India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 21, 2024
అమెరికాలో ‘బోర్గ్ డ్రింకింగ్’ ట్రెండ్.. యువతపై ఎఫెక్ట్!
అమెరికా కాలేజీల్లో ప్రమాదకర ‘బోర్గ్ డ్రింకింగ్’ ట్రెండ్ విస్తరిస్తోంది. బోర్గ్ అంటే గ్యాలన్‌(3.78లీటర్లు) సైజు పాత్రలో అధిక మోతాదులో ఆల్కహాల్‌తో పాటు రుచి తెలియకుండా హానికర రసాయనాలతో చేసిన పానీయం. దీనిని తాగడం ఆరోగ్యానికి హానికరమని వైద్యులు హెచ్చరిస్తున్నారు. ఇప్పటికే ప్రభుత్వాలు, కాలేజీ యాజమాన్యాలు అవగాహన సదస్సులు చేపట్టినా.. కొన్ని ప్రాంతాల్లో ఇంకా కొనసాగడం ఆందోళన కలిగిస్తోంది.
News May 21, 2024
నేను నిర్దోషిని.. విచారణకు సిద్ధం: బ్రిజ్
మహిళా రెజ్లర్లపై లైంగిక వేధింపులకు పాల్పడ్డారనే ఆరోపణలను BJP MP, WFI మాజీ చీఫ్ బ్రిజ్ భూషన్ కొట్టిపారేశారు. తాను నిర్దోషినని నిరూపించేందుకు తన దగ్గర సాక్ష్యాలున్నాయన్నారు. ఈ కేసులో అతడిపై ఇప్పటికే ఛార్జ్ షీట్ దాఖలైంది. కాగా.. విచారణకు తాను సిద్ధమని ఆయన స్పష్టం చేశారు. తనను దోషిగా తేల్చాల్సిన బాధ్యత ఢిల్లీ పోలీసులపై ఉందన్నారు. ఆరోపణలతో తాను MP టికెట్ కోల్పోయినా.. తన కొడుక్కి అవకాశం వచ్చిందన్నారు.
News May 21, 2024
విమానంలో కుదుపులు.. వ్యక్తి మృతి
లండన్ నుంచి సింగపూర్ వెళ్తున్న సింగపూర్ ఎయిర్‌లైన్స్ విమానం భారీ కుదుపులకు గురైంది. ఈ ఘటనలో ఒక వ్యక్తి ప్రాణాలు కోల్పోయాడు. మరో 30 మంది గాయపడ్డారు. వెంటనే అప్రమత్తమైన సిబ్బంది విమానాన్ని బ్యాంకాక్‌లో అత్యవసర ల్యాండింగ్ చేశారు. క్షతగాత్రులను ఆసుపత్రికి తరలించారు. విమానంలో 211 మంది ప్రయాణికులు, 18 మంది సిబ్బంది ఉన్నట్లు తెలుస్తోంది.
News May 21, 2024
వీణా అంబరీశ్ జీవితం స్ఫూర్తిదాయకం: VVS
మాజీ క్రికెటర్ వీవీఎస్ లక్ష్మణ్ ఓ దివ్యాంగురాలు వీణా అంబరీశ్‌కి సంబంధించిన స్ఫూర్తిదాయక స్టోరీని ట్విటర్‌లో పంచుకున్నారు. ‘17ఏళ్ల వయసులో భరతనాట్యం కళాకారిణి వీణా అంబరీష్ ప్రమాదంలో కాలు కోల్పోయారు. దీంతో ఉద్యోగంలో ఎక్కువసేపు కూర్చోలేకపోయారు. కుకింగ్‌పై ఉన్న ప్రేమ దోశ స్టాల్‌ను ఏర్పాటు చేసేలా చేసింది’ అని చెప్పారు. జీవితంలో ఎన్ని కష్టాలొచ్చినా ధైర్యంగా ముందుకు సాగాలని ఆమె నిరూపించారని కొనియాడారు.
News May 21, 2024
ఎవరు మైనర్లు.. ఎవరు మేజర్లు? చట్టాలు మార్చాలా..?(2/2)
కొన్ని చోట్ల హత్యలు చేయించేందుకు కుర్రాళ్లను వాడుకుంటున్నారు రౌడీ షీటర్లు. నేరం తీవ్రత బట్టి వయసుతో సంబంధం లేకుండా శిక్షలు ఎందుకు విధించకూడదు? కనీసం జువెనైల్ అన్న పదానికి చట్టంలో వయసును 15కు ఎందుకు తగ్గించకూడదు? సులువుగా నేరం చేసి జువెనైల్ హోంలో కులాసాగా గడిపి బయటికొచ్చే అదే కుర్రాడు ఆ తర్వాత మరింత కరుడుగట్టిన నేరస్థుడు కాడని ఏదీ గ్యారంటీ? ఇప్పుడిదే చర్చ సర్వత్రా నడుస్తోంది. మీరేమంటారు?
