India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 2, 2024
ఇంగ్లండ్ క్రికెటర్‌కు గుండె జబ్బు.. 23 ఏళ్లకే రిటైర్మెంట్
ఇంగ్లండ్ కౌంటీ క్రికెటర్ బెన్ వెల్స్ 23 ఏళ్లకే ఆటకు రిటైర్మెంట్ ప్రకటించారు. అతను అరిథమిక్ రైట్ వెంట్రిక్యులర్ కార్డియోమయోపతి(AVRC)తో బాధపడుతున్నారు. ఈ వ్యాధి ఉన్నవారు పరిగెత్తడం, వ్యాయామం లాంటి శారీరక శ్రమకు దూరంగా ఉండాలి. దీంతో తప్పనిసరి పరిస్థితుల్లో ఆటకు గుడ్‌బై చెప్పారు. వికెట్ కీపర్, బ్యాటర్ అయిన వెల్స్ 2021 నుంచి 9 టీ20లు, ఓ ఫస్ట్ క్లాస్ మ్యాచ్, 15 లిస్ట్-A మ్యాచ్‌లు ఆడారు.
News May 2, 2024
ATMలో కొత్త మోసం!
ATMలో కొత్త తరహా మోసానికి పాల్పడుతున్న ముఠాను ఢిల్లీ పోలీసులు అరెస్ట్ చేశారు. సెక్యూరిటీ లేని ATMలో CC కెమెరాలకు స్ప్రే చల్లి మెషిన్‌లోని కార్డు రీడర్ తొలగిస్తారు. కస్టమర్ కార్డు పెట్టగానే ఇరుక్కుపోతుంది. పిన్ ఎంటర్ చేస్తే కార్డు బయటకు వస్తుందని నమ్మిస్తారు. కానీ కార్డు రాకపోవటంతో బ్యాంకుకు వెళ్లాలని సూచిస్తారు. కస్టమర్ వెళ్లిపోగానే కేటుగాళ్లు పిన్ ఎంటర్ చేసి డబ్బులు డ్రా చేసేస్తారు.
News May 2, 2024
ప్రజ్వల్ రేవణ్ణపై లుక్ అవుట్ నోటీసులు
లైంగిక ఆరోపణలు ఎదుర్కొంటున్న కర్ణాటకలోని హసన్ ఎంపీ ప్రజ్వల్ రేవణ్ణపై సిట్ లుక్ అవుట్ నోటీసులు జారీ చేసింది. ఆయన భారత్‌లో అడుగుపెట్టగానే పోలీసులు కస్టడీలోకి తీసుకుంటారు. ప్రస్తుతం ఆయన జర్మనీలో ఉన్నట్లు తెలుస్తోంది. కాగా, ఈ కేసులో విచారణకు హాజరు కావాలని సిట్ రేవణ్ణకు నిన్న నోటీసులు ఇచ్చింది. తాను బెంగళూరులో లేనందున విచారణకు రాలేనని, వారం రోజులు సమయం కావాలని ప్రజ్వల్ ట్వీట్ చేశారు.
News May 2, 2024
విశాఖ స్టీల్ ప్లాంట్‌పై మోదీ క్లారిటీ ఇవ్వాలి: మంత్రి అమర్నాథ్
AP: విశాఖ స్టీల్ ప్లాంట్ ప్రైవేటీకరణకు వైసీపీ వ్యతిరేకమని మంత్రి గుడివాడ అమర్నాథ్ స్పష్టం చేశారు. త్వరలో అనకాపల్లికి వస్తోన్న ప్రధాని మోదీ.. ఈ అంశంపై బీజేపీ విధానం ఏంటో చెప్పాలని డిమాండ్ చేశారు. అప్పుడే ప్రజలు కూటమిని విశ్వసిస్తారన్నారు. కాగా ఈసారి గాజువాక అభివృద్ధి కోసం ప్రజల సూచనలతో లోకల్ మేనిఫెస్టోను తయారుచేస్తున్నట్లు ఆయన ప్రకటించారు.
News May 2, 2024
యువరాజును ప్రధాని చేయడానికి పాక్ తహతహలాడుతోంది: మోదీ
కాంగ్రెస్ నేత రాహుల్ గాంధీపై పాకిస్థాన్ మాజీ మంత్రి ఫవాద్ చౌదరీ ప్రశంసలు కురిపించిన నేపథ్యంలో PM మోదీ తీవ్ర విమర్శలు చేశారు. ‘పాకిస్థాన్, కాంగ్రెస్ మధ్య బంధం బయటపడింది. మైక్రోస్కోప్‌లో వెతికినా దేశంలో కాంగ్రెస్ కనబడట్లేదు. యువరాజు ప్రధాని కావాలని పాక్ నేతలు ప్రార్థనలు చేస్తున్నారు. ఏ రాజ్యాంగాన్ని పట్టుకుని తిరుగుతున్నారో దానిని మీ హయాంలో జమ్మూకశ్మీర్‌లో ఎందుకు అమలు చేయలేదు’ అని ప్రశ్నించారు.
