India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 18, 2024
జూనియర్ NTR కొత్త లుక్
జూనియర్ ఎన్టీఆర్ లేటెస్ట్ లుక్ వైరల్ అవుతోంది. ‘దేవర’ సినిమా షూటింగ్ కోసం ఆయన తన ఫిట్‌నెస్ ట్రైనర్‌తో కలిసి గోవాకు బయలుదేరారు. విమానంలో టీషర్ట్, జీన్స్‌లో తారక్ సూపర్ స్టైలిష్‌గా కనిపించారు. గోవాలో 10 రోజుల పాటు చిత్రీకరణ ఉండే అవకాశం ఉంది. రూ.300 కోట్ల భారీ బడ్జెట్‌తో తెరకెక్కుతోన్న ఈ మూవీకి కొరటాల డైరక్టర్. ఈ సినిమా అక్టోబర్ 10, 2024న థియేటర్లలో విడుదల కానుంది.
News March 18, 2024
జగన్ కుల, మత రాజకీయాలపై పడ్డారు: CBN
AP: జగన్ ముఖంలో ఓటమి భయం కొట్టొచ్చినట్లు కనబడుతోందని చంద్రబాబు అన్నారు. మైనార్టీ హక్కుల పరిరక్షణ సమితి, ముస్లిం సంఘాల నేతలు CBNను కలిశారు. అన్ని అస్త్రాలు పోయి.. జగన్ కుల, మత రాజకీయాలపై పడ్డారని మాజీ సీఎం విమర్శించారు. జనసేనతో పొత్తు సమయంలో కుల రాజకీయాలు చేసి జగన్ బోల్తాపడ్డారని, బీజేపీతో పొత్తు అనంతరం మత రాజకీయానికి వైసీపీ తెరతీసిందని మండిపడ్డారు. ముస్లింలకు మేలు చేసేది టీడీపీనే అని చెప్పారు.
News March 18, 2024
మొబైల్ నంబర్ పోర్టింగ్‌కు నయా రూల్.. జులై 1 నుంచి అమలు
మొబైల్ నంబర్ మార్చకుండా వేరే నెట్‌వర్క్‌కు మారేందుకు మొబైల్ నెంబర్ పోర్టబిలిటీ(MNP) విషయంలో ట్రాయ్ కొత్త నిబంధన తీసుకొచ్చింది. సిమ్ కార్డ్ స్వాప్ లేదా రీప్లేస్ చేసిన ఏడు రోజుల వరకు వేరే నెట్‌వర్క్‌కు మారడాన్ని నిలిపివేసింది. సిమ్ స్వాప్ పేరుతో జరిగే మోసాలను అరికట్టేందుకు ఈ నిర్ణయం తీసుకుంది. జులై 1 నుంచి కొత్త నిబంధనలు అమల్లోకి రానున్నాయి.
News March 18, 2024
నిన్నటి ‘ప్రజాగళం’ పూర్తిగా విఫలం: సజ్జల
AP: పదేళ్ల తర్వాత కొత్త నాటకానికి తెరలేపారని టీడీపీ-జనసేన-బీజేపీ కూటమిపై ప్రభుత్వ సలహాదారు సజ్జల రామకృష్ణారెడ్డి విమర్శలు చేశారు. ‘ఎన్నికలు వచ్చినప్పుడు పొత్తులు పెట్టుకోవడం.. హామీలు ఇవ్వడం వీరికి అలవాటుగా మారింది. వాటిని నెరవేర్చకుండా తిరిగి ఏ ముఖం పెట్టుకుని కలిశారు? అధికారంలోకి రావాలనే ఆత్రుత చంద్రబాబుకు ఎక్కువైంది. నిన్నటి ‘ప్రజాగళం’ సభ పూర్తిగా విఫలమైంది’ అని అన్నారు.
News March 18, 2024
OTTలో రికార్డు సృష్టించిన ‘హనుమాన్’
ప్రశాంత్ వర్మ డైరెక్షన్‌లో తేజా సజ్జ హీరోగా నటించిన హనుమాన్ మూవీ ఓటీటీలోనూ అదరగొడుతోంది. కేవలం 11 గంటల్లోనే 102 మిలియన్ స్ట్రీమింగ్ మినట్స్ నమోదైనట్లు జీ5 వెల్లడించింది. ఈ ఏడాది ఇదే రికార్డని తెలిపింది. ప్రపంచవ్యాప్తంగా నంబర్-1 స్థానంలో ట్రెండింగ్ అవుతోందని పేర్కొంది. కాగా థియేటర్లలో ఈ మూవీ దాదాపు రూ.350 కోట్లను కలెక్ట్ చేసిన విషయం తెలిసిందే.
