India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 14, 2024
IPL: టాస్ గెలిచిన లక్నో
ఢిల్లీతో మ్యాచ్‌లో లక్నో టాస్ గెలిచింది. కెప్టెన్ కేఎల్ రాహుల్ బౌలింగ్ ఎంచుకున్నారు.
LSG: రాహుల్, డికాక్, స్టోయినిస్, దీపక్ హుడా, నికోలస్ పూరన్, కృనాల్ పాండ్య, యుధ్వీర్ సింగ్, అర్షద్ ఖాన్, బిష్ణోయ్, నవీన్, మోసిన్ ఖాన్
DC: పోరెల్, జేక్ ఫ్రేజర్, హోప్, పంత్, స్టబ్స్, అక్షర్, గుల్బాదిన్ నాయబ్, రసిక్, ముకేశ్ కుమార్, కుల్దీప్ యాదవ్, ఖలీల్ అహ్మద్
News May 14, 2024
రెసిడెన్షియల్ స్కూళ్లు, కాలేజీ ప్రవేశ పరీక్షల ఫలితాలు విడుదల
AP: రెసిడెన్షియల్ స్కూళ్లు, జూనియర్, డిగ్రీ కాలేజీల్లో ప్రవేశాలకు నిర్వహించిన పరీక్షల ఫలితాలు విడుదలయ్యాయి. <
News May 14, 2024
పల్నాడులో ఘర్షణలు.. రంగంలోకి ఎస్పీ!
AP: ఎన్నికల అనంతరం మాచర్ల నియోజకవర్గం పరిధిలోని కారంపూడిలో ఘర్షణలు తలెత్తాయి. దీంతో పల్నాడు ఎస్పీ బిందు మాధవ్ కాసేపట్లో మాచర్ల రానున్నట్లు తెలుస్తోంది. ఉద్రిక్తతలు కొనసాగే అవకాశం ఉండటంతో ఎస్పీ మాచర్లలోనే మకాం వేస్తారట. శాంతి భద్రతలు అదుపులోకి వచ్చే వరకు ఆయన అక్కడే ఉంటారని విశ్వసనీయ వర్గాల సమాచారం.
News May 14, 2024
స్వాతి మాలీవాల్ ఆరోపణలు నిజమే.. చర్యలు తీసుకుంటాం: AAP
ఢిల్లీ సీఎం అరవింద్ కేజ్రీవాల్ పీఏ తనతో అసభ్యకరంగా ప్రవర్తించాడని ఆప్ ఎంపీ స్వాతి మాలీవాల్ చేసిన ఆరోపణలను ఆ పార్టీ నేత సంజయ్ సింగ్ ధ్రువీకరించారు. ‘కేజ్రీవాల్‌ను కలిసేందుకు స్వాతి ఆయన ఇంటికి వెళ్లారు. బయట డ్రాయింగ్ రూమ్‌లో వెయిట్ చేస్తుండగా ఆయన పీఏ ఆమెతో అసభ్యంగా ప్రవర్తించాడు. దీనిని సీఎం తీవ్రంగా పరిగణించారు. తగిన చర్యలు తీసుకుంటారు’ అని తెలిపారు.
News May 14, 2024
TDP నేత జేసీ ప్రభాకర్‌రెడ్డిపై ED ఛార్జ్‌షీట్
మనీలాండరింగ్ కేసులో టీడీపీ సీనియర్ లీడర్ జేసీ ప్రభాకర్‌రెడ్డిపై ED ఛార్జ్‌షీట్ దాఖలు చేసింది. ఈ కేసులో మొత్తం 17 మందిపై ప్రాసిక్యూషన్ కంప్లైట్ ఫైల్ చేసింది. కాగా.. జేసీ.ప్రభాకర్ రెడ్డి కంపెనీలకు చెందిన వాహనాలకు నాగాలాండ్, కర్ణాటక, ఏపీలో తప్పుడు ధ్రువపత్రాలతో రిజిస్ట్రేషన్ చేయించినట్లు ఆరోపణలున్నాయి. ఈ కేసులో 2022లో జేసీ ఆస్తులను ఈడీ అటాచ్ చేసింది.