News May 2, 2024
రూ.2వేల కోట్ల నగదు పట్టివేత
AP: అనంతపురం జిల్లా పామిడి వద్ద నాలుగు కంటైనర్లలో తరలిస్తున్న కరెన్సీని పోలీసులు పట్టుకున్నారు. ఒక్కో కంటైనర్‌లో రూ.500 కోట్లు ఉన్నట్లు ప్రాథమికంగా గుర్తించారు. మొత్తం రూ.2 వేల కోట్లను కొచ్చి నుంచి హైదరాబాద్ ఆర్బీఐకి తీసుకెళ్తున్నట్లు అధికారులు చెబుతున్నారు. కరెన్సీ తరలింపు రికార్డులను పోలీసులు పరిశీలిస్తున్నారు.
News May 2, 2024
ట్రంప్ vs బైడెన్.. నిపుణులు ఏమంటున్నారంటే?
డొనాల్డ్ ట్రంప్‌కు మహిళల మద్దతు పెరిగిందంటున్నారు ప్రముఖ విశ్లేషకుడు అలన్ లిచ్‌మన్. ‘జాతీయ పోలింగ్ సగటులో బైడెన్‌తో పోలిస్తే ట్రంప్ 1.5% ముందంజలో ఉన్నారు. లీగల్ ట్రబుల్స్ ప్రభావం అంతగా లేదు. నల్లజాతి విద్యావంతుల్లో ఆదరణ పెరిగింది’ అని తెలిపారు. చివరి 10 ఎన్నికల్లో 9సార్లు ఆయన జోస్యం ఫలించింది. 13 అంశాల ఆధారంగా గెలుపోటముల్ని అంచనా వేసే అలన్‌ను US అధ్యక్ష ఎన్నికల నోస్ట్రడామస్‌‌గా పేర్కొంటారు.
News May 2, 2024
ల్యాండర్, రోవర్ ఫొటోలు విడుదల చేసిన ఇస్రో
చంద్రయాన్-3 మిషన్‌లో భాగంగా గతేడాది ఆగస్టు 23న జాబిల్లిపై విక్రమ్ ల్యాండర్ విజయవంతంగా దిగి చరిత్ర సృష్టించిన విషయం తెలిసిందే. చంద్రుడిపై 14 రోజుల పాటు సేవలందించిన విక్రమ్ ల్యాండర్, ప్రగ్యాన్ రోవర్ తర్వాత నిద్రావస్థలోకి వెళ్లాయి. తాజాగా ల్యాండర్, రోవర్‌ను ఫొటో తీసినట్లు ఇస్రో తెలిపింది. ఈ మేరకు వాటిని విడుదల చేసింది. మార్చి 15న ఓ ఉపగ్రహం సాయంతో సుమారు 65KM దూరం నుంచి ఈ చిత్రాలు తీసినట్లు తెలిపింది.
News May 2, 2024
టీ20 వరల్డ్ కప్‌కు పాక్ టీమ్ ప్రకటన
బాబర్ ఆజమ్ కెప్టెన్‌గా టీ20 వరల్డ్ కప్‌కు పాకిస్థాన్ జట్టును ప్రకటించింది. 18 మంది సభ్యులకు టీమ్‌లో చోటు కల్పించింది.
జట్టు: బాబర్ ఆజమ్, అమీర్, షాహీన్, ఆజం ఖాన్, ఫఖర్, రౌఫ్, హసన్ అలీ, ఇఫ్తికర్, ఇమాద్ వసీం, అబ్బాస్ అఫ్రీది, రిజ్వాన్, ఇర్ఫాన్ ఖాన్, నసీమ్, అయూబ్, సల్మాన్ అఘా, అబ్రార్, షాదాబ్, ఉస్మాన్ ఖాన్
News May 2, 2024
మోదీకి మద్దతిచ్చినందుకు క్షమించండి: ఠాక్రే
మహారాష్ట్రలోని శివసేన(UBT) అధినేత ఉద్ధవ్ ఠాక్రే రాష్ట్ర ప్రజలను క్షమాపణ కోరారు. గతంలో తాను ప్రధాని మోదీకి మద్దతిచ్చినందుకు ప్రజలంతా తనను క్షమించాలని అన్నారు. మోదీ ప్రభుత్వం మహారాష్ట్రకు ద్రోహం చేసిందని ఆయన ఆరోపించారు. ఎన్నికల ప్రచారంలో భాగంగా ఆయన 2019 నాటి రోజులను ప్రస్తావించారు. అప్పుడు శివసేన, బీజేపీ కలిసి పోటీ చేసిన విషయం తెలిసిందే.
Featured News
Sorry, no posts matched your criteria.