India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 14, 2024
రైల్వేలో 4,660 పోలీస్ ఉద్యోగాలు.. కొన్ని గంటలే గడువు
RPFలో 4,660 పోలీస్ ఉద్యోగాల(SI-452, కానిస్టేబుల్-4,208)కు దరఖాస్తు గడువు ఇవాళ రాత్రి 11.59 గంటలతో ముగియనుంది. SI పోస్టులకు డిగ్రీ, 20-28 ఏళ్ల వయసు, కానిస్టేబుల్ అభ్యర్థులు 18-28 ఏళ్ల వయసు, టెన్త్ పాసై ఉండాలి. ఆన్‌లైన్‌ టెస్టు, ఫిజికల్ టెస్టుల ఆధారంగా అభ్యర్థులను ఎంపిక చేస్తారు. SIలకు ₹35,400, కానిస్టేబుళ్లకు ₹21,700 ప్రారంభ వేతనం ఉంటుంది.
సైట్: <
News May 14, 2024
DHFL మాజీ డైరెక్టర్ అరెస్ట్.. జ్యుడీషియల్ కస్టడీ
డీహెచ్‌ఎఫ్‌ఎల్ మాజీ డైరెక్టర్ ధీరజ్ వాధవాన్‌ను సీబీఐ అధికారులు ముంబైలో అరెస్ట్ చేశారు. రూ.34,000 కోట్ల బ్యాంకు మోసం కేసులో ఆయన ప్రమేయం ఉన్నట్లు ఆరోపణలు వచ్చాయి. దీంతో వాధావాన్‌ను అరెస్ట్ చేసిన సీబీఐ అధికారులు ఢిల్లీలోని కోర్టు ముందు హాజరుపరిచారు. ఆయనకు కోర్టు జ్యుడీషియల్ కస్టడీ విధించినట్లు సీబీఐ వెల్లడించింది.
News May 14, 2024
TG: రానున్న 2 గంటల్లో వర్షం
తెలంగాణలోని పలు జిల్లాల్లో రానున్న 2 గంటల్లో వర్షం కురిసే అవకాశం ఉందని హైదరాబాద్ వాతావరణ కేంద్రం తెలిపింది. MBNR, ములుగు, నాగర్‌కర్నూల్, నల్గొండ, నారాయణపేట్, రంగారెడ్డి, సూర్యాపేట, వికారాబాద్, యాదాద్రి భువనగిరి జిల్లాల్లోని పలు ప్రాంతాల్లో వాన పడే ఛాన్స్ ఉందని పేర్కొంది. కాగా ఇప్పటికే రాష్ట్రంలోని పలు ప్రాంతాల్లో వర్షం కురిసింది.
News May 14, 2024
ఆసుపత్రిలో చికిత్స పొందుతున్న పులివర్తి నాని
AP: కొందరు వైసీపీ కార్యకర్తలు చేసిన దాడిలో గాయపడ్డ చంద్రగిరి టీడీపీ ఎమ్మెల్యే అభ్యర్థి పులివర్తి నాని ఆసుపత్రిలో చికిత్స పొందుతున్నారు. ప్రస్తుతం ఆయన ఆరోగ్యం నిలకడగా ఉంది. ఇదే దాడిలో నాని గన్‌మెన్ కూడా గాయపడ్డారు. అతడిని ఓ వ్యక్తి సమ్మెటతో దాడి చేయగా.. కణత భాగంలో గాయమైంది.
News May 14, 2024
హోర్డింగ్ కూలిన ఘటన.. వెలుగులోకి కీలక విషయాలు
ముంబైలో హోర్డింగ్ <<13244596>>కుప్పకూలిన<<>> ఘటనలో ‘ఇగో మీడియా’ యాడ్ ఏజెన్సీ యజమాని భవేశ్ భిండేపై కేసు నమోదైంది. అతడి గురించి పలు విషయాలు వెలుగులోకి వచ్చాయి. అక్రమంగా హోర్డింగ్‌లు పెట్టినందుకు భవేశ్‌కు 20సార్లకు పైగా అధికారులు ఫైన్ విధించారు. కుప్పకూలిన హోర్డింగ్‌కూ అతను అనుమతి తీసుకోలేదట. ఆ ప్రాంతంలో అనుమతి ఉన్న గరిష్ఠ పరిమాణం కన్నా అది 9 రెట్లు పెద్దదని తేలింది. ప్రస్తుతం నిందితుడు పరారీలో ఉన్నాడు.