News May 14, 2024
ఇన్‌డీడ్‌లో భారీగా ఉద్యోగాల కోత
జాబ్ లిస్టింగ్ కంపెనీ ఇన్‌డీడ్‌ 2200 (15%) మంది ఉద్యోగులను తొలగిస్తున్నట్లు ప్రకటించింది. జాబ్ మార్కెట్‌లో ఉద్యోగ అవకాశాలు తగ్గడంతో నిర్వహణ భారం తగ్గించుకునేందుకు ఈ నిర్ణయం తీసుకున్నట్లు సంస్థ తెలిపింది. బాధిత ఉద్యోగులకు పరిహారంగా ప్యాకేజ్ అందిస్తామని సంస్థ సీఈఓ క్రిస్ హ్యామ్స్ వెల్లడించారు. ప్రస్తుతం సంస్థ ముందున్న సవాళ్లను ఎదుర్కోవడంపై దృష్టి సారించనున్నట్లు పేర్కొన్నారు.
News May 14, 2024
ఆంధ్ర రణరంగం
దాడులు.. ప్రతిదాడులతో ఏపీ అట్టుడుకుతోంది. పోలింగ్ వేళ పలు ప్రాంతాల్లో నిన్న మొదలైన హింస నేటికీ కొనసాగుతోంది. రాళ్లు, కత్తులు, నాటు బాంబులతో జరుగుతున్న దాడులు రాష్ట్ర ప్రతిష్ఠను దిగజారుస్తున్నాయి. పోలీసులు, ఆయా పార్టీల నేతలు గాయాలతో ఆసుపత్రి పాలవుతుండగా సామాన్య ప్రజలు బెంబేలెత్తుతున్నారు. ప్రశాంతంగా ఉన్న రాష్ట్రం రణరంగంలా మారుతుండటంతో దేశానికి ఏం సందేశం ఇస్తున్నారంటూ నెటిజన్లు ప్రశ్నిస్తున్నారు.
News May 14, 2024
మోదీ ఆస్తులు ఎన్నంటే?
ప్రధాని మోదీ BJP నుంచి MP అభ్యర్థిగా వారణాసిలో నామినేషన్ దాఖలు చేశారు. ఈ సందర్భంగా అఫిడవిట్‌లో తన ఆస్తుల వివరాలు పొందుపరిచారు. తన చేతిలో రూ.52,920 నగదు ఉన్నట్లు తెలిపారు. బ్యాంకు అకౌంట్లో రూ.80,304, FD రూ.2,85,60,338, 4 గోల్డ్ రింగ్స్(రూ.2.67లక్షలు), పలు ఇన్సూరెన్స్ పాలసీలు మొత్తం కలిపి సుమారు రూ.3కోట్ల ఆస్తులు ఉన్నాయన్నారు. కాగా.. తన సతీమణి ఆస్తులను ఆయన పేర్కొనలేదు.
News May 14, 2024
అద్భుతం.. మనసులో అనుకుంటే డీకోడ్ చేస్తుంది
వైద్య రంగంలో మరో అద్భుతాన్ని సైంటిస్టులు ఆవిష్కరించారు. మనిషి ఆలోచనలను 79% కచ్చితత్వంతో డీకోడ్ చేశారు. ఇందుకోసం T&C చెన్ బ్రెయిన్ మిషన్‌ను కాల్టెక్ అనే సంస్థ అభివృద్ధి చేసింది. మానసిక రుగ్మతలతో బాధపడుతున్న వారికి ఇది ఎంతో సహాయం చేస్తుందని శాస్త్రవేత్తలు చెబుతున్నారు. పరిశోధనలో భాగంగా ఇద్దరు వ్యక్తుల బ్రెయిన్‌లో చిన్న డివైజ్‌లను అమర్చారు. అవి సిగ్నల్స్‌ను అర్థం చేసుకుని పదాల రూపంలోకి మార్చుతాయి.
News May 14, 2024
గవర్నర్‌కు చంద్రబాబు లేఖ
AP: గవర్నర్ జస్టిస్‌ అబ్దుల్ నజీర్‌కు టీడీపీ అధినేత చంద్రబాబు లేఖ రాశారు. జగన్ ప్రభుత్వం చివరి నిమిషంలో చేసే బిల్లుల చెల్లింపులను ఆపాలని ఆ లేఖలో కోరారు. బినామీ కాంట్రాక్టర్లకు చెల్లింపులు చేసేందుకు సీఎం జగన్ సిద్ధమయ్యారని పేర్కొన్నారు. లబ్ధిదారులకు రావాల్సిన నిధులు బినామీ కాంట్రాక్టర్లకు చెల్లిస్తున్నారని ఆరోపించారు. ఇలా జరిగితే రాష్ట్ర ఆర్థిక పరిస్థితిపై ప్రతికూల ప్రభావం పడుతుందని వివరించారు.
Featured News
Sorry, no posts matched your criteria.