India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 14, 2024
వారణాసి ప్రజలకు సేవ చేయడం గౌరవంగా భావిస్తున్నా: మోదీ
చారిత్రక వారణాసి లోక్‌సభ అభ్యర్థిగా నామినేషన్ దాఖలు చేయడం సంతోషంగా ఉందని ప్రధాని మోదీ ట్వీట్ చేశారు. ఇక్కడి ప్రజలకు సేవ చేయడం గౌరవంగా భావిస్తున్నానన్నారు. ప్రజల ఆశీస్సులతో పదేళ్లుగా అద్భుతమైన విజయాలు సాధించామని పేర్కొన్నారు. రానున్న రోజుల్లో అభివృద్ధి కార్యక్రమాలు మరింత వేగవంతం కానున్నాయని చెప్పారు.
News May 14, 2024
2-3 లక్షల మెజార్టీతో గెలుస్తున్నా: డీకే అరుణ
TG: యువత, SC, ST, BCలు తమకు అండగా నిలిచారని మహబూబ్‌నగర్ BJP MP అభ్యర్థి DK అరుణ చెప్పారు. CM రేవంత్ 8సార్లు జిల్లాలో ప్రచారం చేసినా, కాంగ్రెస్ నేతలు భయపెట్టినా ప్రజలు తమవైపే నిలిచారని తెలిపారు. తాను 2-3 లక్షల మెజార్టీతో గెలుస్తానని ధీమా వ్యక్తం చేశారు. రాష్ట్రంలో 12 స్థానాల్లో తమ పార్టీ విజయం సాధించబోతోందన్నారు. కేంద్ర సహకారంతో రాష్ట్రంలో జరిగిన అభివృద్ధిని ప్రజలకు వివరించామని పేర్కొన్నారు.
News May 14, 2024
భవిష్యత్తులో కాంగ్రెస్‌లో బీఆర్ఎస్ విలీనం: లక్ష్మణ్
TG: రుణమాఫీ చేయకుంటే కాంగ్రెస్ ప్రభుత్వానికి ఆగస్టు సంక్షోభం తప్పదని బీజేపీ నేత లక్ష్మణ్ అన్నారు. సీఎం రేవంత్ రెడ్డి అలవిగాని హామీలు ఇచ్చారని మండిపడ్డారు. రేవంత్ కూడా కేసీఆర్ బాటలోనే నడుస్తున్నారని, గ్యారంటీల అమలు కోసం విచ్చలవిడిగా అప్పులు చేస్తున్నారని ఆరోపించారు. భవిష్యత్తులో కాంగ్రెస్‌లో బీఆర్ఎస్ విలీనం అవుతుందని లక్ష్మణ్ జోస్యం చెప్పారు.
News May 14, 2024
RCBని కాపాడేది ‘18’ ఒక్కటే
వరుస గెలుపులతో ప్లేఆఫ్స్ రేసులో నిలిచిన రాయల్ ఛాలెంజర్స్ బెంగళూరు జట్టు కీలక మ్యాచ్ ఆడనుంది. అయితే, ప్లేఆఫ్స్‌‌కు క్వాలిఫై కావాలంటే జెర్సీ నెం.18 కలిగిన కోహ్లీ టీమ్‌ ఈనెల 18న చెన్నైపై 18 పరుగుల తేడాతో గెలుపొందాలి. లేదా 18.1 ఓవర్లలో టార్గెట్‌ను ఛేదించాల్సి ఉంది. దీంతో ఆర్సీబీని కాపాడేది ‘18’ నంబర్ ఒక్కటే అంటూ అభిమానులు ట్వీట్స్ చేస్తున్నారు.
News May 14, 2024
YCP రౌడీలు దాడులు చేస్తున్నారు: CBN
పోలింగ్ అనంతరం కూడా వైసీపీ శ్రేణులు దాడులకు పాల్పడుతున్నాయని టీడీపీ అధినేత చంద్రబాబు నాయుడు ఆరోపించారు. ‘నిన్నటి పోలింగ్‌లో వైసీపీ గూండాల దాడులను టీడీపీ కార్యకర్తలు ధైర్యంగా ఎదురించారు. పోలింగ్ అనంతరం కూడా వైసీపీ రౌడీలు దాడులకు తెగబడుతున్నారు. పల్నాడు, చంద్రగిరి సహా పలుచోట్ల ఇప్పటికీ ఉద్రిక్త పరిస్థితులు నెలకొన్నాయి. ఈసీ, పోలీసులు రాష్ట్రంలో శాంతి భద్రతలను పునరుద్ధరించాలి’ అని CBN కోరారు.
