India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 25, 2024
కొడుకు హిజ్రాను ప్రేమించాడని పేరెంట్స్ ఆత్మహత్య
AP: హిజ్రాతో కొడుకు ప్రేమ వ్యవహారం నడుపుతున్నాడని తెలిసి తల్లిదండ్రులు అవమానంతో ఆత్మహత్య చేసుకున్న విషాద ఘటన నంద్యాలలో జరిగింది. సుబ్బరాయుడు, సరస్వతి దంపతుల కొడుకు సునీల్ బీటెక్ ఫస్టియర్ ఫెయిలై ఆటో డ్రైవర్లతో తిరుగుతున్నాడు. ఈక్రమంలోనే ఓ హిజ్రాతో చనువుగా ఉంటున్నాడని పేరెంట్స్ అతడిని మందలించారు. హిజ్రా గ్యాంగ్ వారి షాపునకు వచ్చి బూతులు తిడుతూ హంగామా చేశారు. దీంతో పురుగుమందు తాగి చనిపోయారు.
News December 25, 2024
రేపు సీఎం రేవంత్‌ను కలుస్తాం: దిల్ రాజు
టాలీవుడ్ డైరెక్టర్లు, నిర్మాతలు అందరం కలిసి రేపు సీఎం రేవంత్‌ను కలుస్తామని FDC ఛైర్మన్ దిల్ రాజు తెలిపారు. అల్లు అరవింద్‌తోపాటు వెళ్లి కిమ్స్‌లో శ్రీతేజ్‌ను పరామర్శించారు. అనంతరం ఆయన మాట్లాడారు. ‘శ్రీతేజ్ ఆరోగ్యం కుదుటపడుతోంది. వెంటిలేటర్ లేకుండా చికిత్స అందిస్తున్నారు. అల్లు అర్జున్, సుకుమార్, మైత్రీ మూవీ మేకర్స్ కలిసి రూ.2కోట్లు రేవతి కుటుంబానికి అందిస్తున్నారు’ అని దిల్ రాజు వ్యాఖ్యానించారు.
News December 25, 2024
టెస్టు ర్యాంకింగ్స్: తొలి స్థానంలో బుమ్రా
ఐసీసీ టెస్టు ర్యాంకింగ్స్‌లో భారత స్టార్ బౌలర్ బుమ్రా తొలి స్థానానికి ఎగబాకారు. 904 పాయింట్లతో మొదటి స్థానంలో నిలిచారు. దీంతో అశ్విన్ అత్యధిక రేటింగ్ పాయింట్ల రికార్డును సమం చేశారు. టాప్-10లో భారత్ నుంచి అశ్విన్(5), జడేజా(10) ఉన్నారు. ఇక టెస్టు బ్యాటర్లలో రూట్ తొలి స్థానంలో ఉండగా భారత్ నుంచి జైస్వాల్(5) మాత్రమే టాప్-10లో ఉన్నారు. జట్ల పరంగా ఆస్ట్రేలియా, భారత్ తొలి రెండు స్థానాల్లో ఉన్నాయి.
News December 25, 2024
భర్తతో లవ్ స్టోరీ బయటపెట్టిన PV సింధు
ఈ నెల 22న సన్నిహితుల సమక్షంలో రాజస్థాన్‌లో పెళ్లి చేసుకున్న బ్యాడ్మింటన్ స్టార్ ప్లేయర్ తన లవ్ స్టోరీని బయటపెట్టారు. వెంకట దత్త సాయితో తొలి చూపులోనే ప్రేమలో పడ్డట్లు తెలిపారు. 2022 అక్టోబర్‌లో తొలి సారి సాయిని విమానంలో కలిసినట్లు పేర్కొన్నారు. ఆ ప్రయాణమే తమను మరింత క్లోజ్ చేసిందన్నారు. నిశ్చితార్థం కూడా అతికొద్ది సన్నిహితుల సమక్షంలోనే జరిగినట్లు వెల్లడించారు.
News December 25, 2024
మెదక్ చర్చిలో క్రిస్మస్ వేడుకల్లో సీఎం రేవంత్
TG: మెదక్ చర్చి వందేళ్ల వేడుక జరుపుకోవడం సంతోషంగా ఉందని సీఎం రేవంత్ రెడ్డి అన్నారు. ఇందిరమ్మ రాజ్యంలో అన్ని వర్గాలకు న్యాయం జరుగుతుందన్నారు. మెదక్ చర్చిలో క్రిస్మస్ వేడుకల్లో పాల్గొన్న ఆయనకు పాస్టర్లు చర్చి నమునాను జ్ఞాపికగా అందజేశారు. ఈ సందర్భంగా పలు అభివృద్ధి పనులకు శంకుస్థాపన చేశారు.
