India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 4, 2024
డీజీపీ, సీఎస్‌ను వెంటనే బదిలీ చేయాలి: కనకమేడల
AP DGP, CSలను వెంటనే బదిలీ చేయాలని కేంద్ర ఎన్నికల సంఘాన్ని TDP నేత కనకమేడల రవీంద్రకుమార్ డిమాండ్ చేశారు. ‘వీరిద్దరినీ బదిలీ చేసి APలో శాంతిభద్రతలు కాపాడాలి. ఇతర రాష్ట్రాల నుంచి అబ్జర్వర్లను పంపాలి. రాష్ట్రంలో కేవలం 14 నియోజకవర్గాలను మాత్రమే సమస్యాత్మక ప్రాంతాలుగా ఈసీ గుర్తించింది. ఈ లిస్టులో పులివెందుల పేరు లేదు. సమస్యాత్మక ప్రాంతాలు, నియోజకవర్గాలను గుర్తించి స్పెషల్ ఫోర్స్ ఇవ్వాలి’ అని కోరారు.
News May 4, 2024
రోహిత్‌శర్మకు ఏమైంది?
T20WC ముంగిట టీమ్ ఇండియా అభిమానుల్లో కలవరం మొదలైంది. రోహిత్‌శర్మ నిన్న కోల్‌కతాతో మ్యాచ్‌లో ఫీల్డింగ్‌కు రాలేదు. ముంబై జట్టు అతడిని ఇంపాక్ట్ ప్లేయర్‌‌గా బ్యాటింగ్‌కు దించింది. రోహిత్ వెన్నెముక సమస్యతో ఇబ్బంది పడుతున్నారట. ఇదే విషయాన్ని మేనేజ్మెంట్‌తో చెప్పడంతో అతడికి ముందు జాగ్రత్తగా వర్క్ లోడ్ తగ్గించిందట. కెప్టెన్ సమస్య తీవ్రం కాకూడదని అభిమానులు కోరుకుంటున్నారు.
News May 4, 2024
పైకొకటి.. లోపల ఇంకోటి..
రాజకీయ పార్టీలు ఏ పక్షపాతం లేకుండా అన్ని వర్గాల వారికి అవకాశం కల్పిస్తున్నామని చెబుతుంటాయి. అయితే.. అదంతా పైకి మాత్రమేననే భావన చాలామందిలో ఉంటోంది. ఫలానా పార్టీ అని కాకుండా దాదాపు అన్ని పార్టీలు కులమతాలు, డబ్బు, పలుకుబడి ప్రాతిపదికనే టికెట్లు కేటాయిస్తున్నాయనే ఆరోపణలూ వినిపిస్తున్నాయి. ఈ విషయం ఆయా పార్టీల కార్యకర్తలకు సైతం తెలిసినా ఒప్పుకోరు. మీ ప్రాంతంలో ఇలాంటి పరిస్థితే ఉందా? కామెంట్ చేయండి.
News May 4, 2024
RCBvsGT: ఫ్యాన్స్‌కు గుడ్‌న్యూస్
బెంగళూరు, గుజరాత్ ఫ్యాన్స్‌కు వాతావరణ శాఖ గుడ్‌న్యూస్ చెప్పింది. ఇవాళ్టి మ్యాచ్‌కు వర్షం ముప్పు లేదని తెలిపింది. శుక్రవారం అక్కడ భారీ వర్షం కురిసింది. దీంతో చిన్నస్వామి స్టేడియంలో పిచ్‌ను కవర్లతో కప్పి ఉంచారు. ఇవాళ ఆకాశం మేఘావృతమై ఉన్నా వర్షం పడే ఛాన్స్ లేదంది. కాగా ఇప్పటివరకు ఇరుజట్లు చెరో 10 మ్యాచులాడగా GT నాలుగు, RCB మూడింట్లో గెలిచాయి. ప్లేఆఫ్స్ రేసులో నిలవాలంటే గుజరాత్‌కి ఈ మ్యాచ్ కీలకం.
News May 4, 2024
భూవివాదంలో మంత్రి బొత్స కుమారుడు సందీప్ పేరు
TG: రంగారెడ్డి జిల్లాలో ఓ భూవివాదం ఘటనలో AP మంత్రి బొత్స సత్యనారాయణ కుమారుడు సందీప్ పేరు బయటకొచ్చింది. షాబాద్(మ) మాచన్‌పల్లి సర్వే నం.442లోని 31 ఎకరాల భూమిని ఫోర్జరీ ద్వారా రికార్డులు తారుమారు చేశారని మహేందర్ అనే వ్యక్తి హైకోర్టులో పిటిషన్ వేశారు. తారుమారైన రికార్డుల్లోని భూమిని కొందరితో కలిసి బొత్స సందీప్ కొన్నారని ప్రతివాదిగా చేర్చారు. దీనిపై విచారణను జూన్ 5వ తేదీకి కోర్టు వాయిదా వేసింది.