News May 14, 2024
సీఎం రేవంత్ రెడ్డి కీలక ప్రకటన
TG: రేషన్ దుకాణాల్లో ఎక్కువ వస్తువులు తక్కువ ధరకు పంపిణీ చేస్తామని CM రేవంత్ రెడ్డి ప్రకటించారు. నిన్నటితో రాజకీయ కార్యకలాపాలు ముగిశాయన్న ఆయన.. రేపటి నుంచి పూర్తిస్థాయిలో పరిపాలనపై దృష్టి పెడతానన్నారు. రైతు రుణమాఫీ, విద్యార్థులకు పుస్తకాలు, యూనిఫామ్‌లు, సన్నబియ్యం పంపిణీపై సమీక్షిస్తానని చెప్పారు. ఫార్మర్ వెల్ఫేర్ కార్పొరేషన్ ఏర్పాటు చేసి, దాని ద్వారా రుణం పొంది రుణమాఫీ చేస్తామని CM వివరించారు.
News May 14, 2024
ఏపీలో 81.3% శాతం పోలింగ్?
AP: రాష్ట్రంలో రికార్డు స్థాయి పోలింగ్ నమోదైనట్లు తెలుస్తోంది. నిన్న జరిగిన ఎన్నికల్లో మొత్తంగా 81.3% శాతం పోలింగ్ నమోదైనట్లు సమాచారం. దీనిపై కాసేపట్లో రాష్ట్ర ఎన్నికల ప్రధానాధికారి ముకేశ్ కుమార్ మీనా అధికారిక ప్రకటన చేసే అవకాశముంది. 2019 ఎన్నికల్లో 79.6% కంటే ఈసారి 1.7 శాతం ఎక్కువ పోలింగ్ నమోదవడం గమనార్హం.
News May 14, 2024
కంగనా రనౌత్ ఆస్తులు ఎన్నంటే?
హిమాచల్‌ప్రదేశ్‌‌లోని మండి లోక్‌సభ స్థానం నుంచి బీజేపీ అభ్యర్థిగా పోటీ చేస్తున్న నటి కంగనా రనౌత్ తనకు రూ.91.50 కోట్ల విలువైన ఆస్తులు ఉన్నట్లు ప్రకటించారు. అందులో రూ.28.73 కోట్ల చర.. రూ.62.92 కోట్ల స్థిరాస్తులు ఉన్నాయి. ఆమె పేరిట ₹17.38 కోట్ల అప్పు ఉంది. అఫిడవిట్ ప్రకారం ఆమె వద్ద 6 కిలోల బంగారు, 60 కిలోల వెండి, ₹3 కోట్లు విలువచేసే వజ్రాభరణాలు ఉన్నాయి. కంగనా రనౌత్‌పై 8 క్రిమినల్ కేసులు నమోదయ్యాయి.
News May 14, 2024
TGలో 3రోజుల పాటు వర్షాలు: IMD
తెలంగాణలోని పలు జిల్లాల్లో రాబోయే 3రోజుల పాటు తేలికపాటి నుంచి మోస్తరు వర్షాలు కురుస్తాయని హైదరాబాద్ వాతావరణ కేంద్రం తెలిపింది. నేడు, రేపు కొన్ని జిల్లాల్లో ఉరుములు, మెరుపులతో పాటు గంటకు 30-40కి.మీ.ల వేగంతో ఈదురుగాలులు వీస్తాయని పేర్కొంది. శుక్రవారం ఉరుములు, మెరుపులతో గంటకు 40-50కి.మీ.ల వేగంతో ఈదురు గాలులతో కూడిన తేలికపాటి నుంచి మోస్తరు వర్షాలు కురుస్తాయని తెలిపింది.
News May 14, 2024
IPL: టాస్ గెలిచిన లక్నో
ఢిల్లీతో మ్యాచ్‌లో లక్నో టాస్ గెలిచింది. కెప్టెన్ కేఎల్ రాహుల్ బౌలింగ్ ఎంచుకున్నారు.
LSG: రాహుల్, డికాక్, స్టోయినిస్, దీపక్ హుడా, నికోలస్ పూరన్, కృనాల్ పాండ్య, యుధ్వీర్ సింగ్, అర్షద్ ఖాన్, బిష్ణోయ్, నవీన్, మోసిన్ ఖాన్
DC: పోరెల్, జేక్ ఫ్రేజర్, హోప్, పంత్, స్టబ్స్, అక్షర్, గుల్బాదిన్ నాయబ్, రసిక్, ముకేశ్ కుమార్, కుల్దీప్ యాదవ్, ఖలీల్ అహ్మద్
Featured News
Sorry, no posts matched your criteria.