News December 25, 2024
ఆ సమయంలో శ్రీదేవీ నాతో మాట్లాడలేదు: బోనీ కపూర్
పెళ్లి ప్రతిపాదన తీసుకురావడంతో శ్రీదేవి తనతో ఆరు నెలల పాటు మాట్లాడలేదని నిర్మాత బోనీ కపూర్ చెప్పారు. ఇద్దరు పిల్లల తండ్రిగా ఉండి, అలా ఎలా మాట్లాడుతున్నారని ఆ సమయంలో ప్రశ్నించినట్లు గుర్తు చేశారు. ముందుగా తానే శ్రీదేవికి ప్రపోజ్ చేసినట్లు వెల్లడించారు. తన చివరి రోజు వరకు ఆమెను ప్రేమిస్తూ ఉంటానని పేర్కొన్నారు. 2018లో శ్రీదేవి దుబాయ్‌లో మరణించిన సంగతి తెలిసిందే. వీరిద్దరికి జాన్వీ, ఖుషీ కపూర్ సంతానం.
News December 25, 2024
‘మా’ సభ్యులకు మంచు విష్ణు కీలక సూచన
సినీ పరిశ్రమ తరలింపు ప్రచారం నేపథ్యంలో ‘మా’ అసోసియేషన్ అధ్యక్షుడు మంచు విష్ణు ప్రకటన విడుదల చేశారు. ప్రభుత్వాల మద్దతుతోనే చిత్ర పరిశ్రమ ఎదిగిందని, HYDలో తెలుగు సినీ పరిశ్రమ స్థిరపడటానికి అప్పటి సీఎం చెన్నారెడ్డి ప్రోత్సాహం ఉందని చెప్పారు. ప్రస్తుత పరిస్థితుల నేపథ్యంలో సున్నిత విషయాలపై ‘మా’ సభ్యులు స్పందించవద్దని కోరారు. ఇటీవల జరిగిన ఘటనలపై చట్టం తన పని తాను చేసుకుపోతుందని పేర్కొన్నారు.
News December 25, 2024
మహిళల కోసమే రూ.3.27లక్షల కోట్లు
భారత్‌లో జెండర్ బడ్జెటింగ్ పాలసీ అమలుకు 20 ఏళ్లు పూర్తయ్యాయి. 2014లో కేటాయింపులను 4.5 నుంచి 6.8 శాతానికి పెంచిన మోదీ ప్రభుత్వం FY25లో ఏకంగా 18.9%కి చేర్చిందని RBI నివేదిక పేర్కొంది. దీని విలువ రూ.3.27L కోట్లని వెల్లడించింది. కేంద్ర బడ్జెట్‌ను 3 పార్టులుగా విభజిస్తారు. పార్ట్ Aలో పూర్తిగా PMAY, LPG కనెక్షన్ వంటి మహిళల స్కీములే ఉంటాయి. పార్ట్ B, Cలో కనీసం 30% నిధులు వారి సంక్షేమం కోసం మళ్లిస్తారు.
News December 25, 2024
క్రిస్మస్ అటాక్స్: నల్లసముద్రం మీదుగా రక్తం పారించిన రష్యా
ప్రపంచమంతా క్రిస్మస్ వేడుకలు జరుగుతుంటే ఉక్రెయిన్‌లో మాత్రం రక్తం పారుతోంది. డ్రోన్ దాడులకు రష్యా ప్రతీకారం తీర్చుకుంటోంది. ప్రధాన నగరాలే లక్ష్యంగా బాలిస్టిక్, క్రూయిజ్ మిసైళ్లను ప్రయోగిస్తోంది. విద్యుత్, ఇంధన కేంద్రాలను ధ్వంసం చేస్తోంది. ఈ దాడుల్లో కొందరు మరణించినట్టు సమాచారం. బుధవారం ఉదయం నుంచే నల్లసముద్రం మీదుగా శత్రువు మిసైళ్లను ప్రయోగించినట్టు ఉక్రెయిన్ ఎనర్జీ మినిస్టర్ ధ్రువీకరించారు.
News December 25, 2024
ఏడుపాయల అమ్మవారిని దర్శించుకున్న సీఎం
TG: మెదక్ పర్యటనలో భాగంగా సీఎం రేవంత్ రెడ్డి ఏడుపాయల వనదుర్గ భవాని అమ్మవారిని దర్శించుకున్నారు. ఆలయ అర్చకులు ఆయనకు పూర్ణకుంభంతో స్వాగతం పలికారు. తర్వాత మెదక్ చర్చిలో జరిగే కార్యక్రమానికి సీఎం వెళ్లనున్నారు. అనంతరం పలు అభివృద్ధి కార్యక్రమాల్లో పాల్గొంటారు. సీఎం వెంట పలువురు మంత్రులు, పీసీసీ చీఫ్ మహేశ్ కుమార్ గౌడ్ ఉన్నారు.
Featured News
Sorry, no posts matched your criteria.