News May 4, 2024
ఫేక్ న్యూస్‌ని గుర్తించండి ఇలా!
Way2News పాపులారిటీని కొందరు దుర్వినియోగం చేస్తున్నారు. మా లోగోతో ఫేక్ వార్తలు వైరల్ చేస్తున్నారు. వాటిని విశ్వసిస్తే ఇబ్బంది పడే ప్రమాదముంది. Way2News లోగోతో మీరు పొందే ఫార్వర్డ్ స్క్రీన్‌షాట్లను సులువుగా వెరిఫై చేయొచ్చు. మా ప్రతి వార్తకు యునిక్ కోడ్ ఉంటుంది. fc.way2news.comలో ఆ కోడ్ ఇస్తే సేమ్ ఆర్టికల్ చూపాలి. లేదంటే ఆ స్క్రీన్‌షాట్ ఫేక్. అలాంటి వాటిని grievance@way2news.comకు మెయిల్ చేయండి.
News May 4, 2024
నిజ్జర్ హత్య.. ఆ ముగ్గురూ భారతీయులే?
ఖలిస్థానీ ఉగ్రవాది నిజ్జర్ హత్య కేసులో కెనడా ముగ్గురిని అరెస్ట్ చేసిన విషయం తెలిసిందే. తాజాగా ఈ ముగ్గురూ భారతీయులని పేర్కొంటూ వారి ఫొటోలను రిలీజ్ చేసింది. నిందితులు కరణ్ బ్రార్ (22), కమల్‌ప్రీత్ సింగ్ (22), కరణ్‌ప్రీత్ సింగ్ (28)గా పేర్కొంది. వీరికి భారత ప్రభుత్వానికి సంబంధం ఉందా? అనే కోణంలో దర్యాప్తు చేస్తున్నామని తెలిపింది. కాగా నిజ్జర్ హత్య వెనుక భారత్ ఉందని కెనడా ఆరోపిస్తోంది.
News May 4, 2024
ఎల్లుండి నుంచి వర్షాలు
TG: ఈ నెల 6వ తేదీ నుంచి రాష్ట్రంలో తేలికపాటి నుంచి మోస్తరు వర్షాలు కురుస్తాయని HYD వాతావరణ కేంద్రం వెల్లడించింది. ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, జనగాం, యాదాద్రి భువనగిరి, రంగారెడ్డి, నాగర్‌కర్నూల్ జిల్లాల్లో ఉరుములు, మెరుపులు, గంటకు 30-40KM వేగంతో ఈదురుగాలులతో కూడిన వర్షాలు కురుస్తాయని తెలిపింది. గత కొద్దిరోజులుగా రాష్ట్రంలో భారీ ఉష్ణోగ్రతలు నమోదవుతున్నాయి.
News May 4, 2024
ఘోరం: బాత్రూమ్‌లో బిడ్డను కని.. రోడ్డు మీదకు విసిరేసింది!
ఆమె ఓ ఎంబీఏ విద్యార్థిని. పెళ్లి కాకుండానే తల్లైంది. తాజాగా బాత్రూమ్‌లో జన్మనిచ్చింది. ఆ రహస్యాన్ని దాచాలన్న భయం, ఆమెలోని మాతృహృదయాన్ని మరుగుపరిచింది. బిడ్డను ఓ పార్సిల్ కవర్‌లో పెట్టి అమానుషంగా రోడ్డుమీదకు విసిరేసింది. అటుగా వెళ్తున్నవారు రోడ్డుపై మృత శిశువును గుర్తించి పోలీసులకు సమాచారమిచ్చారు. కవర్‌పై ఉన్న చిరునామా నిందితురాలిని పట్టించింది. కేరళలోని కొచ్చిన్‌లో ఈ దారుణం జరిగింది.
News May 4, 2024
IPL: మిగతా మ్యాచులకు దీపక్ చాహర్ దూరం?
IPL-2024లో మిగతా మ్యాచులకు CSK బౌలర్ దీపక్ చాహర్ దూరమయ్యే అవకాశం ఉన్నట్లు cricbuzz తెలిపింది. తొడ కండరాల గాయంతో అతను PBKSతో మ్యాచులో తొలి ఓవర్లోనే మైదానాన్ని వీడిన సంగతి తెలిసిందే. మెడికల్ టీమ్ రిపోర్ట్ వచ్చాక అతణ్ని ఆడించాలా లేదా అనేది నిర్ణయిస్తామని ఆ జట్టు యాజమాన్యం తెలిపింది. మరోవైపు LSG పేసర్ మయాంక్ యాదవ్ కూడా ఈ సీజన్‌లో మిగతా మ్యాచులకు దూరం కానున్నట్లు క్రీడా వర్గాలు పేర్కొంటున్నాయి.
Featured News
Sorry, no posts matched your criteria.