News May 14, 2024
ఎమ్మెల్సీ కవితకు మరోసారి బిగ్ షాక్
ఢిల్లీ లిక్కర్ పాలసీ కేసులో అరెస్టయిన MLC కవిత జుడీషియల్ కస్టడీని కోర్టు మరోసారి పొడిగించింది. ఈడీ కేసులో ఈనెల 20 వరకు కస్టడీని పొడిగిస్తూ తీర్పునిచ్చింది. మరోవైపు ఈడీ దాఖలు చేసిన 8 పేజీల సప్లిమెంటరీ ఛార్జ్‌షీట్‌ను పరిగణనలోకి తీసుకునే అంశంపై ఈనెల 20న విచారణ చేపడతామని జడ్జి చెప్పారు. కాగా ఇప్పటికే CBI కేసులో కవితకు కోర్టు ఈనెల 20 వరకు కస్టడీ విధించిన విషయం తెలిసిందే.
News May 14, 2024
ఎన్నికలు పూర్తికాగానే నెట్‌వర్క్ ఛార్జీల పెంపు?
టెలికాం సంస్థలు ఎన్నికల తర్వాత బిల్లులను పెంచాలని ప్లాన్ చేస్తున్నట్లు యాక్సిస్ క్యాపిటల్ వెల్లడించింది. 25% వరకు ఛార్జీలు పెంచి, యూజర్ల నుంచి వచ్చే సగటు ఆదాయాన్ని (ARPU) పెంచుకోవాలని సంస్థలు భావిస్తున్నట్లు తెలిపింది. దీంతో టెలికాం ఆపరేటర్లకు ARPUలో 16% వృద్ధి నమోదవుతుందని పేర్కొంది. అయితే యూజర్లపై పెద్దగా భారం పడకపోవచ్చని యాక్సిస్ క్యాపిటల్ అంచనా వేసింది.
News May 14, 2024
81శాతం పోలింగ్ నమోదు కావొచ్చు: ముకేశ్ కుమార్
AP: రాష్ట్రంలో మొత్తం 81శాతం పోలింగ్ నమోదు కావొచ్చని సీఈవో ముకేశ్ కుమార్ మీనా అభిప్రాయపడ్డారు. 1.2శాతం పోస్టల్ బ్యాలెట్ ఓట్లతో కలుపుకొని ఇప్పటివరకు 79.40శాతం పోలింగ్ నమోదైనట్లు చెప్పారు. సాయంత్రానికి పూర్తి వివరాలు వస్తాయన్నారు. కొన్ని పోలింగ్ కేంద్రాల్లో రాత్రి 2 గంటల వరకు ఓట్లు వేశారని మీనా వివరించారు.
News May 14, 2024
ఇండోనేషియాలో వరదలు.. 50 మంది మృతి
ఇండోనేషియాలోని పశ్చిమ సుమాత్ర ప్రావిన్స్‌లో సంభవించిన వరదలకు 50 మంది ప్రాణాలు కోల్పోయారు. కుండపోత వర్షాలు, మరాపీ అగ్నిపర్వతం తాలూకు కొండచరియలు విరిగిపడటంతో నదులు ఉప్పొంగినట్లు అధికారులు వెల్లడించారు. వరదల ధాటికి అనేక ఇళ్లు ధ్వంసం కాగా పలు ప్రాంతాలు నీట మునిగాయి. కాగా గల్లంతైన 27 మంది ఆచూకీ కోసం సహాయక సిబ్బంది గాలిస్తున్నారు.
News May 14, 2024
ఈ ఏడాది తొలి గ్రాండ్ మాస్టర్‌గా శ్యామ్ నిఖిల్
తమిళనాడుకు చెందిన శ్యామ్ నిఖిల్ చరిత్ర సృష్టించారు. దుబాయ్ పోలీస్ మాస్టర్స్ ఫైనల్ రౌండ్ గేమ్‌ను డ్రా చేసుకోవడం‌తో తుది జీఎం నార్మ్‌ సాధించి గ్రాండ్ మాస్టర్‌గా నిలిచారు. 12 ఏళ్ల నిరీక్షణ తర్వాత ఆయన ఈ ఘనత అందుకున్నారు. దీంతో ఈ ఏడాది గ్రాండ్ మాస్టర్‌గా నిలిచిన తొలి భారత చెస్ ప్లేయర్‌గా రికార్డుకెక్కారు. దీంతో శ్యామ్‌కు అభినందనలు వెల్లువెత్తాయి. శ్యామ్ భారత్ తరఫున 85వ గ్రాండ్ మాస్టర్ కావడం విశేషం.
Featured News
Sorry, no posts matched your criteria.