultimate Big Boss Energy!’ అంటూ BJP పేర్కొంది.
News January 7, 2025
రాష్ట్ర ప్రభుత్వాల ‘ఆర్థిక పరిమితుల’పై సుప్రీంకోర్టు తీవ్ర వ్యాఖ్యలు
ఏ పనీ చేయని వ్యక్తులకు ఉచితాలు ఇవ్వడానికి రాష్ట్రాల వద్ద డబ్బులు ఉంటాయని, అదే జడ్జిలకు జీతాలు, పెన్షన్లు చెల్లించాలంటే పరిమితులపై మాట్లాడుతాయని సుప్రీంకోర్టు వ్యాఖ్యానించింది. ‘ఎన్నిక‌లొస్తే మ‌హిళ‌ల‌కు ₹2500 ఇస్తామంటూ ప‌థ‌కాలు ప్ర‌క‌టిస్తారు. వైవిధ్యమైన న్యాయ వ్య‌వ‌స్థ‌ను ఏర్పర‌చాలంటే కొత్త ప్ర‌తిభ‌ను ప్రోత్స‌హించడానికి న్యాయమూర్తుల ఆర్థిక స్వతంత్రత అనివార్యం’ అని జస్టిస్‌ గవాయ్ బెంచ్ పేర్కొంది.
News January 7, 2025
hMPV: ఆంక్షలు విధించిన తొలి జిల్లా
హ్యూమన్ మెటాన్యూమోవైరస్ కేసులతో నీలగిరి జిల్లా (TN) అప్రమత్తమైంది. కర్ణాటక, కేరళ సరిహద్దులున్న ఈ జిల్లాలో ఊటీ సహా పలు పర్యాటక ప్రాంతాలున్నాయి. దీంతో ప్రజల, పర్యాటకుల భద్రత దృష్ట్యా ఫ్లూ లక్షణాలున్న వారు మాస్కు ధరించడాన్ని కలెక్టర్ తన్నీరు లక్ష్మీభవ్య తప్పనిసరి చేశారు. జిల్లా వ్యాప్తంగా ప్రత్యేక సర్వైలెన్స్ టీమ్‌లను రంగంలోకి దింపడంతో పాటు రాష్ట్ర సరిహద్దుల్లో చెక్‌పోస్టులతో తనిఖీలు చేస్తామన్నారు.
News January 7, 2025
ఎన్టీఆర్ వైద్య సేవ బకాయిల చెల్లింపునకు ప్రభుత్వం నిర్ణయం
AP: ఎన్టీఆర్ వైద్య సేవ బకాయిల చెల్లింపునకు ప్రభుత్వం నిర్ణయం తీసుకుంది. ఏపీ నెట్‌వర్క్ ఆసుపత్రులకు రూ.500 కోట్లు ఇవ్వాలని నిర్ణయించినట్లు మంత్రి సత్యకుమార్ యాదవ్ వెల్లడించారు. ఇవాళ నెట్ వర్క్ ఆసుపత్రులతో అధికారులు సమావేశమయ్యారు. ఏప్రిల్ 1 నుంచి బీమా పద్ధతిలో ఎన్టీఆర్ వైద్య సేవ అందించాలని డిసైడ్ చేశారు. మరోవైపు బకాయిలు చెల్లించాలని డిమాండ్ చేస్తూ ఆసుపత్రులు వైద్య సేవలను నిలిపివేసిన సంగతి తెలిసిందే.
News January 7, 2025
గిల్‌కు అంత సీన్ లేదు: మాజీ సెలక్టర్
శుభ్‌మన్ గిల్ ఓ ఓవర్‌రేటెడ్ క్రికెటర్ అని, ఆయనకు భారత్ అన్ని అవకాశాలు ఇవ్వాల్సిన అవసరం లేదని మాజీ సెలక్టర్ కృష్ణమాచారి శ్రీకాంత్ అభిప్రాయపడ్డారు. ‘నేను ఇప్పటికే చాలాసార్లు చెప్పాను. నా మాట ఎవరూ వినలేదు. గిల్‌కు అంత సీన్ లేదు. అతడి బదులు సూర్యకుమార్, రుతురాజ్, సాయి సుదర్శన్ వంటి వారిని ప్రోత్సహించాలి. ప్రతిభావంతులకు బదులు గిల్‌కు ఛాన్సులిస్తున్నారు’ అని వ్యాఖ్యానించారు.
News January 7, 2025
తెలుగులో ట్వీట్ చేసిన ప్రధాని మోదీ
రేపు, ఎల్లుండి ఆంధ్రప్రదేశ్, ఒడిశా రాష్ట్రాల్లో పర్యటించనున్న ప్రధాని మోదీ, ఆ విషయాన్ని రెండు రాష్ట్రాల భాషల్లో ట్వీట్ చేశారు. ‘విశాఖపట్నంలో వివిధ అభివృద్ధి పనుల ప్రారంభోత్సవాల్లో పాల్గొంటాను. విశాఖపట్నం ప్రజల మధ్య సమయం గడిపేందుకు ఎదురుచూస్తున్నాను. అనకాపల్లి జిల్లాలో భారీ ఔషధ పరిశ్రమ, కృష్ణ పట్నం పారిశ్రామిక ప్రాంతం (KRIS సిటీ) శంకుస్థాపన కార్యక్రమాలలో కూడా పాల్గొంటాను’ అని పేర్కొన్నారు.
Featured News
Sorry, no posts matched your criteria.