News March 18, 2024
ఫోన్‌లోనే ఓటర్ IDలో పేరు మార్చుకోవచ్చు
ఎన్నికల సంఘం అధికారిక వెబ్‌సైట్‌లోకి వెళ్లి ఫాం-8 నింపి ఓటరు కార్డులో కొన్ని మార్పులు చేసుకోవచ్చు. అందులో పేరు, వయస్సు, చిరునామా, ఫొటో, పుట్టిన తేదీ, తండ్రి/భర్త పేరు, లింగం వంటివి ఉంటాయి. వాటిని మార్చుకొనేందుకు సంబంధిత కొన్ని ధ్రువపత్రాలు అప్లోడ్ చేయాల్సి ఉంటుంది. ఆ తర్వాత మీకు ఒక రిఫరెన్స్ నంబర్ వస్తుంది. దాన్ని ఉపయోగించి మీ అప్లికేషన్ స్టేటస్ తెలుసుకోవచ్చు.
> https://voterportal.eci.gov.in
News March 18, 2024
అభ్యర్థులకు సరిపడా సమయం ఉంది: CM జగన్
AP: వైసీపీ రీజనల్ కో-ఆర్డినేటర్లకు ఆ పార్టీ అధినేత, సీఎం జగన్ కీలక సూచనలు చేశారు. ‘అభ్యర్థులకు సరిపడా సమయం ఉంది. ఈ సమయాన్ని సద్వినియోగం చేసుకోవాలి. ప్రతి సచివాలయాన్ని సందర్శించి, ప్రజల ఆశీర్వాదం తీసుకోవాలి. “సిద్ధం” సభల తరహాలోనే బస్సు యాత్ర కూడా విజయవంతం అయ్యేలా చర్యలు తీసుకోవాలి’ అని సూచించారు.
News March 18, 2024
బ్యాటర్‌గా బరిలోకి దిగనున్న రాహుల్!
క్రికెటర్ కేఎల్ రాహుల్ పూర్తి ఫిట్‌నెస్ సాధించినట్లు తెలుస్తోంది. ఇటీవల ఇంగ్లండ్‌తో టెస్ట్ మ్యాచ్ సందర్భంగా తొడ కండరాలు పట్టేయడంతో బెంగళూరులోని NCAలో చేరారు. అక్కడ వైద్యుల పర్యవేక్షణలో కోలుకోవడంతో ఈ ఐపీఎల్ ఆడేందుకు అతడికి ఎన్‌సీఏ గ్రీన్ సిగ్నల్ ఇచ్చినట్లు సమాచారం. అయితే ప్రారంభంలోని కొన్ని మ్యాచ్‌లకు కీపింగ్ చేయొద్దని సూచించినట్లు వార్తలొస్తున్నాయి. రాహుల్ LSGకి కెప్టెన్‌గా ఉన్న విషయం తెలిసిందే.
News March 18, 2024
ఈ నెల 26న ‘మగధీర’ రీరిలీజ్!
రాజమౌళి, రామ్ చరణ్ కాంబినేషన్లో తెరకెక్కి సంచలనం సృష్టించిన మూవీ ‘మగధీర’. 2009లో విడుదలైన ఈ సినిమా టాలీవుడ్‌లో రికార్డులను తిరగరాసింది. ఈ నెల 26న చరణ్ జన్మదినాన్ని పురస్కరించుకొని తెలుగు రాష్ట్రాల్లో ఈ సినిమాను రీరిలీజ్ చేసేందుకు సన్నాహాలు చేస్తున్నట్లు సినీ వర్గాలు పేర్కొన్నాయి. దీంతో మరోసారి ఈ మాస్టర్ పీస్‌ను చూసే అవకాశాన్ని మిస్ చేసుకోవద్దని అభిమానులు ట్వీట్లు చేస్తున్నారు.
News March 18, 2024
రూ.1.5లక్షలు లంచం తీసుకుంటూ..
TS: హైదరాబాద్ నిజాంపేట మున్సిపల్ కార్పొరేషన్‌కు చెందిన టౌన్ ప్లానింగ్ అధికారి ఎం. శ్రీనివాసరావు ఏసీబీ వలలో చిక్కారు. రోడ్డుకు అడ్డంగా ఉన్న ఓ టీ షాపును, ‘చెన్నపట్నం చీరలు’ బోర్డును కూల్చివేయకుండా ఉండేందుకు ఆయన శ్రీరాములు అనే వ్యక్తి వద్ద రూ.1.5లక్షలు తీసుకున్నారు. ఈ క్రమంలో ఆయన అధికారులకు రెడ్ హ్యాండెడ్‌గా చిక్కారు.
Featured News
Sorry, no posts matched your criteria.