News May 21, 2024
ఎవరు మైనర్లు.. ఎవరు మేజర్లు? చట్టాలు మార్చాలా..?(1/2)
17 ఏళ్ల కుర్రాడు. లగ్జరీ కారుతో ఢీకొట్టి ఇద్దరి ప్రాణాలను తీసేశాడు. మరో కేసులో 16 ఏళ్ల కుర్రాడు ఓ యువతిని గర్భవతిని చేశాడు. ప్రపంచవ్యాప్తంగా సంచలనం రేపిన ఢిల్లీ నిర్భయ కేసులో రేపిస్టుల్లో ప్రధాన దోషి మైనరే. 18ఏళ్ల లోపు వారిని పిల్లలుగానే పరిగణిస్తుంది మన చట్టం. మరి నేడు 18 ఏళ్లలోపు వారు పిల్లల్లా ప్రవర్తిస్తున్నారా? తీవ్రనేరాలు చేసినా జువెనైల్ పేరిట తక్కువ శిక్షతో తప్పించుకుంటున్నారు. (1/2)
News May 21, 2024
ELIMINATOR: అదే జరిగితే RCB ఇంటికే?
IPLలో భాగంగా రేపు ఎలిమినేటర్‌లో ఆర్సీబీ, ఆర్ఆర్ జట్లు తలపడనున్నాయి. సోమవారం అహ్మదాబాద్‌లో మోస్తరు వర్షం కురిసింది. ఒకవేళ రేపు కూడా మ్యాచ్ జరిగే సమయంలో వర్షం పడి, రిజర్వ్‌డ్ డే రోజు కూడా అదే పరిస్థితి కొనసాగి మ్యాచ్ రద్దయితే పాయింట్ల పట్టికలో ముందున్న రాజస్థాన్ (17 పాయింట్లు) క్వాలిఫయర్-2కు అర్హత సాధిస్తుంది. అదే సమయంలో ఆర్సీబీ (14 పాయింట్లు) ఇంటి దారి పట్టనుంది.
News May 21, 2024
లిక్కర్ స్కామ్ కేసులో సప్లిమెంటరీ ఛార్జ్‌షీట్‌పై విచారణ
ఢిల్లీ లిక్కర్ స్కామ్ కేసులో ఈడీ దాఖలు చేసిన ఏడో సప్లిమెంటరీ ఛార్జ్‌షీట్‌పై సీబీఐ ప్రత్యేక కోర్టులో విచారణ జరిగింది. కవితతో సహా ఐదుగురు నిందితులపై ఛార్జ్‌షీటును పరిగణనలోకి తీసుకునే అంశంపై తుది ఉత్తర్వులను ఈ నెల 29న వెలువరించనున్నట్లు న్యాయమూర్తి కావేరీ బవేజా తెలిపారు. మరోవైపు 28న కేజ్రీవాల్‌పై దాఖలైన సప్లిమెంటరీ ఛార్జ్‌షీట్‌పై వాదనలు ప్రారంభం కానున్నాయి.
News May 21, 2024
ఓటీటీలోకి వచ్చేస్తోన్న విశాల్ ‘రత్నం’
హీరో విశాల్, ‘సింగం’ డైరెక్టర్ హరి కాంబినేషన్లో తెరకెక్కిన చిత్రం ‘రత్నం’. గత నెల 26న థియేటర్లలో విడుదలైన ఈ మూవీ మాస్ ప్రేక్షకులను ఆకట్టుకుంది. ఈ సినిమా ఈ నెల 23న ఓటీటీలోకి రానుంది. అమెజాన్ ప్రైమ్‌లో తెలుగు, తమిళ భాషల్లో అందుబాటులో ఉంటుందని చిత్ర యూనిట్ ప్రకటించింది. ఈ మూవీలో ప్రియా భవానీ శంకర్ హీరోయిన్‌గా నటించారు.
News May 21, 2024
$5 ట్రిలియన్ల క్లబ్‌లో ఇండియన్ స్టాక్ మార్కెట్
చరిత్రలో తొలిసారి భారత స్టాక్ మార్కెట్ $5 ట్రిలియన్ల క్లబ్‌లో చేరింది. 6 నెలల కాలంలోనే ఏకంగా 1 ట్రిలియన్ డాలర్ల సంపద సృష్టించి రికార్డు నెలకొల్పింది. ఆ ఫలితంగా చరిత్రలో తొలిసారి ఈరోజు 5 ట్రిలియన్ డాలర్ల క్లబ్‌లో చేరింది. లోక్‌సభ ఎన్నికల నేపథ్యంలో విదేశీ పెట్టుబడులు ప్రతికూలంగా ఉన్నప్పటికీ ఈ ఫీట్ సాధించింది. బాంబే స్టాక్ ఎక్స్చేంజ్ మొత్తం మార్కెట్ విలువ రూ.414.75లక్షల కోట్లకు చేరిందని అంచనా.
Featured News
Sorry, no posts matched your criteria.